Kryeministri Edi Rama nga konferenca e sotme për mediat, sqaroi procedurën e re që kërkon Bashkimi Europian, për udhëtimin e atyre shteteve që nuk kanë nevojë për vizë.
Ai tha se ka që në vitin 2106 që flitet diçka e tillë dhe se tani thuhet se hyn në fuqi në vitin 2023.
“Nuk bëhet fjalë për kthim pas, por për sistem sigurie të BE për të gjitha shtetet jo anëtare të BE, qytetarët e të cilëve duan të hyjnë në BE dhe nuk ka nevojë për vizë. Sipas këtij sistemi ETIAS, do të duhet që para se të nisen në vendet e BE, të bëjnë një aplikim online, i cili nuk është për vizë. Merret konfirmimi po online, nëse je apo s’je i lejuar të hysh në BE në bazë të kartelës kriminale. Është e gjitha për shtetet që nuk kanë nevojë për viza që të hyjnë në BE”, u shpreh Rama.
Ai tha se nuk është kthim mbrapa te viza, por është politikë e sigurisë kundër terrorizimit dhe krimit të organizuar, dhe jo siç tha ai, “duan të gjithë ata që duan të përhapin erën e pusetës dixhitale në Gjirin e Lalzit”.
Teksa naftëtarët e Ballshit kanë hyrë në ditën e nëntë të grevës së urisë, Kryeministri Edi Rama flet për herë të parë për gjendjen e tyre.
Në konferencën e sotme për mediat, ai u pyet nga mediat lidhur me situatën e tyre, teksa foli për një privatizim kriminal.
“Kam bërë lloj-lloj lutjesh tek kompania për të rifilluar puna. Jo më larg se disa javë më parë shkova enkas në Azerbajxhan dhe takova Presidentin. Por të na vini faj është e tepërt. Privatizimi është kriminal dhe në atë ndërmarrje nuk u bënë kurrë investime serioze. Ajo rafineri është keqshfrytëzuar. Jam i shqetësuar por e rëndësishme është të bëjmë diçka, më vjen keq. Jam i informuar por nuk mendoj se s’ka nevojë për greva urie që të sensibilizojnë mua”, u shpreh Rama.
Ai tha se është super i sensibilizuar dhe se për situatën e tyre është ndërhyrë disa herë.
Naftëtarët janë futur në grevë pasi pretendojnë se kanë disa muaj, deri në mbi një vit rroga pa marrë, duke thënë se kanë mbetur në mes të rrugës dhe puna është ndërprerë dhe se pavarësisht protestës në Tiranë, askush nuk i priti.
Janë rreth 800 punëtorë të mbetur pa punë pas mbylljes së rafinerisë së naftës, që administrohet nga “Tosk Energji”. /noa.al
Kryeministri Edi Rama shigjetoi Lëvizjen Socialiste për Integrim, lidhur me bluzat e bardha, ku deklaroi se aktualisht vendi ka shëndetësi.
Ai tha se Shqipëria sot ka mjekë dhe se nuk ka mungesa në sistemin shëndetësor.
“Në dallim nga atëherë që hyje në spital dhe s’dalloje dot mjekun nga i sëmuri dhe infermieri. Larg qoftë të kishte rënë Covidi shtatë vite përpara”, u shpreh Rama.
Ai shtoi se Shqipëria kishte mjek që luftonin nga mëngjesi deri në darkë si në kohën e luftës dhe kishte infermierë që nuk dinin se ku do i zinte e nesërmja se bluzat e tyre io mbante partia.
“Ishte një parti sidomos që ishte bërë si fason bluzash infermierësh që i shpërndante me një teserë bardhë e kuq në xhep”, deklaroi Rama.
Sipas tij asokohe në spitale hyje dhe nuk e ndaje dot nëse ishe në spital, treg fruta-perimesh, rrobash të përdorura etj.
Kreu i qeverisë shtoi se as uniforma nuk kishin dhe në gardhet e spitaleve rrinin njerëzit duke ulëritur me receta në dorë, të cilët duhet të vraponin për të gjetur ilaçe se nuk kishte spitali.
Vala afrikane ka shkaktuar rritje të temperaturave në fundjavë dhe ditën e sotme, deri në 30 gradë. Por nga dita e nesërme temperaturat do të bien. Meteorologia e Meteoalb, Adiola Bani tregon se do të kemi rikthim të temperaturave normale të tetorit.
Pse fundjava ishte aq e nxehtë? Me temperatura 27-30 gradë.
Adiola Bani: Mbetet edhe sot, nuk është normale kemi patur qarkullim të masave ajrore nga veriu i Afrikës, që solli temperatura të larta gjatë fundjavës deri ditën e sotme. Mbetemi 28-29 gradë, nuk janë temperatura normale por zgjasin vetëm sot. Presim reshje, vranësira dhe rënie të temperaturave nga e marta dhe në vijim. Temperaturat maksimale do jenë 25 gradë, minimalja 6 gradë deri në fund të javës.
Kushtet e motit deri të enjtën mbeten me reshje mesatare, më pak në qendër dhe në jug, E enjtja paradite deri në fundjavë presim kushte të motit të kthjellët dhe jo rritje të temperaturave. Do kemi nga nesër rikthim të vlerave normale të tetorit.
Kryeministri Edi Rama ka theksuar sërish se vazhdon rindërtimi i ndërtesave të dëmtuara nga tërmeti i 26 nëntorit të vitit të kaluar. Këtë herë Rama është ndalur në Xhafzotaj, ku shprehet se më shumë se 146 familje të kësaj zone do të hyjnë në shtëpi të re për Vitin e Ri.
Postimi i Ramës
RINDËRTIMI VAZHDON
Shtëpitë e familjeve të Qenan Xhaferr Bubeqit në Xhafzotaj dhe banesat e Ismail Abdulla Xoxi, Abaz Adem Guzi dhe Mus Hysen Qema në Koxhas, si edhe plot 146 të tjera në Xhafzotaj për familjet e mbetura pa strehë natën tragjike të 26 nëntorit, do t’i bëjmë gati për Vitin e Ri
***qentë dihet, do lehin gjithnjë e më fort, por gjithnjë e më shpejt përpara do të shkojë karvani.
Ish-deputeti i PD-së që u la jashtë listës së Beratit për kandidatët për deputetë në zgjedhjet e 2021, Astrit Veliaj, ka thënë se është i zhgënjyer nga ky vendim, pasi ai e cilëson veten si një nga kontribuesit më të mëdhenj të PD ndër vite.
Veliaj gjatë një interviste për gazetarin Besart Jacaj, tha se Basha është njeri i formuar dhe me parime perëndimore, por nuk ka vullnet të ndëshkojë pandershmërinë, si fillim brenda partisë.
Ai më tej tha se Berisha është lideri historik i PD, dhe se pa të partia blu nuk vjen kurrë në pushtet.
Pyetje: A ndiheni i zhgënjyer nga vendimi i përjashtimit nga lista në qytetin e Beratit?
Veliaj: Nuk jam i zhgënjyer vetëm unë, por të gjithë demokratët e Beratit, të gjithë ata që kanë shpresë se vendi do të bëhet më mirë. Megjithatë, unë gjithmonë jam ndjerë deputetë, nuk më ka bërë karrigia deputetë. Më herët si biznesmen kam ndimuar persona me aftësi ndryshi, persona në nevojë. Më bën zemra dhe ndjenja ime të jem deputetë, jo karrigia. Unë jam kontribues në PD gjithë këto vite.
Pyetje: A keni pasur kontakte me Bashën para dhe pas kësaj?
Veliaj: Unë me Bashën nuk kam pasur kontakt as para as mbrapa. Raportohet kanë qenë herë të afërta herë të largëta. Kam qenë gjithmonë kritik ndaj tij, kur shkelte parimet. Kam qenë pjesë e debatit ne grupin parlamentar. Kam qenë kritik për kapjen e bazës nga njerës meskinë. Dhe Basha më thoshte s’është puna jote. Mos u merr me atë punë ti. Pandëshkueshëmria e liderit ndaj këtyre njerëzve ka sjellë këtë situatë. Nuk mendoj që Basha është i painformuar për çfarëdo ka ndodhur, por pamundësia e tij për të vepruar e ka sjellë këtë situatë. Basha është njeri perëndimor, i kultivuar jashtë, është temperuar shumë gjatë këtyre viteve, por i mungon kurajo për të luftuar pandershmërinë. Të paktën të marrë modelin e Kosovës ose Maqedonisë, kryetari i partisë të delegojë kryeministrin.
Mendoj që më mirë se Basha nuk ka kush e bën tjetër, se s’dua të them emra, por i duhet vullnet, pasi është i formuar. Të fusi një model të ri, ta mbyllë këtë histori 30-vjeçare unë unë dhe s’ka tjetër. Do lartësojë veten. Do jetë mbi kryeministrin. Do jetë gjë e madhe. Ai sot nuk kontrollon dot bazën, baza është shthurur. Ka ikur koha e një lideri autoritar, por dhe mënyra se si funksionon basha e ka shthurur bazën. Nuk ka ndëshkueshmëri ndaj pandershmërisë.
Pa ndihmën e Berishës PD nuk vjen në pushtet. Ai është njeriu më i pushtetshëm sot për sot. Ka një elektorat shumë të konsiderueshëm. Do mbetet në histori për artin që ka bërë. Uroj që ta bëjë dhe Basha këtë gjë.
Deri në fund të vitit 2022, të gjithë shtetasit shqiptarë që dëshirojnë të udhëtojnë në ndonjë prej vendeve të Zonës Shengen do të duhet të aplikojnë dhe të marrin një “ETIAS”
Sistemi Elektronik i Informacionit dhe Autorizimit të Udhëtimit (ETIAS) ka për qëllim filtrimin e udhëtarëve që vijnë nga vendet e tjera si përgjigje për të siguruar kufijtë Evropianë
Heqja ETIAS për vendet e Zonës Shengen është duke u zbatuar nga autoritetet e emigracionit për të forcuar kufirin dhe sigurinë e brendshme, si dhe të mbrojtur rajonin nga sulmet terroriste.
Mbajtësve të pasaportave shqiptare do t’u kërkohet të plotësojnë një aplikim në internet me informacionin e tyre personal në mënyrë që të marrin një heqje elektronike të vizës për Zonën Shengen përpara se të udhëtojnë nga Shqipëria në vendet anëtare.
Si të pajiseni
Procesi për marrjen e një ETIAS për qytetarët shqiptarë është shumë i thjeshtë dhe i shpejtë. Ky sistem i ri konsiston në faktin që qytetarëve do t’ju duhet vetëm rreth 15 minuta nga koha e tyre për të përfunduar aplikimin. Ai mund të bëhet nga çdo smartphone, kompjuter ose tabletë që ka qasje në internet. Rezultati dërgohet menjëherë në adresën e postës elektronike të aplikantit.
Çfarë dokumentesh duhen për të marrë ETIAS?
Një pasaportë, që duhet të jetë e vlefshme për të paktën tre muaj nga data kur udhëtari planifikon të hyjë në zonën Shengen. Nëse pasaportave ju kanë mbetur më pak se tre muaj, ne rekomandojmë të merrni një pasaportë të re përpara se të aplikoni për ETIAS.
Një mënyrë për të paguar tarifën e aplikimit, të tilla si një kartë krediti ose debiti. Një adresë emaili për të marrë njoftime në lidhje me statusin e ETIAS të aplikuesit. Pasi të plotësohen të gjitha këto kërkesa, udhëtarët mund të vazhdojnë me aplikimin e tyre ETIAS.
Procesi i Aplikimit ETIAS për qytetarët Shqiptarë
Aplikimi ETIAS për shqiptarët është i thjeshtë dhe merr më pak se 15 minuta. Aplikimi do t’u kërkojë udhëtarëve disa detaje personale, duke përfshirë;
Emri i plotë
Data e lindjes
Gjinia
Kombësia
Informacion për pasaportën (Numri, data e lëshimit, data e skadimit)
Informacioni i kontaktit (adresa e shtëpisë, numri i telefonit)
Adresa e emailit
Do të ketë gjithashtu një seksion që kërkon detajet e udhëtimit, duke përfshirë pikën e pritshme të hyrjes në Zonën Shengen, si dhe një itinerar të thjeshtë të planeve të tyre të udhëtimit. Udhëtarët gjithashtu do të duhet t’u përgjigjen disa pyetjeve në lidhje me shëndetin dhe sigurinë e tyre, siç janë të dhënat e tyre kriminale.
Përdorimi i drogës
Terrorizmi
Trafikimi i qenieve njerëzore
Udhëtoni në zonat e konfliktit
Historia kriminale
Historia e punes
Informacionet e kaluara evropiane të udhëtimit
Informacione sigurie
Nëse aplikanti zbulohet se ka shkruar informacion të pasaktë ose mashtrues, autoritetet e ETIAS kanë të drejtë të refuzojnë aplikimin. Në këtë rast, aplikanti mund të ri-aplikojë duke përdorur informacionin e saktë.
Në fund të procesit, udhëtarëve do t’u kërkohet të paguajnë një tarifë aplikimi në mënyrë që të paraqesin formularin e tyre. Aplikantët mund ta bëjnë këtë duke paguar me një kartë debiti ose krediti të vlefshme.
Sa kohë duhet për të marrë ETIAS nga Shqipëria?
Megjithëse koha e përpunimit për të marrë një ETIAS për qytetarët shqiptarë është e menjëhershme, ajo mund të zgjasë deri në 72 orë (tre ditë pune) në rast vonesash ose festash zyrtare.
ETIAS është e vlefshme për 3 vjet nga data e lëshimit. ETIAS u jep mbajtësve një qëndrim 90-ditor në zonën Shengen brenda çdo periudhe 180-ditore./balkanweb
Në degën e Vlorës është mbyllur procesi për votimin e 19 kandidatëve për deputetë të Partisë Demokratike.
Vetë PD e këtij qarku njofton se në në proces kanë marrë pjesë 892 votues ose rreth 62% e anëtarësisë, nga 1500 demokratë në total.
HomeLajmi i fundit
Lista/ Mbyllet votimi për kandidatët e degës së Vlorës, kush janë 19 të përzgjedhurit
LAJMI I FUNDITLast Updated Tet 5, 2020
Shperndaje
Në degën e Vlorës është mbyllur procesi për votimin e 19 kandidatëve për deputetë të Partisë Demokratike.
Vetë PD e këtij qarku njofton se në në proces kanë marrë pjesë 892 votues ose rreth 62% e anëtarësisë, nga 1500 demokratë në total.
Raiffesien Bank brenda artikujve
Njoftimi i plotë:
Përfundon procesi i votimit për konfirmimin e kandidatëve në Degën Vlorë.
Mirënjohje të thellë për pjesëmarrjen e jashtëzakonshme në këtë proces të anëtarëve të Partisë.
Mirënjohje për grupin e punës për organizimin e një procesi model.
Në përfundim të dhënat e votimit janë si më poshtë:
Numri i anetareve me të drejtë vote: 1500 anëtarë.
Pjesëmarrja në votime: 892 anëtarë ose 59,5 %.
Anëtarët konfirmuan kandidatët e mëposhtëm, që vijonë procesin ne fazën tjetër:
Alta Haluci
Atird Hoxha
Bujar Leskaj
Edmond Fetahu
Eneida Vera
Eremal Arapi
Fation Veizaj
Hysni Sharra
Ilva Lamaj
Juliana Xhindoli
Kreshnik Alimerko
Liljana Elmazi
Lorenc Danaj
Martin Gega
Nada Daullja
Nadire Meçorapaj
Piro Ahmetaj
Saemira Shaska
Vullnet Karalliu
Procesi i brendshëm përfundoi! Demokratët e Vlorës janë bashkë dhe në aleancë edhe me qytetarët e ndershëm të Vlorës do të mundin të keqen dhe do ti sigurojnë fitoren e thellë Partisë Demokratike në zgjedhjet e 25 Prillit 2020.
