Aktualitet

Kryeministri Edi Rama u ndal sot te investimet që janë bërë në Vlorë, siç është rruga hyrëse për në qytet, ndërkohë që sipas tij vetëm 6 vite më parë në Vlorë hyje “fshehurazi”.

“U them të gjithë qytetarëve të qarkut të Vlorës, nga Vlora deri në Sarandë dhe qytetarëve të gjithë Shqipërisë se ka shumë ende për të bërë për Vlorën, bregdetin jonian e Sarandën, por mjafton të kthejmë kokën pas për të kuptuar se ndërkohë që sot po flasim për vepra të ndërlikuara nga pikëpamja inxhinierike dhe financiare, deri dje para 6 vjetësh në Vlorë hyje fshehurazi”, tha Rama.

Vlora, një qytet portë hyrëse në Shqipëri ku kanë hyrë e dalë figura të historisë, duke filluar nga Jul Çezari, sipas Ramës, “ishte një qytet ku hyje fshehurazi në një kthesë ku realisht futeshe në psikozën e legalitetit”.

“Duhet të kapërceje gropa dhe pastaj të merrje frymë i lehtësuar se dole gjallë kur shikoje drita”, tha ai.

Rama tha se “sot në Vlorë jemi në një situatë krejt tjetër”. “Vlora sot është një zonë atraksioni shumë më i madh. Sot fshatrat e braktisur të jugut po jetësohen dhe shumë shpejt do të jenë resorte të mirëfillta të një turizmi të nivelit të lartë, si rezultat i transformimit dhe bukurisë e hijeshisë që i është kthyer”, tha Rama.

Gjithë ky korridor që po ndërtohet hap pas hapi, sipas tij, do të bëjë që shumë turistë, në radhë të parë ata nga Kosova që u kanë vënë bijave të tyre emrin Vlora, ta kenë shumë më të lehtë të vijnë në Vlorë.

“Ata duhet të mendojnë se përveç bregdetit të Adriatikut është edhe destinacioni i bregdetit të Jonit. Në kushtet e një infrastrukture si kjo që kemi trashëguar duhen dy ditë të bësh rrugën nga Kosova në Vlorë dhe dhe dy ditë për të marrë veten. Kthehesh nga pushimet dhe duket sikur ke dalë nga një ring boksi”, tha Rama./atsh

Klima e favorshme mesdhetare me kohë shumë të mirë në pjesën më të madhe të vitit e rendit Shqipërinë në një nga prodhuesit më të mëdhenj të agrumeve midis vendeve europiane.

Instituti i Statistikave publikoi sot raportin mbi statistikat e bujqësisë, sipas të cilit prodhimi i agrumeve në vitin 2019 u rrit me 3,04%.

“Prodhimi i agrumeve gjatë 2019 është 46.882 tonë duke shënuar rritje me 3,04 %, krahasuar me një vit më parë. Niveli më i lartë i prodhimit të agrumeve u arrit në qarkun e Vlorës 31.774 tonë”, thuhet në raportin e INSTAT-t.

Prodhimi i agrumeve në Shqipëri përfaqësohet kryesisht nga kultivimi i mandarinës në rajonin jugor të Sarandës dhe Vlorës./atsh

Dita e sotme pritet të karakterizohet nga mot me diell dhe pa reshje në të gjithë territorin e vendit tonë.

Sipas Institutit të Gjeoshkencave, Energjisë, Ujit dhe Mjedisit, temperatura maksimale pritet të shënohet në vendet e ulëta 29°C, ndërsa ajo minimale në vendet malore 9°C.

TEMPERATURAT

Temperaturat minimale dhe maksimale të ajrit pritet të arrijnë:

në bregdet: 16 / 26°C

në vendet e ulëta: 14 / 29°C

në vendet malore: 9 / 24°C

ERA

Era pritet të fryjë e lehtë deri në mesatare.

Disa epidemiologë dhe ekspertë të shëndetit publik në Universitetin e Michiganit vlerësuan 10 aktivitete të përditshme për rre zikun e inf ektimit nga koronavirusi.

Vlerësimi është nga 1 deri në 5, ku 1 është aktivitet me rre zik të ulët dhe 5 aktiviteti me rr ezik shumë të lartë.

“Aktivitetet me rre zik më të lartë janë ato që janë brenda, me ventilim të dobët dhe me shumë njerëz për periudha të gjata kohe”, tha studiuesi Ryan Malosh.

“Aktivitetet me rre zik më të ulët janë jashtë, me hapësirë të bollshme në distancë shoqërore dhe për periudha më të shkurtra kohore”, shtoi ai.

Ja cilat janë aktivitetet më të rrez ikshme dhe ato më pak të rr ezikshme:

-Vizita te mjeku – Rre ziku i ulët (Mesatarja: 2.1)

-Pikniku në natyrë -Rre ziku i ulët (Mesatarja: 2.3)

-Lojëra në natyrë -Rre ziku i ulët deri në i moderuar (Mesatarja: 2.4)

-Blerjet – Rr ezik i ulët deri në i moderuar (Mesatarja: 2.5)

-Vizita tek një i afërm i moshuar- Rre ziku i moderuar (Mesatarja: 3.2)

-Një prerje flokësh- Rr eziku i moderuar (Mesatarja: 3.4)

-Shkuarja në një restorant- Rre ziku i moderuar (Mesatarja: 3.4)

-Dërgimi i fëmijës tuaj në një kamp veror- Rre ziku i lartë (Mesatarja: 3.9)

– Vizita te dentisti – Rre ziku i lartë (Mesatarja 4.0)

-Transporti publik- Rre ziku i lartë (Mesatarja: 4.1)]

Ministri i Brendshëm, Sandër Lleshi deklaroi sot se numri i krimeve ka rënë ndjeshëm në Shqipëri dhe se ky tregues është poshtë mesatares së vendeve të Bashkimit Europian.

Gjatë një interpelance në Kuvend të kërkuar nga deputetë të opozitës, ministri bëri të ditur se ndryshe nga sa deklarohet nga opozita, në Shqipëri ka rënie galopante të krimit.

“Keni bërë supozime e hamendësime galopante në drejtim të së pavërtetës. Refuzoj të pranoj teprimet ekstreme të situatës që bëhen përmes vizatimeve tuaja shumë të errëta. Në këtë kuptim teprimet janë të dëmshme se paraqisni një situatë, e cila nuk ekziston dhe shtrembërimi i situatës është i dëmshëm për këdo që e do këtë vend dhe nëse e do këtë vend duhet t’i bëjmë një shërbim minimal, ta vizatojmë ashtu si është“, u shpreh ministri Lleshaj.

Sipas ministrit Lleshaj, në Shqipëri ka ulje galopante të krimit.

“Shifrat zyrtare thonë që ka rënie të numrit të vrasjeve në Shqipëri. Nga 126 vrasje që ishin në 2012-n në vitin 2019 janë 57 vrasje. Rezulton më pak se gjysma dhe këtë vit që flasim ka deri tani 21 vrasje që tregon një tendencë në dukje më e ulët. Konkluzioni juaj për rritje galopante të krimit në mënyrë galopante nuk qëndron”, u shpreh ministri.

Sipas ministrit Lleshaj, numri vrasjeve ka mbërritur poshtë mesatares europine për 110 mijë banorë.

“Mesatarja e BE-së është 1.3-1.4 vrasje për 100 mijë banorë dhe ne jemi afër mesatares së vendeve të BE. Ka shumë vende europiane që regjistrojnë një numër krimesh më të madh”, deklaroi Lleshaj.

Ministri më tej vuri në dukje se për të luftuar krimin duhet shterruar burimi që e mban gjallë atë.

“Operacioni Forca e Ligjit e garanton këtë. Instrumentet ligjore të instaluar në Shqipëri e pamundësojnë gëzimin e përfitimeve që mund të vijnë nga përfshirja në krim. Shifrat janë inkurajuese”, deklaroi ministri.

Sipas tij, kemi 43 vendime të gjykatës për konfiskime apo sekuestrime. “Janë qindra raste të tjera të cilat provojnë drejtësinë dhe seriozitetin e angazhimit të madh të qeverisë shqiptare”, u shpreh ai

Më tej, ministri bëri të ditur se edhe sa i takon kultivimit të kanabisit ka përmirësim të treguesve.

“Policia ka garantuar sukses të matshëm, shifra që janë tashmë edhe të çertifikuara nga partnerët tanë europiane, rezultate që kanë kontribuar dukshëm që Shqipëria ka hyrë në procesin e negociatave të anëtarësimit”, deklaroi Lleshaj.

Sipas ministrit, kemi shtuar dukshëm kapacitetet në dispozicion të Shqipërisë për monitorimin ajror.

“Ka patur propagandë nga qarqe, individë e grupe kriminale që kanë tentuar të krijojnë mjegull dhe unë gjej rastin të ftoj çdo qytetar të rrijë sa më larg çdo forme pëefshirjeje në këtë veprimtari kriminale”, tha Lleashj.

Sipas tij, zyrtarët me përgjegjësi për administrimin e territorit në Shqipëri kanë detyrim kontrollin e territorit.

Lleshaj bëri të ditur se ka një rënie të ndjeshme edhe të lëndës narkotike me origjinë shqiptare të kapura në shtetet fqinje.

“Ka patur kohë që keni çuar tonelata, keni krijuar Republikë kanabisi, jeni bërë markë me Lazaratin. Kemi mbërritur në minimum historic. Të gjithë treguesit e kriminalitetit kanë rënie me 50%’, u shpreh ministri.

Deputeti i opozitës, Halit Valteri në interpelancën e thirrur për ministrin e Brendshëm Sandër Lleshaj u shpreh se krimi në vend është rritur në mënyrë galopante.

“Sot dalim dhe themi, krimi nuk ka ekzistuar në këtë vend. Çdo ditë ka një vrasje, një rrëmbim, çdo ditë kanoset dikush”, tha Valteri./atsh