Marsela Çbikuaj dhe Ditmar Basha janë dy këngëtarët e radhës që i bashkohen fushatës së PS-së.
Ata u prezantuan sot nga kryebashkikau i Tiranës, Erion Veliaj.
“Marsela dhe Vitmari, dy artistë e njerëz të mrekullueshëm, që gjithçka e kanë arritur vetë, ndaj janë përherë gati të kontribuojnë për të mirën e vendit”, tha Veliaj.
“Shqipëria dhe familja e madhe socialiste është plot me njerëz të tillë, me fokus te puna, e jo te llafet” – shtoi ai.
Artistë të tjerë i janë bashkuar fushatës së Ps-së kohët e fundit, si Kastro Zizi, Eli Fara, etj.
Kaloi rinia e gjyshërve të mi dhe nuk ia thanë dot këngës e nuk qeshën dot. Bota jashtë vlonte nga zhvillimi, ata vuanin mjerimin.
Kaloi rinia e brezit të prindërve të mi dhe të mbyllur në verbërim këndonin këngën e heshtjes. Lexonin libra fshehur dhe si molla e ndaluar i dinë vlerën mirë edukimit dhe arsimit. U rritën me ëndrrën e një kënge që nuk e kënduan dot kurr se mundësitë ishin të pakta.
Po kalon rinia ime! Mundësitë e shumta të kalojnë poshtë hundës, por ti nuk i kap dot. Bota është e jona, por ne nuk e prekim dot. Pamë vetëm tranzicion dhe presim ndryshime që ndoshta do duan dhe tre breza rini tjetër të arrihen. Pse të qesh kjo rini? Kjo rini po përjeton lirinë e gabuar dhe kjo liri është kurth.
Kjo rinia e brezit tim shikon prindër sakrifikues që kanë lënë cdo gjë për të na dhënë ne mundësinë e shkollimit. Prindër që dikur kanë qënë të rinj dhe kanë harruar buzëqeshjen e tyre që të qeshim ne.
Rinia e brezit tim pa si blihen diploma me dy lekë që të bëjnë drejtor. Rinia e brezit tim mëson me libra të përkthyer keq nga mësimdhënësit. Rinia e brezit tim duhet të tund flamur militantësh që të punësohet dhe nuk ka rëndësi se sa produktiv je në punë, por sa persona mbledh në mbledhjet e partisë. Prandaj kjo rini nuk qesh. Kjo rini pret dhe nga pritja nuk qesh njëri.
Kjo rini po vret kohën në kafe si e vetmja mundësi socializimi që kemi.
Ambicia bie, zhgënjimi të pret krahët, përsëritja e të njëjta ngjarjeve të zhdekurajon. Edhe nëse qesh kjo rini e brezit tim do jetë i trishtuari që qesh bosh. Kjo rini nuk ka më cfarë të ëndërroj.
Kush do ta bëj të qeshi këtë rini? Thirrjet e politikanëve cdo katër vjet për interesa personale?
Rinia do sfida. Rinia do luftë. Rinia do jetë. Rinia do zhvillim. Rinia do program. Rinia do ta përdori forcën e saj vullkanike për realizim. Rinia shqiptare është dhe do, Mundësitë ku janë?
Ministrja e Shtetit për Marrëdhëniet me Parlamentin Elisa Spiropali ka denoncuar sot gjuhën e presidentit Ilir Meta, nga foltorja e Kuvendit. Ajo akuzoi edhe njerëzit pranë Metës, duke thënë se përdorin gjuhë urrejtje, seksiste dhe mizogjiniste, ndaj grave, kryesisht ndaj saj.
Nga foltorja e Parlamentit Spiropali tha sot se vetë ia ka kthyer përgjigjen e merituar Metës, pasi di si të mbrohet, por shtoi se gjuha e përdorur nga Presidenti është një shembull shumë i keq për shqiptarët, sidoemos për gratë.
“Dua të ndalem te diskriminimi gjinor, te gjuha e urrejtjes ndaj grave, te mizogjinia, një gjuhë që e gjen në krye të institucionit të presidentit të republikës”, tha Spiropali.
“Unë jam një grua, një nënë që jam përballur jo pak.”
“Jo vetëm zëdhënësi i tij, jo vetëm grupi i tij, por vetë presidenti i republikës përdor gjuhë urrejtje. Nuk është puna për mua personalisht, unë ua kam kthyer përgjigjen dhe di të mbrohem. Por është shembulli që jep presidenti për të gjithë qytetarët e këtij vendi, që të mos përdorin gjuhën e urrejtjes, gjuhë seksiste”.
Më tej ministrja u shpreh: Çfarë shembulli është ky, si ka mundësi të bjerë në nivele të tilla komunikimi. Kjo s’më përket mua. Unë në ’99 jam larguar nga Shqipëria kur personi në fjalë Ilir Meta dhe kryetarja e LSI vidhnin votat e FRESSH për të vjedhur Shqipërinë, unë kam ikur si ekselente, jo me paratë e babait në Londër. Presidenti nuk mund të thyejë çdo konventë, çdo kod, çdo moral. Të ulet e të lexojë konventat që ka nënshkruar. E kanë nga dëshpërimi”.
Sakaq, në Kuvend, deputetët e opozitës së re, më konkretisht Ralf Gjoni, kërkoi që të ndërmerret sërish nisma për shkarkimin e Presidentit Ilir Meta, dhe në vend të tij të emërohet një grua.
Një ditë pas ndarjes nga jeta të drejtorit të shkollës në Paskuqan, ministrja e Arsimit Evis Kushi, teksa ka shprehur ngushëllime, ka përcuar edhe mesazhe për këtë situatë.
Kërkon të mos ulet vigjilenca në këtë kohë, dhe secili të kujdeset për shëndetin.
“Me keqardhje të thellë prita lajmin e ndarjes nga jeta të arsimtarit dhe drejtuesit të nderuar, Dede Malaj, pas një përpjekjeje të madhe për ta mposhtur virusin e pabesë Covid-19.
Ndaj me familjen e mësues Dedës e të afërmve të tjerë, me kolegët e nxënësit e tij, ndjenjën më të thellë të hidhërimit për këtë njeri të palodhur në punën e tij, që ndër vite ka dhënë vetëm kontribut të mirë në arsim.
Me këtë rast, apeloj sërish shumë fort që për asnjë moment mos ta ulim vigjilencën për të mbrojtur shëndetin tonë dhe të tjerëve, por akoma më shumë të rrisim ndërgjegjësimin qytetar që të frenojmë përhapjen e mëtejshme të virusit”, shkruan ministrja.
Ministri në detyrë për Evropën dhe Punet e Jashtme, Gent Cakaj, po zhvillon një vizitë dy ditore në Sofje, ku pritet të zhvillojë një sërë takimesh të rëndësishme.
Cakaj e nisi këtë vizitë me një takim me Zëvendëskryeministren e Parë për Reformën në Drejtësi dhe Ministren e Punëve të Jashtme të Republikës së Bullgarisë, Ekaterina Zaharieva.
Takimi u fokusua në diskutime mbi avancimin e disa projekteve me rëndësi strategjike, nga nxitja e shkëmbimeve ekonomike deri te zhvillimi i interkoneksionit energjetik.
Po ashtu, dy homologët, theksuan se Shqipëria tashmë ka bërë përparim të qëndrueshëm për të vazhduar më tej në procesin e anëtarësimit në Bashkimin Evropian.
Sa i përket bashkëpunimit shumëpalësh, u shpreh mbështetja e plotë e Bullgarisë në kandidaturën e Shqipërisë për të marrë një ulëse në Këshillin e Sigurimit si anëtare jo e përhershme për 2022-2023.
Në fund të takimit, Ministrat nënshkruan edhe marrëveshjen për bashkëpunim në fushën e mbrojtjes së mjedisit dhe ujërave.
Kryeministri Rama ka folur edhe njëherë për mbajtjen e maskave edhe në rrugë. Në takim me gazetarët, ku prezantoi platformën online “deputeti që duam”, kërkoi nga policia që të ketë vëmendje edhe ndaj përfaqësuesve të Parlamentit, pasi disa prej deputetëve sot u panë pa maska.
Madje u kujdes të saktësonte se nuk do ketë falje të gjobave për askënd që kapet në rrugë pa maskë.
“Ka një problem të vogël se duhet pasur parasysh se s’duhet të niset njeri me idenë se do falim gjobat. Këto do t’i mbajmë pak si gjatë kam përshtypjen, pasi kemi dhe sezonin e dimrit. Gjobat do të vijnë tek fatura e dritave. S’duhet ta vëmë këtë maskën me idenë se do marrim gjobë. I kam kërkuar Policisë së Shtetit që të jetë e vëmendshme dhe vëmendjen ta ketë fillojë Parlamenti i Shqipërisë, nga institucionet qendrore.
Teorikisht duhet të jetë e vështirë. Nuk është e mundur që policia të më ndalojë makinën mua e të më shoh nëse e kam mbajtur apo jo maskën. Unë sot e kam mbajtur maskën. Gjermania sot mesa pashë e vuri në mjediset publike. Para disa ditësh s’pashë maskë asgjëkundi jashtë. Ndërkohë që brenda po. Në Austri as brenda as jashtë.
Të gjithë po e mbajnë tani. Se pashë nëpër media, qytetarët që thoshin që; “kemi frikë nga gjoba se maska kot është”. Po të ishte kot nuk do e vinte gjithë bota, se mirë diktatura gjakatare në Shqipëri po imponon maskën që t’iu mbyllë gojën shpirtrave të lirë që të mos flasin.”, tha Rama.
Mjeku Pëllumb Pipero është bërë pjesë e emisionit “Historia ime” në Tv Klan, ku ka folur për rëndësinë e mbajtjes së maskës dhe është shumë dakort që ajo të mbahet edhe në ambiente jashtë, duke parë situatën e rëndë që Covid-19 po shkakton në Shqipëri.
Sipas tij njerëzit duhet të kenë mirëkuptim dhe të kuptojnë se maska është i vetmi mjet që na mbron dhe se duhet ta bëjmë mënyrë të jetesës. Pipero shprehet se për të vetmen gjë që nuk është dakort, janë gjobat. Ai i drejtohet Ramës që të heqë gjobat sepse shqiptarët janë gjobitur boll nga natyra, nga dy tërmetet e pandemia, prandaj kjo është e tepërt.
“Kur kam thënë që maska duhet të bëhet e detyrueshme unë në këtë situatë kam qenë dhe jam kundër çdo gjobe sepse ne shqiptarët boll jemi gjobitur nga natyra, dy tërmete dhe pandemia. Ne duhet të mësohemi të respektojmë çdo rregull dhe ligj që vjen sepse historikisht shqiptarët janë lidhur pas fjalës dhe jo pas normave administrative. Do ishte e më e pranueshme në opinionin tim një aleance mbarë kombëtare, specialist dhe qytetarë, qytetarë dhe institucion që të mirëkuptohemi dhe të biem dakort që maska është mjeti më mbrojtës deri tani dhe duhet të bëhet pjesë e jetës sonë dhe ta bëjmë mënyrë jetese.
Kjo maskë të mbron ty, mbron doktoreshën, nuk më mbron mua. Po ta mbash dhe ti, më mbron dhe mua. Duhet ta dinë gjithë shqiptarët që Covid-19 nuk ka as këmbë, as krahë, as kokë, as logjikë. Ky virus nuk qarkullon me këmbët e veta, qarkullon me ne qytetarët. Maska duhet të jetë me vete për ta përdorur aty ku duhet dhe aq sa duhet. Përdorimi i maskës e ul ndjeshëm transmetimin e virusit dhe ul sëmundshmërinë nga ky virus. Duke pasur këtë maskë neve marrim shumë më pak spërkla pështyme me viruse brenda.
Në rast se unë rri përballë me ju për 15 minuta dhe bëj muhabet apo teshtij, ky virusi përmes spërklave mund të transmetohet deri në 3 metra. Ndaj krahas distancës fizike dhe higjienës së duarve, maska është më e rëndësishme dhe më e sigurta për aq kohë sa nuk kemi një vaksinë. I them Kryeministrit që nuk jam dakort për gjobën, më duket e tepërt si Pëllumb”, është shprehur ai.
Kryetarja e Lëvizjes Socialiste për Integrim, Monika Kryemadhi teksa ka qënë e ftuar mbrëmjen e sotme në emisionin ‘Aktualitet’ ka zbuluar dy qarqet në të cilat mund të kandidojë për deputete.
Kryemadhi përmendi qarkun e Elbasanit dhe atë të Fierit, si dy opsionet për të kandiduar për deputete.
Ndërsa për dy qarqet e tjera, kryetarja e LSI-së tha se do e mendojë, meqënëse kaq alternativa i lejohen me Kodin e Ri.
“Është shpejt për të folur për listën e deputeteve të LSI-së. Po bëjmë zgjedhjen e delegatëve për Konventën e partisë me datën 5 dhjetor.
Monika Kryemadhi përballet me këdo që i del para. Nuk ka të bëjë me interesin tim personal, por ka të bëjë me parimet.
Nuk e kam problem fare. Akoma nuk e kam vendosur ku do të kandidoj për deputete, por kam dy ide Elbasan dhe Fier.
Meqë me Kodin e ri e kanë vendosur kryetarin e partisë të kandidojë në katër qarqe do të shikojmë.”- tha Kryemadhi.
