Anxhela Peristeri me këngën “Karma” do të jetë përfaqësuesja e Shqipërisë në Eurovision 2021. Këngëtarja mori pëlqimin e jurisë së Festivalit Kombëtar, duke grumbulluar 322 pikë nga votimi i 11 pjesëtarëve të jurisë.
Peristeri la pas Viktor Tahiraj me këngën “Nënë” me 266 pikë dhe Gjergj Kaçinarin “Më jep jetë” me 245 pikë. Juria e përbërë nga Shefqet Aliu, Osman Mula, Spartak Tili, Erjon Sheme, Ruzhdi Keraj, Miron Kotani, Jaho Margjekaj, Kozma Dushi, Enver Shëngjergji, At Spiro Katundi dhe Rudolf Marku ndau për pjesëmarrësit edhe disa çmime që lidhen me garën muzikore të vitit, i cili këtë vit u zhvilluar “on-line”.
Edicioni i ardhshëm i Eurovision do të mbahet në Holandë nga data 18 deri më 22 maj.
Renditja e plotë e këngëtarëve pjesëmarrës:
01.Anxhela Peristeri – Karma 322 pike.
02.Viktor Tahiraj – Nene 266 pike
03.Gjergj Kacinari- Me jep jete 245 pike
04.Fejstina Mezini – Kush je ti…. 188 pike
05.Uendi Mancaku- Vesi i shpirtit 137 pike
06.Franc Koruni – E moren boten 135 pike
07.Agim Poshka – Vendi im 122 pike
08.Sardi Strugaj- Ka per te tber…..97pike
09.Stefan Marena – Meteor 82 pike
10.Xhesika Polo – Me mbron 78 pike
11.Florent Abrashi – Vajze 76 pike
12.Dorela Gjylbegu – Vashezo 75 pike
13.Mirud – Nese vdes 71 pike
14.Klint Collaku – Do Tia dal 66 pike
15.Xhiljola Haveniku – E lire 62 pike
Ish-ministri i Financave, Arben Malaj, propozon tre ditë pushimi, nga dy ditë që janë aktualisht.
Ky propozim i referohet Administratës Publike, pasi në sektorin privat, përgjithësisht bëhet vetëm një ditë pushimi në javë.
“Një studiim që do të ushqejë debatin mbështetës për një raport më të mirë midis punës dhe pushimit”, – tha Malaj.
“Pak vite më parë edhe Kemal Dervish ish shefi i UUDP propozoi uljen e ditëve të punës si një strategji për uljen e papunësisë”.
“Koha e pushimit më e gjatë ndihmon mirë-edukimin dhe mirë-arsimimin e fëmijëve dhe në reduktimin e stresit”.
“Të dyja sjellin përfitime publike afatgjata”, – tha Arben Malaj, aktualisht pjesë e partisë Agrare Ambjentaliste në vendin tonë.
Çfarë thotë artikulli, që i referohet Malaj?
Analiza e njërës prej sprovave më të mëdha të javës së punës, asaj katërditore, jo vetëm nuk tregoi rënie të produktivitetit, por përkundrazi dëshmoi një përkushtim edhe më të madh të stafit dhe ulje të nivelit të stresit.
“Perpetual Guardian”, një kompani shërbimesh financiare në Zelandën e Re, e çoi punën nga 5 në 4 ditë në javë, duke ruajtur të njëjtën pagesë. Rezultati ishte se, gjatë 4 ditëve të angazhimit, produktiviteti i punonjësve u shtua dhe nuk pati as rrudhjen më të vogël të nivelit total të punës së bërë.
Eksperimenti u monitorua nga akademikë të Universitetit të Aucklandit, të cilët vunë re se në radhët e stafit, niveli i vlerësimeve të dhëna për lidership, stimulim, fuqizim e angazhim pësuan rritje që të gjitha, krahasuar me vitin 2017. Niveli i stresit, ndërkohë, pësoi rënie nga 45% në 38%.
“Ne u trajtuam si të rritur dhe rezultati ishte që u sollëm si të rritur e si njerëz të përgjegjshëm”, – tha menaxherja Tammy Barker.
Eksperimenti është ndjekur me kujdes nga punëdhënës e politikbërës në mbarë botën, e ka shtuar shpresat për një ekuilibër më të mirë në të ardhmen mes jetesës dhe punës.
Kryedemokrati Lulzim Basha është pyetur mbrëmjen e sotme në emisionin “Opinion” a e ka marrë ai kasetën e masakrës së Krushës.
“Përgjigjen e dini, e verteta është se kaseta e masakrës është marrë nga Dashamir Peza, në atë kohë si punonjës i BBC-së. Vetë zoti Baton Haxhiu e hodhi poshtë, unë jamë krenar për çdo sekond të kaluarës time. Pra, për kasetën e morët përgjigjen ishte një trillim.”-tha Basha.
Në studion e emisionit “Opinion”, Basha i quajti akuzat “sajesa”, ndërsa tha se Melaim Ballanicën nuk e ka takuar kurrë.
Ndërsa për akuzat se ka marrë pjesë në hetime kundër UÇK, Basha i mohoi po ashtu, ku tha se ka qenë pjesë e ekipit të tribunalit të Hagës që ngriti akuzën kundër Sllobodan Millosheviç 1998-1999 dhe në vitin 2000 në Mitrovicë, ku ka hetuar krimet serbe.
Pjesë nga intervista:
Ballanica ka dhënë disa detaje, që je prezantuar si nip Peje
Un këtë e kam thënë disa herë. Akuzat janë sajesa që kanë marrë përgjigje të qartë.
A keni udhëtuar drejt Kukësit, e keni takuar Bellanicën?
Asnjëherë nuk e kam takuar Bellanicën dhe kur vetë Peza thotë që kaseta është marrë dhe është transmetuar nga BBC, sipas pohimeve, kaseta është marrë nga BBC, e tha Dash Peza që nuk ka asnjë interes të dalë e të thotë diçka në favorin tim.
Keni punuar në vitin 1999 në administratën e Tribunalit të Hagës në Tiranë?
Kurrë skam qenë pjesë e asnjë hetimi kundër UÇK
As arrestime?
Arrestimet i bën prokuroria. Unë kam qenë pjesë e ekipit të tribunalit të Hagës që ngriti akuzën kundër Sllobodan Millosheviç 1998-1999. Kam qenë pjesë e këtij ekipi dhe jam krenar. Në Kosovë në detyrën time të parë në Mitrovicë, kemi hetuar disa krime të serbëve në vitin 2000. Këto janë hetimet e vetme ku kam ndihmuar unë. Pastaj u ngrit fabula e Shtëpisë së Verdhë. Brenda 7 ditëve janë fabrikuar tre gënjeshtra, e para për kasetën, e dyta për arrestimin e anëtarit të UÇK dhe e treta për Shtëpinë e Verdhë.
Pse nuk keni folur këto kohë?
Kjo është një tjetër gënjeshtër sepse un kam folur edhe në një studio tjetër. Nuk është hera e parë që flas për këtë. Të njëjtat akuza më janë bërë në 2005, në 2009 dhe në 2011.
Një njeri u nda nga jeta sot. Quhej Enver Veseli, por veç të afërmëve, të gjithë të tjerët e njihnin si Ver Llapa. Nuk i binte askujt më qafë, qëndronte në anë të rrugës, e disa herë edhe mes makinave, tek 21 Dhjetori.
Vdekja e tij u bë lajm sot në të gjithë mediat sociale. Lexova shumë dedikime të ndjera, prekëse, të dhimbshme, për një njeri të mirë që madje i “nxirrte llapën këtij realiteti të ndyrë”. Vdekja e tij u bë lajm sepse Veri ishte një personazh publik. Në fakt ai nuk kishte bërë asgjë për të qenë i tillë, por ne të tjerët e kishim bërë një “hero”.
Mjafton një kërkim i thjeshtë në rrjet dhe do të shikoni se sa shumë fotomontazhe të Verit ka, me Berishën, Ramën, Metën e të tjerë poshtë tyre. Do të shikoni se sa shumë ofendime aderesojnë politikanët ndaj njëri-tjeterit, duke përdorur si njësi ofendimi pikërisht Verin.
Berisha si Ver Llapa
Rama si Ver Llapa
Talundat Balla si Ver Llapa
Ilir Meta si Ver Llapa
Pak kush ndër ata që janë sot në majat e politikës ka mbetur pa u ofenduar dhe pa ofenduar, përmes këtij njeriu që as kishte bërë gjë, as dinte gjë se çfarë bëhej me të.
Veri ishte bërë etaloni i budallallëkut, i injorancës, i përbuzjes, i ofendimit, sharjes. Politikanë, gazetarë, njerëz të ditur e të paditur, e përdornin epitetin “Ver Llapa” për të ofenduar këdo që nuk mendonte apo vepronte si ai.
Socialistët qeshnin kur Berishës i bënin një gjuhë të madhe, e i thonin: Versioni i ri i Ver Llapës. Po kështu demokratët, kur “llapën” e Verit ia montonin Ramës. Ata që nuk qeshnin, thjeshtë heshtinin. Heshtnin edhe ata që të nxjerrin sytë nëse guxon të ofendosh dikë për shkak të orientimit seksual, ata që ulërasin për të drejtat e njeriut, për të drejtat e personave me aftësi të kufizuara etj etj.
Tani Veri nuk do të jetë më tek hekurat ndarës të rrugës tek 21 Dhjetori. Ndërsa në rrjet do të vazhdojë të jetojë hipokrizina e një shoqërie të tërë llapaqene, e pafytyrë, pa moral që e përdor dhe shpërdor një njeri fatkeq pa pikën e turpit.
Veri iku tani, ndërsa neve na mbeti Llapa.
Një Llapë ku ne duhet të shikohemi në pasqyrë, për të parë se sa të shëmtuar e të pashpirt jemi./NOA.al
Mjekë dhe infermierë që prej fillimit të pandemisë, qëndrojnë në shërbim të pacientëve me Covid-19, por kjo periudhë duket më e ngarkuar dhe akoma më e vështirë, si kudo tjetër në rajon.
Beteja e vërtetë me këtë virus tinzar sipas tyre nuk fillon në spital.
Sot u raportuan mbi 420 të shtruar gjithsej me Covid si asnjëherë tjetër dhe teksa spitalet po mbushen, me shtimin e të infektuarve, mjekët apelojnë që njerëzit të zbatojnë masat para se të sëmuren.
Silvana Bala, drejtuese e Shërbimit të Pneumologjisë, në spitalin “Shefqet Ndroqi”, në një mesazh të shpërndarë nga ministrja e Shëndetësisë Ogerta Manastirliu, bën apel për respektimin e masave të thjeshta.
Ajo shprehet se lufta bëhet nga çdo person në përditshmërinë e tij.
“Ne do të bëjmë çdo përpjekje për të mbrojtur shëndetin tuaj. Por të dashur qytetarë, lufta kundër Covid nuk fillon në spital. Ajo bëhet pikësëpari nga çdonjëri prej jush në përditshmërinë tuaj.
Mjafton zbatimi i masave të thjeshta, për të qenë një hero: maska, distancimi, higjiena! Bashkë do t’ia dalim!”, thotë Silvana Bala./NOA.al
Humbja e njeriut të dashur në një moshë të re është gjithmonë një dhimbje për të afërmit, por kjo dhimbje merr përmasa të tjera kur ke brengën që nuk i ke qëndruar pranë në momentet e fundit.
Në emisionin “Me zemër të Hapur” u trajtua sot historia e një familje që përjeton brenda të mëdha. Bëhet fjalë për një nënë dhe një motër që e kanë vuajtur në mënyrën më të keqe humbjen e parakohshme të Albanit, i cili u nda nga jeta më 11 qershor të këtij viti pas një sage 1 vit e gjysmë në spital ku vuante nga një së mundje e rëndë.
Përveç sëmundjes së rëndë të të birit që po i shuhej para syve nënë Skënderia dhe motra Valbona do të përballeshin dhe me refuzimin e Entelës nuses Albanit. Nënë e bijë, pohuan përmes lidhjes skype se nusja nuk i lejonte as ato dhe as një të afërm të vizitonte Albanin apo të kujdesej për të. Sipas Valbonës, Entela ishte betuar se Albanin do ta shihnin vetëm të v dekur. Ky premtim ogurzi u mbajt dhe nëna e 6 vëllezërit e panë Albanin në ar këmort.
Sot nëna dhe motra kanë një dh imbje të madhe dhe ngrejnë dyshime edhe për ikjen e parakohshme të Albanit. Sipas tyre ekspertiza mjekoligjore ka ngritur hipoteza të tjera në lidhje me shkakun e v dekjes duke mos ia faturuar atë sëmundjes.
Alban Kodra, i cili ndërroi jetë në 11 qershor të këtij viti kur ishte 45 vjeç, la pas 3 fëmijë.
Motra e tij, Valbona alias Vasilika tha në studio se nuk kanë shkuar mirë me nusen e vëllait sepse e kritikonin atë për mënyrën se si kujdesej për Albanin. Në këtë konflikt është përfshirë shpesh herë edhe policia e Selanikut që ka mundësuar që të afërmit të vizitonin 45-vjeçarin në shtratin e vdekjes. Ndërkohë, nëna e të ndjerit tregoi një episod të rëndë, ndërsa tha se një herë kur kishte shkuar të vizitonte djalin, nusja e kishte rrëzuar nga shkallët.
Ndërsa e Motra Valbona pretendon se qëndroi më shumë se 1 ore jashtë derë së të vëllait paraditen e 11 qershorit dhe kur hyri brenda me forcë e gjeti të v dekur. Nusja dhe fëmijët e tij nuk e kishin parë që ai kishte ndërruar jetë. Sipas saj ata e linin në një dhomë pa kujdes dhe pa higjienë. Sipas tyre ekspertiza ka nxjerrë se shkak i v dekjes është m bytja dhe mjekimi i gabuar dhe përgjegjëse për këtë bëjnë nusen që nuk u kujdes për të por as lejoi që të afërmit e tjerë ta bënin.
Ndërkohë, pjesë e emisionit është bërë dhe nusja e vëllait, Entela Morava, e cila mohoi akuzat e lëshuara nga vjehrra dhe kunata. Ajo tha se burri i saj kishte ndërruar jetë nga zemra. Këto janë gënjeshtra. Kur ishte burri në spital ato vetëm na kundërshtonin. Kur kisha unë nevojë për ata nuk mu gjetën pranë. Burri im v diq nga zemra kam fakte.”, tha ajo.
Familjarët e të ndjerit këtë çështje e kanë çuar në gjyq por nuk kanë shpresë nga drejtësia greke. Ceremonia mo rtore u krye në Korçë ku mori pjesë dhe bashkëshortja. /noa.al/
Shefi i Urgjencës Kombëtare, Skënder Brataj, ka replikuar në distancë me mjekun Erion Dasho, mbi këndvështrimin e secilit lidhur me pandeminë në vend.
Pas akuzave përmes një analize të mjekut kritik Erion Dasho, Brataj, përmes një shkrimi të gjatë, e quan atë “shoferi që kërkon të behet deputet”, duke pretenduar se gjithçka thotë e bën në favor të ndonjë formacioni politik. Ai e krahasoi atë me një këpucar që duhet të merret me këpucët.
Reagimi i plotë i Skënder Brataj:
SHOFERI QË KËRKON TË BËHET DEPUTET!
Sot shofer Erion Dasho ka bërë një analizë si ato që di të bëj ai dhe si gjithmonë pa etikë dhe deontologji më thotë :
KËPUCAR! MERRU ME KËPUCËT!
Populli thot: Harbutit sillju si harbut!
Postimi marë nga statusi i tij me pak fjalë është ky:
Shprehja e mësipërme i atribuohet një piktori të Greqisë së Lashtë, i cili i kërkoi një këpucari mendim se si t’i pikturonte më saktë këpucët. Këpucari pasi e dha mendimin e vet nisi të japë sugjerime edhe për ngjyrat, format, etj. Atëherë piktori tha frazën e famshme “Këpucar! Merru me këpucët!”
Shprehja e mësipërme më është kujtuar gjatë kohës së pandemisë kur kam parë urgjencën mjeksore të luajë rolin e këpucarit të Apelles së Kosit.
I ftuar në mars dhe prill për të kaluar situatën e emergjencës me COVID-in, shërbimit të urgjencës i mbeti COVID-i në dorë dhe vazhdon edhe sot e kësaj dite të merret edhe me konsultime online, edhe me mjekim në shtëpi, edhe me marrje tamponash edhe me transport pacientësh.
Efekti më i dëmshëm i dhënies së “ekskluzivitetit të COVID-it” urgjencës mjeksore është çrregullimi dhe kaosi që është krijuar në sistemin e referimit të pacientit.
Gjatë epidemisë, urgjenca mjeksore e merr pacientin nga shtëpia dhe e dërgon atë në spitalet COVID dhe duke kapërcyer menjëherë tre shkallë në sistemin e referimit – mjekun e familjes, spitalin bashkiak dhe spitalin rajonal.
A Po Luan Shërbimi i Urgjencës rolin e ruajtësit të portës (Gate-Keeper) për të mbajtur artificialisht të ulët përdorimin e shtretërve sëpitalorë?
Shofer Erionin e kam njohur në vitin 2015 kur erdha në Shqipëri. Ishte drejtor i Telemjeksisë shqiptare, por mos u çudisni nëse ai nuk e di çfarë është telemjeksia! Pasi të sqaroj qytetarët po i bëj një përshkrim të shkurtër karrierës së shofer Erionit deri tani! Nga këtu e tutje ai po konsulton me disa parti politike dhe ndoshta pretendon ndonjë zgjedhje si deputet, normal nuk është hera e parë që ndodh! Që të ndodh një gjë e tillë duhet të godasësh gjërat dhe shërbimet që funksionojnë dhe sidomos drejtuesit e tyre! Sot ka gjetur fajtorin , Urgjencën Mjeksore, Urgjencën Kombëtare!!
Qytetari ka katër mënyra për të hyrë në system, mjekun e familjes, qendrën shëndetësore, urgjencën spitalore dhe urgjencën paraspitalore ose 127. I vetmi shërbim 24 orë janë urgjencat e spitaleve, Q.SH me urgjencë pritëse dhe 127. Mjeku i familjes nuk e mbulon dot shërbimin natën, ditët e festave dhe ditët e pushimit.
Urgjenca nëpërmjet numrit unik 127 është i vetmi që mund të kapet në kohë reale dhe qytetari të ketë një përgjigje, një informacion dhe një këshillim mjeksor. Pra si do të lidhet qytetari me sistemin shofer Erioni kur nuk ka asnjë system të integruar dhe të kompletuar në Shqipëri? Në të gjithë botën të gjitha sistemet e urgjencës në bazë të të dhënave bëjnë mbi 80% asistencë dhe 20% urgjencë mjeksore midis tyre edhe Gjermania!
Pranë QKUM në një sektor të veçantë gjithmonë për arsye të teknologjisë është numri i gjelbër 08004040 që lidh mjekun e familjes me qytetarin, psikologët me qytetarin, informacion burokratik për proçedurat, me fondin dhe farmacitë, pra aktivitetin e mjekësisë së familjes.
Nëpermjet 127 janë bërë nga 1 janari 665.685 thirrje, nga të cilat janë kryer 174.553 këshillime nga mjekët e Njësisë së Koordinimit dhe 118.405 vizita në banesë nga ekipet mjekësore. Nga këto vizita janë trajtuar në banesë 56.361 ose 47.6% dhe 72.044 ose 52.4% janë dërguar në spital. Thirrje për korona janë 164.425 nga të cilat janë bërë 9.936 vizita me Covid pozitiv në banesë dhe gjysma e tyre është trajtuar në shtëpi dhe pjesa tjetër është dërguar në spital. Të gjithë pacientët që ndiqen nga mjekët e familjes kur përkeqësohen këshillohen nga ata të telefonojë 127 dhe të gjithë pacientët e qyteteve vlerësohen nga ekipet e terrenit, pastasj vizitohen nga infeksionistët ose pneumologët e spitaleve dhe pasi plotësohen me ekzaminime dhe nëse është e nevojshme transportohen në spitalet terciare, pra sipas sistemit të referimit nga urgjenca.
Shofer Erioni besoj e kuptove që ndiqet sistemi i referimit, si thua këta pacientë ti lemë në shtëpi apo të shkojnë vet në spital? Si thua urgjenca mjekësore e spitalore dhe paraspitalore janë dakort me ty në këtë ofezë dhe baltë që nuk po kursen për ta?
Si thua të tërhiqemi nga detyra fisnike, nga betimi që kemi bërë para kësaj sëmundje? Tip ret të bëjmë një gjë të tillë që sistemi të shkojë në katastrofë që ti nga shofer të bëhesh deputet?
Jo shofer ne nuk tërhiqemi, ne do vazhdojmë tu shërbejmë qytetarëve. Kujdes se deri në prill edhe për ty rruga është shumë e gjatë!
Le të vazhdojmë me karrierën e shoferit. Personalisht pata kontakte me drejtuesin e USAID-it në Shqipëri dhe Kosovë që drejtonte këtë projektin e telemjeksisë të cilit Erioni i bënte shoferin. E falnderoj doktorin që dha një kontribut të çmuar në projektin e telemjeksisë dhe urgjencës në Shqipëri. Pastaj mora vesh që Erioni bënte shoferin Prishtinë –Tiranë dhe anasjelltas. Mora vesh që kishte mbaruar specializimin për okulist, por nuk kishte punuar ndonjëher, nuk e di nëse universitet fantazmë të asaj kohe shisnin edhe diploma specializimi! Pastaj mora vesh që është epidemiolog dhe dikur shumë herët kalonte nga ISHP-ja ndnjëher. Drejtuesi i USAID-it me të cilin i ka të prishura marrdhëniet tani, kishte edhe projekte të tjera në lindjen e mesme dhe në Afrikë, kështu që shofer Erioni mjeshtër siç është, ju qep nga pas drejtuesit të USAID-it të bënte shoferin edhe në këto vende! “Sa më shumë të bredhësh aq më shumë nxë” thotë populli por jo si shofer Erion! Epidemiologu, okulisti , drejtori që nuk pa një pacient në jetë zhvilloi këtë dhunti të tijën.
Ai bëri disa njohje në këto vite dhe zbuloi botën e projekteve dhe të OJQ-ve. Kështu nisi projektet dhe kuptohet vendi ku duhej të përfitonte ishte Shqipëria dhe vendet e Afrikës, ku falë edhe njohjeve që bëri u bë pjesë e këtyre OJQ-ve. Sot rezulton anëtar, drejtor apo shofer në këtë OJQ nuk e di, specialisti i Gjermanisë që jeton në Shqipëri thotë se okupohet me teknologjinë mjeksore, specializim që nuk e dinim! Nga janari me projektin e tij u bë pjesë e trajnimit të mjekëve të familjes për disa muaj. Pastaj u paraqit në ministri si shpëtimtar i ardhur nga Gjermania! Ai propozoi masat inteligjente në mjeksi, ku virusi mund të identifikohej me anë të celularit dhe ndoshta edhe ta asgjësonte atë me të njëjtën mënyrë teknologjike! Ministria nuk u bind për fatin e mirë dhe shoferi kaloi te Testim, Gjurmim ,Trajtim dhe aty ka ngelur akoma. Por shejtani kur dështon në një anë fillon disa të të tjera!
Filloi punë për gjashtë muaj pranë televizioneve, kundër çdo mase apo këshillimi të ministrisë apo ekspertëve të komitetit, se veç masave inteligjente të tij asgjë nuk do ta shpëtonte Shqipërinë! Pasi kaloi këto gjashtë muaj në televizione gjëndja në Gjermani u përkeqësua dhe ai fluturoi ta shpëtonte atë sepse masat inteligjente të tij as gjermanët nuk i kuptuan! U tha të bënin si Shqipëria ,të mbylleshin , të shtërngonin masat se ky virus është më inteligjent se masat inteligjente. Gjermania po i njek këshillat e tij me përpikmëri! Tani nga Gjermania(apo fshehur diku) e kemi në skype duke këshilluar dhe duke gjetur fajtorët, sepse në Shqipëri virusi është i djallëzuar si shqipëtarët, ai mund të kapet vetëm me këshillat dhe masat e tij inteligjente! Shkëlqimet dhe rëniet e shokut Zylo sapo filluan përsëri! Testim,gjurmim, trajtim, ju politikanë më ndiqni, unë jam i zoti, unë jam specialist në Gjermani! (Dreq e paskan marrë vesh që unë punoja shofer dhe tani punoj në një OJQ)!!!
Pas publikimit të lajmit ku u zbulua me fakte falsifikimi i tamponëve që nevojiten për të kaluar kufirin, ka ardhur edhe një reagim nga qeveria greke.
Kështu duke nisur nga dita e nesërme me datë 20 nëntor,do të mbyllet pika kufitare e Kapshticës,ndërsa hapur mbetet Kakavija, Evzoni dhe Promahona.
Për Shqipërinë, kalimi do të bëhet vetëm me test negativ të covid dhe vetëm nga Kakavija, pasi atje ka mundësi verifikimi në kohë reale. TCH
