Aktualitet

Shqipëria mbetet destinacion në kalendarin e operatorëve të njohur ndërkombëtarë pavarësisht pandemisë

Aktualitet, Turizem / /

Shqipëria është sot një ndër destinacionet që po qëndron në kalendarin e tur-operatorëve të njohur ndërkombëtarë që operojnë në vendin tonë dhe kjo falë masave të shpejta të ndërmarra nga qeveria, të cilat siguruan një numër të ulët të qytetarëve të prekur nga infeksioni COVID-19.

Kryetari i Unionit Turistik Shqiptar, Rrahman Kasa në një intervistë për ATSH-në foli mbi sfidat që paraqiten sot përballë sektorit të turizmit në situatën e krijuar prej COVID-19.

Ai deklaroi se disa operatorë kanë mbajtur pjesën më të madhe të klientëve, duke iu ofruar disa lehtësi dhe siguri për pagesën e bërë.

Kreu i UOTSH, shprehet se rezervimet individuale në 90% të tyre janë anuluar, por janë arritur të mbahen pjesa më e madhe e rezervimeve të bëra nëpërmjet operatorëve ose agjencive të udhëtimit, çka është një lajm i mirë dhe jep shpresë se ky sektor mund të rimëkëmbet.

“Siç mund të jeni në dijeni ka dy lloje rezervimesh, që janë individuale ose nëpërmjet operatorëve turistikë. Rezervimet individuale janë 90 % të anuluara, ndërsa për rezervimet e bëra nëpërmjet operatorëve ose agjencive të udhëtimit ka politika të ndryshme nga kompani të ndryshme, që do të thotë se disa operatorë kanë mbajtur pjesën më të madhe të klientëve duke iu ofruar disa lehtësi dhe siguri për pagesën e bërë“, deklaroi Kasa.

Sipas tij, falë masave të shpejta që u ndërmorën dhe rezultateve të arritura, vendi ynë është sërish destinacion, duke ofruar siguri te turistët dhe operatorët që operojnë në këtë sektor.

“Shqipëria, ashtu si dhe vendet e tjera të rajonit, ka marrë të gjitha masat dhe ka miratuar protokolle strikte për sigurinë e turistëve dhe aktualisht është ndër destinacionet që po qëndron në kalendarin e tour-operatorëve të njohur ndërkombëtare që operojnë në vendin tonë“, theksoi Kasa.

Kreu i UOTSH, Kasa bën të ditur se interes më të lartë për të pushuar në vendin tonë paraqesin Vendet Nordike, Polonia, Republika Çeke, Ukraina, Gjermania, Vendet Baltike dhe Zvicra.

Më tej, Kasa thekson se qeveria është konsultuar me oeratorët turistikë sa i përket protokollit që do të zbatohet këtë sezon veror në plazhet tona.

“Draftprotokolli është konsultuar që në fillim me Unionin Turistik Shqiptar”, deklaron Kasa.

I pyetur se a do mund të jenë gati strukturat tona hoteliere për të pritur pushuesit në kushtet e reja në të cilat do të zhvilohet sezoni turistik këtë vit, Kasa thotë se “atualisht 80% e strukturave akomoduese janë gati për të pritur turistët, sipas kritereve të kërkuara nga partnerët, duke respektuar dhe protokollet e vendosura”.

Instituti i Statistikave raportoi në fillim të këtij viti se mbi 6.4 milionë shtetas të huaj vizituan Shqipërinë dhe pjesa më e madhe me qëllim turizmin./atsh

Shqipëria mbetet destinacion në kalendarin e operatorëve të njohur ndërkombëtarë pavarësisht pandemisë Read More »

12 maji, Dita Ndërkombëtare e Infermierëve

Aktualitet, Lajmi i fundit, Shendetesi / /

Në të gjithë botën ata janë duke u përballur me mbingarkesë të punës dhe një situatë aspak të zakontë.

Dhe sot është dita e tyre: 12 maji është Dita Ndërkombëtare e Infermierëve, e cila përkujton ditëlindjen e Florence Nightingale, “infermierja e parë profesioniste”.

Nightingale u bë e njohur gjatë Luftës së Krimesë, teksa trajtonte ushtarët që vdisnin më shumë nga infeksionet sesa nga plagët e fushës së betejës. Ajo u bë e njohur si “Zonja me Llambë”, pasi punonte gjatë gjithë natës.

Një muze në Londër paraqiti uniformën e saj të shekullit të 19-të si dhe artefakte të tjera. Nightingale përdori përvojën në Krime për të përmirësuar kushtet shëndetësore në Britani.

“Parimet mbeten të njëjta si ato të 200 viteve më parë, të cilat janë që duhet të lani duart dhe duhet të siguroheni që mjedisi ku punoni te jetë i pastër dhe i rregullt, dhe ajo çka është me rëndësi është hapësira midis pacientëve dhe nevoja për ajrosje brenda zonave klinike”, thotë Eileen Sills, kryeinfermiere te spitali “Guys and St Thomas’ NHS Foundation Trust”.
Emri i Nightingale është shënuar në shumë spitale përfshirë, dhe në spitalet e urgjencës të ndërtuara në MB për të përballuar krizën COVID-19./atsh

12 maji, Dita Ndërkombëtare e Infermierëve Read More »

120 mjekë e infermierë ushtarakë, në vijën e parë të luftës kundër COVID-19

Aktualitet, Lajmi i fundit, Shendetesi / /

120 mjekë e infermierë të specialiteteve të ndryshme, pjesë e Forcave të Armatosura kanë dhënë një kontribut të jashtëzakonshëm në këto kohë pandemie.

Të angazhuar pranë Spitalit të Traumës, mjekët dhe infermierët ushtarakë kanë qenë në vijën e parë të luftës kundër COVID-19, duke evidentuar rastet e reja të infektuara.

Që prej muajit mars Forcat e Armatosura ngritën çadrat e triazhit në mjediset e jashtme të Spitalit të Traumës, ku pas kontrolleve paraprake zbuluan pacientët me COVID-19, përpara se ata të pranoheshin në spital.

Ministrja e Mbrojtjes, Olta Xhaçka gjatë takimit me efektivët e FA vlerësoi personelin shëndetësor ushtarak dhe atë civil në të gjithë vendin, për punën e palodhur dhe humane gjatë kësaj periudhe.

“Falënderim dhe një përgëzim gjithësecilit për punën e jashtëzakonshme që keni bërë. Falë punës tuaj dhe bluzave të bardha në të gjitha strukturat shëndetësore janë parandaluar probleme që mund të ishin shkaktuar si pasojë e pandemisë. E di që nuk ka qenë e lehtë, por edhe vëmendja jonë, e qeverisë, e Ministrisë së Mbrojtjes dhe e Ministrisë së Shëndetësisë ka qenë tek marrja e të gjitha masave, për trajtimin dhe për kushtet në mjedisin tuaj të punës dhe fatmirësisht nuk kemi pasur probleme”, -nënvizoi Xhaçka.

Ministrja Xhaçka u shpreh se “një gjë është e sigurt, që me punën tuaj të jashtëzakonshme me kurajon dhe profesionalizmin që karakterizon gjithësecilin, ia keni dalë më së miri të parandalojmë probleme të tjera që mund të kishim pasur, nga çadrat e triazhit e deri brenda në spital ku vijon i gjithë procesi”.

Në Spitalin e Traumës shërbejnë 120 mjekë dhe infermierë ushtarakë të specialiteteve të ndryshme, ndërkohë që Njësia e Mjekësisë Ushtarake mbetet në gatishmëri për çdo emergjencë, kudo ku mund të kërkohet.

Në çadrat e triazhit të ngritura nga Forcat e Armatosura pranë Spitalit të Traumës janë kryer 1296 kontrolle paraprake që prej muajit mars kur këto cadra u ngritën./atsh

120 mjekë e infermierë ushtarakë, në vijën e parë të luftës kundër COVID-19 Read More »

Ministria e Shëndetësisë: 4 raste të reja nga 243 qytetarë të testuar, dita me pozitivitetin më të ulët

Aktualitet, Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se 24 orët e fundit janë identifikuar pozitivë me COVID-19 vetëm 4 persona.

Rovena Daja, eksperte pranë Institutit të Shëndetit Publik ka bërë të ditur se “situata epidemiologjike në vend paraqitet e qëndrueshme mbështetur në identifikimin e rasteve të deritanishme dhe gjurmimin epidemiologjik në mënyrë aktive.

Në 24 orët të fundit janë testuar 243 qytetarë të dyshuar si të prekur me Covid-19. Që nga fillimi epidemisë, sot shënohet dita me pozitivitetin më të ulët në vend, ndaj totalit të testimeve ditore, me vetëm 1.64 %.

“Në 24 orët e fundit kanë rezultuar pozitive 4 qytetarë, përkatësisht 2 qytetarë në Krujë, 1 në Tiranë dhe 1 në Berat. Të shëruar janë 28 qytetarë”, u shpreh Daja.

Nga fillimi i epidemisë, deri tani, në vendin tonë janë kryer 11332 testime, nga të cilat, 10802 janë testime molekulare dhe 530 janë testime serologjike.

Pavarësisht situatës së përmirësuar, Ministria e Shëndetësisë dhe Mbrojtjes Sociale thekson se është shumë e rëndësishme që qytetarët të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve.
Qytetarët duhet të jenë të kujdesshëm të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127.
Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (12 Maj 2020)
Testime totale 11332
Testime molekulare 10802
Testime serologjike 530
Raste pozitive 876
Raste të shëruara 682
Raste Aktive 163
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 70
Krujë 51
Shkodër 16
Kamëz 12
Fier 5
Kurbin 3
Elbasan 2
Mirditë 1
Berat 1
Durrës 1
Korçë 1/atsh

Ministria e Shëndetësisë: 4 raste të reja nga 243 qytetarë të testuar, dita me pozitivitetin më të ulët Read More »

Balla në spitalin “Shefqet Ndroqi”: Falë punës suaj, sot Shqipëria ka numrin më të ulët të viktimave në Europë

Aktualitet, Lajmi i fundit, Shendetesi / /

Në ditën Ndërkombëtare të Infermierit, kryetari i grupit parlamentar të Partisë Socialiste, Taulant Balla i shoqëruar nga nënkryetarja e Komisionit të Shëndetësisë në Kuvendin e Shqipërisë, Klodiana Spahiu shpërndanë karajfila në shenjë mirënjohjeje për stafin e infermierëve në spitalin “Shefqet Ndroqi” në Tiranë, të cilët janë në vijën e parë të luftës përballë COVID-19.

Gjatë fjalës së tij, Balla theksoi se falë punës së mjekëve dhe infermierëve, sot Shqipëria ka numrin më të ulët të viktimave në Europë.

“Ju shpreh mirënjohje për atë për atë kujdes që keni treguar ndaj të gjithë personave që u trajtuan në spitalin COVID 2 dhe dita e infermierëve nuk është rastësi, që përkon pas ditës së Europës. Janë dy gjera që për Shqipërinë janë shumë të lidhura me njëra–tjetrën. E para, drejtimi i Shqipërisë mbetet ai i integrimit europian dhe e dyta, falë jush dhe kujdesit tuaj të veçantë, ne jemi ndër vendet e para në Europë sa i përket numrit të vogël të jetëve të humbura. Edhe pse çdo jetë e humbur është një fatkeqësi për çdo familje shqiptare”, tha Balla.

Ai u shpreh se “sot ne kemi mundësi të shohim përpara”. “Sot janë konstatuar vetëm 4 raste të reja. Të urojmë që të shkojë drejt përfundimit kjo situatë e cila ishte e jashtëzakonshme e që duhet të kalojë një brez për të kaluar një situatë e ngjashme si kjo. Na është dashur që brenda 3-4 muajve të kalojmë 2 fatkeqësi. Faleminderit infermierëve dhe mjekëve, sepse pa ata nuk bëhet protokolli mjekësor”, deklaroi Balla./atsh

Balla në spitalin “Shefqet Ndroqi”: Falë punës suaj, sot Shqipëria ka numrin më të ulët të viktimave në Europë Read More »

12 të shtruar në Klinikën Infektive, prej tyre dy në gjendje të rënduar

Aktualitet, Shendetesi / /

Në raportin e ditës së sotme, Klinika Infektive, njofton se në klinikë janë të shtruar 21 raste, 12 prej tyre janë me COVID-19.

Gjendja e pacientëve të sëmurë me COVID- 19 është si vijon: 8 raste janë në gjendje të stabilizuar, 4 raste janë në trajtim me oksigjeno-terapi dhe përkujdesje intensive.

Dy prej tyre janë në gjendje më të rënduar, njëra në repart e cila është edhe në hemodializë si dhe një rast tjetër me përkujdesje intensive ndodhet në repartin intensiv të kësaj klinike./KosovaPress/

12 të shtruar në Klinikën Infektive, prej tyre dy në gjendje të rënduar Read More »

Dita Ndërkombëtare e Infermierëve/ Meta: Institucionet, kujdes maksimal për vlerësimin e merituar

Aktualitet, Shendetesi / /

“Dita Ndërkombëtare e Infermierëve, na kujton sot se mirënjohja e thellë, falënderimi dhe përkujdesja për heronjtë e ditëve tona, nuk duhet të shprehet vetëm në një ditë”, tha presidenti Ilir Meta.

Meta tha se “shoqëria jonë dhe institucionet shtetërore duhet të tregojnë kujdes maksimal për trajtimin dhe vlerësimin e merituar të infermierëve, të cilët me përkushtimin, profesionalizmin, sakrificat dhe dashurinë për jetën, shkëlqyen në vijën e parë të përballjes me COVID-19, duke rrezikuar jetën e tyre dhe të familjeve të tyre për të mbrojtur shëndetin e të gjithëve ne”.

“Krenar për ju dhe përherë mirënjohës”, tha kreu i Shtetit./atsh

Dita Ndërkombëtare e Infermierëve/ Meta: Institucionet, kujdes maksimal për vlerësimin e merituar Read More »

Shqipëria destinacion i pastër dhe i sigurt turistik

Aktualitet, Turizem / /

Aktiviteti turistik do të fillojë në respektim të masave të përcaktuara, sipas protokolleve që kanë hartuar ekspertët e shëndetësisë, duke garantuar mbrojtjen e shëndetit të qytetarëve dhe pushuesve nga përhapja e COVID-19.

Kështu u shpreh Rovena Moçka, drejtore e Turizmit, pranë Ministrisë së Turizmit dhe Mjedisit gjatë një interviste televizive ku ndër të tjera tha se, “në kushtet e mbërthyera nga pandemia, COVID-19, ky është një vit mbijetese për sektorët e ekonomisë dhe të turizmit dhe kjo situatë nuk është vetëm për Shqipërinë, por për të gjithë botën”.

“Kur flasim për parashikime të sektorëve të ekonomisë dhe atij turistik, duhet të kemi parasysh që pandemia nuk është konsideruar e mbyllur nga ekspertë shëndetësor. Kemi një liberalizim të fashave orare, duke marrë në konsideratë pikërisht ato që janë më të rëndësishme sot respektimin e masave që na vijnë nga ekspertët, për të ruajtur shëndetin e qytetarëve dhe të vizitorëve”, – tha Moçka.

Ajo që është e rëndësishme, nënvizoi ajo, është fakti që të rikthejmë aktivitetin e sektorëve ekonomikë dhe të turizmin duke respektuar protokollet e posaçme që janë një detyrim nga ekspertët e shëndetësisë, në kushtet kur pandemia nuk ka mbaruar dhe nuk ka një mënyrë sesi ne të mbrohemi përveç atyre masave që kanë rekomanduar ekspertët e shëndetësisë, distancimi fizik dhe higjiena.

Duke u ndalur në mbështetjen që ka dhënë qeveria për sektorin e turizmit në kushtet e pandemisë Moçka tha se, “në ndryshim nga shumë vende të tjera, turizmi ka qenë shtylla kryesore e ekonomisë që ka sjellë të ardhura rekord, ndaj turizmi ka marrë një paketë të posaçme ndihme, e konsideruar si paketa e pagave të luftës dhe jo e luksit, që do të thotë, ndihmë për të përballuar këtë situatë të vështirë. Për të vijuar me atë që quhet kredia për sektorin turistik. Janë këto disa mekanizma të ndërmarra nga qeveria shqiptare për sektorin turistik në këtë kohë të vështirë”.

Ajo tha se, pagat e luftës ka funksionuar për tre muaj, duke marrë në konsideratë që ky sektor të rinisë aktivitetin turistik.

Moçka tha se, “turizmi i brendshëm është një nga potencialet më të mëdha të rimëkëmbjes së sektorit, ndërsa është grupi i posaçëm i ekspertëve që njofton për liberalizmin e masave që do t’i paraprijë edhe hapjes së kufijve”.

“Është e rëndësishme të ruajmë emrin destinacion turistik, pasi vendet turistike janë duke marketuar nën këtë slogan, si vende të pastra dhe të sigurta nga COVID-19. Ndërsa do të kemi një liberalizim të masave të mëtejshëm, që nis më 18 maj me riaktivizimin e bareve dhe lokaleve, por që të gjithë duhet të tregohemi të përgjegjshëm në zbatimin e masave mbrojtëse”, – tha ajo. /atsh

Shqipëria destinacion i pastër dhe i sigurt turistik Read More »