Aktualitet

Dashi

Hëna është e favorshme: një lajm i shkëlqyeshëm për ndjenjat, dashuria është në plan të parë. Në frontin e punës, shmangni polemikat e panevojshme. Shpesh zemëroheni për gjëra vërtet të parëndësishme.
Demi

Mëngjesi për ndjenjat fillon pak i nënshtruar, por pasditja do të jetë më mirë. Ata që kanë jetuar një dashuri të vështirë në të kaluarën nuk duhet të kthehen në mënyrat e vjetra. Në frontin e punës, është koha e duhur për t’iu përkushtuar diçkaje të re nëse keni një biznes të lidhur me kontrata.

Binjakët
Në dashuri, pjesa e parë e ditës është paksa e vështirë, por mos u shqetësoni. Nga nesër gjithçka do jetë më normale. Në frontin e punës, komunikimi me të tjerët është më i vështirë në mëngjes.

Gaforrja

Lerini të gjitha akuzat pas. Kjo është një ditë e mirë për të folur, mos e shtyni deri nesër. Në frontin e biznesit, kushtojini vëmendje çështjeve ligjore. Nëse duhet të takoni një person të rëndësishëm, caktoni një takim të hënën e datës 26.

Luani

Nëse keni përjetuar një krizë dashurie duhet të përpiqeni të kuptoni pse. Në frontin e punës, janë mundësi të shkëlqyera. Por kujdes nga polemikat dhe njerëzit ziliqarë.

Virgjëresha

A është partneri larg? Ndoshta ka një rënie të lehtë dhe disa probleme. Në frontin e biznesit, duhet të rimerrni disa nga paratë që keni humbur në muajt e fundit.

Peshorja

Sot është një ditë intriguese – madje mund të takoni një person interesant. Takime të veçanta edhe në punë. Sot përpiquni të konkludoni dhe të realizoni gjithçka që është e rëndësishme.

Akrepi

Lajm i mirë për zemrat e vetmuara, ata së shpejti mund të përjetojnë emocione të veçanta dhe intriguese. Në frontin e punës, bëjini gjërat me qetësi dhe pa nxitim, veçanërisht nëse duhet të realizoni një projekt.

Shigjetari

Mundohuni të gjeni qetësinë e brendshme: është thelbësore të përballeni me këtë periudhë. Kur bëhet fjalë për punën, nëse duhet të flisni për gjëra të rëndësishme, duhet të prisni. Ju nuk jeni aq të bindur për atë që mendoni!

Bricjapi

Hëna është e favorshme dhe nga nesër ajo do të hyjë në shenjën tuaj të zodiakut: një lajm i shkëlqyeshëm për dashurinë. Në frontin e punës, shtyni atë që nuk ju intereson. Dhe përpiquni të planifikoni ngjarjet për javët e ardhshme!

Ujori

Venusi do të kthehet i favorshëm nga data 28. Pas një periudhe të vështirë në dashuri, tani mund të gjeni pak qetësi. Sa i përket punës, duhet të zhvilloni një strategji fituese. Mundohuni të mos ndryshoni gjithmonë mendje.

Peshqit

Mundohuni të shtyni fjalimet e komplikuara dhe të mos humbni durimin. Në frontin e punës, një zgjidhje do të vijë deri të dielën. Përpiquni të gjeni qetësinë e mendjes.

Sipas Shërbimit Meteorologjik Ushtarak, kjo javë do të ndikohet nga kushte atmosferike të qëndrueshme.

Përgjatë 5 ditëve në vijim, moti parashikohet të jetë kryesisht i kthjellët me vranësira të pakta kalimtare.

Era do të fryjë nga veriperëndimi me shpejtësi mesatare 1-6m/sek, e cila hera-herës në mesditë përgjatë vijës bregdetare fiton shpejtësi deri në 10m/sek.

Mëngjeset do të jenë të ftohta, ndërsa orët me diell do të bëjnë që në mesditë temperaturat të pësojnë rritje.

Ata janë banorët e vetëm të një fshati të vogël italian, por të dy pensionistët nuk kanë ndërmend të rrezikojnë kur bëhet fjalë për zbatimin e rregullave kundër përhapjes së koronavirusit.

Giovanni Carilli dhe Giampiero Nobili mbajnë çdo ditë maskë kur takohen dhe theksojnë se gjithmonë qëndrojnë të paktën një metër larg njëri-tjetrit, pavarësisht faktit që nuk kanë asnjë fqinj tjetër dhe shumë rrallë ka vizitorë në fshat.

Nortosce, në periferi të Peruxhias, ndodhet në luginën Nerina, në një lartësi prej 900 metrash mbi nivelin e detit, çka e bën tepër të vështirë për t’u arritur. Por pavarësisht kësaj, 82-vjeçari Carilli dhe 74-vjeçari Nobili, nuk ndihen të mbrojtur nga koronavirusi. “Nëse sëmuren jam vetëm, kush do të kujdeset për mua”, thotë Carilli për CNN Travel. “Jam i vjetër, por dua të vazhdoj të jetoj dhe të kujdesem për dhitë e mia, vreshtat, bletët dhe pemishtet”.

Momentalisht, në Itali kërkohet që të ruhet distanca fizike prej 1 metër mes njerëzve, ndërsa maskat janë të detyrueshme të mbahen në ambientet e brendshme dhe të jashtme, në të kundërt gjobitesh me 400 deri në 1000 euro. Por edhe pse disa italianë nuk duan ta mbajnë maskën, për dy të moshuarit ajo është e shenjtë.

Gazetari Enkel Demi ka treguar mëngjesin e sotëm një ngjarje që i ka ndodhur në rrugë, lidhur me vendimin për mbajtjen e maskës.

Siç dihet nga dita e enjte ka nisur zbatimi i urdhrit për mbajtjen e maskës me detyrim edhe në rrugë. Në të kundërt është aplikuar gjoba.

“Në fundjavë më kërcënonte një polic dhe vetë e mbante maskën në mjekër”, tha Enkel Demi, sot i ftuar në ‘ABC e Mëngjesit’.

Më tej, ka shtuar me ironi: “Ai (polici) vetëm bërtiste, kishte të drejtë”.

Gazetari vuri në pikëpyetje seriozitetin e masave, teksa tha se edhe duke kërkuar llogari shkelen rregullat bazë, si distancimi dhe maska nga vetë autoritetet.

/NOA.al

Kryeministri Edi Rama ka reaguar për grevën e naftëtarëve në Ballsh.

Reagimi i tij vjen pasi ditën e sotme u raportua gjendja e përkeqësuar e grave që prej ditësh janë në grevë.

Në rrjetin social “Twitter” Rama i bën thirrje atyre që ta ndërpresin grevën e të ulen në bisedime.

Reagimi i kryeministrit Edi Rama në “Twitter””

“U përsëris naftëtarëve të Ballshit që greva e tyre është e panevojshme, sepse unë jam me ta dhe qeveria është e tyrja!

“Ne jemi plotësisht të ndjeshëm ndaj hallit të tyre që është edhe halli ynë dhe është absurde që hallin t’ua qajnë ata që ua shkaktuan!”.

Rama bëri edhe një thirrje për naftëtarët grevistë.

“I ftoj vëllazërisht ta ndërpresin grevën dhe jam i gatshëm të ulem e të bisedoj me ta për këtë hall të përbashkët, por jo kështu!Kështu jo, sepse presionet e ultimatumet nuk funksionojnë në asnjë familje dhe punëtorët e Ballshit nuk bëjnë përjashtim nga ky parim i panegociueshëm”, – shkroi Rama.

Sot nëfatëtrët i bënë thirrje grave deputete, ministreve ai edhe ambasadores së SHBA-së Yuri Kim që të reagojnë dhe kjo situatë të marrë zgjidhje.

/NOA.al