Presidenti Ilir Meta i bëri thirrje të gjithë të rinjve që të bashkohen për të sjell ndryshimin në Shqipëri.
Ai tha sot në “Quo Vadis”, se të rinjtë nuk duhet të ankohen duke qëndruar në kafe por të jenë të zëshëm dhe të bashkohen brenda shkollave, universiteve, grupeve të interesit etj për të shtuar presionin ndaj qeverisë.
“Nuk është e thënë patjetër brenda një force politike. Ata, ndryshimin mund ta bëjnë duke ushtruar një ndikim dhe një presion më të madh, duke u bashkuar brenda shkollave, brenda universiteteve, duke rritur presionin edhe si shoqëri civile, përmes grupeve të interesit. Por duke u bërë të zëshëm, duke qenë prezent, jo duke u ankuar në kafe, apo përpara kompjuterit”, tha ai.
Meta shtoi se të rinjtë i kanë të gjitha mundësitë të reagojnë dhe të mos presin më nga kjo klasë apo elitë politike, që të zgjidhë problemet e tyre.
“Është një përgjegjësi që ata, duhet ta marrin për veten e tyre dhe për të ardhmen e vendit, sepse largimi nuk është zgjidhje. Largimi është dezertim nga Shqipëria europiane si projekt, sepse ata mund të gjejnë një punë më të mirë në çdo vend që mund të shkojnë, por atje do të jenë thjesht një statistikë. Asgjëkundi nuk do të gjejnë Atdhe”, presidenti.
Në konferencën e përjavshme për shtyp, “Ekonomia në Fokus”, kryeministri Edi Rama ka bërë një bilanc sa i takon sistemit të Vettingut.
Rama u shpreh se deri më tani janë larguar 202 gjyqtarë e prokurorë që nuk e kaluan procesin e Vettingut dhe se janë konfirmuar 118.
Sipas tij, ata do të japin përgjigje patjetër përpara drejtësisë në një të ardhme të afërt.
“Deri më sot, në total, janë rivlerësuar në filtrin e vettingut 322 individë, prej të cilëve më shumë janë shkarkuar, se sa janë konfirmuar. Plot 128 individë të shkarkuar drejtpërdrejt dhe 74 të tjerë të vetëlarguar nga ky proces me siguri me vetëdijen e pamundësisë për ta kaluar filtrin, – tha Rama. – Ndërkohë që 118 janë konfirmuar. Kemi 202 individë të larguar dhe 118 të konfirmuar. Është një shifër domethënëse, kuptimplotë për të pasur një pamje të thellësisë së pastrimit të sistemit”.
Rama theksoi se kjo është vetëm një anë e medaljes. Ana tjetër, shtoi ai, ka të bëjë me faktin se çfarë ndodh me të larguarit.
“Paralelisht me pastrimin, ka vijuar dhe po konsolidohet procesi i ndërtimit të institucioneve të reja të drejtësisë, ata që nuk kanë mundur të justifikojnë pasuritë marramendësi apo pasuri shumë më tepër mbi mundësitë legale të tyre, do të përgjigjen përpara drejtësisë. Nga kjo do të konfirmohet edhe kthesa historike në sistemin e drejtësisë. Fjala kyç në këtë proces është durimi, sepse bëhet fjalë për të ndërtuar nga themelet një prej 3 pushteteve që përcaktojnë 3 shtyllat e sistemit demokratik, pushtetin gjyqësor”, – shpjegoi Rama. /noa.al/
Edi Rama deklaroi se gjatë qeverisjes së tij, Shqipëria është bërë një vend më i sigurt, ku janë regjistruar më pak vr asje me dashje.
“Numri i vra sjeve me dashje vijon të jetë në rënie, shifra janar-nëntor 2020 ishin 45 vr asje, 7 më pak se një vit më parë dhe për të gjithë ata, për të cilët janë të interesuar të dinë të vërtetën e përmbledhur në një shifër duke pasur parasysh edhe bombardimin mediatik që krijon një hapësirë dispropoziconale për kr onikën e zezë duke krijuar një panoramë jo të lidhur me realitetin, – vijoi kryeministri. – Nga një vend ku praktikisht kishte mesatarisht një vra sje në çdo 2-3 ditë jemi një vend që sa i përket numrit të vra sjeve po stabilizohemi pranë mesatares së BE-së”, tha Rama.
Ndryshime të reja kanë ndodhur në qeveri para fundit të këtij viti, ku kryeministri Rama ka njoftuar dorëheqjen e parevokueshme të ministrit të Jashtëm, Gent Cakaj.
Në vend të tij është emëruar ministrja e Mbrojtjes, Olta Xhaçka. Ndërkohë, kreu i qeverisë ka rikthyer në kabinet Niko Peleshin, i cili do mbajë postin e ministrit të Mbrojtjes.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme. Dua ta falënderoj me mirënjohje Gentin, jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e Mbrojtjes”, – shkruan Rama në Twitter.
Kështu, Gent Cakaj ka dorëzuar dorëheqjen e parevokueshme, mëngjesin e kësaj të marte.
Paraditen e sotme, në konferencën e fundvitit, për më shumë se 1 orë e 40 minuta, kryeministri Rama nuk paralajmëroi në asnjë moment ndryshimet në kabinet.
Presidenti Ilir Meta, ka emëruar Sonila Bejtjen anëtare të 7-të të Gjykatës Kushtetuese. Këshilli i Emërimeve në Drejtësi i dha “OK” për kandidaturën e shtatë të gjyqtarit kushtetues duke e dërguar në presidencë emrin e juristes Bejtja.
Në këtë mënyrë, nga 9 që duhet të ketë në total, Gjykata Kushtetuese sot ka 7 anëtarë.
Zonja Bejtja garonte për vakancën e shpallur nga presidenca në 22 nëntor 2019.
Për këtë vakancë në garë ishte edhe kandidati Altin Binaj.
“Këshilli vijoi më intevistimin e kandidatës tjetër, Zj. Sonila Bejtja e cila është paraqitur sot përpara anëtarëve të KED për të zhvilluar intervistën e caktuar në rendin e ditës, duke iu përgjigjur pyetjeve të anëtarëve të këshillit dhe prezantuar platformën e saj në lidhje më kandidimin për në Gjykatën Kushtetuese dhe vlerësimit të njohurive në gjuhën angleze.
Pas përfundimit të intervistimit të kandidates, KED vijoi me procedurën e pikëzimit dhe renditjes.
Këshilli i Emërimeve në Drejtësi, pas diskutimevebëri pikëzimin e kandidatit të lejuar për vendin vakant në Gjykatën Kushtetuese, vakancë e parakohshme, e shpallur nga Presidenti i Republikës në datën 22.11.2019 dhe miratoi vendimin përkatës. KED vijoi me miratimin e vendimit mbi listën përfundimtare të renditjes dhe raportit përkatës, i cili do t’i dërgohet menjëherë organit të emërtesës, Presidentit të Republikës së Shqipërisë”, thuhet në njoftimin e KED.
Binaj u skualifikua nga KED për shkak se një javë më parë ai u zgjodh gjyqtarë kushtetues nga parlamenti duke u bërë gjyqtari i 5-të për t’u pasuruar më pas nga Përparim Kalo gjyqtari i 6-të.
Njoftim i Institucionit të Presidentit të Republikës
28 dhjetor 2020
Presidenti i Republikës, Sh.T.Z Ilir Meta sot më datë 28.12.2020, ka administruar nga Këshilli i Emërimeve në Drejtësi Listën Përfundimtare të Renditjes së Kandidatëve të lejuar për kandidim dhe Raportin e Arsyetuar të Renditjes së tyre për plotësimin e vendit vakant në Gjykatën Kushtetuese, vakancë e parakohshme, e krijuar pas mbarimit përpara kohe të mandatit të ish-gjyqtarit Besnik Muçi, shpallur nga Presidenti i Republikës me Dekretin nr. 11364, datë 22.11.2019.
Sipas praktikës dokumentare të dërguar, Këshilli i Emërimeve në Drejtësi me vendimin nr. 66, datë 28.12.2020, ka vendosur miratimin e listës përfundimtare të renditjes së kandidatëve për gjyqtar në Gjykatën Kushtetuese, në vendin vakant, vakancë e parakohshme, e shpallur nga Presidenti i Republikës në datën 22.11.2019, si më poshtë:
1) Sonila Bejtja 76.83 Pikë
Presidenti Meta, pasi u njoh dhe vlerësoi praktikën dokumentare të vendimmarrjes së Këshillit të Emërimeve në Drejtësi; si dhe duke vlerësuar njëkohësisht nevojën jetike që ka vendi për plotësimin dhe funksionimin sa më parë, e mbi të gjitha në mënyrë të qëndrueshme të Gjykatës Kushtetuese, në përfundim të shqyrtimit, në mbështetje të neneve 93, 125 pika 1, 127 pika 3, 129, 149/d pika 1, të Kushtetutës së Republikës së Shqipërisë, neneve 7, 7/a pika 4, 7/b, 7/dh pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, pa asnjë vonesë, me Dekretin nr. 11886, datë 28.12.2020, ka vendosur që:
– Zonja Sonila Bejtja të emërohet gjyqtar në Gjykatën Kushtetuese.
Vendimi i Greqisë për t’u shtrirë me 12 milje në det ka tr azuar edhe politikën shqiptare.
Protagonistët e përhershëm, Kryeministri Rama dhe Presidenti Meta janë përfshirë në replika për këtë çështje.
Kreu i Qeverisë i është përgjigjur Presidentit që më herët tha se “nuk do të lejojë shkeljen e interesave të Shqipërisë”.
Kryeministri thotë se Meta po vijon të kërkojë shesh për përsheshin e ish-partisë së tij.
“Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI”, shkruan Rama në Tuiter.
Sipas Kryeministrit, në këtë debat ka vetëm një të vërtetë që ka të bëjë me faktin se dy vendet ende nuk kanë arritur një marrëveshje për kufirin detar.
Rama shkruan se vendimi i Greqisë nuk ka lidhje me zonën që prek Shqipërinë dhe vendin fqinj.
“Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq!
Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like”, përfundon Rama. /noa.al/
Presidenti i Republikës është përfshirë në debatin që hapi opozita pas dekretit të presidentit grek për zgjerimin nga 6-12 milje detare në detin Jon.
Me anë të një deklarate, që e ka publikuar edhe në rrjetin social, Meta paralajmëron se do të marrë një vendim të fortë për çështjen e negociatave të detit me Greqinë, pasi sipas tij, qeveria vijon të mos e informojë.
“Nuk do të lejoj për asnjë moment të cenohen interesat shtetërore dhe kombëtare të Republikës së Shqipërisë nga cilido individ, që keqpërdor autoritetin e deleguar nga populli shqiptar. Sipas traditës së vendosur, pasi të vihem në dijeni të plotë të informacioneve të kërkuara zyrtarisht, do të bëj plotësisht transparent vlerësimet dhe qëndrimet e mia në lidhje me të gjitha zhvillimet ndaj kësaj çështjeje”, deklaroi Meta.
Deklarata e plotë
Duke mirëkuptuar ndjeshmërinë e lartë të opinionit publik shqiptar mbi aktin më të fundit të nxjerrë nga autoritetet më të larta të Republikës së Greqisë dhe pasojat e mundshme të tij ndaj vendit tonë, dëshiroj të evidentoj si vijon:
Në ushtrim të detyrave dhe përgjegjësive të mia dhe në zbatim të vendimit të Gjykatës Kushtetuese Nr.15/2010, kam autorizuar Plotfuqinë për Negocim Nr.733, në emër të Republikës së Shqipërisë, të ekipit negociator me përbërjen e 13 anëtarëve për negocimin e “’Projekt Marrëveshjes ndërmjet Republikës së Shqipërisë dhe Republikës së Greqisë për kufizimin e zonave të tyre detare’, me qëllim saktësimin e Vijës Delimituese të Kufirit Shtetëror Detar dhe delimitimin e Shelfit Kontinental dhe Zonës Ekskluzive Ekonomike midis të dy vendeve”, datë 19.03.2018.
Gjatë gjithë kohës, kam ofruar të gjithë bashkëpunimin në këtë proces, duke siguruar respektimin e vendimit të Gjykatës Kushtetuese.
Deri në këto momente, nuk kam asnjë njoftim apo kërkesë zyrtare, që të sugjerojë ndërprerjen, pezullimin apo përfundimin e procesit të negociatave dypalëshe, nga ekipi negociator apo nga qeveria shqiptare.
Për çdo zhvillim, që lidhet drejtpërdrejt apo ndikon në procesin e negociatave për delimitimin e hapësirës detare ndërmjet dy vendeve, kam kërkuar informacion shterues dhe analizë të plotë të qeverisë shqiptare, sipas përgjegjësive, që i takojnë sipas ligjit.
I rikujtoj edhe një herë përfaqësuesve të institucioneve në të gjithë nivelin hierarkik shtetëror, detyrimin dhe përgjegjësinë për përputhshmërinë e plotë të veprimtarisë së tyre kushtetuese dhe ligjore, në shërbim të interesave shtetërore dhe kombëtare.
I siguroj të gjithë qytetarët shqiptarë se do të vijoj të ushtroj me përgjegjësinë maksimale shtetërore dhe kushtetuese detyrat e mia dhe se nuk do të lejoj për asnjë moment të cenohen interesat shtetërore dhe kombëtare të Republikës së Shqipërisë nga cilido individ, që keqpërdor autoritetin e deleguar nga populli shqiptar.
Sipas traditës së vendosur, pasi të vihet në dijeni të plotë të informacioneve të kërkuara zyrtarisht, do të bëj plotësisht transparent vlerësimet dhe qëndrimet e mia në lidhje me të gjitha zhvillimet ndaj kësaj çështjeje.
Ambasadorja shqiptare në SHBA, Floreta Luli Faber, ka bërë një dedikim pre kës në rrjetet sociale për ndarjen nga jeta në moshë të re të sportistit dhe kampionit në not, Klavio Meca.
Ajo ka zgjedhur ta kujtojë 24-vjeçarin me një video shumë kuptim plotë, ku ai reciton vargjet e Naim Frashërit shkëputur nga “Fjalët e Qiririt”.
“Kur të më shihni se jam tretur mos pandehni se kam vd ekur”, reciton Meca mes miqve të tij gjatë takimit në ambasadën shqiptare në SHBA.
Faber kujton se Klavio ishte pjesë e grupit të studentëve të zgjedhur vitin e kaluar me takim dhe vizita në institucione amerikane.
“Të njohëm shumë shkurt dhe ndamë me ty veçse pak ditë, por do të të kujtojmë gjatë për ngazëllimin që përçoje dhe entuziazmin që solle tek të gjithë që ishin pjesë e programit. ‘Ditët Shqiptare në Uashington DC’ është një nga aktivitetet më të vyera që Ambasada shqiptare zhvillon.
“The very smart, sweet and easygoing” Klavio ishte pjesë e grupit të studentëve të zgjedhur për vitin e kaluar (2019). Tradita e këtij aktiviteti dy-ditor me takime dhe vizita në shumë institucione amerikane shpresojmë të vijojë vit pas viti, por tashmë për një arsye me shumë, kujtimin e paharruar të tij.
Ngu shëllimet më të sinqerta për këtë humbje tr agjike e të parakohshme për familjarët, të afërmit dhe gjithë miqtë e Klavios. Videon e mëposhtme e kam regjistruar personalisht gjatë takimit në Ambasadë. E publikoj me qëllim që të ndaj një kujtim të bukur të Klavios nga një moment që sot merr tjetër vlerë. I përjetshëm kujtimi tij!”, shkruan ajo krah videos.
Klavio Meca u nda nga jeta në moshën 24-vjeçare. Ai ka pasur një sërë arritjesh sportive mes tyre në Budapest të Hungarisë, ku vendosi një rekord të ri kombëtar në 400 m stil i lirë në not. Ai humbi jetën ditën e djeshme pas një ataku kardiak teksa ndodhej me miqtë e tij në Prishtinë
