Kryeministri Edi Rama ka folur për situatën e naftëtarëve të Ballshit, të cilët prej 16 ditësh janë në grevë urie.
Në takim me gazetarët, kreu i Qeverisë u shpreh se ende nuk ka një sqarim për këtë situatë, dhe do t’i informojë naftëtarët sapo të ketë një përgjigje.
Gjithsesi, forma të tilla protestash i konsideron të panevojshme.
“Sapo të kem përgjigje do t’i vë në dijeni. Po bëj gjithçka për të gjetur një zgjidhje por deri më tani nuk e kemi. Nuk kemi mundësi t’u zgjidhim problemin naftëtarëve, nuk kemi një kompani që i merr përsipër detyrimet. Forma të tilla protestash janë të panevojshme për mua”, tha Rama.
Naftëtarët kërkojnë pagesat e prapambetura dhi rifillimin e punës në rafineri. /noa.al/
Jemi ende në tetor e megjithatë kemi nxjerrë nga dollapi rrobat e trasha.
Sidoqoftë parashikimet e motit në Itali tregojnë për ditët në vazhdim, një rënie të papritur të temperaturave.
Madje ato minimalet do të prekin 4 gradët në veri dhe do të ketë vesën e parë të mëngjesit.
Për të mos folur për dëborën që ka rënë dhe do të bjerë në Alpe dhe Apenine.
Pas dy javësh hyn ora diellore. Pra shpejt të ftohtit dhe dëborës do t’i shtohet edhe errësira. Më dimër se kaq! Ndërsa jemi akoma në vjeshtë.
Dimri do të vijë pas disa muajve. Por si do të jetë nga ana e parashikimit të motit ky dimër 2020-2021?
Edhe pse mungon goxha kohë nga stina e dimrit, modelet parashikuese meteorologjike mund të japin që tani një parashikim mjaft të besueshëm se si do të jetë.
Moti. Si do të jetë dimri 2020-2021
I ftohti që do të ndiejmë në këto ditë tetori nuk është fillimi i dimrit 2020-2021. Përkundrazi, vjeshta do të na dhurojë akoma ditë të bukura dhe do të zgjasë përtej datës së mbarimit të tij. Në fakt nga parashikimet me kohë të zgjatur duket se do të kemi një fillim dimri mjaft të nxehtë për disa zona, edhe pse me shumë reshje, ndërsa për të tjera do të jetë “akull i parakohshëm”. Në pjesën e dytë të stinës do të kemi vërtet valë të ftohta.
Klima dimërore në Itali është e ndikuar nga ftohja anormale e ujërave sipërfaqësore të Oqeanit Paqësor, dhe nga Vorbulla Polare. Janë këto, dy elementet që karakterizojnë ecurinë e dimrit në Europë dhe Itali.
Pra çfarë do të ndodhë në dimrin 2020-2021?
Prania e Nina-s (ftohja anormale e ujërave sipërfaqësore të Oqeanit Paqësor) do të favorizojë ardhjen në Itali të shumë “turbulencave” atlantike.
Këto nuk do të takojnë asnjë bllokim për shkak të Presionit të Lartë dhe do të sjellin shumë shira.
Është edhe Vorbulla Polare ose presioni i ulët i pranishëm në Polin e Veriut i mbushur me ajër të ftohtë.
Dhe kjo me shumë mundësi do të ndodhë në dhjetor.
Parashikimet për dhjetor, janar dhe shkurt 2021
Për dimrin 2020-2021 parashikimet tregojnë një dhjetor mjaft të ngrohtë me temperatura edhe më të larta se mesataret.
Pra na pret një dhjetor i butë nga ana termike, por mjaft i paqëndrueshëm me shtrëngata të shpeshta.
Mes janarit dhe shkurtit pritet prishja e Vorbullës Polare dhe mberritja në Itali e masave të ajrit të ftohtë. Në këto kushte mund të verifikohen reshje dëbore të dendura edhe në zona të ulëta dhe në qytete. Temperaturat do të bien nën mesataren dhe shumë poshtë zeros. Pra Italia mund të shkojë në ngrica.
Ky parashikim meteorologjik është më i besueshmi duke parë rritjen e pashmangshme termike dhe pasojat që ajo sjell./noa.al/
Sot do të ishte ditëlindja e poetit dhe shkrimtarit të madh, Dritëro Agolli, i ndarë nga jeta pak vite më parë.
Presidenti i Republikës, Ilir Meta, ka zgjedhur disa fjalë, duke vënë në dukje mjeshtërinë e tij. “E kush do ta mendonte se “Shkëlqimi dhe rënia e shokut Zylo” do të ishte edhe sot kaq prezente si fabul në administratën shtetërore, ku ende e gjen edhe Zylon edhe Demkën”, tha Meta.
Postimi i plotë i Presidentit Meta:
Thellësia e mendimit, këshillat e mençura, forca e karakterit, urtësia, e në veçanti kurajoja për t’u ballafaquar me padrejtësinë janë një pasuri e madhe që ai na la të gjithëve, së bashku me kryeveprat artistike, ngahera aktuale, frymëzuese dhe shumë të dashura.
Dritëroi ishte një derë e hapur ku gjeje një mik të mençur e të gjendur. Ai ishte dhe do të mbetet i të gjithëve, prezent në çdo kohë me idetë e tij, në art, kulturë, letërsi dhe politikë, sepse forca e talentit, karakterit dhe fuqia e mendimit i buronte nga populli dhe madhështia e të qenit në radhë të parë njeri modest dhe i thjeshtë, pranë halleve e problemeve të bujkut, fermerit, punëtorit dhe shqiptarit patriot, gjithmonë i pari për t’u “përleshur” me padrejtësinë, arrogancën, megalomaninë, burokratizmin dhe presionet e pushtetit.
E kush do ta mendonte se “Shkëlqimi dhe rënia e shokut Zylo” do të ishte edhe sot kaq prezente si fabul në administratën shtetërore, ku ende e gjen edhe Zylon edhe Demkën.
Sot në ditën e tij të lindjes, Dritëroi na mungon fizikisht të gjithëve. Por ai do të jetë përherë i gjallë midis nesh, në çdo raft librash, në kujtimet e paharruara që la pas dhe në çdo këshillë të vyer që na dha ne miqve të tij!
Po mbahet sot një konferencë mbi drejtësinë e re në Shqipëri, ku përveç kryeminsitrit Edi Rama dhe zyrtarëve të lartë të shtetit, marrin pjesë edhe ambasadorët e rëndësishëm të vendeve perëndimore, vendet e të cilëve kanë investuar për Reformën në Drejtësi.
Kryeminsitri Edi Rama foli për rëndësinë që ka Reforma në Drejtësi si dhe organet e saj që janë duke u ngritur. – “Nëse SPAK nuk do të ngihej, dhe nuk do të plotësohet, ky do të ishte dështim i madh”, – tha Rama, i cili vlerësoi rëndësinë që kanë vendet partnere, pa të cilët tha se reforma nuk do të kishte pasur progres.
Rama shtoi se SPAK duhet t’i çojë në burg të korruptuarit që i largoi sistemi Vetting.
Në fjalën e saj në këtë konferencë, ambasadorja Yuri Kim ka deklaruar se SHBA do të vazhdojë që të mbështesë Shqipërinë në luftën kundër korrupsionit duke e cilësuar këtë si një “mal i thepisur”.
Ambasadorja Amerikane ka shtuar më tej se nëse Shqipëria vijon në këtë rrugë do të bëhet një model
“Shoku im Olsi dhe unë shkuam drejt Valbonës për ngjitje. Vendosnim këmbën njëra pas tjetrit duke pritur që miqtë të na thonin një fjalë të ngrohtë në ngjitje”.
“Unë isha gati të dorëzohesha por nuk e bëra dhe ne nuk u dorëzuam. Kështu është edhe Reforma në Drejtësi. Është një mal problemesh i thepisur korrupsioni. Kemi bërë hapa para. Për të pohuar lidershipin e Gjonajt ndoshta keni punë të vështirë por keni qenë këmbëngulëse në këtë ngjitje në mal”.
“Është një shenjë pozitive që Shqipëria diskuton këtë temë për të ardhmen e vendit. SHBA është e përkushtuar për një të ardhme të sigurt të Shqipërisë. Është në interesin tonë që të kemi një aleat që të jetë një gjendje të bëjë vetë pjesën e saj”.
“Qeveria po punon në emër të qytetarëve dhe jo në emër të interesave të ngushta. Meritojnë të kenë besim se paratë po përdoren për të përmirësuar jetën. Këto pengesa përshijnë sektorin e drejtësisë të kapur, gazetarë që janë bërë pale apo janë kërcënuar”.
“Edhe SHBA nuk janë të përjashtuar nga korrupsioni por qeveritë mund ta kufizojnë këtë dhe të ndalojnë pasurimin me detyrën. Shqipëria duhet të fillojë vlerësime të gjyqtarëve dhe prokurorëve. Do të ketë përherë aktorë të këqinj por të drejtohen në mënyrë siç u takon”.
“Po e bëtë këtë do fitoni besimin e njerëzve. Reforma ka nisur që të tregojë rezultate. Greko tregoi përparim në luftën kundër korrupsionit. Nëse Shqipëria vijon në këtë rrugë do të bëhet një model. Ambasada përmes programeve ka bërë SPAK në fokus të lartë. Jemi të përfshirë në mbështetje të SHÇBA”, – tha Kim.
Ndërkohë edhe Ambasadori Soreca ka thënë se Shqipëria ka bërë hapa para në luftën kundër korrupsionit megjithatë ka shtuar ai duhet ende shumë punë për të ardhur tek standardet evropiane
Ambasadori i Bashkimit Europian, Luigi Soreca, ka përsëritur sërish thirrjen për arrestimin dhe dënimin e zyrtarëve të lartë.
Ai tha me shqetësim se dënimet e formës së prerë për zyrtarët e lartë kanë qenë të papërfillshme.
Soreca duke se shpresat i ka te institucionet e reja të drejtësisë, përkatësisht SPAK dhe Gjykatat e Posaçme.
“Kemi para një sërë dënimesh për zyrtarë të nivelit të ulët dhe të mesëm. 60% e magjistratëve që i janë nënshtruar vettingut nuk e kanë kaluar”.
“Ka përparime të disa institucioneve të reja në drejtësi, prokurori i përgjithshëm, SPAK. Kemi drejtuesen e BKH. Roli i ILDKPKI është shumë i rëndësishëm për kontrollin e pasurisë. Pavarësisht kësaj korrupsioni vazhdon të mbetet i shtrirë gjithandej dhe vazhdon të jetë shqetësim serioz për BE dhe shtetet anëtare. Duhen dënime të formës së prerë për zyrtarë të lartë që kanë qenë tepër të ulëta”, – tha Soreca.
“Qytetarët duhet të kuptojnë se askush nuk mund të qëndrojë mbi ligjin. Kemi shpresa te SPAK dhe gjykatat. Është premtuese që kanë nisur hetimet për 23 magjistratë të shkarkuar nga vettingu, pjesë e Gjykatës Kushtetuese dhe Gjykatës së Lartë. Hapa pozitivë janë ndërmarrë por lufta duhet të vazhdojë”.
“BE ka investuar më shumë se 20 mln euro për drejtësinë. BE është dakord me përfundimet e GRECO. Por lufta kundër korrupsionit është një luftë e gjithë shoqërisë dhe do të jemi fitimtarë nëse të gjithë përpiqemi së bashku”.
“ Raporti i Grupit të Shteteve Kundër Korrupsionit (GRECO) për Shqipërinë, thekson se vendi ynë ka bërë hapa para në luftën kundër korrupsionit”.
Në një konferencë me faktorët ndërkombëtar, për prezantimin e raportit, Ministrja e Drejtësisë, Etilda Gjonaj tha se faktet flasin qartë për ndryshimin e vazhdueshëm që po vijon në lehtësimin e vendit e të qytetarëve nga barra e rëndë e trashëguar e korrupsionit, që po luftohet me reforma e korrigjime sistematike në çdo sektor.
Kryetarja e LSI-së, Monika Kryemadhi duket se nuk do ti bindet aspak urdhrit të qeverisë për të mbajtur maskat kudo veçse në shtëpi. Në një intervistë për RTV Ora, shprehet se nuk do e mbajë maskën dhe u bën thirrje shqiptarëve që të mos e zbatojnë vendimin që do të hyjë në fuqi të enjten e kësaj jave.
“Personalisht nuk kam për ta mbajtur maskën. Ju bëj thirrje të gjithë shqiptarëve. Maska mbahet aty ku është e domosdoshme për ta mbajtur
Po hyre 100 veta në lokal hyr pa maskë, po dole në rrugë me maskë. Ky zotëria që thotë se duhet mbajtur maska 24 orë, e ka bërë llogarinë sa u kushton kjo shqiptarëve? Sa është efekti te xhepat e shqiptarëve? Apo ka ndërmend të bëjë ndonjë koncesion për maskat? Unë për vete nuk do e mbaj maskën.
Nuk besoj se Rama ka merak shëndetin e shqiptarëve. Se po ta kishte do të anullonte koncesionet në shëndetësi. Sa shqiptarë kanë bërë check-up? Por deri tani kanë kaluar 30 milionë euro te koncesionarët.
Kur specialisti del dhe thotë mos e mbani maskën në rrugë, del ky që nxori anijet luftarake dhe tanket në rrugë për të vrarë virusin… Këto janë qesharake që acarojnë publikun por nganjëherë revolta vjen nga kjo që, këta injorantë, që u kemi dhënë pushtetin, nuk duhet mbajtur maska por duhet të dalë në rrugë. Do tu bëj thirrje që e ndalon çdo polic, qoftë i Veliajt, qoftë i Ramës, ti kundërpërgjigjen. Se edhe policët nuk kanë para për maska. A kishin maska policët që morën pjesë në shembjen e teatrit”, tha Kryemadhi.
Në fundjavë, kryeministri Edi Rama doli në një konferencë për media, i shoqëruar nga ministrja e Shëndetësisë Ogerta Manastirliu dhe u shpreh:
“Ditën e mërkurë ne do të publikojmë masën dhe masat ndëshkimore dhe nga dita e enjte të gjithë me maskë sapo të nxjerrin veten nga shtëpia, kudo, kudo, kudo dhe gjobat do të zbatohen në kohë reale. Nuk do të ketë më asnjë mundësi për tju shmangur gjobave sepse do ti zbatojmë me OSHEE.
Nga java e ardhshme maska do jetë e detyrueshme kudo, përveç shtëpisë dhe restorantit apo barit ku je ulur në tavolinë për të konsumuar atë pjesë të kohës aty. Maska do jetë e detyrueshme në çdo mjedis, në çdo rrugë, hapësirë publike dhe masa ndëshkimore do zbatohet për të gjithë te fatura e dritave, mos të ketë asnjë iluzion, asnjë individ që mund ti shmanget gjobës”.
Prej ditës së enjte maska do të jetë me detyrim dhe kush nuk do të respektojë do të gjobitet. Burime për Report Tv bënë me dije se masa administrative do të jetë nga 2 mijë deri në 5 mijë lekë, por vendimi do të merret të mërkurën në mbledhjen e qeverisë.
Gjoba do të vendoset në faturën e dritave për shkelësit, ndërsa për bizneset do jetë në mënyrë tradicionale.
Ditën e mërkurë do të publikohet akti normativ me detajet e vendimit më të fundit të qeverisë. Më herët, qeveria ka vendosur që gjoba për mos mbajtjen e maskës në ambiente të mbyllura të jetë 2 mijë lekë.
Kontrollet do të bëhen nga Policia e Shtetit dhe ajo Bashkiake.
Një vit nga ikja pa kthim e vëllait të tij Kryetari i Bashkisë Vlorë Dritan Leli fjalë të ndjera për të.
‘Më mungon shumë, jo vetëm mua, por edhe shumë shokëve dhe miqve tanë, të cilët çdo ditë më flasin për ty, më tregojnë historitë dhe peripecitë që të karakterizonin ty.’
Statusi i plotë:
E fillova rrugën e jetës 50 vite më parë, ndersa ti ishe aty. Në çdo moment të jetës të kisha pranë, si rrallë herë vëllezër të tjerë, në njohjen time.
Sot, pas një viti që nuk je më, boshllëkun tënd nuk e mbush dot asgjë.
Më mungon shumë, jo vetëm mua, por edhe shumë shokëve dhe miqve tanë, të cilët çdo ditë më flasin për ty, më tregojnë historitë dhe peripecitë që të karakterizonin ty.
Falje pa fund shume dashuri… sot kemi vetëm boshllëk.
Jepje jetë nga jeta jote, sa më duket sikur harrove të mbaje ca më shumë për veten tënde… i paharruari Ed 😢
Presidenti Ilir Meta në një intervistë ditën e sotme ka folur për prishjen e marrëdhënieve me ish-kryeministrin socialist Fatos Nano.
Sipas tij, Nano i kishte kërkuar që t’i jepte garancinë për t’u bërë president, ndërsa Meta do të ishte kryeministër, por jo nuk është pranuar nga Meta, pasi prishte marrëveshjen me Brukselin ku thuhej se presidenti i takonte opozitës. Ai tha se ishte ky refuzim i tij që bëri të mundur hapjen e negociatave për marrëveshjen e Stabilizim-Asocimit
“Partia Socialiste në 2001 kishte marrë disa mandate si favor i një “faulli”. Fatos Nano donte me çdo kusht të bëhej president i Shqipërisë, edhe nëse unë bëhesha kryeministër. Donte garanci nga unë por unë nuk e bëra. I thashë: “Zotëri unë nuk të bëj dot president ty, do me pahir ti, bëhu kryeministër, të bëhem unë zëvendëskryeministër dhe ministër i Jashtëm”.
Pas marrëveshjes që nuk bëra unë me Nanon Shqipërisë iu hapën negociatat. Unë me zotin Nano në atë kohë u prisha për këtë punë. Unë krijova një forcë të re politike. Në 2006 u mbyll marrëveshja e Stabilizim Asocimit”, tha Meta.
