Aktualitet

Beqaj: Shqipëria, me numrin më të ulët të fataliteteve për 1 milion banorë

Aktualitet / /

Ish-ministri i Shëndetësisë, Ilir Beqja thotë se është ende herët për të përcaktuar nëse Shqipëria e ka kaluar apo jo pikun e COVID-19 ndërsa paralajmëron se pandemia mund të largohet pas një viti.

Në një intervistë për një nga mediet e vendit, Beqaj u shpreh se në kushtet kur nuk ka vaksinë, duke ngadalësuar përhapjen e virusit, rritet imuniteti.

“Fundi do të vijë pas një vit. Që epidemia të kaloi në kushtet kur nuk ka vaksinë, kur sistemi ynë imun është në përpjekjet për t’u adoptuar, duhet kohë. Ky është një virus i ri, vetëm në vjeshtë ka kaluar nga kafshët tek njerëzit. duke ngadalësuar përhapjen e virusit, rrisim dhe imunitetin”, tha Beqaj.

Më tej, ai u shpreh se ‘ duhet të vazhdojnë programet e kufizimit të lëvizshmërisë dhe të shtrihet kujdesi për personat pozitivë në mënyrë që t’i gjurmojmë dhe identifikojmë shpejt’.

Sipas ish-ministrit fakti se nuk kemi pasur shumë të infektuar lidhet me masat e marra sa më shpejt.

Tregues që Shqipëria deri tani e ka përballuar mirë epideminë është fakti nuk kemi ende asnjë rast fataliteti tek mjekët si dhe qendrat shëndetësore nuk janë kthyer në përhapje të virusit.

Beqaj tha më tej se, sa i takon numrit të të vdekurve, Shqipëria hyn tek numri më i ulët i fataliteteve për 1 milion banorë./atsh

Beqaj: Shqipëria, me numrin më të ulët të fataliteteve për 1 milion banorë Read More »

Lajm i mirë: Edhe 17 të shëruar, 182 në total

Aktualitet, Lajmi i fundit, Shendetesi / /

Në 24 orët e fundit, 17 pacientë të tjerë i janë shtuar listës së të shëruarve duke e çuar numrin e të shëruarve nga COVID-19 në 182.

Përfaqësuesja e Institutit të Shëndetit Publik, Marjeta Dervishi, tha në komunikimin për mediet “lajmi i mirë është që gjatë 24 orëve të fundit, 17 pacientë të tjerë i janë shtuar listës së të shëruarve duke e çuar numrin e të shëruarve nga COVID-19 në 182”.

Sipas saj, betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor.

Dervishi tha se “vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive”.

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social./atsh

Lajm i mirë: Edhe 17 të shëruar, 182 në total Read More »

56 të shtruar në 2 spitale, 6 në terapi intensive 5 të intubuar

Aktualitet, Shendetesi / /

Në spitalin Infektiv dhe atë “Shefqet Ndroqi” në Tiranë aktualisht po marrin shërbim 56 pacientë.

Dr. Marjeta Dervishi përfaqësuese e Institutit të Shëndetit Publik theksoi sot se “në shërbimin infektiv aktualisht janë 50 të shtruar. 6 prej tyre janë në terapi intensive dhe 1 pacient është i intubuar”.

“Në spitalin COVID 2 “Shefqet Ndroqi”, janë 6 pacientë të shtruar gjithsej, ndërsa 4 pacientë janë të intubuar”, – tha Dervishi.

Në 24 orët e fundit janë testuar 162 persona të dyshuar, prej të cilëve janë konfirmuar 7 raste të reja me COVID-19. Deri në këto momente janë testuar 3 385 raste të dyshuara dhe prej tyre janë të konfirmuar pozitivë me COVID-19, 416 raste./atsh

56 të shtruar në 2 spitale, 6 në terapi intensive 5 të intubuar Read More »

“Të hënën publikojmë planin”/ Hapje shumë graduale e rrugës së riatdhesimit me kushtin detyrues të karantinimit 14-ditor

Aktualitet, Lajmi i fundit / /

Kryeministri Edi Rama informoi sot se “të hënën do të publikohet plani i një hapjeje shumë graduale të rrugës së riatdhesimit, me kushtet përkatëse detyruese të karantinimit 14-ditor, nën rregulla të forta sigurie”.

“Duke ju kërkuar 1000 herë ndjesë të gjithë atyre që janë rezidentë në Shqipëri dhe për arsyen madhore të mbrojtjes së popullit e të vendit tonë nga agresioni i armikut të padukshëm, kanë mbetur jashtë kufijve të mbyllur, si edhe duke u nisur nga mbajtja nën kontroll e kurbës së infeksionit deri tani, jemi gati të publikojmë të hënën planin e një hapjeje shumë graduale të rrugës së riatdhesimit, me kushtet përkatëse detyruese të karantinimit 14-ditor, nën rregulla të forta sigurie”, deklaroi Rama.

Ai tha se “duke i mirëkuptuar të gjitha ankesat e madje edhe sharjet e fyerjet, për mbylljen e plotë të kufijve dhe me bindjen se edhe ata, që nuk përmbahen fare në mallkimet që lëshojnë, e kuptojnë se masa ekstreme e ndalimit për t’u kthyer në këtë fazë, diktohet nga interesi jetik i mbrojtjes së shëndetit të popullit shqiptar, u lutem të gjithëve të bëjnë edhe pak durim”.

Kryeministri theksoi se “luftërat nuk vijnë për të sjellë as gëzime, as qetësi, as ekonomi, po sjellin plagë, dhimbje, stërmundim dhe nëse sot nuk kemi qindra të vdekur, mijëra të plagosur nëpër spitale e një re të zezë mbi kokat tona, si shumë vende më të mëdha e më të zhvilluara se Shqipëria, kjo nuk ka ardhur nga qielli, po falë pikërisht masave të forta që kemi marrë dhe sakrificës së përditshme të secilit prej nesh.

“Ne nuk mund ta humbim këtë luftë, e nuk do ta humbim këtë luftë, sepse ne nuk jemi pasardhësit e heronjve, dëshmorëve e luftëtarëve shqiptarë në shekuj, vetëm kur kemi festa e kur këndojmë këngë për ta, po edhe kur duhet të bëjmë detyrën tonë ndaj atdheut, popullit, njëri-tjetrit, sot më shumë se kurrë, si një atdhe, një familje”, tha Rama./atsh

“Të hënën publikojmë planin”/ Hapje shumë graduale e rrugës së riatdhesimit me kushtin detyrues të karantinimit 14-ditor Read More »

Ambasadorja Kim mesazh kryebashkiakëve: Të vazhdojmë me bashkim dhe disiplinë për të mposhtur COVID-19

Aktualitet, Opinione, Politike / /

“Le të vazhdojmë me bashkim dhe disiplinë për të mposhtur COVID-19”, deklaroi sot ambasadorja e Shteteve të Bashkuara të Amerikës në Shqipëri, Yuri Kim.

Ambasadorja Kim zhvilloi sot një takim virtual me kryetarët e bashkive të Tiranës, Korçës dhe Fierit dhe prefektin e Durrësit.

Ambasadorja Kim i falënderoi ata që i mbajnë qytetarët të sigurt dhe të shëndetshëm duke zbatuar rigorozisht masat e distancimit social.

“Shpresoj të takohemi nga afër së shpejti, por për momentin, pata kënaqësinë të takoja virtualisht kryetarët e bashkive të Tiranës, Korçës dhe Fierit dhe prefektin e Durrësit. Faleminderit që i mbani qytetarët të sigurt dhe të shëndetshëm duke zbatuar rigorozisht masat e distancimit social. Le të vazhdojmë me bashkim dhe disiplinë për të mposhtur COVID-19”, u shpreh ambasadorja Yuri Kim./atsh

Ambasadorja Kim mesazh kryebashkiakëve: Të vazhdojmë me bashkim dhe disiplinë për të mposhtur COVID-19 Read More »

Anëtarët e KQZ-së japin një pjesë të pagës së tyre për përballimin e COVID-19

Aktualitet, Lajmi i fundit, Politike / /

Anëtarët e KQZ-së, do të japin një pjesë të pagës së tyre, si kontribut për lehtësimin e përballimit të nevojave për parandalimin e përhapjes së COVID-19.

Komisioni Qendror i Zgjedhjeve ka njoftuar sot se i përgjigjet pozitivisht thirrjes së Kryetarit të Kuvendit, Gramoz Ruçi, për kontributin financiar për lehtësimin e përballimin e situatës së pandemisë COVID-19.

Anëtarët e KQZ-së, kanë vendosur të japin një pjesë të pagës së tyre, si kontribut për lehtësimin e përballimit të nevojave për parandalimin e përhapjes se këtij virusi të rrezikshëm, thekson KQZ në njoftim.

Ditën e djeshme drejtuesit e institucioneve të pavarura njoftuan se kanë pranuar përgjysmimin e pages së tyre për tre muaj, duke iu përgjigjur thirrjes së kryetarit të Kuvendit, Gramoz Ruçi.

Ruçi, iu drejtua me një thirrje drejtuesve institucioneve të pavarura kushtetuese dhe atyre të krijuara me ligj, për përgjysmimin e pagës së tyre për një periudhë tremujore, në shenjë solidariteti për përballimin e pasojave të pandemisë COVID-19./atsh

Anëtarët e KQZ-së japin një pjesë të pagës së tyre për përballimin e COVID-19 Read More »

Seanca e radhës së Kuvendit mbahet të enjten më 16 prill

Aktualitet, Lajmi i fundit, Politike / /

Konferenca e Kryetarëve miratoi sot ndryshimet në Rregulloren e Kuvendit, programin e punës dhe kalendarin e punimeve të Kuvendit për periudhën 30 mars – 17 prill 2020 dhe vendosi thirrjen e seancës plenare në 16 prill.

Nën drejtimin e Kryetarit të Kuvendit, Gramoz Ruçi, sot u zhvillua Konferenca e Kryetarëve. Konferenca u zhvillua online, me anë të mjetit të komunikimit elektronik (Cisco Webex).

Pasi i njohu anëtarët e Konferencës me rendin e ditës, Kryetari i Kuvendit, Gramoz Ruçi, informoi Konferencën e Kryetarëve se “Kuvendi i Shqipërisë ka vazhduar të funksionojë dhe në kushtet e gjendjes së jashtëzakonshme. Dy javët e fundit komisionet e përhershme parlamentare janë mbledhur rregullisht online dhe kanë shqyrtuar e projektaktet e depozituara, të cilat janë përcjellë për shqyrtim në seancën plenare. Kjo situatë ka sjellë si domosdoshmëri edhe ndryshimin e Rregullores së Kuvendit, për të parashikuar dispozitat e nevojshme të funksionimit të Kuvendit në kushtet e gjendjes së jashtëzakonshme dhe kur nuk është e mundur zhvillimi i mbledhjes me prezencën fizike të deputetëve.

Përvojat e parlamenteve të vendeve të BE-së, të përshtatura për kushtet e pandemisë, parashikojnë mbledhjen e seancave plenare me numër të kufizuar deputetësh, pa cenuar të drejtën e secilit deputet për të votuar. Prandaj edhe ndryshimet e propozuara, reduktimi i kuorumit e pjesëmarrjes dhe zhvillimi i mbledhjeve online, nuk cenojnë të drejtën e deputetëve të Kuvendit për te votuar. Ndërkohë, këto forma mbledhjesh nuk duhet të cenojnë etikën parlamentare, kërkesat dhe standardet për të cilën mbeten po aq rigoroze sa në kushtet e zakonshme.”

Konferenca miratoi me konsensus plotësimet në Rregulloren e Kuvendit, për rregullimin e funksionimit te veprimtarisë parlamentare në kushtet e gjendjes së jashtëzakonshme dhe të pandemisë.

Konferenca shqyrtoi dhe miratoi kalendarin e punimeve të Kuvendit për periudhën 30 mars – 17 prill 2020, të cilët parashikojnë zhvillimin e seancave plenare në datat 16, 23 dhe 30 prill.

Në këto seanca do të kenë prioritet shqyrtimi e miratimi i akteve normative me fuqinë e ligjit dhe i projektligjeve që kanë lidhje me pandeminë COVID-19.

Seancat do të zhvillohen me pjesëmarrjen dhe prezencën në sallë të të gjithë deputetëve, me numër dhe kohë të kufizuar diskutimesh, dhe për të zbatuar standardin e distancimit social, për uljen e deputetëve do të shfrytëzohen edhe mjediset e tjera të sallës së seancave plenare.

Seancat do të jenë të mbyllura për publikun dhe do të sigurojnë akses për RTSH, i cili do të transmetojë live dhe do t’u mundësojë sinjalin edhe medieve të tjera.

Konferenca miratoi edhe rendin e ditës të mbledhjes së seancës plenare të datës 16 prill./atsh

Seanca e radhës së Kuvendit mbahet të enjten më 16 prill Read More »

Gjithçka e mbyllur nga nesër në 13:00 deri të hënën në 05:00/ Rama: Nga e hëna, fasha orare zgjatet deri 17.30

Aktualitet / /

Kryeministri Edi Rama informoi se “nesër është dita e fundit me fashën orare deri në 13:00, ndërsa nga nesër në 13:00 deri të hënën në 05:00 gjithçka do të jetë e mbyllur dhe të gjithë në shtëpi.

Kryeministri tha se “nga e hëna, fasha orare do të zgjatet deri 17:30 dhe autorizimet për lejedalje për pazar do të jenë 90 minuta”.

“Pak nga pak dhe me durim, do të dalim me kokën lart nga kjo luftë”, shtoi Rama./atsh

Gjithçka e mbyllur nga nesër në 13:00 deri të hënën në 05:00/ Rama: Nga e hëna, fasha orare zgjatet deri 17.30 Read More »