Aktualitet

Kryetari i Grupit Parlamentar të PS-së Taulant Balla solli sot rastin e Elisabeta Çarçiut, vajzës nga Gramshi, punonjëse në sallën operative të Drejtorisë së Policisë, Qarku Tiranë, ku marrin përgjigje 1 milion telefonata.

Balla vlerëson punën e Policisë së Shtetit dhe kontributin e vajzave në sallën operative ku u përgjigjen mbi 1 milion telefonatave.

“Salla operative u është përgjigjur mbi 1 milion telefonatave këto ditë dhe ankesave tek Komisariati Dixhital, si dhe ka koordinuar veprimet përmes kamerave të trupit sa herë ka patur një shqetësim nga qytetarët. Kanë qenë dhe vijojnë të jenë ditë të mbingarkuara me fluks nga qytetarët, ditët e përballjes me luftën për parandalimin dhe mos përhapjen e COVID-19”, tha ai.

Pu ashtu, Balla shton se “Policia e Shtetit është në vijën e parë të frontit në këtë luftë, së bashku me mjekët, infermierët, ushtarakët”. /atsh

Kryeministri, zëvendëskryeministri dhe ministrat, gjatë periudhës së gjendjes së epidemisë së shkaktuar nga COVID-19 deri në përfundim të saj, por jo më shumë se tre muaj, përfitojnë pagë mujore neto në masën 50% të pagës mujore neto aktuale.

Vendimi është publikuar në Fletoren Zyrtare të Republikës së Shqipërisë dhe hyn në fuqi menjëherë.

Po ashtu, sipas vendimit, edhe nëpunësit e institucioneve të administratës shtetërore, të cilët janë anëtarë të këshillave, të bordeve apo të komisioneve të institucioneve të administratës shtetërore, të institucioneve publike të arsimit të lartë, të njësive të fondeve speciale, të ndërmarrjeve shtetërore dhe të shoqërive tregtare me kapital mbi 50% shtetëror, për periudhën nga data 1 prill 2020 deri në përfundim të gjendjes së epidemisë së shkaktuar nga COVID-19, por jo më shumë se tre muaj, nuk e përfitojnë shpërblimin mujor përkatës.

Përjashtohen, nëpunësit e institucioneve të administratës shtetërore të cilët janë anëtarë të këshillave, bordeve apo komisioneve të sistemit të Ministrisë së Shëndetësisë dhe Mbrojtjes Sociale.

Institucionet përkatëse duhet të derdhin shumat e papaguara në buxhetin e shtetit, në fondin anti COVID-19, të miratuar për vitin 2020./atsh

Ministrja e Financave dhe Ekonomisë, Anila Denaj, tha se “pagesat e punonjësve në kushtet e situatës së jashtëzakonshme, do të bëhen menjëherë këtë muaj. Jemi duke procesuar aplikimet, kemi 5 700 biznese me 9 mijë punonjës vetëm sot dhe me të mbarur procesi dhe me të verifikuar numrin e llogarisë bëhet kalimi i pagesave në llogaritë bankar”.

“Hapja e llogarisë nuk është e vështirë nga individët të cilët e zgjedhin vetë bankën që duan. Tërheqja mund të bëhet me sportel ose me kartë”, tha Denaj.

Sipas saj, nëse kemi përcaktuar 10 ditëshin e parë të prill si periudhë që do të procesojmë ne themi që deri në datën 15 prill të gjitha pagesat janë të mundshme.

“Ne flasim për një pagë mujore dhe në muajin prill do të procesohet një pagë mujore për muajin prill, efektiviteti i këtij vendimi është nga data 1 prill dhe në konteksin e këtej efektiviteti flasim për muajin prill. Në maj do të merret paga e majit dhe në qershor paga e qershorit” -tha Denaj.

Sipas saj, “një nga masat që ka marrë qeveria në kushtet e situatës së fatkeqësisë natyrore është ndihma e papunësisë, e cila është një pagë sa gjysma e pagës minimale, e cila sigurisht si fond është dyfishuar dhe konkretisht është në shumën 26 mijë lekë”.

Gjatë një interviste televizive, Denaj u shpreh se, vlera e pagës minimale është menduar sa një pagë bazë për të pasur një trajtshmëri mbështetje.

“Unë e kuptoj që për një person që ka pasur një buxhet të caktuar për një muaj, kuptohet që ky është një ngushtim, por është një shumë që në kushte të tjera nuk do të mundësohej”- tha Denaj.

Pikërisht, vijoi ajo, për t’i ardhur në ndihmë këtyre familjeve dhe atyre familjarëve të cilët ishin me pagë 0 të deklaruar, e marrin pagën 26 mijë lekë.

“E thënë ndryshe në një familje kryefamiljari që ka qënë i deklaruar me një pagë ndoshta 26 mijë, (ose kryefamiljarë të tjerë deklarojnë në vlerën 50 mijë), nëse flasim për një pagë të tillë 26 mijë lekë, bashkëfamiljari i tij me deklarimin 0 do të marri edhe ai 26 mijë lekë të dyja bashkë bëjnë një fond që është i rëndësishëm, për atë familje në këto kushte”- shpjegoi Denaj.

Denaj tha se, masat vijnë në një kontekst ndihme më shumë se ndihma ekonomike. Ka familje që marrin ndihmë ekonomike që është sa gjysma e pagës minimale por paketa e masave mbështetëse synon të jetë sa më gjithëpërfshirëse.

“Në varësi të kohëzgjatjes së situatës së vështirë qeveria do të mendojë dhe skenarë të tjerë mbështetjeje, por në këtë fazë kjo është masa e parë”, përfundoi Denaj./atsh

“Ka miliona mbijetues, bëji një milion e një”, citoi sot kryeministri Edi Rama aktorin Tom Hanks, duke zgjedhur të tjera fjalë të çmuara për të përcjellë mesazhin e tij.

Ishin këto fjalë të aktorit të njohur Tom Hanks që Kryeministri Rama përcolli mëngjesin e sotëm përmes rubrikës “Fjalë të Çmuara”.

Aktori fitues i çmimit Oscar Tom Hanks dhe gruaja e tij, aktorja dhe këngëtarja Rita Wilson, u prekën gjithashtu nga koronavirusi, ndërsa tashmë janë shëruar.

Ndërkohë që në Shqipëri vijojnë të zbatohen masat kundër përhapjes së COVID-19, duke kufizuar më tej lëvizjen e qytetarëve, autoritetet shtetërore vazhdojnë t’i bëjnë thirrje qytetarëve të qëndrojnë në shtëpi dhe të zbatojnë të gjitha rregullat e distancimit social./atsh