Aktualitet

Fier- Taulant Balla

Elbasan- Damian Gjiknuri

Kukës- Elisa Spiropali

Durrës – Ardian Çela

Gjirokastër-Mirela Kumbaro

Lezhë – Blendi Klosi

Tiranë -Erion Veliaj

Dibër -Ulsi Manja

Berat-Bledi Çuçi

Shkodër-Edona Bilali

Vlorë-Arben Ahmetaj

Ditën e nesërme kryeministri Edi Rama pritet të publikojë emrat e ministrave për qeverinë e re, ku deri më tani të sigurt e ka vendin vetëm Ministrja e Shtetit për Parlamentin, Elisa Spiropali.

Sipas gazetarit Muhamed Veliu, në qeverinë “Rama 3” mund të ketë emra surprizë, por bie në sy që shumicën e ministrive do t’i drejtojnë femrat.

Megi Fino, vajza e deputetit të ndjerë Bashkim Fino aktualisht zëvendës ministre e Punëve të Jashtme, mund të jetë një prej prurjeve të reja nga Edi Rama në skuadrën e tij qeverisëse.

Adea Meidani, vajza e ish presidentit socialist, Rexhep Meidani e shkolluar në Paris me një eksperiencë pune në Londër e specializuar për taksat ndërkombëtare, shihet si një kandidate potenciale nga Edi Rama, për t’i besuar drejtimin e Ministrisë së Ekonomisë gjithnjë nëse do t’i shkojë skenarit të ndarjes të Ministrisë së Financave nga Ekonomia.

Elziston mundësia e ristrukturimit të Ministrisë së Punëve të Jashtme, duke e kaluar Integrimin si ministri më vete, ku kandidati më potencial për ta drejtuar është diplomati i karrierës, Zef Mazi aktualisht krye-negociator i Shqipërisë me Bashkimin Europian.

Ora 10:00 e të enjtes do t’i japë fund edhe dilemës nëse Olta Xhaçka do të vijojë të drejtojë diplomacinë shqiptare, apo do të jetë e para grua, të cilës i besohet Ministria e Punëve të Brendshme. Një emër surprizë është edhe Anisa Ruseti, e cila mund të shfaqet në drejtimin e çështjeve sociale.

Sipas gazetarit Muhamed Veliu, emrat e përzgjedhur për ministritë e Brendshme, Drejtësisë dhe Mbrojtjes duhet të marrin fillimisht “OK” nga ambasada amerikane.

Lefter Koka befason, disa ditë para nisjes së legjislaturës së re, të dekretuar sot nga Presidenti Ilir Meta për më 10 shtator. Deputeti i Partisë Socialiste, që braktisi LSI gjatë kuvendit të kaluar, ka zyrtarizuar dorëheqjen. Pra, nuk do të jetë deputet i parlamentin e ri. Dorëheqja e radhës kjo, pas asaj të Mark Markut nga PD. Ja çfarë shkruan Koka në tekstin shopjegues të kësaj vendimmarrjeje:

“2 dekada më parë me përgjegjësi të lartë publike, mora përsipër të garoja për të qenë zëri qytetarëve durrsakë. Në këtë rrugëtim plot sfida, suksese e padiskutim dhe dështime, pata fatin të dëshmoj fuqinë e besimit, si dhe dinjitetin e njerëzve që punojnë çdo ditë me ndershmëri dhe përkushtim për një të ardhme më të mirë.

Në morinë e sf idave me të cilat ky rrugëtim të përball është gjithmonë e vështirë të ndalesh një moment dhe të vlerësosh se kur është koha e duhur për të mbyllur një cikël. Sot është dita që rrugëtimin tim politik ta vijojnë ata mijëra bashkëpunëtorë të mitë, që më bënë fitues për vite me radhë dhe që mbase nuk kam mundur asnjëherë t’i falenderoj sa duhet. Sot, e ardhmja u përket atyre!

Me këtë vendim timin është njohur institucionalisht si Komisioni Qendror i Zgjedhjeve, ashtu edhe Kuvendi i Shqipërisë. Së fundi, mirënjohje të madhe për mundësinë, besimin dhe privilegjin e jashtëzakonshëm që më është dhënë t’i shërbej me përkushtim qytetit, vendit dhe njerëzve që dua!

Shqipëria është padyshim sot një vend më i mirë se dje, është vendi plot dritë shprese, që na përket të gjithëve”.