Aktualitet

Polici më e re në moshë/ Voda: Jo të gjithë efektivët 55-vjeçarë dalin automatikisht në pension

Aktualitet, Lajmi i fundit / /

Polici më e re në moshë është qëllimi i projektligjit të propozuar nga Ministria e Brendshme për të ulur me 2 vjet moshën e punonjësve të policisë në harkun kohor të tre viteve.

Zv.ministrja e Brendshme, Rovena Voda, gjatë një interviste televizive, tha se procesi që do të pasojë pas miratimit të ligjit është një proces fleksibël dhe jo të gjithë punonjësit e policisë që kanë mbushur apo mbushin 55 vjeç do lënë detyrën.

“Ky është një ligj fleksibël. Pra nuk është e thënë, që çdo individ që ka mbushur këtë moshë, që nga nesër do të dalë në pension, po themi të parakohshëm apo do të marrë këtë trajtim financiar që parashikon ligji, nëse ai do të largohet nga radhët e policisë së shtetit. Në Policinë e Shtetit ka një moshë relativisht të lartë mbi 45 vjeç, që i bie më shumë se një e treta e radhëve të policisë së shtetit”,- tha Voda.

Ajo shtoi se largimi nga radhët e policisë nuk do varet 100% nga vullneti i punonjësve, por edhe nga nevojat dhe sfidat që do ketë Policia e Shtetit.

“Kjo do të varet nga nevojat e policisë së shtetit, pra nuk varet 100% nga dëshira e individit. Nëse do të kemi 100, 200 apo 300 punonjës policie që do të bëjnë një kërkesë, për të përfituar këtë trajtim financiar, për shkak të ndërprerjes së parakohshme të marrëdhënieve të punës, do të ketë një komision të posaçëm, i cili pas miratimit të ligjit do të krijohet me akt nënligjor, me vendim të Këshillit të Ministrave, që do të trajtojë këto kërkesa. Madje kërkesa nuk bëhet vetëm nga individi, por është lënë hapësirë në ligj që kërkesa bëhet edhe nga struktura apo departamenti përkatës i policisë së shtetit”,- theksoi Voda.

Sipas saj, në fokus të rinovimit do të jenë forcat opercionale të policisë që janë në terren me misione të ndërlikuara, ndërsa ka hapësirë për rikthimin e tyre në detyra specifike deri në 700 orë në vit. “Do të jenë kryesisht punonjës policie, në raste të caktuara pasi kjo nuk konsiderohet si një ndërprerje absolute e marrëdhënieve të punës, as pushim i marrëdhënieve të punës. Po themi që do të konsiderohen të liruar nga detyra e megjithatë ata kanë detyrimin dhe mund të thirren dhe të punojnë në detyra të caktuara sipas nevojës së strukturës së Policisë”,- tha Voda./atsh

Polici më e re në moshë/ Voda: Jo të gjithë efektivët 55-vjeçarë dalin automatikisht në pension Read More »

“Heronj shqiptarë”/ Jultjan Liçi, solidaritet e mbështetje për gjyshërit e vetmuar

Aktualitet / /

“Në këto çaste të vështira, mënyra më e mirë për ta kaluar këtë sprovë është solidariteti që duhet të tregojmë veçanërisht për gjyshërit e vetmuar”.

Kështu shprehet Jultjan Liçi, përgjegjës i Shërbimeve Mbështetëse pranë njësisë Nr.12, në kryeqytet, i cili në këto kohë të vështira është angazhuar për t’u ardhur në ndihmë të moshuarve.

Përmes rubrikës “Heronj shqiptarë”, deputeti i Partisë Socialiste, Ervin Bushati solli sot shembullin e Jultjanit, i cili ndodhet në vijën e parë të frontit të luftës.

“Në vijën e parë të frontit të luftës ka njerëz me fuqi mbinjerëzore që në vend të bluzave të bardha, kanë zemër solidare dhe shumë përkushtim. Jultjani është një banor i njësisë së Dajtit që ka dhënë kontributin e tij në këtë periudhë të virusit COVID-19”, shprehet Bushati./atsh

“Heronj shqiptarë”/ Jultjan Liçi, solidaritet e mbështetje për gjyshërit e vetmuar Read More »

Ujëvara e Shëngjergjit, destinacion për turistët vendas e të huaj

Aktualitet, Turizem / /

Ujëvara e Shëngjergjit është shndërruar në një destinacion të lakmuar për kryeqytetasit, si dhe turistët e huaj, që gjithnjë e më shumë po vizitojnë zonën.

Kryeministri Edi Rama zgjodhi sot pamje nga kjo ujëvarë, e cila është kthyer në destinacion për turistët vendas e të huaj që vizitojnë këtë zonë.

“Mirëmëngjes me këtë peizazh nga ujëvara e Shëngjergjit në Tiranë”, tha Rama.

Vetëm 1 orë nga Tirana ndodhet Shëngjergji, një nga bukuritë më impresionuese të Malësisë së Tiranës. Pasi ke përshkuar afro 22 km nga Tirana, në krah të majtë të rrugës për në Shërgjergj, ndodhet Ujëvara e Shëngjergjit, një mrekulli nga pikëpamja e peizazhit.

Ajo gjendet pranë fshatit dhe ka një lartësi prej 30 metrash. Ujëvara furnizohet me ujë nga Mali me Gropa dhe ushqen me ujë përroin, uji i të cilit përdoret dhe për vaditje.

Turizmi familjar është bërë kryefjalë në Shëngjergj, aq më shumë që Shëngjergji bën pjesë tashmë në projektin e 100 fshatrave të ndërmarrë nga ana e qeverisë, ku përparësi kanë projektet në fushën e agroturizmit./atsh

Ujëvara e Shëngjergjit, destinacion për turistët vendas e të huaj Read More »

“As tërmeti dhe as pandemia s’më ndalojnë të jap mësim për nxënësit e mi”/ Mësuese Sadete Lala , shembull i përkushtimit

Aktualitet, Arsim / /

Ajo zgjohet çdo mëngjes herët dhe i uron një ditë të mbarë të gjithë nxënësve të saj. Urimi nuk është siç ka bërë në 30 vite të karrierës së saj, në klasë, por online nëpërmjet celularit apo laptop-it. Sigurisht teknologjia ka bërë që mësimi të jetë sa më afër normales në kohët e pandemisë së COVID-19 dhe ka ndihmuar mësuesit dhe nxënësit të vijojnë procesin mësimor edhe në këto kohë.

Sadete Lala është mësuese e lëndës së Matematikës në gjimnazin “At Shtjefën Gjeçovi” në Laç. Prej 30 vitesh, Lala është mësuese mjaft e përkushtuar. Ajo ka dhënë mësim në Klos, Burrel dhe Milot, tashmë prej 11 vitesh jep mësim në Laç.

Mësuese Sadetja ka arritur rezultate të larta me nxënësit e saj, ku disa prej tyre kanë qenë pjesëmarrës olimpiadash. Me natyrën e saj të qetë, dashamirëse, kontribuuese dhe shumë të përkushtuar për çdo detyrë që i ngarkohet në shkollë.

Sot, mësuese Sadetja gjendet në vijën e parë të frontit të luftës me mësimdhënien online. E përkushtuar, plot solidaritet ajo është pranë dijes dhe nxënësve të gjimnazit “At Shtjefën Gjeçovi”.

Por, përveç vështirësive prej koronavirusit, familja e mësuese Sadetes u godit edhe nga tërmeti i 26 nëntorit, pasi shtëpia e saj në Laç u dëmtua prej tërmetit të 26 nëntorit, ashtu si dhe shumë shtëpi të nxënësve të saj. Megjithatë na tregon mësuese Sadetja ata janë të përkushtuar ndaj mësimit dhe bëjnë të pamundurën të ndjekin mësimet online përmes platformave të përdorura.

“As tërmeti dhe as pandemia nuk do të më ndalojnë së dhëni mësim për nxënësit e mi”, është mesazhi që mësuese Sadetja i jep nxënësve të saj, të cilët kanë kaluar disa muaj të vështirë.

“Përpiqem që në çdo hap të më shoqërojë sinqeriteti dhe mirësia në punën time”, thotë mësuese Sadete.

Ajo na shpjegon se “në fillim patëm vështirësi, por shumë shpejt ia morëm dorën. Mësimin e zhvillojmë nga ora 9- 14 çdo ditë përmes platformave online. Nxënësit marrin mësimin e ditës dhe modele ushtrimesh të zgjidhura. Pastaj me grupet që kemi ndarë plotësojnë ushtrimet e ndryshme”.

Për rikthimin në shkollë mësuese Sadetja thotë se, mezi po pret të ritakohet me nxënësit e saj me të cilët prej 2 muajsh takohet vetëm online.

“Nuk ka rëndësi sa herë rrëzohesh, rëndësi ka shpejtësia me të cilën ngrihesh”, është motoja e mësuese Sadetes, të cilën ia përcjell edhe nxënësve të saj, të cilët i përgatit për sfidat e jetës. /atsh

“As tërmeti dhe as pandemia s’më ndalojnë të jap mësim për nxënësit e mi”/ Mësuese Sadete Lala , shembull i përkushtimit Read More »

Parashikimi i motit, 10 maj 2020

Aktualitet / /

Sipas Shërbimit Meteorologjik Ushtarak, moti për ditën e sotme parashikohet i kthjellët me vranësira të pakta dhe kalimtare.

Prej orëve të mesditës deri ato të pasdites mot me vranësira mesatare deri të dendura shoqëruar me reshje shiu të dobta në zonën e veriut dhe atë të qendrës.

Në relievet malore të zonës së veriut reshjet lokalisht në formën e shtrëngatës afatshkurtër. Era do të fryjë nga kuadrati i jugut e lehtë e mesatare në bregdet dhe shpejtësi deri në 15m/s. Valëzimi në dete parashikohet 2 deri 3 ballë.

Temperaturat parashikohen:

QYTETET Temperaturat në °C Sigla
Shkodër 10/25 diell shi
Kukës 9/24 diell shi
Lezhë 9/26 diell shi
Dibër 9/24 diell shi
Durrës 12/24 diell shi
Tiranë 12/27 diell shi
Elbasan 12/29 diell shi
Berat 9/29 diell re
Vlorë 10/25 diell re
Korcë 7/24 diell re
Gjirokastër 7/27 diell re
Sarandë 11/24 diell re/atsh

Parashikimi i motit, 10 maj 2020 Read More »

Balla: Nga Vlora janë dhënë gjithmonë mesazhe të rëndësishme për Europën

Aktualitet, Opinione, Politike / /

Dita e Europës është festuar në mënyrë të veçantë këtë vit në qytetin e Vlorës, ku djemtë e aeronautikës shqiptare kanë fluturuar mbi qytetin e Vlorës më flamurin kuqezi.

I pranishëm në këtë aktivitet ishte edhe kryetari i grupit parlamentar te Partisë Socialiste, Taulant Balla, i cili në fjalën e tij deklaroi se nga Vlora janë dhënë gjithmonë mesazhe të rëndësishme për Europën.

“Falenderoj djemtë e aeronautikës shqiptare, për organizimin e këtij eventi kaq domethënës, se si aspiratën më të rëndësishme historike të shqiptarëve, integrimin në Bashkimin Europian e mban nën krahët e vet shqiponja dykrenare. Kjo ishte simbolika e këtij aktiviteti të organizuar nga djemtë, duke fluturuar sot mbi Vlorë dhe duke qenë se u ndodha këtu pranova me kënaqësi ftesën dhe nga Vlora do të doja t’i uroja së pari, familjes së madhe europiane ‘Gëzuar Ditëlindjen’, 9 Maji është dita e Europës, ku çdo vend anëtar dhe institucion i BE-së feston këtë ditë. Nga Vlora do të doja të shprehja urimet më të mira dhe nuk besoj se ka një vend tjetër në Shqipëri se ku shqiptarët mund t’i drejtohen më mirë sesa në Vlorë Europës, sepse nga Vlora i janë drejtuar gjithmonë shqiptarët Europës me mesazhe shumë të rëndësishme, sikurse ishte deklarata jonë e Pavarësisë më 28 Nëntor 1912, por edhe në momente të rëndësishme të historisë së Shqipërisë”, deklaroi Balla.

Balla u bëri thirrje të gjithë shqiptarëve që të vijnë t’i kalojnë pushimet në Vlorë.

“Si një mik i Vlorës, dua t’i bëj thirrje çdo shqiptari dhe çdo miku të huaj, që në kushtet e pandemisë botërore nga COVID-19 të planifikojë pushimet në një vend të bukur si Vlora. Këtu ku zemra rreh më fort për patriotizmin, kush e ndjen veten patriot, të vijë të bëjë pushimet në Vlorë”, u shpreh Balla.

Duke folur për mbështetjen e operatorëve turistikë nga qeveria, Balla tha se grupi parlamentar i Partisë Socialiste i ka mbështetur të gjitha nismat dhe paketa mbështetëse që ka ndërmarrë qeveria.

“Ne si grup parlamentar i kemi mbështetur të gjitha nismat dhe paketat mbështetëse që ka ndërmarrë qeveria. Dy paketat e para të qeverisë janë fokusuar tek ata që janë prekur drejtpërsëdrejti dhe që janë shtresat në nevojë, ku paga e luftës ishte e domosdoshme për çdo familje. Edhe ndaj biznesit, ju e dini që është miratuar në paketën e dytë garancia për të mbështetur me kredi, ku shteti merr përsipër pagesën e interesit dhe që të pakta janë vendet që e kanë ndërmarrë një nismë të tillë. Gjithçka do të merret në masën dhe kohën e duhur. Ajo që është më e rëndësishme është që jemi në kushtet që Vlora është ‘zonë e gjelbër’ dhe këto pushime nuk do të jenë siç kanë qenë çdo vit me grumbullime të mëdha. Duhet të vazhdojmë të ruajmë masat shtrënguese të distancimit social, sepse ata janë të domosdoshme”, tha Balla. /atsh

Balla: Nga Vlora janë dhënë gjithmonë mesazhe të rëndësishme për Europën Read More »

Grupi i dytë me 60 infermierë shqiptarë përfundon me sukses misionin në Itali

Aktualitet, Lajmi i fundit, Shendetesi / /

Ka përfunduar me sukses misioni i grupit të dytë të 60 infermierëve që shërbyen në ndihmë të popullit mik italian.

Ministrja e Shëndetësisë dhe Mbrojtjes Sociale, Ogerta Manastirliu u shpreh sot krenare për misionin e infermierëve shqiptarë në Itali.

“Infermierët tanë janë kthyer shëndosh e mirë në Shqipëri, pas misionit humanitar në spitalet COVID në zonën e Marche në Itali”, tha ajo.

Ky ishte grupi i dytë, pas 30 mjekëve dhe infermierëve që u rikthyen pak ditë më parë pas një muaji në vendin fqinj. Grupi i dytë që u rikthye sot u pritën në aeroportin e Rinasit nga zv. ministrja e Shëndetësisë, Mira Rakacolli. /atsh

Grupi i dytë me 60 infermierë shqiptarë përfundon me sukses misionin në Itali Read More »

Rastet e para me COVID-19 në Shqipëri/ Mjeku Kalo: Mijëra të prekur nga gripi që nga mesi i dhjetorit, grafitë asnjë lidhje me koronavirusin

Aktualitet, Opinione, Shendetesi / /

Mjeku i njohur infeksionist Tritan Kalo, i cili trajton pacientët e prekur nga COVID-19, u shpreh sot se ka pasur mijëra e mijëra raste të gripit A (H1N1) në Shqipëri, gjatë periudhës së mesit të dhjetorit 2019 dhe në fund të shkurtit 2020, por grafitë e këtyre rasteve nuk kanë lidhje me ato të pacientëve të prekur nga koronavirusi. Ai hedh poshtë zërat që koronavirusi ka qarkulluar në Shqipëri përpara identifikimit të pacientit zero më 9 mars.

“Imazhet e mëposhtme të GG nuk kanë asnjë lidhje me Sars-Cov2 / Cov2 / Cov2, por ato duken të njëjta dhe i përkasin disa prej sëmundjeve vijuese, kryesisht gripi A (H1N1): Karcinoma bronko-alveolare, Limfoma intravaskulare e qelizës B të gjerë pulmonare, Edemë pulmonare, Hemorragji difuze alveolare, Fibrozë pulmonare, Pneumonia organizative kriptogjene, Sarkoidoza, Granulomatoza limfomatike”, shprehet Kalo, duke sjellë foto të grafive.

“Kemi pasur mijëra e mijëra raste të gripit A (H1N1) në Shqipëri, gjatë periudhës së mesit të dhjetorit 2019 dhe në fund të shkurtit 2020 . Dikush ka studiuar ndryshimet të diagnozës të secilës prej sëmundjeve të përmendura më lart, përfshirë edhe gripin A (H1N1), përpara se në Shtetet e Bashkuara të administronin një përgjigje pozitive për Sars-Cov2 / Cov2 / Cov2, edhe para se të dini rezultatet e PCR ???”, pyet Kalo duke vijuar se ka nevojë për një përgjigje shumë të thjeshtë, po ose jo.

“Ne jemi mjekë dhe shëndeti i popullit shqiptar duhet të na udhëzojë në çdo kohë. Ne nuk duhet të mendojmë dhe të veprojmë për asnjë arsye, si një vegël në duart e ndonjë prej partive politike shqiptare!”, shprehet Kalo./atsh

Rastet e para me COVID-19 në Shqipëri/ Mjeku Kalo: Mijëra të prekur nga gripi që nga mesi i dhjetorit, grafitë asnjë lidhje me koronavirusin Read More »