Është përcjellë pak momente më parë për në banesën e fundit Aneta Rama, nëna e kryeministrit të vendit, Edi Rama.
Për shkak të pandemisë një numër i kufizuar njerëzish kanë marrë pjesë në ceremoninë e varrimit. Vetëm të afërmit dhe miqtë më të ngushtë dhe pak makina e shoqëruan të ëmën e kryeministrit, për t’i dhënë lamtumirën e fundit.
Kryeministri Rama dhe i vëllai Olsi iu drejtuan me një mesazh miqve dhe të afërmve duke kërkuar mirëkuptimin e tyre, për të mos qenë të pranishëm në përcjelljen për në banesën e fundit të Aneta Ramës, për shkak të situatës nga Covid-19.
Aneta do të prehet në varresat e Sharrës.
Aneta Rama ndërroi jetë në orën 05.00 të mëngjesit të sotëm në shtëpinë e saj. Ajo ishte e sëmurë, ndërsa prej ditësh ndodhej e shtruar në spital. Një javë më parë Aneta Rama kishte lënë spitalin dhe qëndronte në shtëpinë e saj.
Personalitete të njohura të politikës i shprehën sot ngushëllimet Kryeministrit Edi Rama për ndarjen nga jeta të nënës së tij, Aneta Rama.
Meta: Ngushëllimet më të sinqerta për familjen Rama
Presidenti Ilir Meta i ka shprehur ngushëllime familjes Rama për ndarjen nga jeta të Aneta Ramës.
“Ngushëllimet më të sinqerta për familjen Rama, për ndarjen nga jeta të nënës dhe gjyshes së tyre të dashur Aneta. U prehtë në paqe!”, shprehet Meta në mesazhin e tij të ngushëllimit.
Ngushëllime për ndarjen nga jeta të nënës së kryeministrit Rama, ka shprehur edhe kryeparlamentari Gramoz Ruçi.
Thaçi: Ngushëllime në këtë ditë pikëllimi
Presidenti i Kosovës, Hashim Thaçi, në mesazhin e tij të ngushëllimit shprehet se “i dashur Edi në këtë ditë të pikëllimit, por edhe të krenarisë, bashkëndjej me ju dhimbjen e thellë për ndarjen nga jeta të nënës Aneta. Ngushëllimet më të sinqerta në emër timin dhe të familjes”.
Hoti mesazh ngushëllimi kryeministrit Rama
Kryeministri i Kosovës, Avdullah Hoti ngushëlloi familjen e kryeministrit Edi Rama për humbjen e nënës së tij.
Hoti shprehet se lajmin për vdekjen e saj e kam marrë vesh me shumë dhimbje. Ai shpreh gjithë ngushëllimet më të sinqerta nga ana e tij dhe e qeverisë së Kosovës.
“Me dhimbje mora lajmin për ndarjen nga jeta të nënës së kryeministrit të Shqipërisë, Edi Rama! Në emrin tim dhe të Qeverisë së Republikës së Kosovës u shpreh ngushëllimet më të sinqerta kryeministrit Rama, familjes dhe gjithë të afërmve për humbjen e njeriut të tyre të dashur. Qoftë i përjetshëm kujtimi për të!”, shprehet Hoti.
Xhaferi mesazh ngushëllimi kryeministrit Rama
Kryetari i Kuvendit të Maqedonisë së Veriut, Talat Xhaferi i ka shprehur ngushëllime Kryeministrit Rama për ndarjen nga jeta të nënës së tij, Aneta Rama.
“Ju përcjell ngushëllimet e mia të sinqerta me rastin e ndërrimit jetë të Nënës. E ndjera u preht në paqe. Zoti e shpërbleft me të mirat e Parajsës e familjarëve ju falt durim”, shprehet Xhaferi.
Mustafa i shpreh ngushëllime kryeministrit Rama: Humbja e nënës, moment shumë i rëndë
Kryetari i LDK-së, Isa Mustafa i ka shprehur ngushëllime kryeministrit Rama për ndarjen nga jeta të nëës së tij, Aneta Rama.“Me dhimbje mora lajmin për ndarjen nga jeta të nënës së kryeministrit të Shqipërisë, Edi Rama. Humbja e nënës është një moment shumë i rëndë! Në emrin tim dhe të Lidhjes Demokratike të Kosovës i shpreh ngushëllimet më të sinqerta kryeministrit Rama, familjes dhe gjithë miqve. Qoftë i përjetshëm kujtimi për të!”, shprehet Mustafa.
Veseli: Dashuria për nënën është e pafundme
Kreu i PDK-së, Kadri Veseli ka shprehur ngushëllime për ndarjen nga jeta të Aneta Ramës, nënës së kryeministrit Edi Rama.
Në mesazhin e tij, Veseli shkruan se dashuria për nënën është e pafundme dhe se një humbje e tillë është e pazëvendësueshme.
“Ngushëllimet më të thella Kryeministrit Edi Rama për humbjen e nënës së tij të çmuar, Anetës. Dashuria për nënën është e pafundme, prandaj lutem që ta gjej forcën për ta përballuar një humbje kaq të rëndë e të pazëvendësueshme. Në këtë kohë pikëllimi, lutjet janë për të dhe familjen e tij,” shprehet Veseli në mesazhin e tij të ngushëllimit.
Ahmeti: E vështirë për ta përballuar është humbja e nënës
Në një mesazh ngushëllimi kryeministrit Rama, Kryetar i BDI-së, Ali Ahmeti, shprehet se “nëna është drita e shtëpisë” thotë gurra jonë popullore. E vështirë për ta përballuar është humbja e nënës, sot bashkëndjej dhimbjen e Edit dhe të familjes për nënën, gjyshen e tyre, Aneta Rama. Ngushëllime më të afërmve, familjes, miqve e dashamirëve, u prehtë në paqe”.
Balla: Vetëm dashuri dite të falësh
Kryetari i grupit parlamentar të PS, Taulant Balla ka shprehur ngushëllime për ndarjen nga jeta të Aneta Ramës.
“U prehsh në paqe nëna Neta! Vetëm dashuri dite të falësh deri në ditën e fundit. Ngushëllime familjes Rama për humbjen e nënës së dashur”, shprehet Balla.
Braçe: E kam me vete zërin tënd që na bënte bashkë
Zv. Kryeministri Erion Braçe ka bërë një mesazh të veçantë ngushëllimi për nënën e kryeministrit Rama, Aneta e cila u nda nga jeta ditën e sotme në moshën 82-vjeçare.
“Të jesh në paqe mike e mirë! E kam me vete zërin tënd, revoltën që na bënte bashkë; Mirësinë tënde! Lamtumirë!”, shprehet Braçe.
Koçi: Nëna është e vetmja perëndi qe na prek dhe e prekim
Zv. ministri i Mbrojtjes, Petro Koçi ka shprehur ngushëllimet e tij pas ndarjes nga jeta të Aneta Ramës, nënës së kryeministrit.
“I dashur Edi, Nëna është e vetmja perëndi qe na prek dhe e prekim. Është perëndia qe na jep sise e qe loton për ne! I ndritë shpirti Netës!”, shprehet Koçi.
Deputeti socialist Arben Pëllumbi në mesazhin e tij të ngushëllimit thekson “E pa harruar qoftë”.
Ndërsa Drejtori i Transportit Blendi Gonxhja shprehet se “deri 1 ditë përpara se të ndahej nga jeta s’kursyen helm nëpër tv, ata që veç zoti i faltë për sa e sëmurën, gruan, nënën! RIP Aneta Rama”.
Ekipi i futbollit të Partizanit: Humbje e madhe dhe e pazëvendësueshme
Ekipi i futbollit të Partizanit ka përcjell ngushëllimet për ndarjen nga jeta të Aneta Ramës, e cila është e ëma e Drejtorit të Përgjithshëm të këtij ekipi, Olsi Rama. “Me keqardhje të thellë njoftojmë sot se është ndarë nga jeta Znj. Aneta Rama, e ëma e Drejtorit të Përgjithshëm të FK Partizani, Olsi Rama. Klubi Partizani i përcjell ngushëllimet më të sinqerta familjes Rama dhe të afërmve, për këtë humbje të madhe dhe të pazëvendësueshme”, shprehet ekipi i Partizanit./atsh
Ministrja e Shëndetësisë dhe Mbrojtjes Sociale Ogerta Manastirliu, gjatë takimit me epidemiologët e Tiranës, një prej vatrave kryesore në vend, ka deklaruar se sistemit shëndetësor do t’i shtohen 300 mjekë, infermierë, teknikë, në përgjigje të planit dhe strategjisë afatmesme ndaj situatës së shkaktuar nga COVID-19.
“Vendimi i qeverisë ka alokuar 300 punonjës të dedikuar për spitalet që priten të hapen, por edhe për planin tonë afatmesëm në kuadër të përgjigjes të situatës të shkaktuar nga COVID-19. 300 punonjës do të jenë mjekë, teknikë apo infermierë, që do t’i përgjigjen nevojave të spitaleve COVID apo nevojave të tjera që ka sistemi shëndetësor”, tha Manastirliu.
Gjatë takimit me epidemiologët, Ministrja Manastirliu theksoi se po vijon puna me forcimin e kapaciteteve dhe burimeve njerëzore për përgatitjen e periudhës vjeshtë dimër.
“Ne po përgatitemi për vjeshtë-dimrin, që sigurisht do të jetë i vështirë, por po përgatitemi të fuqizojmë asetet sa i përket burimeve njerëzore, epidemiologët, punonjësit në shërbimet e Njësive Vendore të Kujdesit Shëndetësor jo vetëm në Tiranë, ku janë dyfishuar ekipet por edhe në të gjithë qarqet, në mënyrë që në terren të kemi më shumë epidemiologë, më shumë punonjës, të cilët të mundet të kenë prioritet jo vetëm testimin, por edhe gjurmimin, hetimin për kufizimin e infeksionit”, tha Manastirliu.
Epidemiologët e terrenit kanë bërë të ditur se nga rastet e identifikuara së fundmi ka rritje të rasteve tek moshat e reja të cilët janë infektuar nga frekuentimi i vendeve me grumbullime masive, kryesisht festa dhe ditëlindje.
“Ajo çfarë vihet re këtë periudhë është rritja e rasteve në moshat e reja. Vatrat kryesore janë nga festat, ditëlindjet apo grumbullimet ne ceremoni mortore”, u shprehën epidemiologët.
Manastirliu ju ka bërë edhe njëherë thirrje të rinjve të tregohen të përgjegjshëm, pasi sjellja individuale në këtë betejë është vendimtare.
“Ajo çfarë konstatohet nga puna juaj është që të rinjtë, apo personat që janë frekuentues të festave dhe të ceremonive të cilat me udhëzime tona janë të ndaluara e që në fakt janë kryer në komunitet, por gjithashtu edhe frekuentuesit e klubeve, bareve, janë bërë shkak për transmetimin e infeksionit. Një thirrje për të rinjtë, të cilët duhet të ndërgjegjësohen më shumë sa i përket këtij virusi të rrezikshëm pasi ata po bëhen bartës të këtij infeksioni dhe më pas ja transmetojnë prindërve të tyre, gjyshërve të tyre. Sot më shumë se kurrë të gjithë duhet të jenë të kujdesshëm, të përgjegjshëm sepse sjellja e çdo individi në këtë luftë me këtë armik të padukshëm është vendimtare në fitoren e çdo beteje”, apeloi Manastirliu./atsh
Blogeria e seksit Zhaklina Lekatari së fundmi ka dhënë një intervistë ku ka folur gjatë për bullizmin që merr nga mediat sociale për temat që trajton, për komentet negative dhe si arrin t’i përballojë vazhdimisht kritikat që merr.
Ndër të tjera ajo ka treguar për Ora news se çfarë nuk pëlqen nga mentaliteti shqiptar.
Injoranca dhe vulgariteti janë gjërat e vetme që e shqetësojnë blogeren në Shqipëri, dhe sipas saj kjo mund të luftohet vetëm me edukim.
Çfarë të shqetëson më shumë ty nga mentaliteti shqiptar?
Injoranca dhe vulgariteti. Injoranca është më e madhja sepse ajo është më e keqja e të këqijave. Nga ajo burojnë të gjitha të tjerat. Mendoj se kjo luftohet vetëm me edukim luftohen të gjitha fenomenet. Ne të gjithë duhet të kërkojmë që të ketë më shumë fonde për edukim. Katër janë shtyllat e shtetit dhe njera nga këto është edukimi.
Djali i madh i kryeministrit Rama, Gregu, ka reaguar me nje mesazh per ndarjen nga jeta te gjyshes se tij, Aneta Rames.
Me nje foto bardhe e zi, ku shfaqen te dy te qeshur, teksa ai i tregon dicka ne telefon, Gregu, ka ndare me ndjekesit e tij ne rrjetet sociale, nje mesazh te ndjere per gjyshen.
“Këshillat e tua më të vyera, batutat dhe çdo përpjekje e jotja për të luftuar dhe tejkaluar çdo vështirësi dhe betejë do jenë të paharrueshme tek unë! U prehsh në paqe
Më 10 korrik Isa Mustafa rezultoi i infektuar me koronavirus, por tashmë teksa kanë kaluar 20 ditë, kreu i LDK-së ka njoftuar se është shëruar nga ky virus vdekjeprurës. KOSOVË– Kreu i LDK-së Isa Mustafa përmes një postimi në rrjetin social Facebook ditën e sotme ka njoftuar se është shëruar plotësisht nga Covid-19.
Ai u infektua nga virusi që prej datës 10 korrik, por siç sqaron edhe në postimin e tij, Mustafa bën me dije se ka rezultuar negativ në testin për Covid-19.
Kujtojmë se gjatë kohës që Mustafa ishte i sëmurë, në rrjet qarkukulloi një video dhe njoftim i rremë për vdekjen e tij duke treguar edhe orën e varrimit ndërkohë që kreu i LDK-së ishte në gjendje stabile e po kurohej për koronavirusin.
Postimi i Plotë i Mustafës:
Miq të nderuar Dua te ndaj me ju lajmin se kam rezultuar negativ, pas perballjes me Covid-19. Kam nderin të falënderoj gjithë ata që janë lutur për shëndetin tim. Familjen time të mrekullueshme për kujdesin e parreshtur, bashkëshoren Qevseren, vajzën time, doktoreshën Afërditë, djemtë Arbenin e Besnikun dhe nipin tim Metin; motrat dhe vëllezërit. Një falënderim të veçantë e meritojnë mjekët tanë të fushave të ndryshme që më udhëzuan dhe rekomanduan kur kisha nevojë, prof . Dr Sali Ahmeti, prof. Dr Afrim Gashi, dr. Rexhep Manaj, dr. Valbon Krasniqi, prof. dr. Venera Berisha-Muharemi, dr. Bujar Gjikolli. Mjekët dhe sistemi shëndetësor meritojnë shumë më shumë sesa që ne u ofrojmë. Falënderoj për mbështetje nga bashkëpunëtorët e LDK-së, kolegët nga ASHAK dhe Universiteti i Prishtinës! Falënderoj Presidentin Thaçi, Presidenten Jahjaga, Kryeministrin Hoti, Kryeparlamentaren Osmani, Kryetarin e PDK-së, Veseli, Kryetarin e AAK-sê, Haradinaj, Kryetarin e Nismës, Limaj, kryetarin e AKR-së, Pacolli, kryetarin e Prishtinës, Ahmeti, nënkryetaren e Kuvendit nga VV, Nagavci; burrështetasit shqiptarë: Presidentin Ilir Meta, Presidentin, Sali Berisha, Kryeministrin Edi Rama, Kryetarin e PD, Lulzim Basha, Kryetarin e Kuvendit të Shqipërisë, Gramos Ruçi, Sekretarin e PS, Taulant Balla, kryetarin e BDI-së, Ali Ahmeti; si dhe ambasadorin e SHBA-së Kosnett, ambasadorin e Mbretërisë së Bashkuar, Abott, ambasadorin e Italisë, Orlando, ambasadori zviceran, Lebet, deutetë të pozitës dhe opozitës dhe shumë qytetarë për tregimin e kujdesit dhe urimet e tyre për shëndetin tim. Miq të nderuar, kishte edhe të tillë që i duartrokitën sëmundjes time e që uruan vdekjen time. Pati të sojit që sajuan varrimin tim virtual në rrjetet sociale e ma tmerruan një pjesë të familjes e cila nuk ishte në rrjedhë se çfarë ka ndodhur dhe çfarë po ndodhë. Edhe këtyre iu uroj shëndet; fëmijëve dhe familjeve të tyre! Fati ynë ështe që tjetërkush vendosë për jetën tonë, ndërsa me disa merret drejtesia. Covid-19 po bënë të veten, por ne duhet ta bëjmë tonën, të respektojmë rregullat që kërkohen nga institucionet shëndetësore. Uroj që ata që janë prekur me Covid-19 të shërohen sa më shpejtë, kurse me dhembje të thellë u shpreh ngushëllime të gjitha familjarëve që humbën të afërmit e tyre. IM
Presidenti i vendit, Ilir Meta, ka ngushelluar sot familjen Rama, per humbjen e njeriut te tyre te shtrenjte, ndarjen nga jeta te Aneta Rames. presidenti meta
Me nje shenim ne faqen e tij ne Facebook, Meta i shpreh familjes Rama, ngushellimet me te sinqerta.
Mesazhi i Metes
Ngushëllimet më të sinqerta për familjen Rama, për ndarjen nga jeta të nënës dhe gjyshes së tyre të dashur Aneta.
U prehtë në paqe!
Pak pas ndarjes nga jeta te nenes se tyre, Aneta Rames, kryeministri dhe vellai i tij, Olsi, u jane drejtuar me nje mesazh gjithe miqve, te afermve dhe familjareve.
Duke i falenderuar per mesazhet e pafundme qe u mberrijne, ata kerkojne mirekuptim prej te gjitheve “për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit”.
Mesazhi i Edi dhe Olsi Rames
Përulësisht u lutemi familjarisht mirëkuptim të gjithë të afërmve e miqve të mirë, për pamundësinë e pritjes së ngushëllimeve e të ceremonisë së përcjelljes së nënës sonë në banesën e fundit, në kushtet e detyrimit për të respektuar rregullat e mbrojtjes së shëndetit të gjithësecilit. I falenderojmë të gjithë për mesazhet prekëse që vazhdojnë ta na vijnë për humbjen e nënës sonë të shtrenjtë dhe e vlerësojmë shumë respektin e mirëkuptimin e kujtdo që do të donte të ishte edhe fizikisht pranë nesh në këtë ditë të vështirë.
