Aktualitet

Paga e luftës/ Rama: Ndihma financiare i është miratuar 12.640 bizneseve dhe 20.636 punonjësve, vijojnë verifikimet

Aktualitet / /

Kryeministri Edi Rama publikoi sot të dhënat e përditësuara për punonjësit e bizneseve të vogla që janë mbyllur nga lufta

Në videon e Drejtorisë së Përgjithshme të Tatimeve të publikuar nga Rama thuhet se, kanë aplikuar 49.232 biznese dhe 86.656 punonjës.

Deri tani janë verifikuar 21.392 aplikime për biznese dhe 35.789 për punonjës.

Ndihma financiare i është miratuar 12.640 bizneseve dhe 20.636 punonjësve.

Deri tani janë verifikuar 42% e kërkesave të punonjësve ose 35.789 kërkesa, mbeten për t’u verifikuar edhe 58%, ose 49.867 kërkesa.

Sa i përket punonjësve të paguar janë paguar 17.231 ose 83% teksa në proces verifikimi janë 3.405 ose 17%.

“Përditësim i pagesave për punonjësit e bizneseve të vogla që janë mbyllur nga lufta. Vazhdojnë përditë verifikimet e aplikimeve dhe lëvrimi i pagave të luftës. Biznese të tjera të vogla të regjistruara si taksi, servise makinash, lavazhe, rrobaqepësi , bojaxhi, hidraulik, elektriçist, fizioterapi, etj., do të përfshihen në paketën e zgjeruar”, thekson Kryeministri Rama.

Rama nënvizon se, “paketa e zgjeruar do të adresojë me një bonus lufte edhe hallin e individëve qiradhënës që nuk kanë të ardhura të tjera veç qerasë apo të individëve që u është pamundësuar puna në kompani e ndërmarrje me xhiro mbi 140.000 lek në vit. Për përcaktimin e masës së kësaj mbështetjeje me Bonusin e Luftës, do të vendoset duke ndjekur dinamikën e luftës në 3/4 ditët në vijim”./atsh

Paga e luftës/ Rama: Ndihma financiare i është miratuar 12.640 bizneseve dhe 20.636 punonjësve, vijojnë verifikimet Read More »

Lajm i mirë: Edhe 11 të shëruar sot

Aktualitet, Lajmi i fundit / /

Kryeministri Edi Rama ka bërë të ditur se edhe 11 pacientë të tjerë janë shëruar nga koronavirusi COVID-19.

“Lajm i mirë: 11 të shëruar sot”, deklaroi Kryeministri në orët e para të kësaj të enjteje.

Me 11 të shëruarit e sotëm ka shkuar në 165 totali i personave të shëruar nga COVID-19 në vendin tonë.

Ndërkohë nga specialistët e shëndetit publik vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuar pozitivë./atsh

Lajm i mirë: Edhe 11 të shëruar sot Read More »

Fjalë të shenjta/ Kush shpëton një jetë njerëzore, është njësoj si të ketë shpëtuar të gjithë njerëzimin

Aktualitet / /

Kryeministri Edi Rama ka zgjedhur falë nga libri i Shenjtë i Kuranit për të përcjellë mesazhin e tij në këto ditë vendimtare të luftës ndaj pandemisë së koronavirusit COVID-19.

“Kush shpëton një jetë njerëzore, është njësoj si të ketë shpëtuar të gjithë njerëzimin”, janë fjalët e zgjedhura nga Rama për rubrikën “Fjalë të Shenjta”.

Kryeministri zgjodhi këto fjalë të shenjta nga Kur-an-i (5:32) për t’u përcjellë mesazhin e tij qytetarëve, për vetëndërgjegjësim ndaj situatës, si dhe përgjegjësinë që ka gjithësecili në këto kohë për të dhënë kontributin si qytetar për të shpëtuar veten, familjen e shoqërinë, ndërkohë që autoritetet shtetërore vazhdojnë marrjen e masave shtrënguese për frenimin e përhapjes së COVID-19.

Gjatë ditës së djeshme Rama paralajmëroi nisjen e procesit të rihapjes, duke theksuar se ky është një proces gradual, ku duhet të garantohet respektimi i masave dhe rregullave për mospërhapjen e COVID-19 dhe për këtë nevojiten ndryshime në Kodin Penal dhe Rrugor./atsh

Fjalë të shenjta/ Kush shpëton një jetë njerëzore, është njësoj si të ketë shpëtuar të gjithë njerëzimin Read More »

Nënë Rukija 84-vjeçare lë Spitalin Infektiv për t’u kthyer në shtëpi

Aktualitet, Lajmi i fundit, Shendetesi / /

Nënë Rukija, plot 84 vjeç, ka lënë spitalin Infektiv e shëruar nga COVID-19. Lajmin e ka bërë të ditur ministrja e Shëndetësisë dhe Mbrojtjes Sociale, Ogerta Manastirliu.

Sipas saj, 8 pacientë janë kthyer në shtëpi në 24 orët e fundit të shëruar nga infeksioni.

Kjo shifër e rrit numrin e të shëruarve nga COVID-18 deri tani në 154 qytetarë dhe staf mjekësor që kanë mundur koronavirusin.

Shifrat e sotme të Ministrisë së Shëndetësisë dhe Mbrojtjes Sociale tregojnë se në 24 orët e fundit janë testuar 236 persona të dyshuar, prej të cilëve janë konfirmuar 17 raste të reja me COVID-19.

Në një komunikim me mediet paraditen e sotme, drejtoresha e Institutit të Shëndetit Publik, Albana Fico, tha se “në këto momente janë testuar 2989 raste të dyshuara dhe prej tyre janë të konfirmuar pozitivë me COVID-19, 400 raste”./atsh

Nënë Rukija 84-vjeçare lë Spitalin Infektiv për t’u kthyer në shtëpi Read More »

Ambasadori Zingraf: Ruajtja e distancës shpëton jetë!

Aktualitet, Shendetesi / /

Ambasadori gjerman në Shqipëri, Peter Zingraf, shprehet lidhur me situatën aktuale që ka krijuar COVID-19, se “Ruajtja e distancës shpëton jetë!”

“Në luftën kundër koronavirusit në Gjermani, njësoj si në Shqipëri e kudo gjetkë, vlen e njëjta gjë: “physical distancing” shpëton jetë. Nuk na lejohet ta harrojmë këtë dhe duhet ta vazhdojmë të ruajmë distancën e të qëndrojmë në shtëpi!” – shprehet Zingraf.

Ne si Ambasadë, thekson ai, po japim kontributin tonë: nuk ka më vizitorë në Ambasadë, për kontaktet tona kujdesemi përmes lidhjeve telefonike dhe digjitale. Natyrisht na vjen keq që nuk mund të shkojmë në park apo breg të detit, por po kaq gëzohemi, që do të mund t’i rikuperojmë të gjitha këto pas krizës.

“Së bashku me Bashkimin Europian ne japim mbështetjen tonë për Shqipërinë në luftën kundër Koronas. Rruga e Shqipërisë çon drejt Europës, Gjermania qëndron në krah të shqiptarëve në sfidat e mëdha të të ardhmes së afërt: kapërcimi i pasojave të virusit Korona, rindërtimi pas tërmetit dhe vijimi i rrugës së reformave me sytë nga bisedimet, që na presin për anëtarësimin në BE”, shprehet ambasadori gjerman në Shqipëri, Peter Zingraf. /atsh

Ambasadori Zingraf: Ruajtja e distancës shpëton jetë! Read More »

Pipero: Rënia drastike e numrit të personave të infektuar, lajm optimist

Aktualitet, Opinione, Shendetesi / /

Mjeku i njohur pranë Shërbimit Infektiv në Qendrën Spitalore Universitare “Nënë Tereza”, Pëllumb Pipero e cilësoi sot lajm optimist rënien drastike të numrave të personave të infektuar me COVID-19 në vendin tonë, por sipas tij është ende herët që të nisë festa.

Në një intervistë televizive Pipero u shpreh se “e kemi pritur si lajm optimist, por është shpejt për t’u gëzuar. Unë kam menduar se kjo javë do të ketë ulje të numrave, por jo shumë të madhe. Do jetë si të thuash si një sheshpushim. Kjo është një ecuri logjike e kurbave e epidemive në përgjithësi. Natyrisht, numrat do të kenë luhatje, një ditë më poshtë dhe një ditë më lart, por do të jetë gjithnjë poshtë asaj që ne e kemi quajtur pikun e numrave. Unë besoj që pikun kurba tek ne e ka arritur javën e kaluar. Gjithsesi është një lajm i mirë, sepse ishin rreth 180 mostra dhe kanë qenë vetëm 6 pozitive. Pra, do të thotë së është zgjeruar numri i kontakteve dhe përqindja e pozitivitetit ka rënë. Kjo është logjika e kësaj shifre”.

Lidhur me gjendjen e të shtruarve Pipero tha se “gjendja e të shtruarve është stabël. Natyrisht kemi raste në shërim e sipër dhe besoj se edhe sot do të ketë pacientë të tjerë që do të lënë spitalin. Kur them të shëruar, themi në një farë mënyrë të çliruar nga simptoma dhe nga sëmundja, por edhe nga kovidi, pasi personat janë negativë në fund të procesit, por ata duhet që të jenë edhe 2 javë në shtëpi dhe të kujdesen për veten. Ndërkohë, kemi pacientë të tjerë që vazhdojnë të luftojnë me sëmundjen duke u paraqitur nga forma nga mesatare, të lehta, të rëndë apo dy apo tri raste mjaft të rënda”.

Sipas tij, në vazhdim do të këtë raste të reja, por shtoi se ato do të jenë në një segment më të kufizuar në krahasim me javën e kaluar, kur numri i të prekurve kaloi mbi 20 persona”.

Pipero tha se Shqipëria ka kaluar gjysmën e parë të kësaj pandemie.

“Besoj se kemi kaluar gjysmën e parë të kësaj kurbe të epidemisë, që ishte më e vështirë, gjysma tjetër do të jetë më e gjatë, por do të ketë më pak numra. Çka do të thotë jo të festojmë dhe të gëzojmë, sepse është herët, por duhet të respektojmë rregullat e qeverisë dhe këshillat tona”, – tha Pipero.

Ai u shpreh se “duhet të përgatitemi, sidomos pensionistët dhe të sëmurët kronikë, që të qëndrojnë më gjatë në shtëpi dhe të gjithë të tjerët duhet të respektojnë rregullat”./atsh

Pipero: Rënia drastike e numrit të personave të infektuar, lajm optimist Read More »

Shkon në 27 numri i personelit shëndetësor të shëruar nga COVID-19

Aktualitet, Shendetesi / /

Një mjeke dhe 4 infermierë të prekur nga COVID-19, janë shëruar pas testit konfirmues.

Lajmi u bë i ditur nga ministrja e Shëndetësisë dhe Mbrojtjes Sociale, Ogerta Manastirliu, e cila thekson se në total deri tani janë shëruar 27 personel shëndetësor.

“Lajm i mirë. Edhe 5 të shëruar mes personelit shëndetësor gjatë 24 orëve të fundit. Një mjeke dhe 4 infermierë janë shëruar pas testit konfirmues nga laboratori i Virologjisë në Institutin e Shëndetit Publik”, thekson Manastirliu.

Ministrja shprehet se “shkon në 27 numri i mjekëve dhe infermierëve të shëruar nga COVID-19. Deri tani 154 qytetarë dhe staf mjekësor e kanë mundur COVID-19”./atsh

Shkon në 27 numri i personelit shëndetësor të shëruar nga COVID-19 Read More »

Kartat e Identitetit jashtë afatit, të vlefshme për shërbime bankare

Aktualitet, Problematika / /

Kryeministri Edi Rama sqaroi sot qytetarët se “ID konsiderohen të gjitha të vlefshme, mjafton të printoni nga kompjuteri juaj apo në kompjuterin e bankës një certifikatë të freskët nga www.e-albania.al/“.

“U lutem të gjithë atyre që ankohen, pyesin, komentojnë për kartat ID që janë jashtë afatit kur duan të shkojnë në bankë, të mos përtojnë të lexojnë këtë shkresë se tek e tek të gjithëve nuk u shpjegoj dot të njëjtën gjë”, tha Rama.

Kryeministri ndau letrën e Ministrisë së Brendshme drejtuar drejtorëve të bankave të nivelit të dytë, mbi përdorimin e kartave të identitetit gjatë periudhës së emergjencës COVID-19./atsh

Kartat e Identitetit jashtë afatit, të vlefshme për shërbime bankare Read More »