Kryetarja e LSI-së, Monika Kryemadhi është shprehur se nuk ka pranuar që të bëjë kontratë bashkëqeverisje parazgjedhore me Partinë Demokratike, pasi sipas saj, kjo gjë do ta shkatërronte Partinë Soicaliste.
E ftuar në “5 pyetjet nga Babaramo”, Kryemadhi u shpreh se ata do të vijnë në pushtet si një maxhorancë e fortë, por që gjithashtu do të kenë nevojë, edhe për një Opozitë të fortë. Teksa u pyet nëse ndjen keqardhje për PS-në, me të cilën ka qenë në koalicion në vitin 2013, Kryemadhi e pranoi këtë gjë, duke shtuar se kanë kaluar shumë gjëra bashkë dhe nuk mund të lërë kryeministrin Edi Rama që ta çojë me 2%.
Pjesë nga Intervista
Kryemadhi: Nëse do të kishim një dalje të tillë, do të dëmtohej PS, do të binte nën 40 mandate. Do të krijoheshin disa rrjedha nënujore, nënrrjedha që do ta dëmtonin shumë.
Ilir Babaramo: A do t’i leverdiste shoqërisë shqiptare rrënimi në përfundim me 5 përqind si PASOK në Greqi?
Monika Kryemadhi: Pavarësisht inateve politike me njëri-tjetrin për momentin ne kemi nevojë për një opozitë, ne pavarësisht ku është katandisur PS, ne do të kishim nevojë për një opozitë të fortë… Edhe ne ndonjë dhimbje të vogël e kemi për PS, nuk do e lejmë Ed Ramën ta cojë në 2 përqind.
I nxehti përvëlues dhe temperaturat e larta po largohen për t’i lënë vendin kohës së vjeshtës, dhe vranësirave të shtatorit. Pikërisht sot, ju pret një mot me shi dhe vranësira të shumta.
Mëngjesi do të nisë me kthjellime në të gjithë vendin, ndërsa mesdita dhe pasditja do të vijojë të ketë shtime vranësirash. Në zonat veriore pritet që të ketë edhe rrebeshe, por do të jenë të izoluar.
Përsa u përket temperaturave, në mëngjes do të jenë në vlerat 38°C, ndërsa në orët në vijim do të ulen. Vlerat ditore do të variojnë nga 16°C deri në 38.
Ndërsa era do fryjë mesatare me shpejtësi 35 km/h nga drejtimi Veriperëndimor duke krijuar dallgëzim 3 ballë. Kështu, referuar parashikimit të motit, mos harroni të merrni çadër kur të dilni nga shtëpitë, sidomos nëse jetoni në zonat veriore.
Kryetari i Partisë Demokratike, Lulzim Basha është shprehur se qeveria Rama gjatë 2 mandave të saj nuk ka bërë asnjë për personelin shëndetësor, madje i ka detyruar ata që të largohen nga vendi. Duke iu referuar të dhënave nga Observatori Global i Shëndetit, Basha thekson se Shqipëria ka numrin më të ulët të mjekëve për banorë në rajon, 1.2 mjekë për 1000 banorë.
Ai premton se kur të vijë në pushtet do ua rrisë pagat mjekëve deri në 1200 euro dhe 700 euro për infermierët.
Postimi i plotë:
Në Shqipëri, sistemi shëndetësor publik vuan nga mungesa e personelit shëndetësor, investimeve në infrastrukturë dhe pajisjeve mjekësore. Qytetarët duhet të presin orë e ditë të tëra në radhë për të marrë shërbimin bazë. Mungesa e mbështetjes ka larguar me mijëra mjekë dhe infermierë nga vendi, duke bërë që Shqipëria të ketë numrin më të ulët të mjekëve për banorë në rajon. Si rrjedhojë e largimeve masive të stafit mjekësor gjatë viteve të fundit, zona të tëra në Shqipëri janë pa mjekë dhe pa shërbim për qytetarët.
Sipas të dhënave nga Observatori Global i Shëndetit, Shqipëria ka numrin më të ulët të mjekëve për banorë në rajon, 1.2 mjekë për 1000 banorë. Ndërkohë që Greqia ka 6.2 mjekë për 1000 banorë, Maqedonia 2.8, Mali i Zi 2.3, Serbia 2.4 dhe Bosnja 1.8.
Pas 2 mandatesh të qeverisjes së Ramës, mjekët shqiptarë paguhen më pak se në çdo vend të rajonit apo Europës. Sipas një studimi të Institutit Ndërkombëtar për Studime Ekonomike në Vjenë, mjekët në Shqipëri paguhen mesatarisht 435 euro, që është dhe paga më e ulët në rajon.Mjekët paguhen më shumë në Bosnjë (901 euro) dhe Mal të Zi (833 euro), ndërsa në Serbi e Maqedoni me mbi 700 euro.
Vitin e kaluar, edhe Kosova i rriti ndjeshëm pagat e personelit shëndetësor, me synim ndalimin e largimit të bluzave të bardha. Mjekët specialistë paguhen 1195 euro (nga 661 euro më parë), mjeku i përgjithshëm 836 euro (nga 566), kryeinfermierët 621 euro (nga 472) dhe infermierët e parë 537 euro (nga 425 më parë).
Personeli shëndetësor në Shqipëri ka nevojë të menjëhershme për mbështetje. Në 7 vjet kjo qeveri i shpenzoi paratë e shqiptarëve për konçensione dhe tendera korruptivë. 120 mil euro shkuan për check up-in e famshëm, para të cilat mund të përdoreshin për të mbështetur personelin shëndetësor apo për të blerë aparatura të reja.
Dështimi me shëndetësinë këto 7 vjet u pa qartë nga të gjithë dhe në menaxhimin e pandemisë. Ende sot, me rritjen e përditshme të numrit të të prekurve nga coronavirus, deklaratat për hapjen e 2 spitaleve të reja Covid mbeten pjesë e propagandës ndërsa në disa raste personeli shëndetêsor nuk ka marrë shpërblimet e premtuara.
Në planin tonë ne do të bëjmë gjithçka për të mbështetur specializimet për mjekët e rinj në mënyrë që të rrisim kapacitetet. Do të rrisim pagat e mjekëve deri në 1200 euro dhe 700 euro për infermierët. Do të mbështesim dhe stimulojmë mjekët që të shërbejnë në zona të ndryshme të vendit ku mungon tërësisht apo pjesërisht personeli shëndetësor.Do të rrisim investimet për aparatura moderne të qëndrave shëndetësore dhe spitaleve. Do të anullojmë konçensionet korruptive dhe do të çojmë para ligjit ata që abuzuan me paratë e shqiptarëve. Shqiptarët meritojnë dhe do të kenë një qeveri normale, që punon për ta dhe jo për një grusht oligarkësh.
Kjo deklaratë e kreut të PD-së Lulzim Basha, vjen pas premtimit kryeministrit Edi Rama se gjatë muajve të ardhëm do ua rrisë rrogat bluzave të bardha. Sakaq, një ditë më parë., kryeministri dha edhe premtimin se qeveria e tij do të rrisë dhe pagat për mësuesit.
Kryeministri Edi Rama ka folur në lidhje me një ngjarje të trishtë. Teksa ndodhej në Durrës, në shkollën e fiskulturës, ku zhvilloi një bashkëbisedim mbi mënyrën e zhvillimit të vitit të ri shkollor, kryeministri tha se virusi bën gjëmën tek disa persona, ndërsa tek disa të tjerë, kalon pa u ndjerë.
Këtu, Rama shtoi se vëllai i një shokut të tij, kishte humbur jetën një ditë më parë, pasi ishte infektuar me Covid-19.
“Vëllai i një shokut tim humbi jetën, ishte i ri nuk ishte në moshë të madhe. Askush nuk e përcakton se si dhe pse virusi bën gjemën te dikush dhe kalon pa u ndjerë fare diku tjetër,”- tha Rama ndër të tjera.
Më tej, kryeministri foli për kushtet e reja në të cilat do të zhvillohet mësimi, tashmë që jemi në kohë pandemie.
Moderatorja e njohur Rudina Magjistari e nisi sezonin e ri të emisionit të saj me një deklaratë e cila ka habitur jo pak teleshikuesit, të cilët e kanë quajtur ‘perlën e radhës’ nga prezantuesja.
I ftuari i parë i emisionit për këtë sezon ishte kryebashkiaku Erion Veliaj, ku foli për familjen, punën e Covidin e sapokaluar.
Por në një moment, teksa Veliaj fliste për sfidat e punës, u përmend shkolla ‘Sami Frashëri’, e goditur nga tërmeti i 26 nëntorit, godinë e cila u shemb për t’u rindërtuar nga e para.
Prezantuesja e emisionit “Rudina” në këtë moment tha:
“Shkolla Sami Frashëri dy herë me fat! Një herë që të ka pasur ty nxënës (Erion Veliajn) dhe një herë që u tro ndit nga tërmeti, sepse do kërkojnë të gjitha shkollat të bëhen si Sami Frashëri…“.
Kjo nuk është hera e parë që Magjistari bën deklarata që shkaktojnë bujë, e jo pak herë ajo u është përgjigjur kritikëve, duke theksuar tek origjinaliteti që ajo përcjell në moderimin e saj.
Aktorja me origjinë nga Tropoja, ka tradhëtuar ‘rrënjët e saj të djathta’ për të kaluar në mbështetje të Partisë Socialiste, dhe të kryeministrit Edi Rama, i cili garon për mandatin e tretë vitin e ardhshëm.
Përmes një postimi në rrjetet sociale, Arjola Demiri shkruan se në zgjedhjet parlamentare do të jetë përkrah kryeministrit Edi Rama.
“Miq e mikesha, familjarë e fansa të mij,po ju komunikoj se në zgjedhjet e pritëshme parlamentare do jem përkrah Edi Ramës me tërë mundësitë dhe energjitë e mija. Vij nga një familje e djathtë në gen por pikërisht kjo me intrigon të braktis përgjithmonë të ashtuquajturit të djathtë që abuzuan me idealet e prindërve e gjyshërve të mi. I bashkohem Edi Ramës se qytetin tim të lindjes nga një gërmadhe e varrezë politike për 25 vjet e riktheu në jetë e një qytet modern që bashkjeton me shekullin e ri. Me Edi Ramën do jem jo vetëm për mandatin e tretë por dhe për të katërtin…,”– shprehet Arjola.
Këtë vendim, Arjola ja ka bërë të ditur vendimin e saj drejtuesit politik të PS-së për Qarkun e Kukësit, Safet Gjici:
“Me shumë dëshirë, ndërgjegjë e vendosmëri do jem me ju në fushatë. Jam e lumtur të jem perkrah jush, që keni treguar kurdoherë qe dini e mundeni të jeni kampion,”.– shton ajo më tej.
Demiri ka qenë pjesë e filmit ‘I love Tropoja’, ku luajti krah kryeministrit Edi Rama. Tashmë ajo është pjesë e kastit të “Portokalli”, spektakël i cili pritet të rikthehet së shpejti në ekran.
Është shuar në moshën 77 vjeçare aktori i njohur Kevin Dobson. Atë e kemi parë të shfaqet në shumë programe televizive në Kojak dhe Knots Landing.
Sipas burimeve të afërta të aktorit, Dobson ka ndërruar jetë të dielën në mbrëmje në një spital në Stockton të Kalifornisë. Ndërkohë aktori e fitoi famën në vitin 1973, ku për herë të parë luajti rolin e tij si detektivi Bobby Crocker në serialin policor CBS Kojak. Po ashtu në 5 sezonet e serailit ai ka përsëritur rolin e tij në vitin 1990 në filmin televiziv spinoff. Pas kësaj Kevin u bashkua me grupin Knots Landing në sezonin e tij të katërt. Me këtë kast, msohet se ai luajti për një dekadë të tërë.
Në dashuri jeni përballur me një moment të vështirë. Mundohuni që të tregoheni të kujdesshëm dhe zgjidhni me maturi problemet me të cilat jeni përballur. Mërkuri nuk është në shenjën tuaj dhe kjo gjë shkakton shqetësime në punë. Do të përballeni me shpenzime të cilat nuk i keni mbajtur parasysh.
Demi
Hëna do të jetë e pranishme në shenjën tuaj, duke e bërë dashurinë mjaft intriguese. Në punë, keni ende disa probleme që kërkojnë zgjidhje, ndaj merreni në dorë situatën. Por mos u shqetësoni, pasi edhe në këtë drejtim do të ketë zhvillime të reja dhe ndryshime pozitive.
Binjakët
Duhet të kuptoni se jo gjithmonë keni ju të drejtë. Në dashuri keni dëshirë që të jetoni histori perfekte, por duhet të mundoheni që ta menaxhoni më mirë situatën. Sa i takon punës, nëse jeni të pakënaqur, duhet të shihni përreth. Saturni gjatë periudhës së fundit të vitit, do të ketë një ndikim tranzit të rëndësishëm.
Gaforrja
Nëse keni pasur ndonjë debat në dashuri, mundohuni që të gjeni një pikë takimi. Kjo pasi në vijim situata mund të përmirësohet. Ndërsa në punë mund të hasni në një moment të komplikuar, ndërkohë që situata do të jetë në duart tuaja.
Luani
Gjatë kësaj dite do të keni shumë dyshime në dashuri. Ndërsa në punë, do të përballeni me mundësi të shumta, të cilat duhen mbajtur parasysh, shkruan noa.al.
Virgjëresha
Gjatë kësaj të marte, Hëna do të ketë ndikim të kundërt. Nëse keni ndonjë çështje pezull në dashuri, bëni mirë që të flisni dhe ta zgjidhni. Në punë, mund të përballeni me një ndryshim roli. Duhet të përpiqeni që të ruani qetësinë, për tu përballur me pengesat që do të hasni.
Peshorja
Sa i takon dashurisë, me kalimin e orëve situata do të përmirësohet, krahasuar me mëngjesin. Mundohuni që të zgjidhni një problem të mbetur pezull. Planetet do i keni kundër në sferën financiare, por mos u shqetësoni pasi është një situatë kalimtare.
Akrepi
Raporti në çift do të hasë në disa vështirësi, të cilat kërkojnë zgjidhje. Në punë, jeni të rrethuar nga njerëz fals. Mundohuni që të gjeni pak kohë për të relaksuar veten.
Shigjetari
Gjatë kësaj të marte, Hënën do e keni kundër, mirëpo dashuria do të jetë mjaft e favorizuar. Ndërsa në punë, mund të merrni ndonjë telefonatë. Një projekt i rëndësishëm mund të marrë një kthesë pozitive.
Bricjapi
Venusi do të jetë i pranishëm n shenjën tuaj, ndërsa për dashurinë, dita parashikohet mjaft e mirë. Sa i takon punës, nismat që do të merrni do të rezultojnë vendimtare.
Ujori
Kjo e martë do të jetë mjaft konfuze për dashurinë, ndaj bëni mirë që ti shtyni problemet. Në punë, keni dëshirë që të ecni në rrugë të reja.
Peshqit
Në dashuri çiftet të cilat janë përballur me një krizë, duhet të zgjidhni një sërë problemesh. Në punë, shtyjini për një moment tjetër zgjidhjet delikate.
