Aktualitet

Kryetari i Partisë Demokratike, Lulzim Basha në një takim me të rinj në Belsh ka folur për faturën që shteti shqiptar duhet t’i paguaj biznesmenit Beccheti, pas gjobës 110 mln euro.

Basha tha se kur PD të vijë në pushtet, kjo faturë do të paguhet duke u sekuestruar pasuritë e politikanëve të korruptuar.

“Ato 110 mln euro që do i paguhen Becchetitt, mjaftojnë dhe teprojnë për të paguar shqiptarët. Faturat si të Becchetit do t’i paguajmë duke sekuestruar pasuritë politikanëve të korruptuar”, u shpreh Basha. Ndër të tjera ai tha se ajo shumë e madhe eurosh mund të përdorej për rimbursimin e shqiptarëve të prekur nga covid, që harxhuan kursimet e tyre.

“Sot që flasim, qeveria ul numrin e të infektuarve me COVID, po ashtu dhe të atyre që ndahen nga jeta për shkak të Covid. Qëllimi është që përhapin një realitet të rremë. Shumica dërrmuese e qytetarëve përfundojnë në borxh, apo i shtrijnë dorën të afërmeve apo fëmijëve të tyre emigrantë. Në këtë momente që flasim po finalizojmë një plan që po hartohet në bashkëpunim me ekspertët tanë të financave dhe të Shëndetësisë, dhe do të bëjmë të mundur rimbursim të shpenzimeve për familjet shqiptare. Ata kanë shkrirë kursimet e jetës për të luftuar virusin dhe s’do ta ngrenë dot buxhetin. Ndaj do të ndalen lekët që shkojnë për oligarkët”, theksoi Basha.

Po ashtu ai u zotua para të rinjve se bekimet e këtij vendi, do të kthehen bekime për ta. “Dua të zotohem para jush, se bekimi që na ka dhënë zoti në këtë vend të mrekullueshëm, do të kthehet bekim për të gjithë ju. Pres që të dëgjojë nga ju shqetësimet tuaja, dhe jam këtu që t’ju garantojë se do të mbaj zotimet. Kjo është qershia mbi tortë për këtë pritjen që mu bë sot. Rinia po i prin ndryshimit në 25 prill”, tha ai./NOA.al

Kryeministri i Shqipërisë, Edi Rama ka publikuar këtë mëngjes një video ku shpjegon disa nga arsyet pse duhet një mandat i tretë për PS.

Rama thotë se Shqipëria duhet patjetër të shkojë në pikën që nuk kthehet më mbrapsht, e për këtë nevojitetet një mandati i tretë.

Sipas kreut të qeverisë, mandati i tretë duhet të vijë për tre arsye, për të hequr përfundimisht COVID-19 nga jetët e shqiptarët, për të kthyer të gjithë të pastrehët nga tërmeti në banesa dhe për t’a bërë drejtësinë të pathyeshme.

“Shqipëria duhet patjetër të shkojë në pikën që nuk kthehet më mbrapsht, dhe që të shkojë në atë pikë, duhet mandati i tretë. Në mandatin e tretë janë shumë gjëra përmbyllen, duhet mandati i tretë, që përfundimisht të heqim nga jetët tona armikun e padukshëm, të kthejmë në shtëpi të gjitha familjet që u prekën nga tërmeti, që drejtësia të forcohet dhe të bëhet e pathyeshme”, tha Rama./NOA.al

Vjosa Osmani ka marr sot zyrtarisht detyrën e presidentes së Republikës së Kosovës. Këtë detyrë asaj ia ka dorëzuar kryeparlamentari Glauk Konjufca, i cili për pak ditë qe ushtrues detyre i presidentit.

Paraprakisht, Presidentja e Kosovës, Vjosa Osmani ka parakaluar pranë gardës së FSK-së së bashku me kryeparlamentarin Glauk Konjfuca.

Në ceremoni janë duke marrë pjesë ambasadorë të disa vendeve, kryeministri Albin Kurti dhe anëtarë të kabinetit qeveritar.

Osmani u zgjodh nga deputetët e Kuvendit të Kosovës, presidente e vendit të dielën, me 71 vota. Pas marrjes së detyrës, Osmani do të vazhdojë gjatë ditës me një sërë aktivitetesh./NOA.al

Kryeministri Edi Rama, në një komunikim me qytetarët në Bilisht të Korçës, i bëri apel opozitës, por jo vetëm, që të ruajnë distancimin social dhe të mos e përshkallëzojnë më tepër situatën e pandemisë në vend.

Rama tha se popujt seriozë në situata të vështira bëhen bashkë, e këtë gjë, ai kërkoi edhe nga opozita.

“Me keqardhjen që edhe këtu u desh të bëhej një organizim shumë i kujdesshëm duke lënë jashtë shumë më tepër se sa jemi këtu, por kjo është etika jonë, qasja jonë ndaj një problemi që është problemi i problemeve që duhet me e zgjidhur me patjetër.

Duam të sigurojmë shëndetin e qytetarëve, pavarësisht përkatësive të tyre, çdo jetë, e çdo shqiptar dhe shqiptare është një vlerë e çmuar e këtij vendi dhe kësaj bashkësie e ne nuk mundet ta vëmë në rre zik për disa shfaqje të pakuptimta në mesin e një lu fte. Një lu fte që ka karakterizuar këtë mandat të dytë. Ne kemi bërë një mandat qeverisës dhe se kemi pasur në kuptimin normal, jo për zgjedhjen tonë, as nga dëshira jonë kemi hyrë në një lu ftë, në një lu ftë me dy fronte. Me dy fatke qësi të mëdha.

Një tërmet katastrofik që brenda pak sekondash la pa çati mijëra familje, la pa shkollë mijëra nxënës, la pa qendër shëndetësore mijëra të moshuar. Një virus i cili gjunjëzoi mbarë botën, mbylli brenda shtetet më të fuqishme të planetit. Jemi sot, në një moment të kësaj lu fte kur kemi filluar një ofensivë për ta nxjerrë jashtë nga jetët tona dhe vendi ynë ar mikun e padukshëm, për të garantuar vaksinën anti-COVID. Nuk ishte e lehtë, mbetet ende e vështirë për vendet e tjera në rajon.

Jemi një nga 2 vendet në rajonin tonë që ka nisur vaksinimin masiv dhe po grantojmë mbrojtjen e të gjithëve pa dallim. Vaksinimi masiv duhet garantuar nga disatncimi i përgjegjshëm. Nuk duhet të vaksinohemi masivisht dhe të krijojmë vatra infektimi për vota. Siç ka treguar eksperiencave e hidhur e Kosovës, malit të Zi, sjellin mbrapa halle të mëdha. Shihni numrin e infektimeve në Kosovë, shihni numrin e infektimeve dhe viktimave në Malin e Zi, ku para zgjedhjeve ishte rozë. Nuk e bëkemi dot ne një fushatë elektorale dinjitoze si njerëz të përgjegjshëm, si njerëz që në rrallë të parë jemi njerëz e më pas socialistë. Si mund të bëhemi lolo duke sfiduar një ar mik të padukshëm që s’do t’ia dijë fare për trimëri, sepse kudo që gjen shesh, bën përshesh.

Siç është e rëndë që kemi një opozitë, e cila sapo ndodh diçka, bëhet me të keqen, kundër zgjidhjes, jo kundër nesh. Ndodhi një përmbytje bëhen me përmbytjen, ndodh një tërmet, bëhen me tërmetin. Ata tregojnë gënjeshtra për vaksinat. Vaksinat nuk janë ilaçe çudibërëse për sëmundje të tjera, të mbron nga armiku i padukshëm. Fakti që ka bërë vaksinën nuk është se e ka nga ajo. Vetëm këta, që duan me patjetër të fusin mërzi, të ngjallin panik për politikë, për një politikë mizerabël në funksion të një qëllimi mizerabël në raport me shëndetin e njerëzve që është pushteti me çdo kusht. Kundërshtarët nuk i zgjedh, janë aty.

Apeli im për të gjithë, pavarësisht bindjeve politike, shëndeti është për të gjitha dhe të sillemi si një komb serioz, si një bashkim njerëzish që nuk bëhemi qesharak. Të jemi të bashkuar në këtë drejtim, kur ka fatkeqësi të tilla popujt seriozë bashkohen. Ne duhet të jemi të bashkuar, sepse duhet ta fitojmë këtë luftë, siç po e fitojmë çdo ditë për pasojat e tërmetit.

Ne jemi shumë të qartë se ku duam të shkojmë dhe e dimë shumë mirë se si shkohet aty për ta bërë Shqipërinë shtëpinë tonë. Ça ishte Korça përpara disa vitesh, një vend nga ku të gjithë donin të iknin, sot është një destinacion. Një destinacion që çdo ditë transformohet sepse tanimë shpirti i transformimit, i investimit i ka përfshirë të gjithë. në çdo rrugicë të Korçës hapen bujtina të vogla, krijohen vende pune, hapen dyer për të pritur turistë. Natyrisht për të fituar përmes punës së ndershme”, u shpreh kryeministri./NOA.al