Aktualitet

Kryeministri ka përmbyllur këtë vit me urimin e tij për gjithë shqiptarët. Duke përmendur sfidat më të cilat u përball Shqipëria gjatë vitit 2020 ai u shpreh se të keqen e kemi lënë pas krahëve dhe më të mirën e kemi para.

Kryeministri Rama u ndal dhe te vaksina për të cilën theksoi se do të jetë falas dhe jo e detyrueshme.
As meshat e mesnatës së Krishtlindjeve nuk ndodhën dot, as mesnata e fishekzjarreve në mesnatë nuk do të ndodhë këtë herë.

Për ne shqiptarët ardhja e armikut të padukshëm ishte një kafshatë e pakapërdishme pas atij tërmeti.

Gjyshër dhe gjyshe të kërcënuar në jetën e tyre, fëmijë të penguar, të rinj të pamundur në shkollim, prindër të ndaluar në punën e tyre. Ky vit ishte një lloj sfide nga ato që thonë se rrëzojnë elefantë.

Falë bluzave të bardha ne luftuam dhe ;po luftojmë. Ne qëndruam dhe i rezistuam tërmetit. Shkollat e bukura po rilindin.

Po rilindim përditë më të bukura dhe më të forta dhe shtëpitë e goditura nga tërmeti. Ne po hapim dyert e shtëpive për ta njëra pas tjetrës.

Puna vazhdon çdo ditë, çdo natë falë 25 mijë punëtorëve të angazhuara si një trup i vetë,. Tani vazhdon lufta për të siguruar vaksinën dhe për të nisur vaksinimin fillim vitin e ardhëm

Vaksina do të jetë falas dhe jo e detyrueshme. Ne do ju japim dyfishin e pagës aktuale familjeve me ndihmë ekonomike.

Nga janari bluzat e bardha do të paguhen 40 % më shumë ndërsa paga e mësuesve do të jetë 15% më e lartë.

Nëse tërmeti dhe pandemia do na kishte ndodhur 7 vite më parë do të ishte krejt e pamundur të përballonim qoftë pasojat e njërit qoftë plagët e tjetrit.

Më të keqen e kemi lënë pas krahëve dhe më të mirën e kemi para. Gëzuar vitin e ri. Zoti bekoftë shqiptarët kudo ku janë, Zoti bekoftë Shqipërinë.”

Ish-ministri i Brendshëm, Saimir Tahiri ka uruar Vitin e Ri 2021.

Në një foto familjare ku shfaqet së bashku me dy djemtë e tij Drinin dhe Golikun, ish-ministri uron natën e ndërrimit të viteve.
Tahiri duket më në formë se kurrë dhe mjaft i buzëqeshur dhe i lumtur që gjendet pranë familjes së tij për festat e fundvit.

Ish-ministri është në pritje të rifillimit të procesit gjyqësor pas regjistrimit të çështjes në Gjykatën e Lartë.

Troket Viti i Ri 2021. Në ndryshim nga vitet e tjera, këto festa u zhvilluan në një situatë aspak të zakontë në një moment ku e gjithë bota po përballet me arm ikun e padukshëm COVID-19.

Por kjo nuk i ka ndaluar aspak që atmosferën festive, qytetarët ta sjellin në shtëpitë e tyre. Rrugët e qyteteve ishin të boshatisura, kjo për shkak dhe të masave të marra nga qeveria për ndalimin e lëvizjes pas orës 20:30.
Në sheshe dhe në rrugë kishte vetëm forca po licie të cilët patrullonin. Bashkitë e qyteteve organizuan spektaklin e fishekzjarreve që nuk mungon në asnjë Vit të Ri.

Në Tiranë, kryebashkiaku Erion Veliaj organizoi një koncert me muzikë të cilin e transmetoi online në faqen e tij në Facebook, dhe disa minuta pasi kaloi mesnata, në çdo njësi administrative të kryeqytetit u hodhën fishekzjarre.

I njëjti organizim u bë edhe në qytetet e tjera të Shqipërisë ku bashkitë kishin organizuar spektaklet e fishekzjarreve. Qytetarët i ndoqën ato nga dritaret dhe ballkonet e shtëpive të tyre.

Të shumta kanë qenë dhe urimet nga politikanët të cilët përmes postimeve në rrjete sociale uruan të gjithë qytetarët për festën e Vitit të Ri.

Me këtë atmosferë festive, shqiptarët lanë pas një vit me sfida të mëdha, duke filluar nga tërmeti i 26 nëntorit të vitit 2019 dhe më pas pandemia. Shumë persona kanë humbur familjarët e tyre, ndërsa shumë të tjerë nuk mundën të ishin pranë tyre gjatë kësaj mbrëmje festive.

Në natën e ndërrimit të viteve nuk kanë munguar dhe çudirat. Disa persona të cilët udhëtonin me një makinë në rrugët e qytetit të Elbasanit hidhnin fishekzjarre nga automjeti, ku shumë prej tyre shpërthenin edhe në afërsi të rrugës.

Ndërrimi i viteve në Lezhë ëstë pritur me fishekzjarre të shumta dhe lëndë të tjera plasëse. Në pamundësi për të festuar në rrugë dhe sheshe për shkak të situatës së krijuar nga pandemia COVID-19 dhe masave kufizuese që ndalojnë lëvizjen, qytetarët i kanë hedhur lëndët plasëse nga ballkonet e banesave të tyre.

Por nuk munguan dhe ato pak qytetar të cilët sfiduan masat kufizuese dhe e pritën Vitin e Ri në sheshin “Gjergj Kastrioti”. Gjithashtu dhe Bashkia Lezhës ka bërë hedhjen e fishekzjarreve në mënyrë të organizuar nga kalaja e mesjetare e qytetit, duke ju dhënë mundësi qytetarëve që ta shishojnë magjinë e tyre nga banesat. Ndërrimi i viteve është monitoruar nga forcat policore të cilët kanë patrulluar në zona të ndryshme të qytetit për zbatueshmërinë e masave anti-COVID.

Viti i Ri 2021 u prit me fishekzjarre në qytetin e Sarandës. Për pak minuta ato ndriçuan qiellin e qytetit bregdetar teksa qytetarët i ndoqën nga shtëpitë e tyre.

Lushnje rrugët bosh dhe fishekzjarre spontane nga qytetarët. Asnjë organizim nga pushteti vendor. Ruhet ora e ndalim qarkulimit vetëm policia ndodhet nëpër rrugë.

Kukës, ndërrimi i viteve, kuksianët fishekzjarre nga ballkonet e shtëpive, ndërrimin e viteve e pritën në familjet e tyre, në momentin e ndërrimit të viteve në shëtitoren dhe sheshin e qytetit dolën grupe të vogla të rinjsh për të parë fishekzjarret.

Ata qëndruan për pak minuta dhe u futën në banesat e tyre edhe nga këshillimi i policisë të cilat janë gatishmëri për mbarëvajten e festës por edhe zbatimin e orës policore, lëvizje të pakta pati edhe të mjeteve, për shkak të pandemisë.

Në ndryshim nga vitet e tjera, nuk pati hedhje të fishekzjareve në shesh ku viti i ri në Kukës nisi edhe pa borë, jo e zakontë për qytetin verior.

Qytetarët e Fierit kanë festuar këtë vit ndryshe nga herët e tjera. Rrugët e qytetit janë të boshatisura teksa bashkia e këtij qyteti ka organizuar një spektakël fishekzjarresh.

Ndërrimi i viteve në Berat është pritur me fishekzjarre të shumta nga banorët e qytetit. Në shesh nuk ka pasur asnjë qytetar për të hedhur fishekzjarre, në terren ishte policia e cila nuk do lejonte asnjë qytetar që të dilte në shesh për tu grumbulluar.

Ndërsa bashkia e Beratit kishte organizuar hedhjet e fishekzjarreve nga tabja e kalasë. Të gjithë familjarët i kanë hedhur fishekzjarret nga banesat e tyre duke evituar daljet dhe grumbullimet në shesh.

Edhe në qytetin e Gjirokastrës, Viti i Ri 2021 është pritur me fishekzjarre. Këtë vit kanë qenë të pakta teksa qytetarët i kanë ndjekur nga shtëpitë e tyre.

Kanë lindur bebet e para për Vitin e Ri 2021. Fëmijët kanë lindur vetëm 1 minutë pas mesnate dhe 2 prej vogëlusheve janë vajzat me emrin Ajla dhe Meri.

Edhe në qytetin e Korçës, ndërrimi i viteve është pritur me një spektakël fishekzjarresh. Sheshet e qytetit janë të boshatisura teksa qytetarët e ndjekin nga dritaret e shtëpive të tyre.

Për disa minuta, qielli i Durrësit është ndriçuar nga spektakli i fishekzjarreve me rastin e ndërrimit të viteve.

Elbasani mirëpret vitin 2021 këtë vit pa qytetarë në shesh, spektaklin e fishekzjarreve qytetarët e kanë ndjekur në dritaret dhe ballkonet e tyre, në fund një stuhi shiu pushtoi Elbasanin duke rënë dhe breshër.

Mes një spektakli fishekzjarresh, qytetarët e Vlorës kanë pritur hyrjen e Vitit të Ri 2021.

Viti i Ri është pritur me spektakël fishekzjarresh në qytetin e Shkodrës.

Bashkitë e qyteteve të Shqipërisë kanë organizuar spektakël me fishekzjarre për natën e ndërrimit të viteve.

Në ndryshim nga vitet e tjera, në Tiranë, spektakli i fishekzjarreve është organizuar në çdo njësi administrative në kryeqytet dhe jo vetëm në qendër.

Në ndryshim nga vitet e tjera, këtë herë nuk ka asnjë organizim në sheshin Skënderbej për shkak të masave kufizuese.

Por Bashkia e Tiranës ka organizuar një festë e cila u transmetua online. Disa këngëtarë kanë performuar në një skenë të improvizuar në sheshin ‘Nënë Tereza’.

Kryeministri Edi Rama e ka nisur vitin e ri 2021 me një vizitë në maternitetin “Koço Gliozheni”, ku së bashku me ministren e Shëndetësisë Ogerta Manastirliu iu kanë dhuruar buqeta me lule e pako nënave të reja.

Rama i ka uruar nënat e reja për lindjen dhe për një vit të ri të mbarë. “Çfarë nuk të vret të forcon”, ka qenë mesazhi i kryeministrit me drejtorin e maternitetit.
Nuk kanë munguar dhe batutat, teksa Rama tha se do jetë një vit i mbarë se ka ardhur me një seri vajzash.

“Baballarët ku i kanë, flenë gjumë, hej Zot i madh! Bëj shaka. Edhe njëherë gëzuar. Besoj që është një vit shumë i mbarë, se ka ardhur me një seri gocash. Gëzuar!”

Një Vit i Ri vjen gjithmonë me optimizëm për të ardhmen dhe shpresë për ndryshim. Pikërisht ky fillim “i ri” na jep një mundësi për të përmirësuar veten dhe jetën tonë, na jep mundësi të lëmë pas çdo gjë nga e shkuara dhe të shohim vetëm të ardhmen e ndritur.

Fillimet janë një dhuratë për të gjithë ne dhe ndaj duhen sh frytëzuar!
Ja disa këshilla si të nisni një Vit të Ri plotë motivim…

1. Le të lëmë pas çdo gjë nga e shkuara…

Një fillim i ri nënkupton gjithmonë gjëra te reja. Si mund të mirëpresësh diçka të re kur mendja jote është fokusuar te gjërat negative nga e shkuara? Lësho pas çdo problem, çdo dështim dhe çdo frikë nga e shkuara. Jeto tani!

2. Le të vendosim se çfarë ka rëndësi sot për ne?

Harroni qëllimet e vitit të kaluar dhe në vend të kësaj pyesni vetëm, “çfarë dua unë sot”?

Çfarë ka për ju rëndësi tani? Çfarë ju apasionon? Çfarë ju bën të ndiheni të lumtur dhe të plotësuar sot?

Vetëm kjo ka rëndësi, e tashmja dhe ndaj duhet të fokusoheni te ajo.

3. Hiqni shpërqendrimet dhe përqendrohuni!

Mundohuni të largoheni nga gjërat e parëndësishme që ju marrin vëmendjen gjatë ditës, si interneti. Largohuni për pak kohë nga bota e rrjeteve sociale dhe përqendrohuni te jeta reale, jetojeni atë dhe shijoni çdo minutë të saj.

4.Gjeni lumturinë TANI!

Mos e shikoni lumturinë si diçka që do të vijë pas përmbushjes së një qëllimi të caktuar, apo pasi të keni mbledhur një sasi të konsiderueshme parash. Lumturia është tani dhe nuk ka nevojë të plotësosh kushtet e vendosura nga ty për të ardhur. Lumturia është tani, jetoje atë.

5. Përmirësoni veten çdo ditë!

Çdo ditë duhet të bëjmë gjëra që na bëjnë të lumtur dhe njerëz më të mire.

Çdo ditë është një fillim i ri, jo vetëm për 1 janar ndaj jetoje TANI!

Këtë natë të ndërrimit të viteve, për familjen e Edi Ramës, mungoi për herë të parë nëna e tij e cila ndërroi jetë vitin që lamë pas.

Edi Rama ka bashkuar te vila e tij në Surrel, pranë Dajtit, jo vetëm familjen e tij aktuale, por edhe fëmijët e tjerë.

Bashkë me Zahon, Rama kishte edhe djalin e parë Gregun, si dhe vajzën e Lindës, Rean.

Në galeri shikoni pamjet e festës së familjes Rama në natën duke gdhirë viti 2021.

Fotot janë në dhomën studio të Ramës ku janë mbledhur të pestë për të pozuar. Në imazhe duket teksa Zaho ndodhet në qendër të vëmendjes së katër të rriturve që e rrethojnë. /noa.al

Ministrja e Drejtësisë, Etilda Gjonaj ka publikuar një mesazh urimi me rastin e ndërrimit të viteve, duke theksuar se viti 2020, ka patur arritje të konsiderueshme në sektorin e drejtësisë.

“Arritjet në zbatimin e Reformës në Drejtësi përgjatë vitit 2020 përpos vështirësive të hasura për shkak të pandemisë, kanë qenë të konsiderueshme në plotësimin e kuadrit nënligjor ashtu si dhe në ngritjen dhe funksionimin e institucioneve të reja të drejtësisë. Lajmi i mirë i ditëve të fundit të vitit, me plotësimin e vakancave arriti të sjellë në funksionalitet të plotë Gjykatën Kushtetuese, një sfidë e dy viteve të fundit” shkruan Gjonaj.

Ajo premton se “Mbështetja e pakursyer financiare nga Qeveria për sistemin e ri të drejtësisë, do të vijojë të jetë prioritare edhe për vitin 2021 ashtu si dhe në 2020, me qëllim konkretizimin e rezultateve të shumëpritura, si dhe arritjen e impaktit të sistemit të ri tek qytetarët.

Në vitin që po vjen, përgjegjësia më e madhe është e institucioneve të reja, të cilat duhet të japin rezultatet e shumëpritura nga qytetarët”.

Sipas ministres “lufta ndaj korrupsionit dhe promovimi i Integritetit kanë qenë prioritet i padiskutueshëm i yni gjatë vitit 2020 dhe që do të vijojnë në cilësinë e Koordinatorit Kombëtar Antikorrupsion edhe gjatë 2021”. “Rezultatet në përpjekjet dhe masat e marra nga Qeveria Shqiptare në luftën ndaj korrupsionit janë evidentuar, jo vetëm në nivel kombëtar, por edhe atë ndërkombëtar.

Rezultatet e arritura nga Shqipëria dhe vlerësimet e dhëna nga GRECO në muajt e fundit të këtij viti, për masat dhe rezultatet në luftën ndaj korrupsionit, kanë qënë tepër inkurajuese që na bejnë të jemi edhe më të bindur për të ecur përpara gjatë 2021”, theksoi ministrja.

“Funksionimi i rrjetit antikorrupsion në të gjitha agjencitë, do të japë vitin që vjen rezultatet shumë të dëshiruara në luftën ndaj korrpsionit. Me gjithë përpjekjet tona gjatë këtij viti, kemi hedhur bazat e standarteve më të mira lidhur me integritetin e administratës publike, duke pilotuar planet e integritetit për herë të parë në Ministrinë e Drejtësisë dhe që do të japë frytet e saj gjatë vitit që vjen” tha Gjonaj.

“Zbatimi i Reformës në Drejtësi, lufta kundër korrupsionit dhe respektimi i të drejtave të njeriut si prioritetet kryesore të Kapitullit 23 për Integrimin Evropian, do të vijojnë të jenë prioritete për Ministrinë e Drejtësisë gjatë 2021 si institucion lider, jo vetëm për të përmbushur agjendën për Integrimin Evropian, por edhe për të garantuar qëndrueshmërinë e reformave tepër të rëndësishme në forcimin e shtetit të së drejtës.

Për herë të parë gjatë vitit 2020, Shqipëria ka caktuar vëzhguesin e saj në Agjensinë e Bashkimit Evropian për të drejtat themelore dhe po ashtu për herë të parë, arritëm të përfaqësoheshim me prokurorin ndërlidhës në Eurojust, në zbatim të marrëveshjes së ratifikuar tashmë”,- bën me dije ministrja Gjonaj.

“Kodi i ri penal një ndër objektivat e vitit 2020, do të vijojë gjatë vitit 2021, ku punës së grupit të ekspertëve do t’i bashkangjiteti stafi i Ministrisë së Drejtësisë për të përfunduar institucionalizimin e draftit final të Kodit të ri penal. Kodi i ri penal i shumëpritur nga të gjithë aktorët e sistemit të drejtësisë do të jetë një ndër projektet më të rëndësishme gjatë vitit 2021, për të sjellë një kod të ri penal të qëndrueshëm dhe të jetë në përafrim të plotë me standartet dhe direktivat e BE-së”,- thekson ministrja e Drejtësisë.

“Një vit i mbushur me shumë sfida ashtu si dhe me shumë arritje, nuk do të ishte e mundur pa sakrificën, angazhimin, këmbënguljen dhe profesionalizmin e të gjithë punonjësve që çdo ditë me krenari identifikohen me logon e Ministrisë së Drejtësisë dhe institucioneve të saj të varësisë, të cilët i vlerësoj dhe respektoj fort. Për ata dhe gjithë shqiptarët kudo janë, uroj Gëzuar 2021 dhe gjithçka të mirë për familjet e tyre”, përfundon Gjonaj përshëndetjen e saj.