Aktualitet

Në Shqipëri është gjendur koloni e dallëndyshes së detit që përmban deri në 3.3 % të popullatës së kontinentit europian të këtij lloji.

Shoqata “Shpendët e Shqipërisë” bën të ditur se “ky është një ndër raportimet më interesante që mbase është publikuar ndonjëherë mbi dallëndyshen e detit (Glareola pratincola) në vendin tonë. E thënë kjo, së pari për shkak të numrit të madh të çifteve folezuese që përfaqëson deri në 3.3 % të popullatës së përgjithshme të kontinentit Evropian dhe së dyti, kjo është një koloni krejtësisht e re (e gjetur ne fundsezonin e folezimit të vitit të kaluar) dhe e pa raportuar më parë”.

Sipas kësaj shoqate gjetja e kësaj kolonie së paku 2-fishon numrin e çifteve folezuese të raportura për këtë lloj në vendin tonë deri në vitin 2018.

Dallëndyshja e detit është raportuar si folezuese vetëm në tre zona ligatinore të vendit tonë, dhe përkatësisht në Divjakë-Karavasta, në Lagunën e Nartës si dhe në Ligatinën e Erzenit.

“Është pikërisht kjo e fundit që e vetme përmban më shumë se gjysmën e popullatës folezuese të këtij lloji në Shqipëri”, shprehet shoqata.

Vullnetarë të shpendëve të Shqipërisë, në bashkëpunim me PPNEA dhe Administratën e Zonave të Mbrojtura Fier (sipas zonave përkatëse) kanë kryer hartëzimin e saktë të kolonive si dhe monitorimin e popullatës folezuese të këtij lloji.

Të dhënat për Divjakë-Karavastanë dhe Lagunën e Nartës do të publikohen në ditët në vijim.

“Ndonëse ky lajm përcjell optimizëm, nuk mund të lihet pa përmendur se habitati folezues i këtij lloji në vendin tonë është i rrallë dhe nga habitatet më të kërcënuara në vend, veçanërisht kur gjendet jashtë zonave të mbrojtura”, – thekson shoqata./atsh

Ministrja e Shëndetësisë dhe Mbrojtjes Sociale, Ogerta Manastirliu, deklaroi sot se shtimi i rasteve të reja nuk vjen si pasojë e shtimit të testimeve, por është pasojë e hapjes dhe mosrespektimit të protokolleve të sigurisë.

Në një intervistë televizive Manastirliu theksoi se “është një situatë që reflekton rihapjen dhe ekspertët e epidemiologjisë konsiderojnë disa faktorë, të cilët kanë shtuar rastet pozitive ditore që lidhen me mosrespektimin e protokolleve të sigurisë”.

“Aktualisht Komiteti i ekspertëve nuk ka vlerësuar si opcion kthimin mbrapa, por ne do të jemi në një vlerësim dinamik të situatës. Për momentin nuk mund të thuhet se ekziston ideja e kthimit mbrapa, pasi ky virus është i paparashikueshëm dhe do të jemi duke e vlerësuar dhe sipas shkallëve të vlerësimit do të marrim dhe masat”, u shpreh ajo.

“Testet nuk janë qëllim në vetvete, por janë një rrjedhojë dhe një arsye e domosdoshme për t’i bërë në rast se ka një hetim epidemiologjik për t’u bërë. Gjatë dy javëve kemi patur grumbullime, festa në familje, persona që kanë shkuar në ceremoni mortore, kemi vatra familjare dhe në institucione. Ne e kemi thënë, ky është një normalitet i ri në strategjinë e rihapjes, parashikon protokolle rigoroze për t’u respektuar. Duhet vijuar distancimi fizik, higjiena, mbajtja e maskave, të gjitha këto janë të vendosura në protokolle. A janë zbatuar këto protokolle? Këtu patjetër një pjesë e madhe e ka zbatuar, siç ka edhe protokolle që janë zbatuar pjesërisht, për të cilët ne duhet të tregojmë më shumë kujdes”, – nënvizoi Manastirliu.

Sipas saj, “përgjegjësia individuale jo vetëm në këtë epidemi, por në të gjithë epidemitë e ndodhura ndonjëherë ka shumë të bëjë kur flasim për ecurinë e saj”.

“Jemi në një transmetim komunitar sidomos në Tiranë, Shkodër, Durrës që janë bashki më të riskuara në raport me të tjerat lidhur me transmetimin komunitar. Përgjegjësia kryesore e strukturave të shëndetësisë dhe e jona gjatë gjithë epidemisë është sigurimi që personeli shëndetësor të jetë i mbrojtur, të ketë gjithë materialin e mbrojtjes personale, në mënyrë që të zbatojnë protokollet. Kur ne jemi të lirë, flasim për qytetarët, ekspozimi kundrejt virusit është më i madh, intensiteti i lëvizjes po ashtu, takimet dhe kontaktet. Por edhe në sistemin shëndetësor ndodhi e njëjta gjë, sepse ne e hapëm sistemin shëndetësor, nuk ishim më si në karantinë kur bëheshin ndërhyrjet e planifikuara, konsultat online. Jo vetëm kaq, por spitalet janë struktura ku nuk vijnë persona të shëndetshëm, por edhe me shumë patologji”, – tha ministrja.

Sipas saj, ky nuk është një fenomen që ka ndodhur vetëm në Shqipëri, por edhe në Itali në spitalin “San Rafaelo”, ka ndodhur e njëjta gjë në Spanjë, madje edhe në Gjermani.

“Ne do të jemi të rrezikuar, nëse nuk zbatojmë protokollet dhe vijojmë të mendojmë se virusi nuk është prezent dhe nuk ka ekzistuar”, – tha ajo.

Ministrja Manastirliu bëri të ditur se aktualisht në spitalin Infektiv janë rreth 50 të shtruar me COVID-19, kemi vetëm një pacient të intubuar dhe 6 pacientë në terapi intensive”.

E pyetur nëse rrezikojmë t’i kalojmë 80 të shtruar, ministrja tha se “nëse kjo ndodh, Spitali Infektiv ka 120 shtretër kapacitetet. Kemi COVID-2 tek Spitali Infektiv , COVID- 3 dhe COVID-4, që në total kanë kapacitet për 550 shtretër”./atsh

Ministri i Shtetit për Rindërtimin Arben Ahmetaj tha se, Programi i Rindërtimit parashikon ndërtimin dhe rehabilitimin e rreth 10 mijë banesave në zonat, ku tërmeti i 26 nëntorit shkatërroi më së shumti.

Gjatë një interviste televizive ai tha se, do të ndërtohen 3400 banesa individuale të modelit, 1+1, 2+1 dhe 3+1, të cilat kushtojnë nga 17 në 25 mijë euro.

Ahmetaj tha se, qeveria po mbështet qytetarët e mbetur pa strehë nga tërmeti duke iu paguar bonus qiraje, ndërsa theksoi se, paketa e mbështetjes ndaj biznesit dhe qytetarëve, në kushtet e situatës së krijuar nga Covid-19, adresoi faljen e kamatëvonesave dhe gjobave që llogaritet në një shumë deri në 15 miliardë lekë.

Gjithashtu nënvizoi ai, qeveria vuri në mbështetje të biznesit dhe qytetarëve Paketën e parë dhe të dytë të mbështetjes si dhe instrtumentin e Garancisë Sovrane në vlerën totale të gjitha 250 milionë USD.

Nga garancia e parë janë disbursuar 50 milionë euro për 629 aplikime dhe procesi vazhdon, vijoi Ahmetaj, ndërsa informoi se nga garancia e dytë janë mbi 20 aplikime të aprovuara sepse sapo ka nisur procesi.

5.4% e Prodhimit të Brendshëm Bruto është adresuar në mbështetje të biznesit dhe qytetarëve, në kushtet e situtës së vështirë të krjuar nga Covid-9, deklaroi Ahmetaj./atsh

Aeroporti Ndërkombëtar ‘Nënë Tereza” në Tiranë njoftoi për fluturimet e konfirmuara ditën e martë datë 16.06.2020
Tirana International Airport njofton se fluturimet e konfirmuara vajtje-ardhje deri tani për ditën e nesërme janë: Wizz Air – Fluturimi për në Vjenë dhe kthim
Air Albania – Fluturimi për në Romë dhe kthim
Air Albania – Fluturimi për në Milano dhe kthim
Belavia Airline – Fluturimi për në Bjellorusi dhe kthim
TIA kujton pasagjerët të kontaktojnë kompanitë ajrore përpara çdo udhëtimi. Atyre që udhëtojnë, të respektojnë protokollet e higjenës. Maskat janë të detyrueshme.
Ndërkohë, nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet EU.
“Lejohen të udhëtojnë vetëm rezidentët në Bashkimin Europian dhe nënshtetasit EU.
Situata ndryshon me orë, ndaj ju lutemi dhe për pak durim. Çdo njoftim të shtetit shqiptar në lidhje me çdo fluturim, do t’jua përcjellim menjëherë në faqet tona zyrtare”- citon njoftimi i TIA-s. /atsh

Moti sot parashikohet me vranësira mesatare deri të dendura si dhe intervale të herëpashershme me diell. Shërbimi Meteorologjik Ushtarak bën me dije se do të ketë reshje shiu me intensitet të ulët dhe mesatar. Në pjesën Veriore dhe qendrore lokalisht reshjet marrin karakter shtrëngatash me shkarkesa elektrike në orët e drekës.

Era do të fryjë me drejtim Veriperëndim – Jugperëndim 1-12m/sek, kryesisht në bregdet. Valëzimi në dete parashikohet i forcës 2 ballë.

Temperaturat parashikohen:

QYTETET Temperaturat në °C Sigla
Shkodër 14/26 Re shi
Kukës 12/26 Re shi
Lezhë 12/25 Re shi
Dibër 10/22 Re shi
Durrës 15/24 Re shi
Tiranë 16/27 Re shi
Elbasan 14/27 Re shi
Berat 12/27 Re shi
Vlorë 16/24 Re shi
Korçë 12/21 Re shi
Gjirokastër 10/27 Re shi
Sarandë 13/23 Re shi/atsh