Aktualitet

A jetonte në shtëpi me qira Koço Devole?/ Flet djali i tij

Aktualitet / /

Djali i aktorit të njohur Koço Devole, i cili u nda të dielën nga jeta pasi u infektua nga COVID-19, ka prekur me rrëfimin e tij kushtuar babait.

Nga homazhet që po mbahen në nder të babait të tij ditën e sotme, Genci Devole tha se Koço ishte një baba dhe burrë i mrekullueshëm.

“Ishte një baba i mrekullueshëm. Një prind i jashtëzakonshëm, prind i përkryer. E adhurojnë mbesat dhe nipërit, bashkëshort i devotshëm. Vepra e tij…. më mungojnë fjalët. Një boshllëk i jashtëzakonshëm”, – tha ai për News 24.

I pyetur nga gazetarët se ai iku nga kjo jetë ne një shtëpi me qira, pasi besonte tek drejtësia, djali i aktorit u shpreh: “Virtyti i kujt është kjo, drejtësia… Mund të jetë virtyt… i drejti mund të jetë (shfryn). Mund ta quajmë budallallëk drejtësinë. Ai është i pastër dhe i qetë me shpirtin e tij”.

Genci thotë se babai i tij, Koço Devole “besonte që një artist nuk duhet të ngatërrohet me politikën që të kujtohet si i tillë. Kishte parasysh që po të ngatërrohesh me politikën do ti humbje vlerat. Ai është i pastër dhe i qetë në shpirtin e tij”.

Familja Devole po mban sot homazhe private me miq e familjarë të afërt, ndërkohë që trupi i pajetë i Koço Devoles do të përcillet në orën 13:00 për në banesën e fundit. /NOA/

A jetonte në shtëpi me qira Koço Devole?/ Flet djali i tij Read More »

Mësoni si pritet të jetë moti ditët në vazhdim deri të dielën

Aktualitet / /

Pranverë në vjeshtë por temperatura pak më të freskëta se javën që lamë pas.

Meteorologia Adiola Bani në një lidhje me ABC-ja e Mëngjesit nga MeteoAlb deklaroi se nga e hëna në të dielë do të kemi një mot me diell ndërkohë që temperaturat do të pësojnë rënie të lehta në vlerat maksimale dhe mesatare, veçanërisht në fundjavë.
E njëjta situatë do të paraqitet edhe në Kosovë dhe Maqedoni.

“Do jetë shumë mirë. Presim një javë me diell të kthjellët nga e hëna në të dielë. Temperaturat e ajrit do pësojnë një rënie të lehtë dhe graduale.

Gjatë fillimit të javës do ketë një rënie. Mesdita do të jetë rreth vlerës 22 gradë celcius ndërsa në fundjavë do të zbresin deri në 19 gradë.
Është mot i favorshëm por duhet të vishemi pak më trashë. Do kemi mot të kthjellët dhe temperatura disi më të freskëta. Edhe vendet e rajonit po përjetojnë një mini vjeshtë. Do kemi një mot me diell edhe në Kosovë dhe Maqedoni”, tha Adiola Bani.

Mësoni si pritet të jetë moti ditët në vazhdim deri të dielën Read More »

Përplasja virtuale mes këngëtares dhe gazetarit/ Bleona Qerreti ‘shp ërthen’ në emision: Nuk zuri mend 20 vite pasi ia thyen dhembët!

Aktualitet, Debat / /

Këngëtarja e njohur shqiptare Bleona Qerreti pak ditë më parë u përfshi në një përplasje virtuale me gazetarin Ilir Babaramo, pasi ky i fundit tha për këngëtaren se ishte pjesë e haremit të Donald Trump.

Pasi i dedikoi një postim në rrjetet sociale, Bleona është rikthyer të flasë edhe njëherë për gazetarin, ku në RTV Ora është shprehur se Babaramo është shumë i vogël që ajo të merret me të.
Këngëtarja u shpreh se gazetarit ia kanë thyer dhëmbët para 20 viteve për thashetheme, por si duket nuk ka nxënë mend akoma dhe vazhdon të bëjë të njëjtën gjë.

“Kam kuptuar që fatkeqësisht në Shqipëri njerëzve nëse nuk u flet me gjuhën që kuptojnë nuk arrijnë të kuptojnë gjuhën që u flet ti.Për mua është thjesht një thashethemexhi që paguhet për të shpifur. Nuk dua ti kushtoj më vëmendje. Ja kanë thyer dhëmbët para 20 vitesh për thashetheme dhe më vjen keq që pas 20 vitesh vazhdojnë të bëjë të njëjtën gjë. Në momentin që flet me të njëjtin provencialitet që ke folur para 2 vitesh dhe përmend emrin tim për një kategori njerëzisht pjesë e të cilëve nuk kam qenë kurrë do të kem një reagim për këtë.

Kur më quan Bleona e klubeve do të reagoj, të gjithë miqtë e mi e dinë se unë jetoj një jetë private shumë të shëndetshme. Nëse kam qenë në lokale, në 90% kam qenë për koncerte.Ai është shumë i vogël për mua ti kthej përgjigje por duke parë që komuniteti shqiptar në Amerikë ja theu hundët pas 20 vitesh.Si guxon ai të flasë për njerëz këtu që kanë sakrifikuar gjithçka për të ardhmen e fëmijëve të tyre? Nëse juve ju është bërë normale që njerëzit me lekët e drogës bëjnë jetë luksoze që njerëzit normale nuk e përballojnë dot dhe ju duket normale. Një njeri duhet të dalë dhe t’ju zgjojë nga gjumi. Njerëzit duhet të mbajnë përgjegjësi për veprimet që bëjnë dhe thashethemet që bëjnë. Kur ti paguhesh për të përhapur thashetheme nuk mund lë të pikturosh një pikturë të shrembëruar timen”, tha Bleona Qerreti.

Përplasja virtuale mes këngëtares dhe gazetarit/ Bleona Qerreti ‘shp ërthen’ në emision: Nuk zuri mend 20 vite pasi ia thyen dhembët! Read More »

Agron Llakaj flet për aktorit Koço Devole: ‘U largua i varfër nga kjo botë, në një shtëpi me qira’

Aktualitet, Art-Kulture, Opinione / /

Në një intervistë për emisionin”Ftesë në 5”, djali i aktorit Koço Devole, Genci do të jepte shpresë duke thënë se gjendja e të atit është e stabilizuar dhe mjekët këtë e kanë parë si një shenjë të mirë. Por fatkeqësisht, disa ditë më pas, aktori dhe skenaristi i njohur nuk mundi që të fitonte betejën me COVID-19 dhe u nda nga jeta në moshën 75-vjeçare.

Fillimisht Devole doli nga spitali për ta vijuar trajtimin në shtëpi, por përkeqësimi i gjendjes shëndetësore e gjeti atë përsëri në ambientet e spitalit Infektiv, ku dha edhe frymën e fundit.

Emisioni “Ftesë në 5” i kushtoi pjesën e parë të puntatës së kësaj të hëne, ndarjes nga jeta të të madhit Koço.

Të ftuar ishin miqtë e tij, një ndër ta edhe aktori Agron Llakaj. Përpos të gjithë kujtimeve të bukura, që lidhen me aspektet profesionale por edhe ato familjare, pasi aktorët ishim miq shumë të mirë, Llakaj veçon një fakt që shumë pak njerëz flasin. Agroni citoi se “Koço ishte një thesar i humorit shqiptar, thesar dhe iku aq i varfër, është dhimbje”.

Me këtë ai iu referua vështirësive financiare që u gjend aktori në pjesën më të madhe të jetës. Llakaj e cilësoi si hipokrizi lavdet e thurura për aktorin, ndërsa shtoi se askush nuk u kujtua për të sa ishte gjallë. Ai theksoi se aktori ka jetuar në një shtëpi me qira dhe ajo që mori me vete ishin vlerësimet dhe të qeshurat e publikut.

“Ai ishte një thesar i humorit shqiptar, thesar dhe iku aq i varfër, është dhimbje. Unë do të thosha që fati i keq i artistëve, sa janë gjallë nuk kujtohet njeri për ta, por kur largohen të gjithë thurin lavde. Një hipokrizi që gjendet kudo. Vlerësojini njerëzit sa janë pranë nesh, sado që themi ne, Koço nuk dëgjoi asgjë. Të mos harrojmë që ai u largua i varfër nga kjo botë, në një shtëpi me qira, e bën dyfish dhimbjen më të madhe”, tha Llakaj në Top Channel.

Agron Llakaj flet për aktorit Koço Devole: ‘U largua i varfër nga kjo botë, në një shtëpi me qira’ Read More »

Basha: ‘Dy të afërm të mi në spital me Covid. Qeveria po gënjen për shifrat’

Aktualitet, Opinione / /

Disa të afërm të Lulzim Bashës ndodhen në spital të infektuar me koronavirus. Lajmin e ka bërë të ditur vetë kreu i Partisë Demokratike, i cili u shpreh se mungesa e informacionit dhe transparencës nga ana e qeverisë ka krijuar panik.

Kryedemokrati theksoi se as ai dhe as përfaqësues të opozitës nuk kanë dijeni për gjendjen në spitale.

Ai tha se numrat që raportohen nuk janë real, ndërsa pohoi se njeh personalisht edhe katër persona të tjerë të prekur. Kreu i PD, bëri edhe njëherë thirrje për rritjen e testimeve.

“Është mungesa e testimeve që ka sjellë këtë përhapje jashtë kontrollit. Këto nuk janë shifrat reale. Unë personalisht kam dy të shtruar një të Infektivi dhe një te Sanatoriumi. Njoh të paktën katër të tjerë. Sot po flisja me bashkëpunëtoren dhe ka ndërruar jetë një shumë i afërm i saj. Ndërkohë që i është infektuar gruaja dje vajza ndërkohë që nuk kanë bërë tampon. Këto nuk janë shifrat reale. Ka që në mars që i them çdo ditë shto testimet. Duke i mbajtur të ulëta krijin idenë që ka më pak të infektuar. Por kjo është gënjeshtër”, tha ai.

Sipas tij, nëse do të ishte në qeveri do të kishte bërë ato që ka deklaruar në mars dhe ka përsëritur në shtator.

“Po të isha në qeveri ato që kam thënë në mars, ato që kam thënë tani në shtator do ti kisha bërë. Kjo do të kërkonte jo thjesht të dish, unë nuk jam ekspert, por jam i rrethuar nga ekspertë. Ata kanë thënë që këtë duhet të bëjë kryeministri. Vendimet i merr kryeministri”, tha Basha. /NOA/

Basha: ‘Dy të afërm të mi në spital me Covid. Qeveria po gënjen për shifrat’ Read More »

Komiteti Teknik i Ekspertëve propozon masa të reja për të parandaluar përhapjen e Covid

Aktualitet, Lajmi i fundit / /

Komiteti Teknik i Ekspertëve ka propozuar masa të reja për të parandaluar përhapjen e koronavirusit.

Drejtuesja e këtij Komiteti u shpreh se lokalet do të mbyllen në orën 22:00 deri në 06:00 të mëngjesit.

Po ashtu do të kufizohen edhe lëvizjet e qytetarëve, nga ora 22:00 deri në orën 06:00.

Këto masa hyjnë në fuqi prej ditës së mërkurë, dhe pritet të zgjasin deri në të paktën 3 javë.

Këto masa vijnë në një kohë kur rastet ditore dhe viktimat janë shtuar javët e fundit.

Konkretisht, Komiteti ka propozuar:

1. Kufizimi i lëvizjes nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme.

2. Ndalohen aktivitetet e bareve – restoranteve nga ora 22:00 – 06:00 (përvec shërbimit delivery). 3. Smart-working për administratën publike (sipas specifikës së sektorit) në zbatim të protokolleve të sigurisë. Përjashtim bëjne strukurat ofruese të shërbimeve duke zbatuar protokollet e sigurisë. /noa.al/

Komiteti Teknik i Ekspertëve propozon masa të reja për të parandaluar përhapjen e Covid Read More »

Masat e reja/ Mbyllen baret dhe restorantet pas orës 20:00

Aktualitet, Lajmi i fundit / /

Mbyllen baret dhe restorantet pas orës 20:00, në vendin tonë.

Është kjo masa më e fundit që është ndërmarrë nga Komiteti teknik i Ekspertëve.

Gjithashtu Komiteti Teknik propozoi kufizimin e lëvizjes së qytetarëve nga ora 22:00 deri në ora 6:00.

Rastet në rrijte të rasteve me Covid-19 kanë sjellë edhe të tjetra masa shtrënguese.

Një ditë më parë u regjistruan 501 raste të reja me Covid-19, ndërsa pritet të përditësohen të dhënat e 24 orëve të fundit.

Masat pëe 3 javët e ardhshme

“Kufizim i lëvizjes nga ora 22:00 deri në orën 6 të mengjesit, në gjithë vendin me përjashtim per punë emergjenca shëndetësore”.

“Të ndalohet aktiviteti i bareve dhe restoranteve nga ora 22:00 deri në orën 6 përveç ‘delivery’.

“Rekomandohet “smart working” për administratën publike”.

“Këto masa do hyjnë në fuqi në 11 nëntor, për tre javë, e do rishikohen çdo javë në varësi të situatës”, tha zv ministrja e Shendetesise Mira Rakacolli.

/NOA.al

Masat e reja/ Mbyllen baret dhe restorantet pas orës 20:00 Read More »

Numër i lartë gjobash për qytetarë që janë parë pa maskat mbrojtëse

Aktualitet, Lajmi i fundit, Problematika / /

Një numër i lartë gjobash është vendosur nga Policia e Shtetit në fundjavë, për qytetarë që janë parë pa maskat mbrojtëse kundër koronavirusit.

Sipas njoftimit zyrtar për mediat, bëhet me dije se janë gjobitur gjithsej në gjithë vendin 1825 qytetarë dhe 13 administratorë lokalesh, për mosrespektimin e masave anticovid, gjatë fundjavës.

Ndërkohë të premten u raportuan 626 gjoba dhe të enjten, 619 gjoba.

“Si rezultat i kontrolleve, gjatë fundjavës, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 1825 qytetarë që lëviznin pa maskat mbrojtëse.

Gjithashtu, gjatë kontrolleve në fundjavë, shërbimet e Policisë kanë konstatuar 13 lokale, në ambientet e të cilëve kishte muzikë pas orës 20:00 dhe nuk respektoheshin protokollet e sigurisë që kanë si qëllim parandalimin e përhapjes së COVID-19.

Secili prej administratorëve të këtyre lokaleve është ndëshkuar me masën administrative 1.000.000 lekë”, thuhet në njoftim.

Gjatë kontrolleve në fundjavë janë shoqëruar në ambientet e Policisë në të gjithë vendin, 15 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

/NOA.al

Numër i lartë gjobash për qytetarë që janë parë pa maskat mbrojtëse Read More »