Aktualitet

Parlamenti votoi para pak çastesh edhe nominalisht për shkarkimin e Presidentit të Republikës, Ilir Meta duke u bazuar në një raport që vlerësonte se janë kryer shkelje të rënda të Kushtetutës. Shkarkimi mori 105 vota pro ose një më shumë se raporti. Ndër 114 deputetë të pranishëm, 7 votuan kundër.

Votimi ka zgjatur për mëse një orë, raporton noa.al që monitoroi procesin e votimit përmes kameramanit që ndodhet në sallë. Vihet re një ekzaltim nga disa deputetë të cilët shfaqen të gëzuar teksa votojnë përballë Alket Hysenit që drejtoi grupin he timor për shkarkimin e Metës.

Më herët 104 deputetë votuan pro, 7 votuan kundër dhe dy të tjerë abstenuan. Pas votimit ka rezultuar se një fletë votimi ka rezultuar e pavlefshme.

Në seancë ishin të pranishëm gjithsej 114 deputetë, përfshirë kryeministrin Edi Rama i cili erdhi në Tiranë pas mesdite nga Sofia e Bullgarisë.

Që nga shkurti 2019 ky parlament në ikje ka vetëm 122 ndër 140 deputetë që duhet të ketë.

Vendimi i Parlamentit gjithsesi nuk ka fuqi ekzekutuese, pasi do të shqyrtohet nga Gjykata Kushtetuese e cila ka në radhë edhe 180 çështje të tjera.

Edhe nëse kalohet me përshpejtim Vendimi për Metën, ka shumë mundësi që në aspektin proc edural, Vendimi të bjerë. Kjo ndodh nëse Kushtetuesja konsideron të drejtë vlerësimin e Presidentit se komisioni hetimor kundër tij është mbledhur jashtë afateve ligjore.

Në rast se kjo pranohet, Vendimi zhbëhet dhe për të dytën herë, kryetari i shtetit i shpëton tentativave të Parlamentit për ta shkarkuar. /noa.al

Kryeministri Edi Rama i ka bërë thirrje parlamentit të votojë pro shkarkimit të presidentit Ilir Meta. Gjatë fjalës së tij zoti Rama akuzoi presidentin se ka poshtëruar Kushtetutën e Republikës së Shqipërisë dhe bëri thirrje që të 122 deputetët ta shkarkojnë pasi sipas tij 90 për qind e shqiptarëve e duan këtë.

“Ilir Meta ka tradhtuar misionin e Presidentit të Republikës së Shqipërisë. Ilir Meta ka poshtëruar Kushtetutën e Republikës së Shqipërisë. Ilir Meta ka shembur institucionin e garantit të unitetit kombëtar.

Ilir Meta ka dhunuar kufirin jetik të ndarjes së pushteteve në demokracinë tonë parlamentare. Ilir Meta ka turpëruar Shqipërinë dhe popullin shqiptar në marrëdhënien krejt speciale me SHBA.

Ilir Meta ka shkarravitur fytyrën e shtetit shqiptar në marrëdhënie me përfaqësitë e bashkësisë demokratike ndërkombëtare në Shqipëri.

Ilir Meta i ka h umbur plotësisht dhe përfundimisht të gjitha shanset që i janë dhënë bujarisht në mënyrë të përsëritur për t’u kthyer në binarët e arsyes m orale dhe ligjore” tha zoti Rama.

Ai shtoi se Shqipëria nuk mund ta mbajë më në kurriz Ilir Metën duke u bërë gazi i botës në sytë e miqve të saj dhe të vetë qytetarëve të saj, ndaj tani ështe koha të flasë parlamenti me votë.

“Shqipëria nuk mund ta mbajë më në kurriz Ilir Metën duke u bërë gazi i botës në sy të miqve të saj dhe vetë qytetarëve të saj. Prandaj ky parlament duhet të ushtrojë pa ngurrim vullnetin e më shumë se 90% të popullit shqiptar për ta shkarkuar Ilir Metën nga detyra.

Ke qardhje për mikun tonë të dikurshëm Ilir, por Meta i sotëm nuk mund të ketë kurrsesi më statusin e lartë që i ka dhënë parlamenti. Ilir Meta ka mbaruar punë me rolin që mori nga parlamenti dhe fjalët për të si president kanë mbaruar. Tani të flasë parlamenti me votë”, tha kryeministri Rama.

Shoqata e bashkive është mbledhur sot duke vendosur të shkarkojë kryetaren aktuale Voltana Ademi dhe emëroi në vend të saj Pjerin Ndreun.

Pas këtij vendimi Ndreu u shpreh se: “Në Asamble marrin pjesë kryetarët e bashkive, zgjodhëm ekipin drejtues të shoqatës e cila kishte dy vite që nuk mblidhej.

Kërkuam mbledhjen e jashtëzakonshme të asamblesë, u zgjodh kryesia e përbërë nga tre vetë, unë u zgjodha kryetar”.

Kryetari i ri i Shoqatës së Bashkive, Pjerin Ndreu, nuk pranoi të komentonte mbi dy shimet se shkarkimi i Voltana Ademit u bë në mënyrë që kjo shoqatë të tërhiqte padinë në Gjykatën Kushtetuese për zgjedhjet bashkiake të vitit 2019.

“Shoqata kishte 2 vite që nuk mblidhej. Në këto kushte kërkuam mbledhjen e asamblesë. Ne nuk merremi me fantazira, kjo është një shoqatë që vepron dhe në shoqatë aderojnë bashkitë, jo kryetarët. Nuk ka të bëjë me emrin e kryetarit.

Ne përfaqësojmë bashkitë dhe nuk ka të drejtë askush ta privatizojë. Janë njoftuar të gjithë që të vijnë. Ama ligjshmëria e takimit dhe vendimmarrja është komplet sipas statutit, kjo është e qartë dhe e padiskutueshme”, tha Ndreu

Emigrantët shqiptarë në Greqi kanë vendosur të hidhen në protestë për të kundërshtuar mbajtjen e kufijve mbyllur mes dy vendeve nga ana e Athinës zyrtare.

Komuniteti shqiptar në Greqi, organizata më e madhe që bashkon emigrantët tanë në vendin fqinjë, tha se protesta zhvillohet sot në orën 18:00 në sheshin “Sintagma” të Athinës me kërkesën e vetme ndaj qeverisë, hapjen e kufijve, raporton noa.al e cila do të ndjekë këtë protestë për t’jua sjellë drejtpërdrejt.

Të revoltuar për faktin që autoritetet po e shtyjnë vazhdimisht vendimin për hapjen e tyre, shqiptarët kërkojnë shpjegime pse kufijtë nuk hapen me Shqipërinë kur diçka e tille është bërë me vendet e tjera.

Nën motot “Hapni tani doganat! Mos na refuzoni shtëpinë tonë!”, emigrantët shqiptarë që janë njëkohësisht dhe qytetarë të Greqisë ndiejnë nevojën të kërkojnë shpjegime:

“Përse qeveria greke mban mbyllur kufirin me Shqipërinë dhe ka kufizuar në mënyrë asfiktike numrin e hyrjes në Greqi, ndërkohë që me shtetet e tjera ndodh krejtësisht e kundërta?

Përse ky dallim të bëhet vetëm me shqiptarët dhe i detyron ata të gjejnë zgjidhje të tjera?

Përse në këtë moment kur kufizimi i hyrjeve ndëshkon edhe vetë fermerët grekë, të cilët janë në pritje të mijëra punëtorëve të kualifikuar sezonalë që vijnë nga Shqipëria?

Përse ky dallim edhe ndaj minoritarëve grekë?

Përse duhet të “nd ëshkohen” me mijëra biznese nga të dy anët e kufirit të cilët ko ntribuojnë në ekonominë e vendit?”.

Pasi shtron këto pyetje, Komuniteti Shqiptar në Greqi u bën thirrje të gjithëve pa përjashtim dhe dallim, të mblidhen sot më 8/06/2021 në sheshin “Sintagma” të kërkojnë të drejtat në mënyrë demokratike në një pr otestë paqësore.

“Të dëgjohet zëri ynë nga qeveria greke, të cilës ne i bëjmë thirrje të rishikojë qasjen e pad rejtë ndaj nesh, qytetarëve të saj, pasi vazhdon me pe nalizmin duke mbajtur mbyllur pikat doganore dhe kështu na privohet një e drejtë themeltare për të udhëtuar drejt vendlindjes dhe anasjelltas në vendin ku kemi zgjedhur të jetojmë dhe ndërtuar jetën tonë, Greqi!

I bëjmë thirrje çdo qytetari, bashkatdhetari, intelektuali, organizate, shoqate etj, të organizohemi dhe të pr otestojmë në mënyrë demokratike, pasi nga qeveria shqiptare nuk kemi patur asnjëherë mbështetje!” /noa.al