Aktualitet

Shërbimi Meteorologjik Ushtarak bën të ditur se dita e sotme e do të jetë me mot të kthjellët dhe temperatura të larta. Në mesditë parashikohen vranësira kalimtare në zonat malore. Parashikohen reshje shiu lokale në mesditë në Alpe dhe Verilindje.

Era do të fryjë me drejtim Jugperëndim -Veriperëndim 1-8m/sek, përgjatë vijës bregdetare jugore deri në 15m/sek, duke u pasuar nga valëzim i forcës 2 dhe 3 ballë.

Temperaturat parashikohen:

QYTETET Temperaturat në °C Sigla
Shkodër 23/39 diell
Kukës 19/35 diell shi
Lezhë 21/36 diell
Dibër 19/36 diell re
Durrës 23/34 diell
Tiranë 24/37 diell
Elbasan 24/39 diell re
Berat 20/37 diell
Vlorë 22/32 diell
Korçë 19/32 diell re
Gjirokastër 19/38 diell
Sarandë 19/33 diell/atsh

Një helikopter i Forcave Ajrore Shqiptare ka bërë ulje të detyruar në një nga zonat e Toscanas në Itali.

Mediat italiane shkruajnë se mjeti fluturues ishte nisur nga Franca drejt Shqipërisë por në një moment ka pësuar avari duke bërë zbritje urgjente në Casentino.

Ngjarja është rregjistruar mëngjesin e kësaj të enjte. Helikopteri kishte në bord katër anëtarë.

Mësohet se mjeti ajror pësoi nxehje të pjesëve motorrike. Fillimisht helikopteri u pa nga një banor i komunës Poppi, i cili lajmëroi edhe karabinierët. Këta të fundit pas konstatimeve të para thanë se nga ky rast mund të kishte ndodhur edhe një tragjedi.

“Shkathtësia dhe gatishmëria e pilotit shmangën më të keqen. Nuk ka dëmtime në mesin e anëtarëve të ekuipazhit, dhe as në mesin e popullatës, nuk ka dëmtime në strukturat”, tha polica italiane.

Ndonëse i prekur nga COVID-19, kryebashkiaku Erion Veliaj, i ka përcjellë mbrëmjen e sotme një mesazh falënderues kryeministrit Rama, edhe në shenjë mirënjohjeje.

“Mirënjohje nga zemra për gjithë mbështetjen tuaj në këtë vit të parë të mandatit të dytë.Nuk ka qenë aspak vit i lehtë me dy tërmete dhe pandeminë, që vijon të na ngërthejë ende sot, por Tirana nuk e ka ndalur për asnjë çast transformimin e saj falë jush. E për këtë jam çdo ditë krenar!”, ka shruar në mesazhin e tij Veliaj.

“Do të vijojmë të punojmë për qytetin e ëndrrave, me po të njëjtën dashuri si ditën e parë. Do ta mund këtë flamë e do ju ribashkohem edhe më i fortë! Bashkë!”, shkruan Veliaj.

Prej tre ditësh kryebashkiaku i Tiranës është i izoluar në banesë, pasi rezultoi pozitiv me COVID-19.

Mjeku infeksionist, Tritan Kalo, iu drejtohet me një mesazh të gjithë shqiptarëve me rastin e festës së Kurban Bajramit.

“KOHË KOVIDIANE…..Miq, të afërm, kolegë, dashamirës e bashkëkombas kudo që frymoni në këto kohë të kësaj “flame mbarëbotërore”….Pavarësisht kushteve jo të zakonëshme që na imponon in.feksioni Sars-Cov2/Covid-19, KURRË të mos harojmë të urojmë njëri tjetrin për këtë festë të lumnueme, sepse NE kurdoherë e në çdo rrethanë BAJRAM e PASHKË i kemi festuar e do t’i festojmë bashkërisht….Jemi të gjithë bijë e bija të Trojeve Arbërore….Together forever!!!”, shkruan Kalo.

Tej pritshmërive rezultati i votimit të deritanishëm në Parlament.

Teksa shumë pyetje u ngritën nëse Rama do i bënte votat e nevojshme për Ndryshimet Kushtetuese, tanimë duket se nuk ka më pikëpyetje.

106 vota PRO ndryshimeve Kushtetuese, 10 kundër ndërsa 6 kanë munguar në seancë.

Votimi i sotëm i hap rrugë hapjes së pjesshme të listave dhe një formule të re për koalicionet që do duhet të dalin në zgjedhjet e 2021-shit me një listë unike kandidatësh për deputetë.

Anita Haradinaj publikon fotografi romantike me Ramushin nga pushimet: Dashuria edhe nuk të lë me prekë në tokë.

Çifti i njohur, Ramush Haradinaj dhe Anita Muçaj-Haradinaj, janë duke shijuar së fundmi disa ditë të mira pushimi në bregdetin shqiptar.

Ata po kalojnë kohë të mirë pranë njëri-tjetrit në këto ditë të nxehta, larg aktiviteteve të përditshme.

Disa nga momentet e këndshme që po i kalojnë së bashku, dyshja nuk kanë hezituar që t’i ndajnë edhe me ndjekësit e tyre në rrjetet sociale.

Ka qenë moderatorja e lajmeve në RTK, ajo e cila ka publikuar së fundmi një fotografi romantike me bashkëshortin e saj në InstaStory.

Ajo dukej e lumtur teksa mbahej në krah nga Ramushi dhe i dhuron atij një puthje të zjarrtë.

“Dashuria edhe nuk të lë me prekë në tokë”, shkroi Anita në mbishkrimin e kësaj fotografie.

Çifti janë prindër të tre fëmijëve dhe janë komentuar shpesh në media për jetën që bëjnë.