Lekundje te forta termeti jane ndjere pak minuta me pare ne vend. Sipas aplikacionit te ESMC, fuqia e termetit ka qene rreth 4.9 ne zonen e detit Adriatik por mesa duket behet fjale per te dhena paraprake.
Ngjarja ka ndodhur pak minuta pas mesnates, rreth ores 00.10. Sipas koenteve te qytetareve tek aplikacioni i ESMC, mesohet se ne Durres kane qene me te shumte ata qytetare te cilet i kane ndjere lekundjet.
Sipas ESMC, lekundja e ka pasur epiqendren 45 kilometer nga Tirana dhe 27 kilometer nga Durresi.
TERMETI I FUNDIT QE RAPORTON IGJEUM, ne 00.31 pas mesnate:
Data: 07/10/2020
Ora: 18:15:49 (UTC)
M=2.4
Place: Deti Adriatik, 3km VP Hamallaj
41.48° N, 19.5° E
Thellësia: 35 KM
Pak ditë para se të nisë viti i ri akademik, duket se janë marrë edhe masat.
Më datë 2 nëntor studentët do të nisin vitin e ri akademik, ndërsa konviktet jkanë duke u bërë gati për pritjen e studentëve gjatë periudhës pandemike.
Drejtoresha e Rezidencës Studentore Universitare nr.2 në kryeqytet, Zhanina Dapi tregon se në këto ambjente maska do të jetë e detyrueshme dhe se që në hyrje studentëve do tu matet temperatura.
“Në ambientet e përbashkëta studenti mban maskën të detyruar, mban distancën e detyruar të përcaktuar diku tek 1 metër largësi. Në momentet që ndodhen në dhomat e tyre personale mbetet në dëshirë të studentit mbajtja apo e jo e maskës. Kemi një staf të përhershëm që bën matjen e temperaturës”- u shpreh drejtoresha e RSU nr.2.
Ndarja e studentëve në dhoma do të bëhët në bazë të distancës që përcaktohet sipas sipërfaqes së dhomës, tha ai për Report tv.
“Numri i studentëve nëpër dhoma përcaktuar nga kushtet teknike, distanca sipas sipërfaqes së dhomës është minimizuar. Ka dhoma ku janë të akomoduar 2 studente dhe dhoma ku janë të akomoduar tre studente. Kanë një ambient të përbashkët që është tualeti bashkë me dushet”- tha Zhanina Dapi.
Në rast se një prej studentëve shfaq shenja apo rezulton i prekur me covid-19, atëherë studenti/ja do të izolohet në dhomë bashkë me shokët ose shoqet e dhomës.
“Në momentin që evidentohet një student ne bëjmë distancimine tij, e izolojmë ne dhomën ku është. Pas simptomës njoftohet mjeku i familjes që na orienton nëse duhet bërë tamponi apo jo. Nën momentin që do bëhet tamponi, studenti do të qendrojnë i izoluar derisa të vijë përgjigjia. Bashkë me studentin do të izolohen dhe studentët e tjerë që janë dhomë. Stafi jonë është në pritje dhe ndjekje të studentit duke qendruar jashtë apartamentit të studentit duke e ndihmuar për cdo nevojë personale që ka”- shpjegoi Dapi.
Rezidenca Studentore Universitare numër 2 ka kapacitet për 270 studentë në një godinë.
Aktualisht në konvikte janë studentët që po vazhdojnë sezonin e provimeve, ndërsa kanë nisur regjistrimet e tyre për vitin e ri akademik.
Zhanina Dapi më herët ka mbajtur post të lartë në Ministrinë e Financave, kur kjo ministri drejtohej nga Arben Ahmetaj.
Një rast flagrant raportohet nga Shkodra, ku një i moshuar, denoncon se është përjashtuar nga Azili i qytetit, pasi gjatë kohës së karantinës ka dalë pa leje, për të bërë për një trajtim në shtyllën kurrizore.
Bazuar në urdhrin e kryeministrit, Bardhok Gegaj, 82-vjeç, shprehet se ka kërkuar leje për të dalë pasi lejohej një ditë në javë që të moshuarit të dilnin nga banesat në orare të caktuara.
Gegaj thotë për emisionin “Stop” se problemet i kanë nisur në fund të muajit mars dhe në fillimit prill, pasi drejtori e ka futur në karantinë dhe pse ai ka dalë negativ në testin e COVID-19. Këtu ka nisur edhe konflikti me drejtorin, që ka çuar në nxjerrjen jashtë azilit, të Bardhok Gegajt.
Nga ana tjetër, masa e pensionit 40 % i është mbajtur nga azili, edhe pse gjatë kësaj kohe duhet ta siguronte vetë ushqimin, fjetjen dhe gjithcka tjetër.
Në Sigurimet shoqërore të Shkodrës pohuan, se masa e pensionit është mbajtur deri në 1 korrik 2020, kohë, kur është dorëzuar shkresa e azilit, që provonte, se i moshuari ishte larguar.
Drejtoresha: Kjo është shkresa e Shtëpisë së të Moshuarve, ku ka thënë, që nga 01.07. ka ik nga institucioni. Këto janë pagesat, që i kanë kalu këtu -40% korrik-gusht, që ia kena dhënë shtesë kreditore në shtator.
Gazetarja: Pra ju më konfirmoni, që në periudhën mars-prill-maj-qershor, buxheti i ka kaluar Shtëpisë së të Moshuarve.
Drejtoresha: Ja prill-maj-qershor. -37,-37 pra -40% deri në 1 korrik, që na ka ardh shkresa, që zotëria ka ik. Nga 1 korriku ne ia kena bo të plotë.
Gazetarja: Sa e ka masën e pensionit? Drejtoresha: 95 (mijë lekë të vjetra).
Nga ana tjetër drejtori i shtëpisë së të moshuarve Shkodër, Fatjon Hoxha, thotë, se zotëria është larguar me dëshirë nga institucioni, edhe pse ai i është lutur të mos e bëjë.
“Ja ku është letra e tij që kërkon të largohet nga azili. Ai është larguar me dëshirë, i jam ulur të mos ikte. I kam thënë të mos ikte”, thotë Hoxha. Ndërkohë Gegaj shprehet se drejtuesi i azilit është një “palaço dhe mashtrues” dhe shton se do të kthehet sërish në azil.
Në Shërbimin Social Shtetëror, shpjegojnë, se i moshuari mund të rikomisionohet, duke mbledhur shumë dokumente paraprakisht. Por deri atëherë 82-vjeçari Bardhok Gegaj, do të jetë në rrugë të madhe.
Pas dhjetëra të dënuarve në Rrogozhinë, Peqin, Reç, Shënkoll dhe Burrel raportohet se në grevë kanë hyrë edhe 150 të burgosur të 313-ës në Tiranë.
Arsyet e grevës së tyre, siç raportohet, janë ekonomike dhe sociale.
Kërkesa kryesore është që t’iu lejohen takimet me familjaret. E dyta është mungesa e kushteve higjienike. Dhe e treta, ajo që cilësohet sjellja e ashpër me kërcënime në ambientet e IEPV-së.
Po ashtu të burgosurit pretendojnë se ushqimi që iu jepet është i njejtë dhe skandaloz. Ata thonë se tjetër arsye është fakti se dhomat e tranzitit janë me (çimka) insekte. Arsyeja e shtatë është izolimi që iu bëhet në rast se flasin.
Të burgosurit kërkojnë largimin e drejtorit të Përgjithshëm të Burgjeve, Agim Ismali.
Prej disa ditësh të burgosurit në burgjet e Peqinit, Reçit, Shënkollit dhe Burrelit ndodhen në grevë urie. Ndërkohë revolta e të burgosurve ka nisur në të gjitha burgjet e vendit,
Ditën e djeshme, dhjetëra të dënuar në burgun e Rrogozhinës janë futur në grevë urie duke iu bashkuar të dënuarve të tjerë në Burgje.
Të burgosurit kanë shpërthyer në akuza ndaj drejtorit të Përgjithshëm të Burgjeve duke e akuzuar për korrupsion.
Anëtarësia e Partisë Demokratike në qarkun e Korçës ka votuar ditën e sotme për kandidatët që do të kalojnë në fazën tjetër për përzgjedhjen e kandidatëve për deputetë, në zgjedhjet e 25 prillit.
Surpriza e parë e demokratëve vjen nga Pogradeci, ku është eleminuar deputeti Klevis Balliu.
Ish-deputeti i PD-së ishte edhe një emër mjaft aktiv në radhët e Partisë Demokratike gjatë kviteve të fundit, sidoemos për protestat te Astiri.
Mes të eleminuarve nga anëtarësia është edhe ish-kreu i Bashkisë së Pogradecit, Eduart Kapri, që nuk ia ka dalë të fitojë besimin e demokratëve të Pogradecit.
Në Pogradec pas mbylljes së votimit janë kualifikuar 8 kandidatë.
Mes tyre nuk janë Eduart Kapri dhe Klevis Balliu.
Kapri ka marrë 200 vota kundër nga anëtarësia, ndërsa Balliu 306.
Që një kandidat të skualifikohet, duhet të marrë 145 vota kundër.
Ndryshe nga ata, ish-deputeti Ervin Salianji është konfimuar nga anëtarësia e kësaj partie në Maliq, për kandidat për deputet.
Në Maliq u konfirmua lista e plotë e kandidatëve. Pjesëmarrja në votime në rang qarku ishte me shumë se 60%.
Ervin Salianji mori 28 vota kundër.
Votimet u mbyllën në të gjitha degët e PD-së së Qarkut Korçë. Por nuk kanë shkuar normalisht në Devoll.
Në Devoll, raportohet se kryetari i PD-së Arben Miza është qëlluar me grusht nga mbështetës të ish kryebashkiakut të Devollit Bledion Nallbati.
I gjendur përpara kësaj situate, sekretari i përgjithshëm i PD-së Gazmend Bardhi ka bërë thirrje që demokratët të qetësohen dhe të mos krijojnë përplasje të tjera.
Konikti ka nisur pas akuzave që kreu i PD-së ka adresuar ndaj Nallbatit lidhur me blerjen e votave kundër dhe dëmtimin e procesit zgjedhor.
Devolli konsiderohet një nga bastionet kryesore të PD-së në juglindje të vendit dhe gara mes kandidatëve për deputet është konsideruar si mjaft e ethshme.
Anëtarët konfirmuan kandidatët e mëposhtëm, që vijonë procesin ne fazën tjetër.
Erion Veliaj, kryetari i Bashkisë Tiranë, vazhdoi sot fushatën elektorale të PS-së, ku edhe prezantoi një tjetër figurë nga bota e artit.
Fushatës së PS-së iu bashkua Kastro Zizo. Këngëtari u shfaq me një “look” ndryshe krah Veliajt dhe deputetëve socialistë, me syze prej intelektuali.
“Ditë fantastike te Njësia nr. 4 me Kastro Zizon, Ninin dhe Sadriun”, tha Veliaj.
“Gjithmonë bashkë, për të ecur më tej për realizimin e projekteve të tjera në të mirë të komunitetit”, shtoi ai.
“Mirënjohje çdo banori për mbështetjen dhe durimin!” – u shpreh Veliaj teksa bëri publike edhe fotot, ku veç drejtuesve të PS-së së Tiranës ishte edhe Kastro Zizo, në podium me ta.
Valbona Selimllari, Noizy dhe Gaz Paja ishin ndër të fundit nga ekrani që i janë bashkuar në fushatë Veliajt, teksa kryebashkiaku po ndjek strategjinë për të tërhequr sa më shumë artistë para zgjedhjeve të 2021.
Avokati i njohur Spartak Ngjela zbuloi sot se PS dhe PD kanë tentuar të bëjnë një qeveri të përbashkët deri para 1 muaji e gjysmë, por kjo ide është refuzuar nga SHBA.
Ai deklaroi se listat e hapura i kërkon vetëm opozita parlamentare, ndërsa PD dhe PS nuk i duan ato.
Prej disa muajsh debatohet për Reformën Zgjedhore, debate apo mosmarrëveshje që duket se zhvillohen për të lënë të kuptohet se gara mes tyre është shumë e ashpër.
Madje refuzimi i Ilir Rusmjalit nga PD, emër i propozuar nga PS, si dhe heshtja pas zgjedhjes në krye të KQZ-së së Ilirjan Celibashit, njeriut kyç të procesit zgjedhor, pavarësisht Kodit apo sistemit për të cilin bëhet zhurmë aktualisht, është provë e qartë e një ujdie të kopsitur mirë nga dy partitë kryesore, para zgjedhjeve të 25 prillit.
“Halli i përbashkët të bashkon se dy parti janë në konflikt me njëri tjetrin për pushtetin. Por para një muaji e gjysmë donin të bënin qeveri të përbashkët që ta bënin mirë grupin anti-reformë. Por nuk i la ajo. Atëherë Rama doli me kod tjetër. Opozita parlamentare kërkon lista të hapura por nuk dalin këta me lista të hapura as njëra as tjetra”, tha Ngjela në Abc News.
I pyetur nëse ai do të kandidojë në zgjedhjet e 25 prillit, Ngjela e ka lënë të hapur mundësinë për të kandiduar.
“Patjetër që kam ambicje, por ky është një ekuacion që do të shihet kur të vijë momenti. Por ambicien për t’u rikthyer në politikë e kam” – u shpreh Spartak Ngjela.
Më herët Spartak Ngjela pati pretenduar se një diplomat i huaj i kishte thënë se Edi Rama do t’ia dorëzojë Bashës postin e kryeministrit, sipas një marrëveshje të fshehtë mes tyre, pas 25 prillit.
Edi Rama pas një pauze, do të kthehet më tej, për të marrë postin e Presidentit, teksa do të propozohet nga PS dhe do të miratohet edhe me votat e PD-së, si shenjë e një mirëkuptimi mes palëve politike.
Naftëtarët e Ballshit kanë hyrë në ditën e dhjetë të grevës së urisë, duke bërë që gjendja e tyre shëndetësore të rëndohet ndjeshëm.
Mjekja që i vizitoi kërkoi që së paku tre prej tyre të shterohen në spital, për shkak të gjendjes së rënduar të shëndetit, por ka hasur në refuzimin e tyre.
Njëri nga grevistët Pirro Hoxhara, u detyrua të lërë grevën nga ana e mjekëve, për shkak të gjendjes së rënduar, duke u dërguar në spital.
Kryetari i sindikatës së naftëtarëve, Sokol Dautaj, ka deklaruar se nuk tërhiqen deri në vdekje, pasi sipas tij askush nuk mund të tallet me ta.
“Do të vazhdoj deri në fund. Nuk ka kthim pas nga kjo që kemi nisur. Grevë urie do të thotë të dalësh mbi shëndetin tënd. Dje bëmë një thirrje të qartë për të gjithë aktorët dhe faktorët politikë, jo vetëm kryetarit të opozitës por edhe presidentit të Republikës. Kryeministri e ka në dorë mekanizmën tonë, Luli ka vetëm fjalën. Ai ka zgjidhjen”, u shpreh Dautaj.
Naftëtarët janë futur në grevë pasi pretendojnë se kanë disa muaj, deri në mbi një vit rroga pa marrë, duke thënë se kanë mbetur në mes të rrugës dhe puna është ndërprerë dhe se pavarësisht protestës në Tiranë, askush nuk i priti.
Janë rreth 800 punëtorë të mbetur pa punë pas mbylljes së rafinerisë së naftës, që administrohet nga “Tosk Energji”. /noa.al
