Aktualitet

Arian Çani është moderatori që drejton një emision i cili shfaqet gjithnjë me “pullë të kuqe”. Eshtë emisioni i tij “Zona e Lirë” që prej disa vitesh promovon veset më ekstreme të shoqërisë shqiptare. Një emision ku kushti numër një që të jesh i ftuar është të jesh pervers, budalla ose i çmendur. Por dhe të kesh gjoks dhe vithe jashtë, të demonstrosh perversitetin hapur, dhe të bësh atë që nuk e bën njeri.. Ndryshe emisioni nuk del. Ah.. Harruam. Dhe për të promovuar recitime nën tingujt e muzikës, të cilat quhen këngë moderne përmes kompjuterit. Por kryesisht femrat duhet të kenë gjoksin, organet intime jashtë ose meshkujt të jenë në limitet e homoseksualitetit. Dhe në fund si qershia mbi tortë, që të marrësh pjesë në emisionin e Çanit duhet të paguash. Të promovosh biznesin tënd, të bësh reklamë në emisionin e Çanit duhet të paguash. Përjashtuar budallenjtë, listën e të cilëve Çani e merr nga listat e trajtimit nga pushteti vendor të njerëzve në nevojë apo invalidë. Këta janë invalidë nga trutë. Ndërsa listën e të çmendurve e merr nga spitali nr. 5 në Tiranë, spitali në Elbasan dhe në Vlorë. I merr me firmë pacientët, i fut në emision dhe pastaj i dorëzon po me firmë Çani. Deri këtu është në rregull ai, pavarësisht se shumica e shqiptarëve që kanë fëmijë nuk e shtypin butonin e TV Klanit në ditën dhe orën kur transmetohen këto perversitete. Megjithatë, kemi rastin konkret.

Disa ditë më parë, në emisionin e Çanit u promovua si këngëtare Fabiana Hoxha. Me zë dhe figurë, madje jo vetëm kaq. Ajo shfaqej dhe si mbledhëse e talenteve të reja, të cilave u garantonte vend pune si “këngëtare” nëpër lokalet italiane. Një ftesë e qartë për të shtuar numrin e prostitutave si tutore që është. Në shërbim të klaneve mafioze të trafikimit të “mishit të bardhë” nga Shqipëria drejt Italisë dhe vendeve të BE.

Fabiana Hoxha deklaroi në emisionin e Çanit që është një këngëtare nga Durrësi dhe kishte jetuar në Itali, por mediat italiane kanë publikuar lajmin e arrestimit të saj dhe ku akuzohet si tutorë e prostitutave. Madje kanë botuar dhe video e arrestimit të Fabiana Hoxhës, e cila në Itali njihej si Fabiana Oxa. Pra një tutore prostitutash bën reklamë për biznesin e saj në emisionin e Çanit. Kështu na lind e drejta të pyesim: Sa lekë mori Çani për promovimin e saj dhe të biznesit të saj, dhe a ka marrë pjesë në fushatën e rekrutimit të “këngëtareve” nga Shqipëria për në Itali që promovoi Fabiana. Njëherësh a duhet të hapet dhe sipari i verifikimit të parave të gazetarëve në Shqipëri dhe në veçanti të Arian Çanit, si i bënë këto para, nga janë financuar. Pasi mund të ketë financime nga partitë politike, nga klanet mafioze të trafikut të drogës, por dhe nga klanet mafioze të trafikut të qenieve njerzore dhe “bosët” e prostitutave. Por dhe a kanë shmangur taksat, sa janë të deklaruara, sa e kanë të deklaruar pagën tek pronarët etj.

Ka ardhur koha për Vetting për të gjithë drejtuesit e mediave. Aq më tepër për ata që kanë shumë vila, kanë shumë pasuri dhe lëvizin nëpër botë në resortet turistike luksoze. Dhe kur flasin për Arian Çanin, gazetarët e mesëm në moshë e mbajnë mend se ka qënë “kothere” fare. Flinte në Qytetin Studenti, një qylaxhi me nam që s’kishte asnjë lek në xhep dhe që e mbante e dashura. E cila pasi pa se çfarë ‘malli’ ishte, e përzuri, pasi i preu me gërshërë që nga kollaret e deri konstumet që kishte vjedhur në Francë. Ku bëri “punë”, që ai i di por që nuk i thotë. Ndërkohë që i erdhi e mbara me emisionin “klani i natës” në TV Klan, Gazeta Shqiptare ku rropi Bolinon dhe më pas në televizione me emisionin e tij pervers ku po rrjep të gjithë ata që duan të promovohen, duke i bërë reklamë të keqes. Përkundrejt pagesës. Si në rastin e “këngëtares” Fabiana Hoxha që rezultoi tutore prostitutash dhe tashmë është në prangat e policisë italiane. Po për Çanin?!

Gjatë ditës së sotme një pjesë e konsiderueshme e Shqipërisë është përfshirë nga reshje të dendura bore.
Por sipas Meteoalb kjo situatë do të vazhdojë edhe gjatë ditës së nesërme, ndërkohë që gjatë fundjavës pritet një rritje e temperaturave me 2 deri në 3 gradë.

“Pritet kthjellim gradual i kushteve të motit në pjesën më të madhe të Shqipërisë por herë pas here do të ketë vranësira kalimtare kryesisht në Veri të vendit. Kthjellimet mbeten dominante në Jug dhe pjesërisht në Qendër edhe ditën e premte ndërsa Veriu do të ketë vranësira të shpeshta dhe reshje të pakta e të izoluara dëbore. E shtuna paraqitet me kthjellime dhe vranësira të shpeshta në territor ndërsa reshje të pakta e të izoluara, kryesisht shira do të ketë në ekstremet Veri – Jug të territorit ndërsa e diela dhe ditët e para të javës tjetër, do të jenë kryesisht të kthjellëta parashikohet të jene me kthjellime dhe vranësira kalimtare”, bën me dije meteoalb.

Në lidhe me temperaturat e ajrit, ato kanë pësuar një rënie të lehtë mëngjesin e sotëm ndërsa mbeten konstante gjatë mesditës.

“Një tjetër rënie e lehtë do të ketë mëngjesin e së premtes por rritje me 2°C do të pësojnë temperaturat në mesditën e së premtes. E shtuna dhe në vijim deri të martën, sjell rritje të ndjeshme të temperaturave në të dy ekstremumet termike të ditës duke bërë që në rang Shqipërie minimalet të shënojnë 2 – 3°C ndërsa maksimalet gjatë mesditës do të ngjiten mbi 19°C”, njofton Meteoalb.

Avokatja e njohur Eni Çobani, në fillim të muajit dhjetor, u kallëzua penalisht në Prokurorinë e Tiranës nga një gjyqtar i Gjykatës së Korçës. Selajdin Pysqyli e ka akuzuar avokaten se e ka fyer publikisht në emisionin e saj “Shihemi në Gjyq”, ku ajo zhvillon seanca ndërmjetësimi.

Eni Çobani, në një bisedë për gazetaren Elda Lamja për emisionin ‘Vila 24’ në News 24 në ditën e parë të 2018-ës është ndalur jo vetëm te puna e saj e përditshme duke i bërë një bilanc, por ka folur edhe për aspektin personal.

Lidhur me këtë, por jo vetëm, Eni i ka bërë të ditur se kur përmend emrin e saj, do të përmend çdo emër tjetër që vjen nërpërmjet fakteve. “Kushdo që ka marrë përsipër pozicione publike, jemi të detyruar përballë publikut të flasim me transparencë për të gjitha aktet, apo ata çka na vijnë ne në dorë, ku burimin e kam pikërisht nga publiku.

Shqetësimi më i madh është të themi vendimin, por mos të themi emrat. Unë këtu kam zgjedhur që të them emrat, sepse unë kam zgjedhur të them fillimisht emrin tim. Dhe kur unë kam zgjedhur të them emrin tim në publik, do të përmend çdo emër tjetër që vjen më pas nëpërmejet fakteve dhe akteve të shkuara publikisht nga kolegët e mi të nderuar.

Dhe këtu nuk ka asnjë keqdashje apo prekje të individëve të ndryshëm apo dinjitetit të tyre. Kjo sepse unë kam një kujdes të jashtëzakonshëm për të ndarë këto dy momente, në njërën anë vlerësimin dhe analizën e ligjit material dhe procedurave të përcaktuara gjatë këtyre vendimmarrjeve.

Sot vendimmarrjet merren në mënyë publike. “Me dyer të hapura” – thotë ligji”, – ka pohuar Çobani.

Mediat afër Bashës dhe disa të tjera periferike shkruajnë se Top Channel është viktimë e kundërshtarëve, rivalëve në treg duke aluduar Tv Klan e të tjera media dhe oligarkë.

Ndërsa sot, në mënyrë më qesharake akoma shkruajnë, se Vjollca e ka gjetur drejtorin e ri të lajmeve në ditëlindjen e Zamir Manes, në krah të Aleksandër Frangajt, pra e ka gjetur me rivalin dhe oligarkun.

Një pikëpyetje lind: Ose ata që shkruajnë janë budallenj, ose Vjollca kërkon të justifikohet me budalliqe në opinionin publik, sepse ose do të luftojë rivalët e oligarkët, ose po e zgjidh dhe po ndan problemin me oligarkët dhe rivalët. Të dyja bashkë këta nuk shkojnë. “Qerosi i Lulit” po e bën lëmsh Vjollcën.

Nga TOP -i brenda një viti, kanë ikur me dhjetra drejtues me eksperiencë regjizorë, gazetarë dhe staf. Këta nuk ikën për shkak të rivalëve e as për shkak të oligarkëve.

Tre ditë më parë, nga disa media të sponsorizuara, nga vetë drejtuesit e Top Channel, u tha se ky televizion do të rezistonte betejave që vinin nga ‘lufta” me rivalët dhe oligarkët e qeverisë, ndërsa sot, po në ato media raportohet se drejtori i ri i informacionit është vendosur, kur Vjollca qëndronte në krah të Zamir Manes dhe Aleksandër Frangajt.

Ose nuk dinë ç’thonë, ose nuk dinë si ta mbulojnë. Gjithçka po ndodh në televizionin dikur ikonë, sot vjen pas, me jo pak pasoja nga marrja e drejtimit nga Vjollca Hoxha

Mos u gënjeni nga dielli sot, ja si do të ndryshojë moti

Pjesa e parë e ditës për sot paraqitet kryesisht e kthjellët, por pasditja sjell vranësira.
Këto janë parashikuar ne veri dhe gradualisht vranësirat do te shtrihen në të gjithë vendin duke sjellë edhe reshje të pakta në veri.

Ministrja serbe e Drejtësisë, Nela Kuburuvic në një prononcim për gazetën ‘Blic’ në Beograd ka folur për çështjen e ekstradimit të Ballist Morinës nga Kroacia. Ministrja ka deklaruar se pas vendimit të gjykatës tashmë pritet fjala e fundit nga ministri i Drejtësisë, por nuk ka afat se kur mund të shprehet.

“Tani për tani nuk ka asnjë informacion kur do të vendosë Ministri i Drejtësisë së Kroacisë, nëse do të japë pëlqimin për ekstradimin apo jo”tha Nela Kuburuvic. Ministrja thotë se vendimi mund të merret në çdo moment në afatin njëvjeçar.

Ballist Morina ndodhet në paraburgim në Dubrovnik që nga qershori i vitit 2017 kur u arrestua pas një mandat arresti serb për ngritjen e dronit në ndeshjen Serbi-Shqipëri në tetor 2014. Drejtësia kroate vendosi pro ekstradimit, por tashmë duhet të vendosë ministri i Drejtësisë nëse do të ekstradohet apo jo në Serbi.