Aktualitet

Marrëveshja për Reformën Zgjedhore/ Basha: Hap përpara për të mundësuar më shumë garanci për zgjedhje të lira

Aktualitet, Opinione, Politike / /

Kryetari i Partisë Demokratike, Lulzim Basha deklaroi sot se kemi hedhur një hap përpara, për të mundësuar më shumë garanci për zgjedhje të lira dhe të ndershme në Shqipëri.

“Sot kemi hedhur një hap përpara, për të mundësuar më shumë garanci për zgjedhje të lira dhe të ndershme në Shqipëri. Partia Demokratike dhe Opozita e Bashkuar është e gatshme dhe po punon përditë për t’ua kthyer qeverisjen shqiptarëve”, deklaroi Basha pas arritjes së marrëveshjes për Reformën Zgjedhore.

Në emër të Opozitës së Bashkuar, Basha falënderoi aleatët dhe partnerët euroatlantikë për ndihmën dhe kontributin e tyre për gjetjen e dakordësisë për administrimin zgjedhor.

Bylykbashi: Identifikim biometrik për zgjedhjet e ardhshme

Pas takimit të sotëm, përfaqësuesi i Partisë Demokratike në Këshillin Politik, Oerd Bylykbashi deklaroi se u arrit dakordësi sa i përket administratës zgjedhore.
“U arrit dakordesi për administrimin zgjedhor. Do të ketë identifikim biometrik për zgjedhjet e ardhshme”, tha ai.

“Depolitizimi i administratës zgjedhore do të kryhet vetëm pas zgjedhjeve të ardhshme parlamentare dhe lokale”, tha ai.

Ndërsa përfaqësuesi i LSI, Petrit Vasili tha se, “për këto zgjedhje që vijnë dhe zgjedhjet e ardhshme lokale komsionet zgjedhore do mbetet ashtu siç janë. Depolitizimi i administratës zgjedhore do të bëhet vetëm më pas”.

Kryemadhi: Reformat bëhen pikësëpari për njerëzit

Kryetarja e Partisë Lëvizja Socialsite për Integrim, Monika Kryemadhi përshëndeti arritjen e marëveshjes për Reformën Zgjedhore, ndërsa kërkoi implementimin e saj pa humbur kohë.

“Rezultati i sotëm në Këshillin Politik, i arritur dhe me kontributin e partnerëve ndërkombëtarë është pozitiv dhe duhet implementuar pa humbur kohë, me integritet, ashtu siç e kërkon dhe kushti i radhës i BE, ashtu siç e meritojnë qytetarët shqiptarë”, deklaroi ajo.

Sipas Kryemadhit, reformat bëhen pikësëpari për njerëzit, të cilët presin ndryshimin dhe mundësinë e shprehjes së vullnetit të tyre lirisht në zgjedhje.

“Pa zgjedhje të lira dhe të ndershme s’ka demokraci dhe pa demokraci s’ka ekonomi e mirëqenie për shqiptarët. LSI dhe Opozita e Bashkuar është e vendosur për realizim me sukses të angazhimeve të marra para popullit shqiptar përsa i përket forcimit e përmirësimit të themeleve të demokracisë në vendin tonë, si dhe përshpejtimit të rrugës së integrimit europian të Shqipërisë”, u shpreh Kryemadhi./atsh

Marrëveshja për Reformën Zgjedhore/ Basha: Hap përpara për të mundësuar më shumë garanci për zgjedhje të lira Read More »

Kim: Marrëveshje e rëndësishme, do vazhdojmë t’ju mbështesim drejt BE-së

Aktualitet, Politike / /

Ambasadorja e Shteteve të Bashkuara të Amerikës, Yuri Kim u shpreh e kënaqur nga marrëveshja e arritur sot me palëve politike për Reformën Zgjedhore.

“Jemi shumë të kënaqur që kemi parë sot që Këshilli Politik ka marrë këtë vendim dhe është bërë kjo marrëveshje e rëndësishme. Kjo në sajë të gjithë atyre orëve pune nga të gjithë ata që kanë qenë pjesë”.

“Të gjitha palët, të gjithë personat e pranishëm kanë dhënë kontributet e tyre, por edhe kanë hequr dorë ose kanë dhënë nga diçka. E bënë këtë në mënyrë që të jetë Shqipëria ajo që përfiton nga kjo gjë”, tha Kim.

“Disa do ta kritikojnë këtë marrëveshje si jo të mjaftueshme. Por po ta shikojmë në një kuadër të gjerë, kjo është një gjë për të cilën unë shpresoj që të gjithë do të japin mbështetjen e tyre”, u shpreh Kim.

“Sa i përket SHBA, jemi krenarë për këtë marrëveshje dhe do vazhdojmë t’ju mbështesim në rrugëtimin drejt BE”, tha Kim.

Edhe, ambasadori i Bashkimit Europian në Tiranë, Luigi Soreca, pas takimit përshëndeti sot marrëveshjen e arritur mes palëve politike për Reformën Zgjedhore.

“Ne e kemi mirëpritur këtë marrëveshje. Është rezultat i një procesi gjithëpërfshirës, i cili ka filluar në janar”, tha ai.

Në fakt, theksoi Soreca, “të mërkurën kemi pasur një marrëveshje të mirë pas disa diskutimeve të mira, por ju e dini që ka qenë Opozita e Bashkuar ajo që ka kërkuar që të shikonte dhe shqyrtonte më tej detajet e tjera, si për shembull depolitizimin e administratës zgjedhore, gjë e cila është në përputhje me rekomandimet e OSBE/ODIHR dhe ne e mbështesim këtë ecuri që është arritur”.

“Në emër të BE dëshiroj të them që Shqipëria tashmë është më pranë BE, sonte pas kësaj marrëveshjeje. Kjo për arsye se një nga kushtet për çeljen e negociatave të aderimit do të përmbushet së shpejti”, tha Soreca.

“Kjo vjen dhe në momentin e duhur, për arsye se javën që vjen KE do të propozojë dhe kuadrin negociator që do të jetë baza e negociatave mes BE dhe Shqipërisë. Kështu që tani le të ecim përpara”, theksoi Soreca.

Ndërsa ambasadori i Mbretërisë së Bashkuara, Duncan Norman tha se, “kjo është një ditë vërtetë e mirë në fund të një jave mjaft të gjatë dhe të vështirë negociatash”.

“Të gjithëve iu është dashur të japin diçka. Marrëveshja u bë e mundur vetëm për arsye se të gjithë patën dëshirën dhe vullnetin që të bënin kompromis. Ky është mesazh i rëndësishëm për politikën në Shqipëri. Kjo marrëveshje është një hap shumë i rëndësishëm sa i përket negociatave me BE dhe po ashtu një hap tejet i rëndësishëm sa i përket zgjedhjeve në Shqipëri dhe për vetë zgjedhësit. Megjithatë ky është vetëm fillimi që do të thotë që thelbi do të jetë tek zbatimi, tek implementimi. Megjithatë në rast se kjo frymë kompromisi dhe bashkëpunimi që kemi parë gjatë kësaj jave do të vazhdojë atëherë unë jam besimplotë dhe shpresëplotë për të ardhmen”, u shpreh ambasadori Norman./atsh

Kim: Marrëveshje e rëndësishme, do vazhdojmë t’ju mbështesim drejt BE-së Read More »

Parashikimi i motit, e shtunë 6 qershor 2020

Aktualitet / /

Moti sot do të jetë me vranësira mesatare deri të dendura përgjatë gjithë ditës.

Shërbimi Meteorologjik Ushtarak bën me dije se do të ketë reshje shiu të herëpashershme e lokalisht mesatar në formën e shtrëngatave dhe stuhive shoqëruar me shkarkesa elektrike.

Lokalisht reshjet do të jenë edhe në formën e breshërit. Era do të fryjë me drejtim veriperëndim – juglindje e lehtë me shpejtësi 1-8m/s ndërsa përgjatë vijës bregdetare hera-herës me shpejtësi deri në 15m/s. Valëzimi parashikohet i forcës 0-1 ballë.

Temperaturat parashikohen:

QYTETET Temperaturat në °C Sigla
Shkodër 17/29 Re shi
Kukës 14/22 Re shi
Lezhë 16/29 Re shi
Dibër 12/22 Re shi
Durrës 17/24 Re shi
Tiranë 17/27 Re shi
Elbasan 16/27 Re shi
Berat 13/24 Re shi
Vlorë 19/24 Re shi
Korçë 11/19 Re shi
Gjirokastër 14/22 Re shi
Sarandë 16/23 Re shi/atsh

Parashikimi i motit, e shtunë 6 qershor 2020 Read More »

“Fjala tani i takon Parlamentit”/ Ambasadori italian: Marrëveshja për reformën zgjedhore, hap i rëndësishëm drejt BE-së

Aktualitet, Politike / /

Një hap vendimtar në drejtim të Bashkimit Europian, e ka cilësuar Ambasadori i Italisë në vendin tonë, Fabrizio Bucci arritjen e dakordësisë mes palëve politike për reformën zgjedhore.

Ambasadori Bucci ka uruar për marrëveshjen politike të nënshkruar mbrëmjen e djeshme për reformën zgjedhore sipas rekomandimeve të OSBE/ODIHR.

Diplomati italian thekson se tani fjala i takon Parlamentit, ndërsa bën thirrje për vazhdimin e reformave të tjera.

“Urime për marrëveshjen politike për reformën zgjedhore në përputhje me Rekomandimet OSBE-ODIHR. Një rezultat i rëndësishëm i të gjithë liderëve politikë dhe i të gjithë Këshillit Politik, një hap i rëndësishëm drejt BE-së. Fjala tani i takon Parlamentit dhe përpara me reformat e tjera”, shprehet Ambasadori italian në Shqipëri. /atsh

“Fjala tani i takon Parlamentit”/ Ambasadori italian: Marrëveshja për reformën zgjedhore, hap i rëndësishëm drejt BE-së Read More »

Sezoni turistik/ Ndërmarrja e Ujësjellës Kanalizimeve pastrim të rrjetit në bulevardin Vlorë-Skelë

Aktualitet / /

Ndërmarrja e Ujësjellës Kanalizime Vlorë, vijon punën e nisur prej disa ditësh për pastrimin e rrjetit të kanalizimeve.

“Sektori i Kanalizimeve, vijoi edhe sot pastrimin e rrjetit në bulevardin Vlorë-Skelë, për një rrjet kanalizimesh sa më efikas”, bën të ditur UK Vlorë.

Sipas Uk Vlorë, krahas pastrimit të rrjetit janë kryer edhe punime për mirëmbajtjen e linjës së ujërave të zeza, përgjatë të gjithë bulevardit.

Grupet e punës të Ujësjellës Kanalizime në Vlorë, janë angazhuar çdo ditë për pastrimin e rrjetit të kanalizimeve dhe riparimin e defekteve të mundshme në këtë rrjet.

Pastrimi i rrjetit të Ujësjellës Kanalizimeve ka rëndësi të veçantë për qytetin bregdetar të Vlorës, i cili pret të mbushet me vizitorë dhe turistë këtë sezon turistik./atsh

Sezoni turistik/ Ndërmarrja e Ujësjellës Kanalizimeve pastrim të rrjetit në bulevardin Vlorë-Skelë Read More »

Plani i gjelbër i veprimit/ Ristani: Cilësia e ajrit në Tiranë përmirësohet nga viti në vit

Aktualitet / /

Nënkryetarja e bashkisë së Tiranës, Anuela Ristani deklaroi një një intervistë televizive se Tirana ka pasur që herët planin e gjelbër të veprimit, duke e pasur në fokus objektivitin e uljes së nivelit të ndotjes së ajrit.

“Kemi qenë një ndër qytetet e para në rajon, edhe në të gjithë pjesën e Europës qendrore dhe lindore. Plani është që ti çfarëdolloj investimi bën në qytet, duhet ta bësh me objektivin për të qenë në respekt ndaj mjedisit. Çfarë do të thotë kjo? Siç e pamë në kohën e pandemisë, impakti më i rëndë është pikërisht në ato qytete që nuk e kanë pasur zhvillimin e tyre me këtë objektiv. Në qytetet më të ndotura ka pasur vdekshmëri më të lartë nga pandemia, në qytete që ka pasur më shumë ajër të pastër dhe hapësira të përbashkëta dhe të aksesueshme për të gjithë, ka qenë edhe më e lehtë për ta përballuar. Të gjithë shkencëtarët erdhën me tezën që hapësirat urbane duhet ta lejojnë të jenë të pastra dhe të qëndrueshme. COVID na dha një mundësi të mirë”, u shpreh Ristani.

Sipas saj, “çdo vit në Tiranë, krahasuar me vitin përpara, përpos Covid, ka ndryshime në përmirësimin e cilësisë së ajrit”.

“Kjo ka të bëjë me shumë faktorë, jo vetëm me faktin që nuk kemi lëvizuar mjaftueshëm. Kemi shtuar korsitë e biçikletave, mbjelljen e pemëve pasi me çdo pemë është ajri i të gjithëve ai që pastrohet”, tha Ristani.

“Ndotja e lumenjve hyn tek ndotjet më depërtuese për të gjithë habitatin. Lumi i Tiranës është pastruar në të gjithë territorin e tij. Në fund të Bulevardit të ri, ajo pjesë do të kthehet në park”, tha nënkryetarja e bashkisë së Tiranës. /atsh

Plani i gjelbër i veprimit/ Ristani: Cilësia e ajrit në Tiranë përmirësohet nga viti në vit Read More »

Efektivë të Policisë Ushtarake do shërbejnë në misionin Resolute Support në Herat

Aktualitet, Lajmi i fundit / /

Policia Ushtarake është struktura e radhës e Forcave të Armatosura që do shërbejë në misionin Resolute Support në Herat.

Ministrja e Mbrojtjes, Olta Xhaçka bëri të ditur se efektivët, të cilët së shpejti do të nisen drejt Afganistanit, kanë rinisur stërvitjen paradislokuese.

“Policia Ushtarake është struktura e radhës e Forcave të Armatosura që do shërbejë në misionin Resolute Support në Herat. Efektivët, që së shpejti do të nisen drejt Afganistanit, kanë rinisur stërvitjen paradislokuese për t’iu përgjigjur detyrave dhe përgjegjësive që do t’u ngarkohen”, deklaroi ministrja Xhaçka./atsh

Efektivë të Policisë Ushtarake do shërbejnë në misionin Resolute Support në Herat Read More »

Shqipëria s’ka më pikëpyetje në prag të vendimit për datën e nisjes zyrtare të negociatave

Aktualitet / /

Kryeministri Edi Rama përshëndeti arritjen e marrëveshjes për Reformën Zgjedhore në takimin e mbrëmjes së sotme të Këshillit Politik, me praninë e ambsadorëve të SHBA, BE, OSBE dhe Britanisë së Madhe.

“Pas 3 vjetësh marshim e 3 netësh ngujim na sollën fjalën e fundit: “Mirë e kishim ashtu siç e kishim”. Po mirë, unë kam menduar e mendoj që ka edhe më mirë, po meqë LBPD janë të kënaqur me kaq për zgjedhjet e ardhshme, bujrum, si ta duan ata”, u shpreh Rama.

“Rëndësi ka që: LBPD do hyjë në zgjedhje me Kodin Zgjedhor siç e deshën vetë. ODHIR është dakord që kjo nuk e cenon lirinë e zgjedhjeve. BE është e kënaqur, Shqipëria s’ka më pikëpyetje në prag të vendimit për datën e nisjes zyrtare të negociatave. Ah po, mbaroi edhe revolucioni”, u shpreh kryeministri Rama. /atsh

Shqipëria s’ka më pikëpyetje në prag të vendimit për datën e nisjes zyrtare të negociatave Read More »