Po licia e Vlorës ka bërë kapjen dhe ndalimin e dy shtetasve në kë rkim për vj edhje dhe për dh unë në familje.
Përkatësisht shtetasi G. V., 43 vjeç, banues në Vlorë, pasi ishte shpallur në kë rkim për veprën penale “Vj edhja” e kryer në bashkëpunim, për të cilën Gjy kata i ka vendosur masën e sigurisë “Arr est në bu rg”.
Po ashtu u ndalua edhe shtetasi F. Ç., 69 vjeç, banues në Vlorë, pasi ky shtetas ishte shpallur në kë rkim për “Dhu në në fa milje”, për të cilën Gjykata e ka dë nuar me 1 muaj bu rg.
Materialet iu referuan Pro kurorisë për veprime të mëtejshme.
Greqia kërkon rifillimin e negociatave për një Marrëveshje mbi Detin dhe me Shqipërinë, pas anullimit nga Gjykata Kushtetuese më 2010 të marrëveshjes së nënshkruar me 2009 dhe dështimit të dy tentativave të tjera në 2017 dhe 2018. Ministri i jashtëm grek, Dendias e dha këtë njoftim në muajin qershor. Këshilli i Ambasadorëve Shqiptarë i kërkon qeverisë dhe diplomacisë sonë për ta vlerësuar drejt e në kohën e duhur këtë moment të ri përcaktues në marrëdhëniet me Greqinë fqinje. Kjo kërkon gjithashtu të jemi të përgatitur me kohë, me alternativa të përditësuara konkrete dhe bindëse, të bashkërenduara me të gjitha institucionet më të larta dhe instancat e tjera përkatëse.
Greqia më 6 gusht ajo përfundoi negociatat me Egjiptin ndërsa më 8 Qershor e ka nëshkruar me Italinë; ndërkohë, është në proces bisedimesh me Izraelin, Qipron, Libinë, etj. Disa ditë më parë, liderët më të lartë grekë dhe turq shprehën në parim gatishmërinë për rifillimin e bisedimeve ndërmjet tyre lidhur me përcaktimin e Zonave Ekskluzive Ekonomike në Detin Egje dhe në Mesdheun Lindor.
Njoftimi i plotë nga Këshilli i Ambasadorëve Shqiptarë
Nisur nga rëndësia dhe referenca e veçantë që ka për vendin tonë, Këshilli i Ambasadorëve Shqiptarë po ndjek me vëmendje dhe përparësi demarshet më të fundit intensive të diplomacisë greke lidhur me përcaktimin e Zonave Ekskluzive Ekonomike detare me disa vende. Së fundmi, më 6 Gusht ajo përfundoi negociatat për një Marrëveshje të tillë me Egjiptin ndërsa më 8 Qershor e ka nëshkruar me Italinë; ndërkohë, është në proces bisedimesh me Izraelin, Qipron, Libinë, etj.
Po ashtu, disa ditë më parë, liderët më të lartë grekë dhe turq shprehën në parim gatishmërinë për rifillimin e bisedimeve ndërmjet tyre lidhur me përcaktimin e Zonave Ekskluzive Ekonomike në Detin Egje dhe në Mesdheun Lindor.
Në këtë kuadër, në Qershor dhe disa ditë më parë, Ministri i Jashtëm grek, Zoti Dendias ka pohuar publikisht se Greqia do të kërkojë rifillimin e negociatave për një Marrëveshje mbi Detin dhe me Shqipërinë, pas anullimit nga Gjykata Kushtetuese më 2010 të Marrëveshjes së nënshkruar me 2009 dhe dështimit të dy tentativave të tjera më 2017/2018.
Më këtë rast, duke marrë shkas nga mungesa e transparencës publike mbi këtë çështje me ndjeshmëri të jashtëzakonshme politike dhe publike, KASH i kërkon qeverisë dhe të diplomacisë sonë për ta vlerësuar drejt e në kohën e duhur këtë moment të ri përcaktues në marrëdhëniet me Greqinë fqinje. Kjo kërkon gjithashtu të jemi të përgatitur me kohë, me alternativa të përditësuara konkrete dhe bindëse, të bashkërenduara me të gjitha institucionet më të larta dhe instancat e tjera përkatëse.
Për këtë qëllim, nevojitet të fillojnë sa më shpejt në formatet e duhura konsultimet, shkëmbimi i ideve dhe mendimeve profesionale mbi alternativat paraprake me grupet e ekspertëve, pa paragjykime partiake, politike apo të tjera, në fushat juridike, ekonomike, ushtarake, teknike, të sigurisë, etj.
Mbi atë bazë, mund të bëhet mbi kritere më objektive përzgjedhja dhe krijimi i një ekipi të ri negociator gjithëpërshirës, kompetent dhe i specializuar për këto çështje.
Padyshim që njohja me përmbajtjen e marrrëveshjeve që Greqia ka bërë e po bën me vendet e lartpërmendura është me rëndësi të dorës së parë. Gjithsesi, kërkohet kujdes për të shmangur kopjimin dhe referencat mekanike, duke mbajtur mirë në konsideratë kushtet dhe rrethanat tona si dhe specifikat teknike, tregtare, të së drejtës ndërkombëtare të detit, etj.
Këshilli i Ambasadorëve Shqiptarë thekson me këtë rast se debatet, diskutimet dhe sugjerimet e ndryshme mbi një marrëveshje të mundshme nuk ka përse të bëhen me nxitim.
KASH thekson se negociatat e ardhshme për këtë Marrëveshje, me një problematikë të gjerë aspektesh tejet të koklavitura dhe konkrete, janë me rëndësi të madhe për interesat e vendit tonë; po aq të rëndësishme janë ato për marrëdhëniet dhe bashkëpunimin dypalësh me Greqinë fqinje. Gjithashtu, përcaktimi dhe ecuria e këtij procesi mund të ketë ndikimin e vet dhe në procesin historik të negociatave për anëtarësimin e vendit tonë në Bashkimin Europian. Dihet tashmë se sheshimi i problemeve ekzistuese me vendet fqinj është një ndër kushtet kryesore politike dhe diplomatike, për çdo vend kandidat për anëtarësim ne BE.
Këshilli i Ambasadorëve Shqiptarë shpreh bindjen dhe besimin se qeveria dhe diplomacia shqiptare do të intensifikojnë punën dhe përgatitjet përkatëse, duke e shoqëruar këtë proces me transparencën dhe informimin e duhur publik, natyrisht brenda rregullave dhe etikës diplomatike.
Së fundi, meqenëse në Këshillin tonë ka ambasadorë të njohur, profesorë dhe ekspertë me njohje dhe përvojë të gjatë në trajtimin e çështjeve komplekse të së drejtës ndërkombëtare mbi Detin, KASH është i hapur dhe shprehet i gatshëm të japë ndihmesën e vet në këtë proces./lajmifundit
Bregdeti i jugut ka marrë një pamje të mrekullueshme këto ditë të nxehta vere.
Në gjirin e Ftelesë që ndodhet në kanalin e Korfuzit nga një anë janë delfinët që dhurojnë spektakël dhe në anën tjetër janë peshkatarët me varkat e tyre. #
Ujërat e kaltra në bregdetin e jugut janë të pakrahasueshme me asgjë tjetër, prandaj shumica e pushuesve zgjedhin atë destinacion për të kaluar momentet e relaksit pas një viti të lodhshëm. Përveç qenieve magjepsëse siç janë delfinët, disa zhytës po shijojnë ujin në në gjirin e Ftelesë afër Ksamilit për tu freskuar pas kësaj vape të tmerrshme që ka prekur gjithë vendin.
Peshkatarë nuk ka vetëm në kanalin e Korfuzit, por edhe në hyrjen e kanalit të Vivarit afër Butrintit historik. Me grepa e rrjeta ata përpiqen që të ‘kapin’ jetën e pamasë ujore, shumë herë më e pasur se sa ajo mbi tokë.
Ditën e sotme do të ketë sërish reshje shiu. Meteoalb parashikon se sot do të ketë shira në veri dhe verilindje të vendit.
Ndërsa, në bregdet do të mbizotërojë një mot me diell. Ndërkohë, temperaturat maksimale do të shkojnë në 38 gradë.
Parashikimi:
Vendi ynë mbetet në ndikimin e kthjellimeve deri pas mesditës, kur vranësira kalimtare shfaqen nëpër territor. Pasditja zhvillon vranësirave në skajin Verior-Verilindor, ku do te ketë reshje te karakterit lokal. Temperaturat e ajrit rriten në mëngjes dhe mesditë duke luhatur vlerat ditore nga 15°C deri në 38°C . Era do fryjë mesatare me shpejtësi 30 km/h nga drejtimi Perëndimor -Veriperëndimor duke krijuar ne det dallgëzim 2 – 3 ballë.
Plazhi i Gjipesë apo siç njihet ndryshe Kanioni i Gjipesë, është një ndër plazhet më të bukura të rivierës shqiptare.
Nëse kërkoni që fundjava juaj të jetë një aventurë e bukur dhe plot gjallëri me emocione të bukura, me histori e gojëdhëna, ky është destinacioni dhe vendi i duhur.
I cilësuar si një nga “margaritarët e fshehur” të Shqipërisë, vizitorët mund të shkojnë atje me anije ose makinë.
Deputetja e Partisë Socialiste, Blerina Gjylameti publikoi sot pamje nga ky plazh, i cili është gati të mirëpresë shumë turistë këtë verë.
Plazhi i Gjipesë i njohur ndryshe edhe si kanioni i Gjipesë, nis që nga rruga nacionale, mes fshatit Ilias dhe Jal dhe përfundon në bregdet, duke krijuar një oaz përrallor në bregun e jugut.
Ky plazh përrallor të ofron mundësi gjatë ditës për t’u larë në ujin e kristaltë, për të ecur në kanionin e saj, ku herë pas here formacione të ndryshme shkëmbore krijojnë pamje mahnitëse, por është edhe vendi ideal që gjatë natës të shohësh dallgët e detit nën yjet vezullues.
Duke qenë se është një vend i veçuar, ku nuk ka zona të ndriçuara pranë gjirit dhe falë ajrit të pastër, mund të dallosh të gjitha kostelacionet yjore që mund të shikohen nga pozicioni i vendit tonë.
Gjipea është renditur mes 50 plazheve më të bukura të botës për vitin 2018 nga faqja më e madhe kanadeze që u kushtohet udhëtimeve, “Flight Network”, në një listë që është përpiluar duke u bazuar në opinionin e 1 200 gazetarëve, botuesve, blogerëve dhe agjencive të udhëtimeve për të dhënë këndvështrimin e tyre prej eksperti./atsh
Eksportet bujqësore nga qarku i Vlorës, krahas peshkimit kryesojnë edhe me kulturën e shalqirit dhe bimëve mjekësore aromatike këtë sezon vere.
Drejtoria Rajonale e Eksporteve Vlorë, bën të ditur se, gjatë muajit korrik 2020, nga qarku i Vlorës janë eksportuar në total rreth 207.6 tonë produkte bujqësore në tregjet rajonale dhe vendet e BE-së.
Sipas statistikave, për këtë periudhë kryesojnë eksportet e shalqirit me rreth 196 tonë, 26 tonë më shumë se në të njëjtën periudhë një vit më parë për këtë kulturë. Ndërsa eksportet e bimëve mjekësore kapin shifrën e mbi 11 tonëve në muajin korrik të këtij viti.
Ekspertët e bujqësisë shprehen se, Vlora kryeson me eksportet drejt vende të BE-së për produktet e detit, të agrumeve dhe vajit të ullirit, ndërsa vijon traditën e prodhimeve me trend drejt rritjes progresive, për produktet bujqësore veçanërisht në sera (që aktualisht ka mbaruar sezoni) por dhe për ato blegtorale dhe të përpunuara.
Sipas statistikave në qarkun e Vlorës prodhohen rreth 14.881 tonë ullinj, mbi 27 mijë tonë agrume ndërsa blegtoria zë rreth 17.7% të prodhimit të përgjithshëm blegtoral/atsh
Astrologia e njohur Meri Shehu ka pa ralajmërua të gjitha shenjat por në veçanti shenjën e Dashit, Bricjapit, Gaforrës dhe Peshoren si më poshtë:
‘Askush nuk ka lindur nën ndikimin e një ylli fatkeq, vetëm ka njerëz që nuk dinë të lexojnë qiellin. Kjo javë do jetë shumë e nxehtë nën ndikimin e planeteve dhe këtë nxehtësi e shton një lidhje planeteare katërkëndëshi midis Marsit në Dash me Plutonin në Bricjap.
Nga pikpamja astrologjike kjo është lidhje e dhunshme pasi sjell ndryshime rrënjësore dhe me një mënyrë tepër të ashpër pa diplomaci por me përplasje nervozizëm dhe me tregim force e pushteti.Nuk i shmangemi dot dhunës psikologjike fizike apo debateve të ashpra.
Prandaj do këshilloja kujdes dhe nerva të qeta sa të kaloj edhe kjo periudhe nën efektin edhe të Diellit të fortë në Luan. Të gjitha kokat janë të nxehta kurse shpirti brënda është shumë i ndjeshëm dhe delikat. Kjo sjell një supermbrojtje. Sa më i dobët të ndjehesh aq agresiv bëhesh në momente të caktuara. Kujdes Dashët Bricjapet Gaforret dhe Peshoret’.
Dashi – Kjo javë do jetë e fuqishme përsa i përket qëllimeve tuaja. Por ekspozimi i tepërt do vejë në veprim forca më të mëdha se ju dhe kjo do sjelle përballje sidomos në punë e me njerëz të fuqishëm
Demi – Prapaskenat dhe çështjet ligjore janë ato që do ju preokupojnë. Por kujdes duhet të tregoni edhe në çështje udhëtimesh apo mënyrën si e kërkoni të ardhmen. Një koleg mund të bëhet i dhunshëm me ju
Binjaket – Do ju godasin në pikën më të fortë që kishit ngritur me kujdes që është reputacioni në jetën sociale apo në rrethet miqësore. Do kërkojnë t’ju fusin në skandale ekonomie e morale.
Gaforrja – Kujdes në marrëdhëniet familjare dhe në marrëdhëniet në çift. Të afërmit mund të revoltohen ndaj jush dhe në çift mund të ketë debate Kujdes në marrëdhënie me masën e gjerë ka ndjesi revolte.
Luani – Një pus i thellë mund të bëhet pengesë për të ardhmen pasi aty mund të kemi shpërthime që do pengojnë punën dhe ecurine tuaj. Duhet shumë energji për të ngritur anijen tuaj nga garcitacioni i jetës suaj të vështire në disa punë
Virgjeresha – Shumë hakmarrës do jeni kete javë në lidhje me te drejtat tuaja shpirtërore dhe ekonomike të cilat ju duket sikur ju janë marrë nëpër këmbë.
Peshorja – Jeni në një moment ku nuk mund të pranoni marrëdhënie të lehta bashkëpunuese apo pa i sprovuar mirë njerëzit me të cilët do kaloni jetën apo do bashkëpunoni
Akrepi – Teoria juaj se ndjeheni më mirë në lufte se në paqe do vërtetohet kësaj jave ku thirreni të tregoni veten tuaj. Dy planetet tuaj udhëheqës Marsi dhe Plutoni do japin një shfaqje force dhe përballje apo trimërie
Shigjetari – Nuk do gjeni dot barsoleten e duhur për të ulur nervat e të dashurës apo të dashurit si edhe për të qetësuar paplotsueshmërinë që kuptoni nq jetqn tuaj
Bricjapi – Ndoshta nuk e meritoni të jeni perparimtarët e momentit por stili juaj dhe rregullat e forta do dominojne edhe një herë këtë javë. Gjithesesi një ndryshim i mirë do ndodh
Ujori – Në natyrën tuaj revolucionet jane teorike jo praktike. Nëse do prisnim një revolucion nga ju ky do vononte. Por do ju vijnë në ndihmë Akrepët si elemente shpërthyes
Peshqit – Ky moment nuk është për ju dhe as e meritoni Ju jeni delikat për kaq shumë sherre e përballje.Ndoshta keni sharmin që ti shkaktoni vetë e të largoheni për momentin.
Presidenti Ilir Meta ndan një mesazh me rastin e 32-vjetorit të vrasjes së poetit Havzi Nela.
Kreu i shtetit deklaron se litari i xhelatëve që i shteri frymën e fundit poetit disident dhe martirit të fjalës së lirë Havzi Nela, nuk do mundë kurrë të vr asë demokracinë, dinjitetin dhe të drejtat e njeriut, si dhe ëndrrën e çdo shqiptari për një Shqipëri si gjithë Europa.
“Liria më thërret, vd ekja nuk më tund”, vargjet e poezisë së Havzni Nelës edhe sot gjëmojnë me një forcë të jashtëzakonshme”, shkruan Meta.
