Aktualitet

Tensione në Kuvend.
Debati u krijua pas fjalës së deputetit të opozitës, Ralf Gjoni, i cili ka kërkuar fjalën e tij pas prezantimit të nismës për shkarkimin e presidentit Ilir Meta, ndërsa nuk i kurseu kritikat për rregulloren e Kuvendit. Kaq mjaftoi, që të ndërhynte drejtuesja e seancës, Vasilika Hysi.

“Këtë rend diskutuesish e kam respektuar. Taulant Balla duhet të prezantonte nismën. Po m mohohet e drejta që të mbaj diskutimin tim brenda minutazhin. Respektoni radhën dhe detyrën tuaj, pastaj ne deputetë të opozitës të bëjmë opozitën tonë këtu në parlament. Ndaj kërkoj mirëkuptimin tuaj.”, tha Gjoni.

Deputeti Kujtim Gjuzi i kërkoi nënkryetares së Kuvendit, drejtueses së seancës Vasilika Hysi të lejojë deputetët e opozitës të flasin.

“Sot është ditë e rëndësishme dhe ne po merremi me një dok që kërko nshkarkimin e pres. Mirë minutazhin që e kemi të reduktuar por nuk është mirë t’iu hiqni fjalën kolegëve tanë. Një bon sens do ishte mirë për opozitën”, tha Gjuzi

DEBATI

Vasilika Hysi: S’kam ndërmend të të mësoj ty rregulloren. Zoti Gjoni, ju jap vërejtje. Mos dëgjoni. I kam lexuar emrat që në fillim. Ndaj të nderuar kolegë, s’keni pse rrini në kafe për një çështje të rëndësishme, por respektoni shqiptarët pasi paguheni me taksat e shqiptarëve

Gjoni: Nuk ishte emri i im aty. Ishte i katërti

Vasilika Hysi: Emri juaj është i pari dhe i vetmi tek lista e të pavarurve

Gjoni: Mua më takon

Vasilika Hysi: Mos rrije në kafe, por rrije këtu

Gjoni: Isha në banjo, urgjencë!

Vasilika Hysi: Unë e di që ka vetëm covid, s’ka pandemi të tjera./NOA.al

Alket Hyseni do të jetë kryetari i Komisionit për shkarkimin e Presidentit Ilir Meta, i cili pritet të ngrihet në ditët në vazhdim.

Burime për media bëjnë me dije se pjesëtarë në komision do të jenë edhe 3 deputetët e opozitës: Myslim Murrizi, Halil Jakimi dhe Arlind Çaçani.

Komisioni Hetimor pritetë që të shqyrtojë gjatë një muaji argumentet e ngritura nga Partia Socialistepër shk arkimin e Metës.
Janë 50 deputetë socialsitë ata që kanë firmosur nismën për shka rkimin e presidentit me arsyetimin se Meta ka shkelur Kuhstetutën gjatë fushatës elektroale të 25 prillit.

“Grupi për PD”, do të quhet grupimi i ri, brenda Partisë Demokratike i cili kërkon dorëheqjen e kryedemokratit Lulzim Basha, pas rezultatit në zgjedhjet e 25 prillit. Në një konferencë për mediat mesditën e sotme, Grupi për PD u shpreh se nuk bëhet fjalë vetëm për garën për kryetarin, por nevojitet një reformim në parti.

“Partia Demokratike në këto zgjedhje nuk frymëzoi dhe votuesi tradicional i kësaj force nuk u kthye në kutitë e votimit. Ne jemi të vetëdijshëm që përgjegjësia e zgjedhjeve i takon drejtuesve të Partisë. Ata duhet të marrin përgjegjësi për humbjen, pasi kanë shembullin e zotit Berisha. Dorëheqja e parevokueshme e Lulzim Bashës nga partia nuk është fundi i PD-së por fillimi i ringritjes së saj.” – thuhet në deklaratë.

“Shqipëria u përball me zgjedhjet e përgjithshme të 25 Prillit, pas një qeverisje të korruptuar prej 8 vitesh, që e ka çuar vendin në va rfëri. Ne jemi të vetëdijshëm që shitblerja e votës, përdorimi i administratës, përdorimi i të dhënave personale, ishin vetëm një pjesë e elementëve që përcaktuan rezultatin zgjedhor, por ne jemi po ashtu të vetëdijshëm që PD nuk arriti që të mundësonte mbështetje më të madhe.

PD ka pasur rezultat të njëjtë me 4 vite më parë, PD nuk po garonte për vend të dytë, pjesëmarrja me 46% në zgjedhje është tregues domethënës që PD nuk frymëzoi, dhe as nuk siguroi mbështetje për fitore.

Ne jemi të vetëdijshëm që përgjegjësia e zgjedhjeve i takon drejtuesve të Partisë. Ata duhet të marrin përgjegjësi për humbjen, pasi kanë shembullin e zotit Berisha. Dorëheqja e parevokueshme e Lulzim Bashës nga partia nuk është fundi i PD-së por fillimi i ringritjes së saj.

Mospjesëmarrja në Reformën territoriale, në zgjedhjet lokale, dalja nga parlamenti, ishin gabime të PD-së. Marrëveshja e 5 Majit, megjithë pasojat e saj, dëmtoi në mënyrë të pakthyeshme PD-në dhe aleatët, brenda partisë kryetari nuk mbajti përgjegjësi për humbjen e 2017. Në 2019 u përjashtuan nga Kuvendi të gjithë ata që kishin kundërshtuar vendimmarrjen, sërish lista ishte ajo e kryetarit.

Kryetari nuk kishte mësuar asgjë nga hu mbja e 2017-tës, aktualisht Shqipëria është në duart e atyre që vendosin shumëçka.” shprehet ‘Grupit për PD’.

Propozimet u prezantuan nga Edit Harxhi, që sipas saj kanë në thelb, pikërisht reformimin në mënyrë që PD-së ti kthehet dinjiteti.

1-Modelin hapjes dhe bashkimit të forcave brenda dhe jashtë vendit të atyre që janë larguar nga PD apo që duan të vijnë në PD

2-Kthimin në program të qartë të të djathtës konservatore moderne

3-Ndryshimet statuore duke përfshirë zgjedhjen e kryetarit.

4-Debatit të lirë dhe sistemin e primareve me programe të qarta politike për çdo kandidat çdo demokrat brenda dhe jashtë vendit.

Pjesë e grupit janë ish presidenti Bujar Nishani, Arben Imami, Edith Harxhi, Arben Ristani, Edvin Kulluri, Ibsen Elezi, Endira Bushati, Bislim Ahmetaj dhe Indrit Hoxha./NOA.al

Bora Muzhaqi është emëruar zv.ministre e Arsimit. Vendimi është marr sot nga Këshilli i Ministrave, ndërsa po ashtu i është besuar detyra e zv.ministres së Mbrojtjes, Dallandyshe Bicit.
Ndërkohë është liruar nga detyra e zv.ministres së Arsimit Aspajana Kongo.

Kujtojmë se Bora Muzhaqi ishte kandidate për deputete e PS në Tiranë, e renditur e 31-ta, ku nuk mundi të sigurojë vota të mjaftueshme për t’u zgjedhur, ndërsa po ashtu, gjatë fushatës Muzhaqit iu besua edhe pozicioni i zëdhënëses.

Po ashtu edhe Bici ishte kandidate për deputete në Qarkun e Tiranës, e cila, sikurse Muzhaqi, nuk siguroi vota të mjaftueshme për të marrë mandatin. Këto ndryshime në qeveri vijnë 10 ditë pas zgjedhjeve, ku PS fitoi duke marrë 74 mandate.