Aktualitet

Për shkak të një defekti me “airbag”, prodhuesi i automjeteve japoneze, Toyota, do të tërheqë nga tregu 181,797 makina në Kinë për shkak të defektit në “airbag”.

Modelet New Highlander, Levin, Levin hybrid dhe Corolla hybrid të prodhuar mes 4 maj 2015 dhe 4 shkurt 2016, janë ato me difekt në “airbag”, thuhet në njoftim.

Duke filluar nga data 10 shkurt, kompania do të tërheqë automjetet “difektoze”, dhe do t’i ndërrojë pjesët problematike kundrejt asnjë-lloj pagese.

Defekti në “airbag” është mjaft i rrezikshëm përsa i përket sigurisë së shoferit, ndaj dhe po merret masa për tërheqjen e 181,797 automjeteve.

Edhe kete te diele, ne rubriken “Shihemi ne gjyq” ka pasur histori qe per shumekend mund te ngjajne edhe te habitshme.

Por Valentina Stefani nga Borshi e kishte sjellë vëllain e saj, Arqilenë ne kete seance ndermjetesimi, pasi ky i fundit i ka marrë çelësat e shtëpisë dhe nuk ia kthen derisa t’i shlyejë borxhin qe ajo i ka.

Përpjekjet e Ardit Gjebreas dhe juristes Eni Çobani për të bindur Arqilean t’ia kthente çelësat e shtëpisë motrës së tij, e cila është e ve dhe e diagnostikuar dy herë me kancer, nuk dhanë rezultat.

Arqilea tha se nuk i interesonte se ku do të qëndronte e motra, e madje shkoi deri aty sa përpjekjeve të Ardit Gjebreas iu kundërpërgjigj duke i kërkuar moderatorit të “E diela shqiptare”, ti jepte atij borxhin që e motra nuk ia jepte dot.

Valentina: Lekët nuk ia kthej dot dhe vëllai do të më marrë shtëpinë. Dhe e ka marrë, se çelësin e ka ai…

 Ardit Gjebrea: Për çfarë e do shtëpinë vëllai? Për çfarë e doni shtëpinë ju?

 Arqilea: Të më kthejë detyrimet që më ka zoti Ardit, detyrimet që më ka, nuk kërkoj gjë…

 Eni Çobani: Zoti Arqile, gjithë kohës ju ka parë me kokën poshtë, dhe gati pak indiferent për sa ne flasim këtu. Nuk më vjen mirë në fakt se ju doja pak më aktiv, sepse ju kemi thirrur këtu për një problem shumë të madh. Sepse kjo shtëpi është e vetmja pasuri që zonja ka për momentin. Duke i marrë edhe juve çelësin e lini pa asgjë.

Arqilea – Çelësin nuk e jap, harroje atë punë! Ajo duhet të më kthejë ç’më detyrohet, veç atyre që i kam dhënë për dy operacionet që ka bërë se nuk i dua. Të më kthejë lekët e shtëpisë, unë i kam marrë çelësin, do t’i marr shtëpinë!

Ardit Gjebrea: Nuk do paratë e operacionit, do paratë e shtëpisë.

Arqilea: Për operacionin nuk i dua lekët.

Eni Çobani – E ule pak detyrimin se unë e dija që doje dhe ato të operacioneve …

Arqilea – Të më bëjë një proces, të më firmosë me ty zonja Eni, që i detyrohem kaq lekë.

Eni Çobani – Po ti nuk na ke thënë sa lekë të detyrohet …

Arqilea – Ta thotë ajo. E di ajo sa i kam dhënë. Unë nuk e publikoj se …

Eni Çobani – Z. Arqile, ju drejtohem edhe një herë, si motër tani kundrejt një vëllai, i cili të kuptojë …

Arqilea – Nuk bën vaki që ai çelës të jepet. Më vjen keq, por nuk bën vaki.

Eni Çobani – Pra është e vetmja gjë, të cilën ju keni besim se duke mbajtur çelësin …

Arqilea – Po.

Eni Çobani – Po zonja mund të bëjë edhe një çelës tjetër se s’është problem kjo.

Arqilea – Po mirë, le ta bëjë. Do bëj dhe unë tjetër.

Ardit Gjebrea – Po ku do rrijë zonja, jashtë?

Arqilea – Të rrijë, As që më intereson fare. Ashtu i solli punët ajo dhe unë do t’i jap zgjidhje vetë.

Valentina – Nuk i solla unë vëlla, më detyruan vëlla …

Ardit Gjebrea – Po ç’faj ka ajo?

Arqilea – Ndihmoje ti… M’i jepni ju Ardit!

Ardit Gjebrea: Urdhëro?

Arqilea: Mi jepni juve ju lutem.

Ardit Gjebrea – Po ta kisha motër do ta kisha ndihmuar.

Arqilea: Po ta kishe motër, e di…

[youtube https://www.youtube.com/watch?v=fQGZqmxZX6k]

Anglia është kthyer në një ndër vendet më të kërkuara nga të rinjtë shqiptarë dhe për të shkuar rrezikojnë jetën dhe harxhojnë sasi të mëdha parash.

Por jo më! Nëse dëshironi të udhëtoni dhe jetoni në Angli, aplikoni dhe përfitoni nga këto bursa studimi.

Si? King’s College London në Angli ofron bursa studimi për drejtësi.

Bëhet fjalë për studentët ndërkombëtarë që dëshirojnë të ndjekin arsimin e mëtejshëm në fushën e së drejtës.

Bursa ofron mbështetje financiare deri në 5,000 paund në vit për periudhën që zgjat programi i studimit.

Aplikantëve që fitojnë bursë do ju ofrohet akomodim për vitin e parë, gjithashtu.

Kriteret: E hapur për aplikantët që aplikojnë përmes UCAS për programin e shkollës së lartë në Drejtësi, në Kolegjin King’s për të filluar në Shtatorin e vitit 2018.

Aplikoni në link : https://www.kcl.ac.uk/index.aspx

Fabrika e pasurimit të bakrit në minierën e Spaçit në Mirditë, një investim i kompanisë “Tete Albania” prej 25 milionë dollarësh, është gati të nisë procesin e pasurimit të mineralit të bakrit, çka i rrit vlerën mineralit. Në një vizitë që Kryeministri Edi Rama bëri në këtë fabrikë u njoh nga drejtuesit e kompanisë me investimin e kryer në të dhe në minierë, ku deri më tani janë hapur rreth 2500 metra galeri nëntokësore.“Investimi total do të jetë 25 milionë dollarë,” shprehet përfaqësuesi i kësaj kompanie. Ngritja e kësaj fabrike, vlerësoi Kryeministri, rrit kapacitetet e industrisë minerare në vend, ku po kryhen investime të munguara prej mëse dy dekadash. “Ne kemi një zhvillim të rëndësishëm në tërësi në këtë fushë, me investime që s’janë bërë në 20 vjet. Edhe ky investim 25 milionë euro është goxha i rëndësishëm,” u shpreh Kryeministri Rama.

Aktualisht janë punësuar 200 punonjës dhe kompania planifikon me hapjen e galerive të reja që numri i të punësuarve të shkojë në 300. “Së bashku me nënkontraktorët janë afro 200 persona që po punojnë, por numri mund të shkojë në 300,” tha përfaqësuesi i kompanisë. Por rekrutimi i punonjësve të kualifikuar vijon të mbetet një shqetësim i ngritur jo për herë të parë nga kompanitë e huaja që operojnë në vendin tonë. “Kemi vështirësi për të gjetur sidomos persona teknikë,” u shpreh përfaqësuesi i firmës.

Kryeministri Rama nënvizoi se synimi është të krijojmë një forcë të kualifikuar pune, duke qenë se kjo është një zonë me rezerva minerare dhe me potenciale të mëdha për zhvillimin më tej të kësaj industrie. Për këtë qëllim, një shkollë profesionale për minierat është hapur në Bulqizë. “Nuk është thjesht çështja të krijojmë vende pune, por edhe të krijojmë aftësi për punë, sepse na ndodh vazhdimisht që punë  ka, por mungojnë kapacitetet teknike për të bërë ato lloj punësh. Ne kemi hapur një shkollë profesionale për minierat këtu në Bulqizë, me sistemin që një pjesë të javës e kalojnë në shkollë, një pjesë në punë, e cila ju ndihmon dhe ju, ndihmojmë edhe zhvillimin e mëtejshëm të sektorit,” u shpreh Kryeministri.

Ana tjetër e investimeve të reja, u shpreh Kryeministri, është se ato kanë rritur jo vetëm nivelin e pagave në këtë sektor, por edhe kushtet e punës në miniera. “Ky është një sektor që ka pasur shumë problematika nga të gjitha pikëpamjet, të sigurisë, të zhvillimit dhe punësimit. Nuk kemi arritur ta çojmë aty ku duhet, sepse ka edhe më shumë punë, por sot kemi një situatë krejt tjetër. Mesatarja e pagesave në sektorin minerar është mbi mesataren e përgjithshme,” u shpreh Kryeministri, duke e konsideruar një transformim industrial. “Gjëja më e rëndësishme për be është se po ndodh një transformim dhe po kalojmë nga merre mineral, nxirre jashtë, në pasurimin këtu dhe në rritjen e vlerës këtu. Kjo po ndodh edhe me bakrin, edhe me kromin dhe është një transformim i madh industrial.“