Aktualitet

“Rumors” është një shprehje shumë e zakonshme ndër analistët e Bursave, në mbarë botën e zhvilluar të biznesit. Në shqip, “rumors”, term klasik i lajmeve të pakonfirmuara, të fushës së biznesit në botë, përkthehet: “Zëra”…

Dhe “zërat” që qarkullojnë në botën e mbyllur të 1001 sekreteve të biznesit shqiptar, flasin për një ftohje të rëndësishme ndërmjet dy biznesmenëve më të mëdhenj shqiptarë: Saimir Manes dhe Shefqet Kastratit.

Ftohja ndërmjet tyre, sipas “rumors”(zërave), ka filluar me çështjen e Hotel Sheratonit, ku burimet thonë se të dy biznesmenët, kanë qenë në konkurencë për ta blerë, por duket se Kastrati, ka qenë në atë rast një hap përpara. Dhe e ka përfunduar blerjen dhe operacionin përkatës financiar në mënyrë të rrufeshme.
Këtu dhe ka filluar ftohja.

Dihet që zoti Mane dhe zoti Kastrati, kanë patur 2 vitet e fundit një proces interesant bashkëpunimi financiar dhe investimesh të përbashkëta, sidomos në fushën e ndërtimit në kryeqytet.
Mirëpo duket se ftohja ndërmjet tyre, ka prekur edhe këto projekte bashkëpunimi, duke krijuar sipas “rumors”, një klimë mosbesimi të ndërsjellë dhe ndoshta një bllokim të proceseve investuese të përbashkëta.

Kjo dhe e ka alarmuar kryeministrin Rama, sepse dihet roli financiar shumë i madh që kanë të dy kompanitë e stërmëdha: “Balfin” dhe “Kastrati Group”, në ekonominë e rrënuar shqiptare.

Përveç kësaj, kryeministri është shqetësuar se, nëse “Balfin” dhe “Kastrati Group”, prishen ndërmjet tyre dhe fillojnë një betejë të ashpër konkurence, pozicioni i tij, ndaj Manes dhe Kastratit, bëhet më i paragjykuar dhe më i vështirë…

Në kuadër të një bashkëpunimi sa më të ngushtë me të gjitha institucionet, Prefekti i Qarkut Vlorë, ka zhvilluar një vizitë dy ditore në Bashkinë e Sarandës, me qëllim njohjen e problematikave dhe zgjidhjen e tyre, si dhe mbarëvajtjen e punës në përgjithësi.

Takimi i parë është zhvilluar me Drejtorin e sh.a Ujësjellës Sarandë Z. Sheme Lulo, ku u diskutua për aksionin e rëndësishëm të ujit, implementimi i të cilit është shtrirë në të gjithë vendin, nën një vëmendje të vecantë të qeverisë shqiptare. Sipas Dr. të këtij institucioni nga data 1 Shkurt 2018 janë hedhur në sistem 302 procesverbale, kryesisht biznese të mëdha, me faturim mbi 5.000.000 lekë, ndërkohë që janë nisur për procedim penal dhe janë gjobitur 10 biznese për lidhje të paligjshme.

Policia e Shtetit reagon nje dite pas videos skandaloze postuar ne media ku dukeshin 2 efektivë të Policisë Rrugore të Tiranës, të cilët në Bulevardin Dëshmorët e Kombit nuk i kanë dhënë përparësi një ambulance me sirena të ndezura për të mbajtur të hapur rrugën për një delegacion qeveritar.

Policia thotë se paraprakisht deri në një analizë të plotë të gjithë dinamikës së ngjarjes, verifikimit nëse ambulanca ka qenë në urgjencë, detyrimeve të shërbimeve të Policisë Rrugore për rastin bazuar në Kodin Rrugor, për dy punonjësit e Policisë Rrugore në detyrë ka nisur hetimi disiplinor.

Inspektorati Kombëtar i Mbrojtjes së Territorit do të kryejë nesër në orën 12.00 prishjen e objektit të pestë me shpërthim të kontrolluar në qytetin e Fierit. Objekti është pesë kate i lartë, ndërkohë që në trupin e tij janë hapur 300 furrnella (vrima) ku do të vendosen 5 kilogramë lëndë plasëse.

Prej ditësh IKMT është duke punuar në qytetin e Fierit në kuadër të projektit të rehabilitimit të lumit Gjanica dhe qëndrës së Fierit. Operacioni i nesërm është gjithashtu pjesë e këtij plani.

Specialistët e IKMT thanë se kanë marrë masat e sigurisë për kryerjen pa asnjë dëm të shpërthimit.