Aktualitet

Të premten e kaluar gjatë emisionit “Shqiptarët për shqiptarët” u publikua në media rasti i familjes Zijai, në Gjirokastër të cilët kishin djalin e tyre të vogël Fabion me hidrocefali.

Mjekët u thanë prindërve të Fabios se djali duhet të o perohej urgjentisht.

Familja e Fabios ndodhej në gjendje të vështirë ekonomike.

Kryefamiljari, Ermali, herë gjente punë e herë jo, Ferideja, e ëma e Fabios, është e papunë. Familja ka katër fëmijë të mitur, më i vogli është 2 muajsh.

Fondacioni i drejtuar nga Elvis Naçi mblodhi paratë falë bujarisë së treguar nga shqiptarët, dhe operacioni i djaloshit u bë i mundur jashtë vendit.

Sot Fabio është shëndoshë e mire ndërsa ai mbahet nën kujdes nga mjekët pediatër. Me të dalë nga salla e operacioni mjeku pediatër i tha të ëmës së Fabios se djali është si kokrra e mollës!/NOA.al

Vendi ynë sot do të mbizotërohet nga alternime kthjellimesh dhe vranësirash.

Por temperaturat do të zbresin dhe nën zero.

Në zonat malore në këtë fundjavë do të kemi edhe reshje bore.

Sipas Meteoalb, sot temperaturat do të pësojnë një rënie të lehtë, ku do të variojë: në zonat malore, nga -2°C në 07°C, në zonat e ulëta nga 07ºC në 14°C dhe në zonat bregdetare nga 10°C në 17°C.

Era do të fryjë në drejtim Verilindor ndërsa forca e valëzimit në det do të jetë 5 ballë.

Kosova sot do të mbizotërohet nga alternime kthjellimesh dhe vranësirash të cilat do të sjellin mot me diell por që do ketë edhe reshje dëbore pothuajse në të gjithë territorin.

Temperaturat do të pësojnë një rënie të ndjeshme ku do të variojnë: në zonat malore nga -2°C në 05°C dhe në zonat e ulëta nga 00°C në 10°C./NOA.al

Sinoptikani Hakil Osmani ka zbuluar se gjatë fundjavës, i gjithë territori i vendit do të përballet me një dimër të vogël për shkak të uljes së temperaturave, reshjeve të shiut dhe të dëborës. Në një intervistë për “Me Xhaxhiun”, Osmani u shpreh se mund të ketë temperatura deri në -3 gradë Celsius, ndërsa reshjet e shiut dhe të dëborës do të përfshijnë kryesisht verilindjen e Shqipërisë.

“Duke filluar ditën e shtunë, pritet që të ketë prezencë të vranësirave në territorin shqiptar, që do të sjellin reshje të pakta dëbore, sidomos në zonat verilindore të territorit shqiptar. Do të ketë edhe prezencë të shiut në zonat juglindore të vendit, ndërsa qendra dhe ultësira perëndimore do të jenë me mot të thatë.
Ka pasur një rënie të vlerave termike duke nisur nga e marta, ndërsa nga dita e nesërme, pritet që në Tiranë të shkojnë 4-5 gradë celsius vlerat minimale. Gjatë kësaj fundjave pritet që në territorin shqiptar të shkojnë edhe në -3 gradë celsius ndërsa vlerat maksimale deri në 17 gradë. Pra do të kemi një dimër të vogël në këtë fundjavë”, tha Osmani.

Por këto temperatura do të mbeten vetëm në fundjavë pasi gjatë javës së fundit të nëntorit, vlerat minimale do të jenë pozitive dhe mund të cilësohen vlera edhe më të larta se zakonisht për stinën e dimrit.