Presidenti Ilir Meta fton publikisht kryeministrin Edi Rama të përballet me të në një debat televiziv, pas replikave dhe akuzave të ashpra ndaj njëri-tjetrit.
Meta thotë se i ka konfirmuar gazetarit Blendi Fevziu gatishmërinë për t’u përballur me Ramën, të cilin e fton të marrë edhe “përforcime me vete”.
Dil në përballje ose largohu”, shkruan Meta.
Reagimi i plotë i presidentit Meta:
Sapo i kam konfirmuar z.Blendi Fevziu gatishmërinë time për të dalë në “Opinion” me Kryeministrin në detyrë, i cili mund të marrë edhe përforcime me vete.
Transparenca e vetmja rrugë!
Pas një periudhe paqëndrueshmërie, gradualisht mbi vendin tonë për tre ditët në vijim pritet mot i qëndrueshëm dhe ditë të bukura me diell për ata që kanë bërë plane për këtë fundjavë.
Sipas Shërbimit Meterologjik, dita e Premte dhe ajo e Shtunë parashikohen me mot të kthjellët në të gjithë territorin përjashtuar vranësirat e pakta kalimtare në relievet malore. Edhe për ditën e Diel moti parashikohet kryesisht i kthjellët por përgjatë ditës nuk do të mungojnë vranësirat kalimtare.
Vlen për tu theksuar se gjatë ditës së nesërme do të ketë erë relativisht intensive dhe shpejtësi mesatare 3-10m/s me drejtim nga kuadrati i veriut kryesisht në bregdet dhe lugina. Dita e Shtunë parashikohet me erë e cila do të fryjë e lehtë, ndërsa ditën Diel rikthehet përsëri era relativisht intensive por kësaj rradhe me drejtim nga kuadrati i jugut.
Xhyhyre Shabani 6 vite pas v rasjes së të birit, Ervin Hasanaj në Siri, kërkon që të kthehen eshtrat e djalit si dhe ç’regjistrimin e tij nga Gjendja Civile.
Mes lotësh ajo tregon dhe arsyen që i biri, në atë kohë vetëm 21 vjeç, vendosi të largohej për një jetë më të mirë.
57-vjeçarja, Xhyhyre Shabani, thotë se prej 6 vitesh endet dyerve të institucioneve, ku kërkon çregjistrimin e djalit të vrarë në Siri.
Mes lotësh ajo rrëfen se nuk ka marrë ndihmë as për kthimin e eshtrave.
“Ka shku me familje djali për punë, nuk ka shkuar për të luftuar. Djali im ka vuajtur për një copë bukë, falej 5 herë në xhami dhe e kanë vrarë duke dalë nga xhamia.”
Sakaq, 57-vjeçarja dyshon se djalin ia v ranë, i papërfshirë në luftë. Ajo kërkon mbështetje nga shteti.
“Kanë dashur ta fusin në l uftë, djali nuk ka pranuar dhe ka dashur të kthehet dhe se ka lënë ISIS. Kam 5 vjet që djalin e kam gjallë këtej dhe të v dekur andej”, – thotë ajo.
Ajo tregon se pas një vit qëndrimi, Ervini mori me vete bashkëshorten dhe fëmijët.
“Djali ka shkuar një vit përpara dhe pastaj ka marrë nusen. Të paktën një vërtetim të na japin që t’u lidhim një pension fëmijëve sa të mbarojnë gjykatat. Ai i ka të dhënat, ka dalë edhe në gazetë që e ka v rarë ISIS”.
Vdekjen e djalit e mësoi më 1 prill 2014, rreth 1 javë pasi ai ishte vrarë. Xhyherja sot e sëmurë tregon se jeta e saj ka qenë tejet e vështirë, pasi që në moshën 32-vjeçare është detyruar të jetë vetë burrë e grua.
“Mos i rëntë as armikut halli im!”
I riu la pas bashkëshorten dhe 3 vajzat e tij që sot janë pa asnjë ndihmë, ndaj kërkon vëmendjen e duhur nga shteti, mbi fatkeqësinë që i ka ndodhur familjes së saj.
Themeluesi i Aleancës Kuq e ZI, Kreshnik Spahiu, ka deklaruar në emisionin “Open” se presidenti Ilir Meta i bën presion kryetarit të Partisë Demokratike, Lulzim Basha që të rrisë numrin e ministrave të LSI.
“Opozitarizmi i Ilir Metës është presion ndaj Bashës për të rritur numrin e ministrave të LSI nëse vjen në pushtet”, – tha Spahiu i ftuar në emisionin e Eni Vasilit. – “Ilir Meta dhe LSI-ja janë nofulla të së njëjtës gojë. Nëse shkrihet LSI-ja ikën edhe Ilir Meta”.
“Meta nuk i bën presion Ramës, ç’lidhje ka ai me Ramën, i bën Bashës dhe merr rolin e kryeopozitarit. Atë që duhet të bëjë Basha. Basha duhet të bëjë protesta, unë dje e pashë Bashën te veshmbathjet te tregu çam. E kuptoni? Në vend të bëjë protesta i premton tregtarëve të veshmbathjeve tezga të reja”, – tha Spahiu.
Por ai pati një debat të ashpër më pas me analistin Agron Gjekmarkaj.
Ish-kreu i KLD-së, Kreshnik Spahiu në lidhje me situatën politike në vend ka degraduar në fyerje personale mes tyre.
Pas mbarimit të fjalës së Spahiut, Gjekmarkaj i ka thënë qëtë mos shtiret si i pavarur pase ka tentuar ta ketë mirë me të gjithë po nuk i ka ecur, dhe sot “lëpin këpucët e qeverisë”.
Është dashur ndërhyrja e gazetares Eni Vasili që situata dhe të ç’tensionohet.
Pjesë nga debati:
Gjekmarkaj: Spahiu ka dështuar në politikë, nuk i ka ecur, ke tentuar të kesh marrëdhënie të mirë me Metën me Berishën me Bashën, me Ramën, dhe sot na dilni këtu si i pavarur dhe është një situatë e pështirosur që del dhe na thua ne sikur po i kritikon të gjithë.
Spahiu: Rri o Agron rri leri këto qesharak je ti…
Gjekmarkaj: Unë jam gjithmonë, gjithë ditën kundër qeverisë, se fsheh as që jam i djathtë, nuk bëj si i pavarur si ty që vjen këtu në studio dhe bën si i pavarur dhe lëpin gjithë ditën këpucët e qeverisë del aty dhe… ke një fjalor të varfër unë e dija të pasur…
Eni Vasili: Lërini debatet personale tani Spahiu është i ftuar nuk mund të fyeni njeri-tjetrin…
Spahiu: Sillini një pasqyrë Agronit të shohi veten…
Presidenti Ilir Meta thotë se përgjatë 8 viteve, Shqipëria ka vendosur vetëm një rekord pozitiv në procesin e integrimit, ndërsa kushtet sipas tij vetëm sa janë shtuar.
I ftuar në “Opinion”, Meta tregon arsyen e vetme për të cilën bëri koalicion me kreun socialist, Edi Rama në vitin 2013.
“Unë kam bërë koalicion me kryeministrin aktual me vetëm një kusht që ai të votonte tre ligjet që mbante peng integrimit evropian.
Me idenë që ky koalicion do zhbllokonte integrimin evropian.
I vetmi rekord pozitiv i integrimit është miratimi i të ashtuquajturës Reformë në Drejtësi ku kryetar i Parlamentit ishte Ilir Meta, e cila u votua me 140 vota dhe ku Edi Rama mungoi”,- tha Meta.
Ish-deputeti Eduart Ndoci në një lidhje me skype në emisioni “Shqipëria Live” ka rrëfyer detaje të ndryshimit ekstrem të peshës së tij që shkaktoi shumë reagime, gati në mosnjohjen e tij.
Ai tha se e kishte shumë të vështirë të lëvizte dhe se humbja e peshës e kishte lehtësuar shumë.
Ndocaj ka treguar se i është nënshtruar ndërhyrjes kirurgjikale dhe dietës së rreptë për të humbur kilogramët e tepërt.
“Problemi i dobësimit është personale, ishte shumë e vështirë me këtë peshë, unë kisha një thes çimento mbi shpinë gjithë ditën.
45 kilogramë tepër, e kisha të vështirë të ecja, tani ndihem shumë mirë, por prapë publiku më kritikon se më thonë pse je dobësuar kaq shumë. Nuk e ndjej veten jashtë aparencës normale, më pëlqente vetja edhe ashtu, duhej ta kisha bërë më parë, jam me vonesë”, tha Ndocaj.
Këtë e ka artikuluar fort për herë të parë Thomas Hobbes kur ka thënë që ligji juridik është gjendje e panatyrëshme sepse sipas ligjit të gjithë duhet të jenë të barabartë para tij, si i dobëti edhe i fuqishmi, kurse në natyrë shkruante ai i fuqishmi e shkatërron të dobëtin.
Nga kjo pikëpamje ne jemi shoqëri natyrore sepse te ne ligja i merr të keqen të fuqishmit, përkundrazi është kamxhik në duart e tij për ta zbutur kurrizin e më të dobëtit.
Por, ne jemi shoqëri e panatyrëshme në kuptimin e keq të fjalës!
Në natyrë ka larmi ngjyrash, llojesh, formash. Natyra është e larmishme, e diversifikuar, lloje llojesh, kurse te ne pushtetet e të gjitha llojeve duan që çdo gjë ta fusin në kallëpe. Deputetët në kallëp, nëpunësit në kallëp, studentët në kallëp. Gjithçka monotoni.
Në natyrë nuk ka autoritarizëm vertikal, dëshirë për kontroll mbi të tjerët, pema sado e madhe nuk e kontrollon dot fijen e barit, luani nuk e kontrollon dot peshkun, krokodili nuk ka se çfarë i bën pelikanit, dhelpra nuk i ha dot rrushtë. Kurse në shoqëri te ne gjithkushi është poshtë atij që është lart, ai e kontrollon deri në gjithçka, cfarë mendon, çfarë ha, çfarë dëshiron të bëjë.
Ne natyrë qeniet dhe pemët e zgjedhin vetë çfarë duhet dhe duan të bëjnë, zogu fluturon, lopa ha bar, ujku gjurmon sorkadhen, qeni leh, molla bën mollë, po portokallja bën portokalle, nuk i thotë ujku dot mollës bëj portokalle. Kurse te ne gjithçka është e kushtëzuar, banesa, rruga, zhurma, lagjia, papunësia, rroga, gjithçka, edhe filmat në televizion me Mahmut Pashën.
Në natyrë molla bie nën mollë, ferra bën ferra, dardha bën dardha, ka rregull mor burrë. Kurse te ne përkthyesi i arabishtes mëson matematikë, historiani bëhet gjeometër, pianisti bëhet ekonomist, molla bën pjeshka, kungulli bën pjepra, macja ha bukë me mjaltë, askush nuk dihet se kush ishte, kush është dhe çfarë do bëhet. Demokraci thonë këta!
Është bërë e njohur strategjia e kryebashkiakut Erion Veliaj. Ai për mandatin e tretë ka nisur të grumbullojë këngëtarë, artistë dhe vajza të bukura për fushatën e Partisë Socialiste.
Por nëse në rrjetet sociale ka pasur vërejtje mbi nivelin artistik të disa emrave si Kastro Zizo apo Noizy, kryebashkiaku Erion Veliaj të gjithë kritikëve u është përgjgijur sot me një emër të madh:
Sot krah Erion Veliajt është shfaqur e mirënjohura, Eli Fara.
Kujtojmë se Eli Fara performoi në duet me Stresin në festivalin e fundit të RTSH, prandaj edhe afrimi i saj në fushatë me kryebashkiakun Veliaj, është parë gjithashtu si një sfidë e hapur që krybashkiaku i Tiranës u ka bërë artistëve dhe politikanëve të kampit kundërshtar.
Aq më tepër Eli Fara i thuri disa lavde veprave të Erion Veliajt në Tiranë, madje shkoi aq larg sa të deklarojë se Tirana tashmë ja ka kaluar shumë “kryeqyteteve fantastike” që ajo ka parë në botë, edhe në SHBA.
Asambleja socialiste e njësisë 5 në kryeqytet ka nisur krejt ndryshe nga herët e tjera, kur u tha se këngëtarja shumë e dashur për të gjithë Eli Fara u shfaq në krah të kryebashkiakut Erion Veliaj.
Ajo që e bashkoi me socialistët, është puna e tyre për njerëzit, madje Eli Fara i përshëndeti të pranishmit edhe me një këngë live.
“Këtu jam sepse jam për njerëzit që punojnë. Për njerëzit që punojnë, edhe në i paç kundërshtarë, duhet t’ju thuash faleminderit. Dua të falenderoj kryetarin e bashkisë së Tiranës Erionin, veçanërisht për kontributin që ka dhënë edhe për artistët përveçse Tirana shkëlqen, shndrin. A është Liqeni më i bukur se ç’ka qenë? Shumë, si nata me ditën. Ky liqen kaq i bukur, kaq i shndritshëm ka bërë që edhe njerëzit kur të dalin të vishen bukur dhe mua më pëlqen që vendi im të jetë i bukur pafund dhe me njerëz të bukur”, tha Eli Fara.
“Amfiteatri që na bën të shkojmë dhe të provojmë atë skenën fantastike e kam provuar, kam performuar atje, kam qenë edhe spektatore në koncerte të tjera dhe bravo, faleminderit përsëri”, – shtoi këngëtarja e njohur korçare.
Më tej ajo bëri edhe një krahasim me vendet e tjera.
“Jam korçare, por kam jetuar në Amerikë, kam shëtitur shumë vende të botës, kam parë kryeqytete fantastike dhe gjithmonë kur kthehesha thosha: Oh, kur do bëhet kjo Tiranë si kryeqytetet e tjera? Por po i kalojmë të tjerat. Ka ndryshuar çdo gjë, rrugët, dhe këtë prisja dhe këtë mendoj që kemi të gjithë në zemër, të krenohemi me vendin tonë sa të bukur e kemi”, – theksoi Eli Fara
Më tej Eli Fara u kujdes të ruajë edhe profilin e një artisteje, pa parti, por që kërkn të thotë të vërtetën.
“Jam artiste, nuk jam politikane, jam edhe korçare. Nuk jam militante e asnjë partie dhe nuk merrem me politik, jam me partinë e muzikës, por jam këtu për njerëzit që punojnë. Për njerëzit që punojnë edhe në i paç kundërshtarë, duhet të thuash faleminderit”, – tha Eli Fara.
