Kryeministri Edi Rama është pritur në një ceremoni shtetërore në ditën e tij të parë të vizitës zyrtare në Turqi.
Presidenti turk Recep Tayyip Erdogan i ka rezervuar mikut të tij një ceremoni shtetërore në pallatin presidencial.
Pas dy himneve kombëtare, Rama u përshëndet edhe nga ushtarët e pranishëm. Pas një takimi kokë më kokë, Erdogan dhe Rama do të dalin në një konferencë të përbashkët për shtyp
Nga pamjet e publikuara nga presidenti turk, vihet re prezenca e ushtarëve mbi kuaj që shoqërojnë eskortën e Ramës.
Turqia është aleate strategjike e Shqipërisë që pas ardhjes në pushtet të socialistëve në vitin 2013, ndërsa marrëdhëniet mes Ramës dhe Erdogan i kanë tejkaluar ato zyrtare. /noa.al/
Mbrëmjen e djeshme në emisionin e Blendi Fevziut u diskutuan pasojat në shëndet nga festat e fundvitit. Pjesë e panelit të të ftuarve ishte edhe dermatologia dhe mjekja estetike dr. Lida Hoxha. Ajo ka treguar grupmoshat që kanë më shumë probleme për të hequr kilet e tepërta që janë marrë gjatë festave të fundvitit.
Doktoreshë Lida i ka treguar moderatorit Blendi Fevziu se grupi më problematik ishin ata nga 30-50 vjeç, të cilët lënë veten pas dore. Mirëpo kur dëgjoi moshën e tij të përfshirë, Fevziu duket se nuk e përjetoi mirë.
PJESË NGA BISEDA:
Lida Hoxha: 30-mbi 50 vjeç kanë probleme mbi moshën. E lënë veten pas dore. Nuk kujdesen më.
Blendi Fevziu: Mua më nxore fare nga grupi që kujdeset për pamjen. Ej ç’më bëre?
Teksa ditën e sotme u kthye sërish kufizimi i orarit të lëvizjes në orën 22:00, shefi i Urgjencës Kombëtare, Skënder Brataj u shpreh se kjo masë duhet të qëndrojë dhe për 2 javë të tjera.
Në një intervistë për Report Tv, anëtari i Komitetit Teknik të Ekspertëve tha se periudha e festave ka shtuar shumë dhe kontaktin mes njerëzve, ndaj duhet kohë për të parë dhe impaktin e saj.
Ky është një proces shumë dinamik dhe nuk mund të themi që kemi arritur numrin. Varet se sa respektohen masat dhe përgjigja është më se e saktë. Jemi në datën 5 dhe deri në datën 20 dhjetor nuk kemi respektuar aq shumë masat që ishin më parë. Situata është shumë më mirë se sa ka qenë. Do të ketë oshilacione me ulje dhe rritje të vogla. Vlerësimin e tanishëm ne do e bëjmë pas 2 javësh.
Duhet të presim që të shohim si do jetë ecuria e infeksionit. Me ardhjen e vaksinës është diçka pozitive. Shqipëria po ndjek një model të vetin, por me pika referimi nga OBSH dhe disa shtete të tjera. Unë personalisht mendoj që ne duhet të presim me këto masa që kemi. Na duhen dy javë për të bërë një vlerësim. Ndërsa për vaksinën, nuk besoj se na interesojnë shifrat apo gara midis shteteve, e rëndësishme është që fillon një proces dhe do të ketë një përfundim” – tha Brataj.
Ditën e sotme, Urgjencës Kombëtare iu shtua një flotë prej 36 ambulancash. Për këtë, Brataj shpjegoi se me çfarë janë të pajisura ato teksa theksoi se këto ambulanca të reja janë të përshtatura për transportimin e pacientëve në rrugë të gjata.
“Këto janë ambulanca të pajisura njësoj të gjitha nuk ju mungon asgjë veçse ventilatorit të cilin e kemi në 8 autoambulanca të tjera. Këto janë për transportime të gjata për disa orësh. Ka dhe barrela të reja. Këto janë me palosje automatike dhe mund të futesh në çdo lloj ambienti, jo vetëm në asfalt. Seti i traumës është i përbërë nga dy komponentë, ai pediatrik i verdhi, ose në rast të rrituri përdoret barrela e madhe me bllokuesin e kokës që në rast se ka frakturë të cervikales e garanton që në vendngjarje që të mos ngelet i paralizuar.
Tek një çantë është seti i mobilizimit të frakturave të gjymtyrëve që përdoret me vakum me pompën e tyre që garantojnë si mosdëmtimin e indeve të buta por dhe të mos lejojnë hemoragjinë e këtyre frakturave deri në spital. Kemi dhe të gjitha pajisjet që shërbejnë në rastin e një arresti kardiak. Mund të bëjmë goditjen elektrike. Kemi dy bombola oksigjeni 10 litërshe 200 atmosferë që do të thotë se ka 4000 litra oksigjen plus Brenda çantës së medikamenteve kemi 2 bombola dy litroshe që shkojnë 4400 litra oksigjen. Sistemi i oksigjenit nuk është si dikur. Ky është një spital udhëtues. Ne kemi synim që të mbërrijmë sa më shpejt tek pacienti” – tha Brataj.
Brataj tha se në 2 vitet e fundit, Urgjencës Kombëtare i janë shtuar 80 ambulanca të reja me pajisjet më të fundit.
Në total, në dispozicion të Urgjencës Kombëtare janë 331 ambulanca dhe se automjetet e reja do të vendosen në dispozicion në rastet më të rrezikshme.
“Koha mesatare për vitin e kaluar ka qenë 13.8 minuta. Kur ka qenë 15 për zonat urbane dhe 25 për zonat ekstraurbane. Për këtë vit në shërbimet për COVID, mund të ketë një lëvizje të kohës për shkak dhe të përgatitjes së mjekëve, veshjes me veshjet e posaçme mbrojtëse. Në 2018 ne morëm 32 ambulancat e para, pastaj dhe 5 ishin shtesë nga Turqia. Në vitin që kaloi në tetor morëm 5 nga Komuniteti Europian, 1 nga qeveria japoneze që shkoi në Krujë dhe 36 të tjera bëjnë 80 ambulanca të reja nga viti 2018. Në këto 5 vite kanë qenë 100 ambulanca që kanë ardhur shtesë.
Shqipëria ka 331 ambulanca që janë në dispozicion të gjithë flotës. Ajo që ne insistojmë është që këto janë për urgjencë kur ka rrezik jete, pra në raste të një arresti kardiak. Ndërsa disa të tjera që ne po i plotësojmë me pajisje janë për transporte normale për shërbime të tjera që kryejnë dhe spitalet. Janë 125 vende të caktuara nga të cilat 100 janë active” – tha Brataj.
Në 24 orët e fundit në Shqipëri u shënua një rritje e rasteve të koronavirusit ku këtë të martë u raportuan 660 raste të reja dhe 11 viktima.
Në një postim të gjatë në rrjetin social Facebook, me titullin “Le të jemi seriozë!”, ish-ministri i Jashtëm Ditmir Bushati ka zbuluar për herë të parë vështirësitë në negociatat me Greqinë për çështjen e kufirit detar, por dhe çështje të tjera.
Dy vjet pas largimit të tij nga detyra e ministrit, gjatë së cilës kishte drejtuar negociata të vazhdueshme me homologët e tij grekë që nga 2013, Bushati tregon problemet pas rrëzimit të marrëveshjes së detit nga Gjykata Kushtetuese në 2010, ndërsa jep dhe detaje se çfarë përmbante materiali voluminoz prej 1.200 faqesh i këtyre negociatave.
Në lidhje me dërgimin e çështjes së detit në Hagë, Bushati shkruan se qeveria shqiptare duhet të përmbushë të gjitha kushtet ligjore para se të dërgohet dosja në gjykatë, gjë për të cilën Greqia ka nisur punën.
Dekreti presidencial i para disa ditëve për mbylljen e gjireve detare greke, sipas Bushatit, është në kuadër të kësaj përgatitjeje nga qeveria e Greqisë.
“Para nisjes së procesit gjyqësor, Shqipëria dhe Greqia do të duhet të përfshihen sërish në një proces ndërveprues, nga i cili duhet të hartojnë një dokument të përbashkët për lëndën që do t’i nënshtrohet gjykimit, ku duhet të evidentohen gjithashtu pikat e përbashkëta dhe diferencat mes palëve, për të cilat duhet të shprehet gjykata, – thotë ai. – Palët i paraprijnë këtij procesi duke fortifikuar pozicionin e tyre ligjor që i ndihmon ato në ballafaqimin gjyqësor me të drejtën ndërkombëtare. Në dritën e këtij zhvillimi duhet lexuar edhe Dekreti nr. 107, i datës 25 Dhjetor 2020 i Presidentes Greke “Për mbylljen e gjireve dhe ndërtimin e vijës së drejtë bazë në zonën detare të ishujve Jon deri në Peloponez”.
Bushati, thekson se “shpreh bindjen se institucionet e shtetit shqiptar, duhet ta kenë analizuar përmbajtjen e dekretit dhe verifikuar koordinatat detare, për t’u siguruar se një akt i tillë është në përputhje me të drejtën ndërkombëtare dhe nuk cenon sigurinë tonë kombëtare. E në të njëjtën kohë, të punojnë për strategjinë dhe hapat që duhen ndjekur për procesin gjyqësor“.
Ish-shefi i diplomacisë shqiptare, shkruan se në raport me Greqinë, gjatë negociatave të tanishme duhet patur parasysh vendimi i Gjykatës Kushtetuese, i cili rrëzoi marrëveshjen e vitit 2009 me Greqinë, pasi gjeti një mori parregullsish në mënyrën se si u negociua.
“Ndërkohë që nuk duhet të ketë dyshime për nevojshmërinë e këtij procesi, çështja thelbësore është mënyra sesi duhet t’i qasemi atij. Vendimi i Gjykatës Kushtetuese që shpalli të papajtueshme me Kushtetutën, marrëveshjen e nënshkruar më 27 Prill 2009, përbën një udhërrëfyes që duhet ndjekur me kujdes, pavarësisht se nuk mungojnë zërat publikë që ende pretendojnë se kjo marrëveshje ishte e drejtë dhe se vendimmarrja e Gjykatës Kushtetuese ishte e ndikuar politikisht”, shkruan Bushati në Facebook.
Ish-ministri thekson se marrëveshjet mes shteteve bregdetare janë të nevojshme në mënyrë që secili të shfrytëzojë më pas maksimalisht pasuritë e tij.
“Për kryerjen e delimitimit të hapësirave detare ka rëndësi që shtetet të përcaktojnë vijën e drejtë bazë, e cila mund të jetë normale, e drejtë ose e kombinuar, në përputhje me Konventën, çka më pas ndihmon në ndërtimin e vijës delimituese, së cilës i bëhen modifikime, duke marrë në konsideratë edhe elementë të veçantë, siç janë gjeografia e terrenit, titujt historik dhe ndarja e drejtë. Prandaj, angazhimi në këtë proces është i domosdoshëm. Madje, i vonuar. Përfundimi i tij krijon mundësi për shfrytëzimin e hapësirave detare dhe burimeve natyrore“, – vijon Bushati.
Presidenti Ilir Meta është këtë mbrëmje në emisionin “Opinion” në një intervistë të plotë të jetës politike.
Ndër të tjera, Meta ka folur edhe për raportet me Fatos Nanon dhe arsyet e thyerjes mes tyre.
Sipas Metës, gabimi kryesor i Fatos Nanos ishte që pas vitit 2004 u dha tërësisht pas pushtetit.
“Unë e kam bërë të qartë, thyerja jonë erdhi për arsye se Nano, për arsye nga më të ndryshmet, humbi atë përkushtim që duhej për integrimin europian të vendit. Ne bëmë një marrëveshje, ai u bë Kryeministër unë Zv.Kryeministër dhe presidentin vendosëm ta zgjedhim bashkë me PD dhe unë do ta ndiqja marrëveshjen. Por sapo marrëveshja u bë, qeveria nuk po përmbushte ato angazhime që duhej të përmbushte”, tha Meta./noa.al/
Ish kryeministri Fatos Nano dhe kryetari i LSI Ilir Meta, gjate ceremonise se festimit te pervjetorit te 235 te Pavaresise se Shteteve t렂ashkuara te Amerikes, ne ambientet e Galerise se Arteve.
Olta Xhaçka ka marrë këtë të martë zyrtarisht detyrën e re si ministre e Jashtme. Nga ambientet e Ministrisë për Europën dhe Punët e Jashtme, u zhvillua një ceremoni për kalimin e stafetës, ku pjesëmarrës ishin përveç Xhaçkës edhe kryeministri Edi Rama dhe ish-ministri në detyrë, Gent Cakaj.
Ish-ministrja e Mbrotjes merr detyrën e kryediplomates pas dorëheqjes së Gent Cakajt, ndërsa në krye të ministrisë që ajo ka drejtuar u votua Niko Peleshi.
Gjatë prezantimit të ministres së re, Rama theksoi se ndihet i lehtësuar që detyrën do ta marrë një politikane me përvojë si Olta Xhaçka.
“Jam i lehtësuar sot që këtë angazhim mund t’ia kaloj Olta Xhaçkës dhe nga ana tjetër më vjen mirë që kemi pasur, jo vetëm një dakordësi, por edhe një qasje të përbashkët me Gentin, në kushtet kur tani ministria ka nevojë që të ketë në krye një drejtues me funksion të plotë, pasi pas sfidës së kapërcyer me shumë sukses të kryesimit të OSBE-së, duhet të përgatisim e t’ia dalim sfidës jo më pak të lehtë, të të qenit pjesë e tryezës së Këshilit të Sigurimit të Kombeve teë Bashkuara”.
Kryeministri Rama ka falënderuar Gent Cakajn për punën që ka bërë, duke thënë se ai e ka kryer detyrën në kushtet e një ngërçi, duke iu referuar kështu refuzimit të presidentit Ilir Meta për ta dekretuar.
Këtë Rama e ka quajtur një ngërç absurd. Ndërkaq ai shtoi se Cakaj është goditur në mënyrë të shëmtuar, por sipas tij, ia ka dalë me sukses që ta mbajë këtë barrë.
“Faleminderit për përkushtimin në krye të kësaj detyre, duke qenë i detyryar të kryesh detyrën në mënyrë të penguar, si rezultat i një ngërçi absurd të krijuar institucionalisht. S’kam nevojë të zgjatem sepse dihet historia tanimë. Përtej kësaj, në këtë periudhë detyrat jo të lehta dhe kohët jo të lehta që ka kaluar ky institucion janë përballur me profesionalizëm dhe sukses”, – shtoi ai.
Ndërkohë, Cakaj në fjalën e tij ka falënderuar kryeministrin Edi Rama për mbështetjen në këtë detyrë, duke thënë se pa të do kishte qenë e pamundur.
“Kryeministri më ka mbështetur gjatë gjithë kohës kur kam qenë në detyrë dhe ne kemi marrë masat e nevojshme të kemi një vazhdimësi. E ndiej detyrim moral të falënderoj kryeministrin për mbështetjen që më ka dhënë. Duke e konsideruar misionin tim të përmbushur, them se pa mbështetjen e kryeministrit, misioni im do kishte qenë i pamundur. Edhe pandemia ka ndikuar në punën e diplomacisë. Kemi punuar në rrethana shumë të vështira! Këtë falënderim s’po e bëj se e kërkon kodi formal i mirësjelljes, por se e ndjej. S’kam fjalë të falënderoj Ramën për këtë rrugëtim”, ka thënë Cakaj. /noa.al/
Festat mbaruan, ndërsa masat për të shmangur grumbullimet dhe frenuar përhapjen e koronavirusit, u lehtësuan.
Kështu, duke filluar nga sot iu rikthehemi rregullave të vjetra dhe ora po licore do të fillojë në 22:00, siç ka qenë para datës 24 dhjetor dhe jo më në 20:30.
Të gjithë ata persona apo biznese që thyejnë këtë masë kufizuese, do të gjobiten sipas aktit normativ, ndërsa personat që lëvizin për arsye pune apo arsye të domosdoshme përtej këtij orari, duhet të pajisen me autorizim përmes portalit e-albania.
Gjithashtu, Komiteti Teknik i Ekspertëve vendosi pezullimin e fluturimeve me Britaninë e Madhe deri në datë 6 janar si dhe masën e karantinës së detyrueshme 14 ditore për qytetarët që hyjnë nga vendi ishullor përmes rrugëve të tjera.
Më 24 dhjetor u mbyllën shkollat 9-vjeçare dhe gjimnazet për pushimet e dimrit dhe do të rihapen më 11 janar. Ndërsa universitetet rinisin mësimin online ditën e sotme (5 janar).
Sipas Komitetit Teknik të Ekspertëve, ky kufizim do të jetë i vlefshëm deri në një afat të pacaktuar. /noa.al/
Kryetari i Partisë Demokratike, Lulzim Basha ka akuzuar sërish kryeministrin Edi Rama për mosmbajtjen e premtimit të tij për 300 mijë vende pune.
Me anë të një video të publikuar në rrjetet sociale, Basha shprehet se Rama premtoi punësim për shqiptarët, por numri numri i të larguarve nga vendi është më i larti në Europë.
“Rama premtoi punësim për shqiptarët, por sot numri i të larguarve nga Shqipëria është më i larti në Europë. Ne do të kthejmë shpresën për shqiptarët, ne do ta ndryshojmë Shqipërinë”, shkruan Basha. /noa.al/
