Një tjetër vend anëtarë i Bashkimit Europian ka vendosur që të lehtësojë masat për udhëtimet me shqiptarët.
Ministria e Jashtme njofton se Spanja ka vendosur të lehtësojë masat dhe çdo kush që do të udhëtojë drejt këtij vendi i duhet dokumenti i udhëtimit, test negativ ose të jetë i vaksinuar me dozat kundër Covid-19.
Përjashtohen nga kërkesa për test fëmijët nën moshën 6 vjeç. Fëmijët mbi moshën 6 vjeç që shoqërohen nga prindërit e vaksinuar duhet të kenë testin negativ COVID-19.
E plotë:
Lehtësohen levizjet e shtetasve shqiptar që udhëtojnë drejt Spanjës.
Shtetasit shqiptarë duhet të jenë të pajisur me:
📌 dokumentacionin e vlefshëm të udhëtimit;
📌 testin negativ covid 19 (PCR ose test i shpejtë) të bërë brenda 72 orëve të fundit; ose
📌 certifikatë vaksinimi të plotë, që konfirmon vaksinimin të paktën 14 ditë para udhëtimit;
📌 regjistrimi para udhëtimit në portalin https://www.spth.gob.es/ 48 orë dhe marrjes së kodit përkatës QR, 48 orë para udhëtimit;
❗️❗️Përjashtohen nga kërkesa për test fëmijët nën moshën 6 vjeç. Fëmijët mbi moshën 6 vjeç që shoqërohen nga prindërit e vaksinuar duhet të kenë testin negativ COVID-19.
❗️❗️Vaksinat që njihen nga autoritet spanjolle jane: Pfizer BioNTech; Moderna; Astrazeneca; Janssen/Johnson & Johnson; Sinopharm;
Për më shumë info 👉 : https://www.boe.es/…/2021/06/24/pdfs/BOE-A-2021-10510.pdf
Kryeministri i Shqipërisë, Edi Rama, ka bërë ironi sot me BE një ditë pasi Këshilli për Çështjet e Përgjithshme shtyu datën e çeljes së negociatave.
Rama thotë se nuk po humbet gjumin për këtë arsye, pasi ka gjëra shumë më të rëndësishme.
Ai i bën apel BE që kur të jetë gati për të pranuar Shqipërinë e Maqedoninë e Veriut, mjafton ta thonë, pasi dy vendet do të ecin përpara.
”Shkrirja e kufijve mes nesh, që ta kthejmë rajonin në zbatimin e 4 lirive të BE, lirinë e lëvizjes së njerëzve, mallrave, shërbimeve e kapitaleve.
Ne jemi shumë të vegjël për të pasur ekonomi të forta duke qëndruar të ndarë nga njëri-tjetri, dhe ndryshe ne jemi mjaftueshëm të mëdhenj nëse me njëri-tjetrin e kthejmë rajonin në hapësirë të përbashkët ekonomike.
S’ka të bëjë me ne, ka të bëjë me BE, por nuk jam i shqetësuar dhe nuk po humbas gjumin se kam gjëra tjera më të rëndësishme për të mbetur pa gjumë, ne e kemi bërë punën tonë, kjo është e gjitha dhe ne do vazhdojmë ta bëjmë, kur të jenë gati ata le të na e thonë.
Si ne ashtu dhe Maqedonia e Veriut kanë thënë që kemi bërë punën tonë. Do të vijojmë të bëjmë punën tonë.
Kur të jenë gati, duhet të na e thonë. Sfida për ne është të ndërtojmë një shtet europian, institucione europiane, standarde europiane, ekonomikisht dhe nga pikëpamja sociale, në Shqipëri, Maqedoninë e Veriut, Ballkanin Perëndimor.
Kjo është çfarë kërkojnë fëmijët tanë e çfarë meritojnë vendet tona. Më pas nëse mendojmë të ecim para jam i lutmur, nëse jo nuk jam i palumtur.”- tha Rama.
Per gjashte vjet e gjysem ne Ministrine e Mbrojtjes.
Ketij nderi te larte jam perpjekur ti pergjigjem me perkushtim te ndershem e te palodhshem.
Uroj tja kem dale mbane!
Mirenjohje te ndjere Kryeministrit, Qeverise, 3 ministrave te Mbrojtjes dhe sidomos personelit me dhe pa uniforme ne MM dhe FA,
3 Shefave te Shtabit te Pergjithshem, Komandanteve te strukures ushtarake dhe cdo bashkepunetori ne kete udhetim nderi per mua.
Cdo shqiptar po ta pyesesh nese e do atdheun dhe flamurin kuqezi do te pergjigjet po.
Ketu ne MM dhe FA cdo cast pergjigjemi po, sepse pyetjen na i ben detyra!
Tashmë që Komisioneri Shtetëror i Zgjedhjeve ka bërë certifikim të rezultateve emrat e mëposhtëm janë 140 emrat e Kuvendit të Shqipërisë.
Partia Socialiste ka marrë 74 mandate, PD-AN ka 59 mandate, LSI ka 4 mandate dhe PSD 3 mandate. Kujtojmë se pak ditë më parë Kryeministri Rama njoftoi se do të merrte mandatin në Durrës, duke e lënë atë të Vlorës, ndërkohë kryetarja e LSI-së Monika Kryemadhi pranoi mandatin në Fier, duke e lënë mandatin për Petrit Vasilin në Tiranë.
Kryeministri Edi Rama thotë se e ardhmja e Shqipërisë është Europa, zgjedhje që vendi ynë e ka bërë që në kohën e Gjergj Kastriotit.
I pyetur për shtyrjen e datës së negociatave për anëtarësim në BE, gjatë një konference në Maqedoninë e Veriut, Rama tha se Bashkimi Europian s’e cakton dot as vendndodhjen, e as identitetin dhe kulturën europiane të shqiptarëve.
“Bashkimi Europian mund të caktojë detyra për integrim, mund të caktojë afate për këto detyra, mund të caktojë data. Por BE nuk cakton dot as vendndodhjen tonë në mes të Europës as kulturën tonë dhe identitetin tonë europuan, as të ardhmen e popujve tanë si popuj evropianë, në familje europiane, me shtete, standarte politike institucionale europiane.
Shqipëria e ka bërë zgjedhjen e saj që në kohën e Gjergj Kastriotit dhe e ka rikonfimruar me epokën e rilindjes kombëtare, për shqiptarët, dielli lind aty ku perëndon dhe e ardhmja tonë është aty ku Zoti na e ka caktuar, në zemër të Europës,” deklaroi Rama.
Kreu i Kadastrës Artan Lame ka vendosur të bëjë një nstastrim të shumicës së zyrave rajonale të Kadastrës. Ditën e sotme ka shpallur thirrjen për aplikime për drejtues të rinj të zyrave rajonale të Kadastrës, duke nënzivuar se në shumë raste zyrat nuk janë në lartësinë e duhur veçanërisht në raport me shërbimet ndaj qytetarëve.
Lame deklaron se kryesisht do të zëvendësohen drejtuesit e komanduar apo drejtues që nuk justifikuan punën duke nisur nga Shkodra, Lezha, Kruja, Durrësi, Tirana, Korça, Saranda e Fieri.
“Me gjithë dëshirën time për ta shmangur Kadastrën Shqiptare nga përdorimi politik, me ç’duket ky qenka mision i pamundur. Por gjatë kësaj fushate kjo akuzë arriti në kufijtë e absurdit, duke e akuzuar Kadastrën thjesht e qartë përse po kryen misionin e saj: Pse jep leje legalzimizi, pse kryen shërbime kadastrale, pse jep çertifikata toke.
Nga ana tjetër, pikërisht fakti i thirrjes de noncuese për institucionin, flet për suksesin e tij në kryerjen e detyrës për të cilën është krijuar. Megjithatë do dëshiroja t’ia lija organeve kompetente ndjekjen e këtyre akuzave surreale. Jam i bindur që tani që na dëgjojnë janë qindramijë qytetaarë që shprehen të kënaqur me shërbimet tona (kadastra ofron rreth 1,1 milion shërbime në vit), por janë edhe mijëra qytetarë të tjerë që rrudhin buzët të pakënaqur.
E pranoj publikisht se zyrat tona në shumë raste nuk janë në lartësinë e duhur, veçanërisht në aspektin e shërbimeve ndaj qytetarëve. Ka zvarritje të ankesave të tyre, ka mungesë profesionalizmi në trajtimin e tyre, ka tyrajtim të qytetarëve si bezdisje, ka mungesë vullneti për t’u përfshirë në problematikat e vështira, e shumë të tjera.
Ka specialistë që nuk duan e nuk duan ta kuptojnë që shmangja e një qytetari sot, nuk zgjidh asgjë. Ka drejtues dhe këtu ju drejtohem në veçanti atyre, që nuk duan të kuptojnë që vendosja e tyre në ato poste nuk është bërë se kanë çliruar Shqipërinë, por se është besuar se do të dijnë të shërbejnë dhe organizojnë punën në drejtoritë që ju janë besuar. Në këto kushte dëshiroj të shpall sot hapjen e thirrjes për drejtues të rinj në një pjesë të madhe të zyrave rajonale të Kadastrës. Jam i bindur se gjithë llafollogët e fejsbukut do ulen të dekurajojnë këdo që do dëshirojë të përfshihet në këtë thirrje. Mos u çudisni, e kanë bërë gjithmonë.
Mos u tutni! Ti djalë a vajzë që ke mbaruar universitetin për inxhinjeri, juridik apo ekonomik; Ti specialisti që ke vite që punon në administratë dhe mendon se ka ardhur koha të avancosh në karrierë; Ti kandidati për deputet, që e dije se nuk do fitoje për shkak të numrit në listë, por që je i bindur në kapacitetin tend; Ti eksperti i fushës, që mendon se e di se si gjejnë zgjidhje problemet e stërkomplikuara të pronës në Shqipëri, por nuk ke patur rast të provosh veten; Mos u tutni, ejani dhe aplikoni”, tha Lame. Spastrime sipas Lames do të ketë në shumicën e drejtorive në vend, ndërsa lista e plotë do të publikohet në vazhdim.
“Shpall sot thirrjen për drejtues të rinj, në pjesën më të madhe në zyrave rajonale. Thirrjet për për të zëvendësuar Drejtuesit e komanduar apo drejtues që nuk justifikuan punën nga Shkodra, Lezha, Kruja, Durrës drejtoria e Tiranës, Korce Sarandë fier. Lista e plotë do e shikoni të hënë tjetër ku do jetë dhe shpallja zyrtare në site. Sfidë me këdo, le të vijë njëri këtu nesër dhe pasnesër fillon, punë ccdo inxhinier, fillimisht me kontratë”, shtoi Lame.
Pas kësaj Lame tha se do të vijojë një thirrje e dytë, për specialistë të niveleve të tjera.
“Do të vijojmë një thirrje e dytë, për specialistë të niveleve të tjera. Kadastrës Shqiptare tashmë i janë ngarkuar disa funksione të reja që dikur i kanë patur institucione të tjera. Arsyeja ishte e thjeshtë: u pa që ky institucion me gjithë vështirësitë e ngritjes, por jepte rezultate. Por këto funksione të reja do të kenë nevojë për shumë specialist të tjerë për të cilët më pas do të bëjmë thirrje. Por le të përqëndrohemi sot tek thirrja për drejtues të rinj.
Si shërbëtor i vjetër i shtetit, ju them se nuk bëhen legalizimet me ushtarë partie, nuk i shërbehet 1 milion qytetarëve me q oka partie, por me punë dhe specialistë. Pastaj, nëse rezultati çon ujë në plotësimin e Premtimit të Partisë Socialiste dhe të programit të qeverisë Socialiste, kjo nuk është njollë, por medalje e merituar. Bujrum të gjithëve dhe… ja sheshi ja mejdani”, tha Lame.
Artan Lame, duke folur gjate tryezes se Grupit te Punes te PS per Infrastrukturen, ne kuader te konsolidimit te programit te ri qeverises "Per nje Rilindje Kombetare".
Pas tetë vitesh Rama hoqi dorë nga mandati i deputetit në Vlorë, duke pranuar atë të Durrësit, pasi në zgjedhjet e 25 prillit rezultoi fitues në dy qarqe.
Rama shkruan se Vlora ishte dhe do të jetë deri në fund në zemrën e tij, me apo pa mandat. Ai shton se Durrësi është vendi ku mandati i tretë duhet të sjellë një hop të ri jo vetëm për atë si qytet, por për të gjithë Shqipërinë.
“Vlora ishte, është dhe do jetë deri në fund në zemrën time, kështu që me mandat pa mandat, unë nga Vlora nuk ndahem as sot as mot, ndërkohë në mendjen time Durrësi është vendi ku Mandati i Tretë duhet të sjellë një hop të ri, jo vetëm për atë qytet po për krejt Shqipërinë 2030”, shkruan Rama.
Duke qëndruar si deputet në Durrës, Rama fut në listën e deputetëve, kandidaten e 9 në listën e Vlorës, Teuta Ramaj e cila ka arritur të sigurojë 1738 vota. Ajo që mbetet jashtë është e nënta në listën e kandidatëve socialist në Durrës, Ana Dhamo.
Kryeministri Edi Rama ka pranuar qe te marr mandatin në Qarkun e Durrësit, duke lene ate te Vlores.
Me këtë vendim, Rama e la bosh vendin e tij në Vlorë për vajzën çame Teuta Ramaj, e cila renditej e 9 në listën shumemërore të kandidatëve të PS për qarkun jugor, ndërsa në Durrës pas tij ishte kandidatja Ana Dhamo.
Kujtojmë se gjatë fushatës elektorale kryeministri kishte paralajmëruar se po të fitonte në të dyja qarqet, do të zgjidhte mandatin në Durrës.
Sipas tij, kjo për faktin se Durrësi është zgjedhur nga qeveria edhe si kryeqendra për zbatimin e disa projekteve madhore, siç është edhe ndërtimi i portit të ri, që është premtuar se do të jetë më i madhi në Mesdhe.
