Ish-Kryeministri Berisha e cilësoi dhunim të paimagjinueshëm të kushtetutës, ndryshimet e fundit në kodin penal, të dekretuara edhe nga presidenti. “Shoh një dhunim të paimagjinueshëm të kushtetuës.
Kushteta është prek në nënet më kryesore të saj. Ka një nen 17, i cili thotë: Këto kufizime nuk mund të cenojnë thelbin e lirive dhe të drejtave të njeriut dhe në asnjë rast nuk mund të tejkalojnë kufizimet e konventës europiane të të drejtave të njeriut.
Pasi i tejkaluan si deshën, pasi u denoncuan nga Këshilli i Europës, pastaj kërkuan tërheqjen nga Konventa Europiane.
Unë nuk jam kundër masave, por të siguroj unë ty që në kodin sanitar të Enver Hoxhës ky ligj ka qenë i njëjtë”, u shpreh Berisha.
I pyetur në studion e Opinion, lidhur me vendimim e presidentit për t’i firmosur këto ndryshime, Berisha tha:
“ Presidenti e ka firmos paketën, nuk jam dakord”. Ndërkohë lidhur me rolin e opozitës në këtë situatë, Berisha u shpreh: “Mendoj se detyra e opozitës është mbrojtja e të drejtave të njeriut. Në velrësimin tim duhet të jetë shumë më aktive, pasi ka një abuzim të paimagjinueshëm të të drejtave të njeriut. Shqiptarët duhet të përgatiten për protesta të fuqishme në mbrojtje të të drejtave dhe lirive të tyre. Ska asgjë më të shenjtë dhe më themelore për një opoiztë se mbrojtja e lirve të qytetarëve që sot po dhunohen barbarisht nga një skizoid që ska as ligj, as moral”.
Ai është një nga mjekët që ndodhen në vijën e parë të luftës përballë COVID-19.
Ka qenë ministrja e Shëndetësisë, Ogerta Manastirliu që përmes një mesazhi në ‘Facebook’ ka shprehur mirënjohje për punën dhe kontributin e profesor Tritan Kalos.
MESAZHI I MANASTIRLIUT
Prof. Tritan Kalo ka kaluar shumë epidemi, por #COVID19 është e pazakontë edhe për të. Që nga dita e parë e epidemisë, prof. Kalo është çdo ditë mes pacientëve të prekur nga #COVID19, i palodhur në shërbim të tyre me përkushtim e profesionalizëm.
Doktori ka mirënjohjen e pacientëve të tij por edhe respektin e thellë nga të gjithë ne për forcën dhe energjinë me të cilën prof. Kalo dhe i gjithë stafi i infektivit po e përballon këtë situatë🙏🏼
#MëTëFortë #Bashkë🤝
Epidemiologët në qytetin e Vlorës vijojnë punën për gjurmimin e rasteve me shenja të dyshimta për koronavirus.
Njësia Vendore e Kujdesit Shëndetësor Vlorë bën të ditur se “Vlora për disa javë radhazi vijon të mos regjistrojë asnjë rast të ri me COVID -19.
Megjithatë stafi i Epidemiologjisë po bën mbikëqyrjen dhe gjurmimin e rasteve me shenja të dyshimta për koronavirus”.
Epidemiologët testojnë orar pa orar edhe në mesnatë, duke bërë të pamundurën për të kapur në kohë rastet dhe për të frenuar përhapjen e epidemisë së COVID-19.
Kryetari i grupit parlamentar të Partisë Socialiste, Taulant Balla tha sot se “gjatë këtyre 6 javëve në Shqipëri përveç luftës me armikun e padukshëm, ka edhe një betejë me panikun që tentuan të përhapin përfaqësues politikanë tipikë të së keqes”.
“Në fillim kundërshtonin përdorimin e mjeteve të komunikimit në apelin për të qëndruar në shtëpi e ruajtur higjienën. Konferenca për shtyp nga divani e postime pa fund pse Kryeministri u kërkon njerëzve qëndroni në shtëpi e pse u thotë lani duart. Më pas filloi histeria e testeve masive, e që u rrëzua nga OBSH”, tha Balla.
Ai theksoi se “vetëasgjesimi i çdo norme njerëzore brenda opozitës rrugore degradoi në akuza për “fshehjen” e vdekjeve dhe pasojave të epidemisë”.
“Një betejë e palogjikshme dhe pa asnjë argument, por vetëm si një alternativë kundër stabilizimit të kurbës”, tha Balla.
Tani mesa duket, vijoi ai, “vetë kasandrat e opozitës, kanë pranuar që dështuan në fazën e parë dhe kanë nisur një betejë të re, atë të përhapjes së panikut ekonomik dhe social me të cilin do të përballemi”.
“Eshtë një ish-deputete e Partisë Demokratike që është bërë e njohur në publik vetëm si “kasandër”. E ka nisur tek Unaza e Re, kur shpikte të vdekur nga ndërhyrja e policisë, ka vazhduar në Durrës me tërmetin dhe është shfaqur rregullisht gjatë epidemisë, si lajmëtare vdekjesh dhe vuajtesh të mëdha. Për turp mundohen të përdorin këtë flamë të paparë si koronavirusi, par të shpërndarë panik, nxitur ankth, kërkuar rrëmujë, apo demoralizuar mjekët dhe infermieret”, deklaroi Balla, duke iu referuar deklaratave të ish deputetes demokrate Orjola Pampuri./atsh
Naftëtarët e Ballshit do të përfitojnë nga një vendim që bëhet nesër aktiv për pagë luftë në masën 40 mijë lekë.
Lajmin e mirë e bëri sot të ditur ministri i Shtetit për Rindërtimin, Arben Ahmetaj. I ftuar në një studio televizive Ahmetaj tha se “ne kemi hartuar, me urdhër të Kryeministrit dhe pas një analize të gjatë një vendim që bëhet nesër aktiv për pagë luftë për kategorinë e naftëtarëve të Ballshit, në masën 40 mijë lekë”.
Ai tha se “brenda të njëjtit vendim është edhe kategoria e të gjitha familjeve që dikur kanë aplikuar për ndihmë ekonomike, por që nuk janë lejuar për shkak të pikëzimit, apo edhe ato familje që kanë hyrë në skemë dhe kanë dalë për shkak të pikëzimit”. Ahmetaj tha se “kësaj kategorie do t’i jepet një pagë dyfishi i ndihmës ekonomike, pra 160 mijë lekë të vjetra”.
Ahmetaj informoi gjtihashtu se brenda javës tjetër do të vendoset për shtyrjen e kredive edhe për 3 muaj të tjerë, pra në total për 6 muaj.
“Logjika është kjo, që nëse ty të shtyhet deri në maj pagesa e kredisë, por s’ke punuar nuk ke si ta paguash. Kryeministri kur ka lexuar kërkesat i ka kërkuar që javës tjetër të bëhet me Guvernatorin një shtyrje tjetër që t’u jepet kohë të paktën edhe 3 muaj të tjera, në mënyrë që të kenë 2-3 muaj punë dhe të paguajnë kredinë”, tha Ahmetaj.
Po ashtu, ministri sqaroi edhe përfituesit e pagës së luftës nga paketa e parë dhe nga paketa e zgjeruar.
Ai tha se “për biznesin e madh por edhe për biznesin e vogël sot ka marrëveshje me të gjitha bankat dhe vetëm sot në bankë janë bërë 72 aplikime me destinacion vetëm rrogat”.
Po ashtu, Ahmetaj informoi edhe për instrumentin e dytë në mbështetje të biznesit që ka të bëjë me mjetet, xhiron dhe asetet fiskale, shpenzime të ndryshme të sipërmarrjes, likuiditetin dhe investimet. “Janë 150 milionë dollarë ndarje risqesh me garancinë e shtetit. Do na duhen 5-7 ditë, e kemi futur në aktin normativ të buxhetit këtë instrument dhe besoj se për 7 ditë do të jemi gati”, tha Ahmetaj.
Ai tha se nga paketa e parë kanë përfituar page lufte deri tani 52 mijë qytetarët dhe 10 mijë të tjerë janë miratuar dhe pritet ta marrin këto ditë.
Ndërsa për paketën e zgjeruar, Ahmetaj tha se “ka filluar aplikimi”. Këtu sipas tij, përfitojnë të gjithë tregtarët që veprojnë brenda tregjeve, që përfshihen brenda numrit të 100 mijë bizneseve të vogla që përfitojnë nga paketa e zgjeruar.
Për disa qytetarë të cilët nuk kanë përfituar nga paketa e pare edhe pse u takonte, ministri Ahmetaj tha se së pari janë disa raste kur emërtimi i aktivitetit në QKB nuk përkonte me aktivitetin real”. “Përshembull janë bar kafe të regjistruara si subjekte tregtie ushqimore”, tha ai.
Ndërkohë, ai sqaroi se punonjësit e fasonerive nuk përfitojnë, pasi konsiderohen aktivitete të lejuara për të ushtruar aktivitet.atsh
Shërbimi Meteorologjik Ushtarak bën me dije se moti sot parashikohet i kthjellët me vranësira në mesditë përgjatë maleve.
Në orët e para të mëngjesit do të ketë prani e mjegullinës përgjatë luginave të lumenjve.
Era do të fryjë me drejtim veriperëndim-jugperëndim e lehtë e përgjatë bregdetit jugor deri mesatare.
Valëzimi në dete parashikohet i forcës 2-3 ballë.
Temperaturat parashikohen:
QYTETET Temperaturat në °C Sigla
Shkodër 8/22 diell
Kukës 3/17 re diell
Lezhë 8/23 diell
Dibër 2/16 re diell
Durrës 8/22 diell
Tiranë 8/23 re diell
Elbasan 7/23 re diell
Berat 8/23 re diell
Vlorë 8/23 diell
Korçë 2/15 re diell
Gjirokastër 5/21 re diell
Sarandë 8/22 diell/atsh
Pandemia e koronavirusit nuk ka kursyer askënd, qofshin të fortë fizikisht apo me probleme ekzistuese të shëndetit.
Një kontigjent mjaft i prekur janë dhe punonjësit e policisë. Materiali në vazhdim sjell historinë e Altin Çeloaliaj, një oficeri policie i cili më 13 prill u diagnostikua me koronavirus.
Ai është vetëm një prej shumë policëve të prekur nga pandemia në shtetin e Nju Jorkut dhe Nju Xhersit, disa prej të cilëve nuk arritën dot t’i mbijetojnë sëmundjes. Në intervistën dhënë koleges Menada Zaimi, 33 vjeçari shqiptaro-amerikan, rrëfen eksperiencën e tij me sëmundjen, që mund të vërë poshtë siç thotë, edhe më të shëndetshmin.
Krahas punonjësve të shëndetit publik që shërbejnë në vijën e parë të frontit kundër pandemisë, një tjetër grup në rrezik janë punonjësit e policisë.
Një prej tyre është oficeri Altin Çeloaliaj, i cili punon për agjencinë ligjzbatuese që mbulon Nju Jorkut dhe Nju Xhersit, dy shtete të goditura rëndë nga pandemia.
Objekt i punës së tij është anti-terrorizmi dhe zakonisht përfshin pak ndërveprim me publikun. Por në këtë kohë krize misioni i punonjësve të policisë ka qenë edhe më i gjerë, duke i ekspozuar ata jo rrallë herë me persona të prekur nga koronavirusi.
“Iu përgjigja një thirrje për ndihmë ndërsa isha në detyrë, ndihmova dikë. Më tha më fal, por unë jam me koronavirus. Besoj aty e kam marrë virusin, duke punuar. Fillimisht nuk e mendova shumë, pasi nuk iu afrova shumë. Thashë nuk do të jetë ndonjë gjë. Dy tre ditë më pas më filloi kolla dhe simptoma të tjera”, thotë oficeri i policisë Altin Çeloaliaj.
Kolla është një nga simptomat që shoqëron rëndom sëmundjen, e që duket se merr kohë për t’u larguar edhe pas shërimit. Intervista jonë me Altinin ndërpritet disa herë prej kollës…
Por ai thotë se ndihet shumë më mirë sesa dy javë më parë…
“Kisha shumë kollë, mezi flisja dhe kisha dhimbje në gjoks. Pastaj filloi temperatura ajo ishte më e keqja. Sidomos natën bëhej edhe më keq. Ishte e vështirë. Kur ngrihesha nga krevati të shkoja në banjë, më duheshin 20 minuta vetëm të mbushesha me frymë. Prej datës 2 deri në 13 isha keq, tani kam pak kollë, por jam shumë më mirë”, thotë ai.
Altini nuk është i vetmi në departamentin e tij që është prekur nga sëmundja.
“Ka disa të tjerë (kolegë) që janë në shtëpi si unë, që po marrin veten nga sëmundja”, thotë ai.
Kjo ka qenë një periudhë e vështirë në shumë aspekte për 33 vjeçarin. Ka kaluar më shumë se një muaj që ai jeton vetëm në shtëpi pa bashkëshorten shtatzënë e cila po jeton me prindërit e tij. Në një përpjekje për t’i ruajtur ata nga virusi, Altini i kaloi ditët më të vështira të sëmundjes i vetëm. Dhe nuk ishte e lehtë, qoftë edhe për një oficer policie.
“Më e vështirë se të kalosh virusin është ndarja nga familja. Nusja është shtatzënë me binjakë, është shtatë muajshe, ka nevojë të shkojë tek doktori dhe unë nuk jam aty ta ndihmoj, u bë një muaj. Edhe prindërit janë në merak. Kur isha sëmurë vinin çdo ditë dhe më linin ushqim tek dera, por unë nuk ngrihesha dot fare nga krevati për t’i marrë”, shton Altini.
Nisur nga eksperieca e tij oficeri i policisë së Nju Jorkut ka një mesazh për të ndarë.
“Mendova se do të ishte si gripi normal. Thashë do të infektohem e do ta kaloj, nuk është gjë e madhe, por ishte më keq nga sa mendova. Isha me fat që gruaja ime ishte tek prindërit e mi dhe nuk sëmura njeri tjetër. Por do të ishte keq nëse kjo do të kishte ndodhur, pasi është shtatzane me binjakë dhe prindërit e mi janë të moshuar. Babi ka disa probleme shëndetsore.
Ndaj nuk duhet të mendojmë vetëm për veten, por edhe për prindërit e të tjerët. Ne të rinjtë e kalojmë, por disa nuk e kanë kaluar, një polic 34 vjeç vdiq pak ditë më parë”, thotë Altin Çeloaliaj.
Altin Çeloaliaj u testua poziv me COVID-19 më 13 prill. Ai thotë se është shëruar ose të paktën kështu mendon pasi simptomat po i fashiten. Por do të donte që gjithë kësaj historie t’i shtonte dhe një konfirmim zyrtar. Për shkak të volumit të madh të kërkesa ai thotë se nuk ka mundur të ritestohet.
“Tashmë ka kaluar më shumë se dy javë që kur u shfaqën simptomat. Më thanë (mjekët) që nuk përbën më rrezik për ta transmetuar virusin, por më kërkuan të rri edhe një javë tjetër në shtëpi që kjo gjë të jetë e sigurt.
Do të doja ta bëja sërisht testin të dilja negativ dhe të hiqja mendjen, sepse tani jam i izoluar nuk vete në asnjë vend, por më thanë që nuk ma bëjnë dot. Marrja e përgjigjes që isha pozitiv me COVID-19 më mori afërsisht nga 9-10 ditë, nëse e bëj tani sërisht testin, do të më kërkojë po aq, unë në datë 27 duhet të kthehem në punë”, thotë oficeri i policisë.
Sipas të dhënave më të fundit të Departamentit të Policisë së Nju Jorkut rreth 20 për qind e punonjësve janë prekur nga COVID-19./VOA
