Pol icia gjermane ka kontrolluar një autobus të mbushur me shqiptarë të Kosovës që ktheheshin pas festave të funvitit.
Siç raportojnë mediat në Kosovë, autobusi është ndaluar në kufirin gjerman ndërsa pol icët kanë kryer kontrollin e bagazheve.
Ata janë habitur kur kanë parë thasë të mbushur plot me speca, që emigrantët i kishin marrë me vete nga Kosova.
Në videon e bërë nga vetë shqiptarët ata shqetësohen për specat të cilat janë në duart e pol icisë gjermane. “Mi morën specat”, shkruhet në përshkrimin e videos.
Edi Rama është renditur në vendin e katërt si politikani me interaktivitetin më të madh në Facebook.
Gjithashtu ai është renditur i pari në botë për numrin e postimeve në 2020, me 812 postime. Viti 2020 do të mbahet mend gjatë në histori, për shkak të pandemisë së koronavirusit.
Rrjetet sociale kanë qenë platforma më e mirë dhe e sigurtë për të komunikuar në pamundësi të kontaktit fiuzik.
Takimet, mbledhjet, ndërveprimet përmes mjeteve digjitale rrëzuan për herë të parë këtë vit edhe mitin e zyrës, ndërsa rrjetet sociale njohën rritjen më të madhe të numrit të përdoruesve në kohë reale madje u panë si dobia më e madhe që prej krijimit të tyre.
Për herë të parë, partitë politike zgjodhën që të organizonin fushata online.
Sipas studimit më të fundit të të dhënave të popullaritetit dhe interaktivitetit në “Facebook”, të “Terradata”, Kryeministri i Shqipërisë, Edi Rama është politikani i katërt më i ndjekur në Evropë për vitin 2020, me 1.3 milion ndjekës.
Ai ka lënë pas liderë vendesh të fuqishme si Kryeministrin e Austrisë Sebastian Kurtz, Kryeministren e Norvegjisë Erna Solberg, apo dhe liderët e vendeve fqinje si Kryeministrin e Greqisë Kyriakos Mitsotakis, si dhe atë të Maqedonisë së Veriut Zoran Zaev.
Në vend të parë qëndron Presidenti i Turqisë Recep Tayyip Erdoğan, i ndjekur nga Kryeministri i Italisë, Giuseppe Conte dhe pas tij në vend të tretë Kryministri anglez Boris Johnson.
Kryeministri Edi Rama renditet në vendin e gjashtë në Evropë për numrin e reagimeve të ndjekësve, me rreth 5.6 milion like, apo emocion, përgjatë 2020.
Në total numri i komenteve në faqen e kryeministrit Edi Rama ishte 524,9 mijë dhe 216,2 mijë shpërndarje.
Ministrja e Mbrojtjes, Olta Xhaçka ka zhvilluar një bisedë ‘online’ me përfaqësuesit më të lartë në NATO dhe misionet paqeruajtëse në Kosovë, Afganistan, Letoni, Sudanin e Jugut dhe Bosnjë-Hercegovinë.
Ky është komunikimi i fundit i Xhaçkës si ministre e Mbrojtjes, pasi pritet që nesër të marrë zyrtarisht detyrën si ministre e Jashtme, pas largimit të Gent Cakajt.
“Tek unë do të keni gjithmonë, përveçse një mike shumë të mirë, edhe avokaten tuaj më të fl aktë”, u shpreh gjatë bisedës ministrja Xhaçka, ndërsa shprehu mirënjohjen për kontributin e dhënë nga çdo efektiv i FA, brenda dhe jashtë vendit.
Në takimin ‘online’, ku kanë marrë pjesë drejtues të forcave paqeruajtëse, shefi i Shtabit të Përgjithshëm të FA, gjeneral-major prof. asoc. Bajram Begaj, ajo ka siguruar vijimin e vëmendjes për efektivët dhe familjarët e tyre.
Aktualisht FA përfaqësohet me 200 efektivë në kuadër të misioneve të NATO-s dhe BE-së në
disa vende të botës. /noa.al/
Ndryshimet e papritura në qeveri kanë detyruar Kryesinë e Kuvendit të vendosë mbledhjen me urgjencë të deputetëve për të miratuar dekretimin e dy ministrave të rinj, Olta Xhaçka dhe Niko Peleshi.
Kështu pra, Parlamenti do të mblidhet të hënën në orën 17:00, me kërkesë të kryeministrit Edi Rama. Kuvendi i nis punimet me sesionin e ri parlamentar më 18 janar, por emërimi i ministrave të rinj do të kalojë në një seancë të jashtëzakonshme.
Katër muaj para zgjedhjeve, kryeministri Edi Rama vendosi të bëjë ndryshime në qeveri. Olta Xhaçka do të jetë ministrja e re e Punëve të Jashtme, ndërsa Niko Peleshi ministër i Mbrojtjes.
Të gjitha këto ndryshime në kabinet erdhën pasi zv/ministri i Punëve të Jashtme, Gent Cakaj paraqiti dorëheqjen e tij të parevokueshme në 29 dhjetor 2020.
Më pas, ishte kryeministri Rama, i cili njoftoi në mënyrë surprizë ndryshimet në kabinetin e tij, duke bërë sërish rrotacion.
“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Evropën dhe Punët e Jashtme. Ndërkohë Niko Peleshi do të drejtojë ministrinë e mbrojtjes”, – ishte njoftimi i Ramës për lëvizjet në qeveri.
Më 31 dhjetor, Presidenti i Republikës, Ilir Meta, njoftoi se dekretoi shkarkimin e zotit Edi Rama nga detyra e ministrit për Europën dhe Punët e Jashtme.
Gjithashtu ai ka firmosur edhe shkarkimin e Olta Xhaçkës nga detyra e ministrit të Mbrojtjes dhe ka dekretuar emërimin e saj në detyrën e ministrit për Europën dhe Punët e Jashtme dhe Niko Peleshit në detyrën e ministrit të Mbrojtjes.
Olta Xhaçka ka mbajtur postin e ministres së Mbrojtjes që nga shtatori i vitit 2017, ndërsa tani Rama i ka besuar Ministrinë e Jashtme, e cila deri më 25 prill duhet të bindë vendet skeptike për të hapur negociatat me Shqipërinë.
Ndërsa deputeti i Korçës, Niko Peleshi, i cili do të zëvendësoje Xhaçkën, gjatë mandatit të parë të qeverisë, ka mbajtur postin e zëvendëskryeministrit, ndërsa më pas u zhvendos në dikasterin e Bujqësisë. Peleshi u largua nga kabineti i Ramës në momentin kur ai nisi kritikat ndaj qeverisë. /noa.al/
Temperatura të ulëta janë shënuar në ditën e parë të vitit 2021, por jo për një vlonjat që është treguar guximtar, duke u zhytur në ujërat e ftohta të detit në Vlorë.
Për minuta të tëra ai ka notuar në det, duke sfiduar të ftohtin, por edhe duke lënë “gojëhapur” qytetarët që e shikonin.
Duket se ky vlonjat ka preferuar që ta nisë ditën me aktivitete fizike, edhe pse kjo është jo shumë e zakonshme për këtë periudhë të vitit.
“Ishte dashuri me shikim të parë. Ne pamë një shkëndijë në sytë e tij: ishte hera e parë”. Sytë janë të Leon Kirby-Bulner, një djalë autik 4-vjeçar anglez.
Deri në vitin 2017, djali i vogël mbeti i mbyllur në botën e tij, në pamundësi për të komunikuar asnjë lloj emocioni.
Pastaj erdhi Fern, një qenushe dy muajshe, ndërsa Leoni ishte vetëm një vjeç: “Ata u bënë të pandashëm që nga momenti i parë, – thotë nëna Hayley, 44, për Metro.co.uk – Ndërveprimet e para të Leonit nuk ishin me ne, jo me njerëz të tjerë, por me Fern. Dhe tani ai është një llafazan”. Fern është bërë “miku më i mirë” i Leonit.
Qenushja është një “lojacake”, por ajo mund të jetë shumë serioze kur është e nevojshme: për shembull, vendosja e saj para shkallëve, kur fëmija rrezikon të rrotullohet poshtë ose ta parandalojë atë të godasë kokën në tokë ose në mur, duke vepruar si një jastëk.
Por kjo nuk është e gjitha. Hayley, e cila drejton një biznes me burrin e saj Karsten, në Andover, Hampshire, shtoi: “Ndihma që Fern na jep çdo ditë, nuk mund të nënvlerësohet. Ndër të tjera, ajo ndihmon Leonin, i cili tani nuk heziton për të thirrur mikeshën e tij për t’u qetësuar kur ka ndonjë nga krizat e tij ose për ta ngushëlluar kur është e nevojshme”.
Megjithatë, roli i terapisë së kafshëve shtëpiake dhe qenve shoqërues për njerëzit me aftësi të kufizuara dhe njerëzit, veçanërisht fëmijët, me çrregullime të spektrit autik, nuk është i njohur për të gjithë.
Por përballë rezultateve të pabesueshme për Leonin e tyre të vogël, Kirby-Bulners kanë vendosur të punojnë për t’i bërë të ditur të gjithëve se si një qen mund të ndryshojë jetën e tyre dhe të ndihmojë familjet e tjera me fëmijë autikë për të gjetur mikun e zemrës me katër këmbë që mund t’iu kthejë buzëqeshjen. /noa.al/
