Numërimi i fletëve të votimit në PD ka përfunduar pak pas mesnatës. Nga ky proces kanë dalë 15 emrat më të votuar, duke u zgjedhur kështu si anëtarët e rinj të Kryesisë së Partisë.
Mësohet se emrat më të votuar janë: Gert Bogdani; Tomorr Alizoti; Agron Gjekmarkaj; Ervin Salianji; Flamur Noka
Oerd Bylykbashi; Kreshnik Çollaku; Aldo Bumçi; Fitim Zekthi; Luan Baçi dhe Gent Strazimiri në balotazh (Shorti vendosi që Gent Strazimiri, të jetë anëtar)
Pas publikimit të listës së emrave që do të përbëjnë ekipin e Lulzim Bashës në mbledhjen e Këshillit Kombëtar, duket se janë zgjuar pakënaqësi te disa prej demokratëve.
Burime nga PD bëjnë me dije se kreu i PD dega Durrës, Ferdinand Xhaferaj nuk ka pranuar të jetë kandidat për Kryesinë e Partisë Demokratike. Emri i tij ishte mes 45 demokratëve që do të kandidonin për kryesi, por sipas burimeve nga PD, Xhaferaj ka njoftuar mbrëmë partinë që emri i tij të hiqet nga ajo listë. Krahas tij, burime bëjnë me dije se mbrëmë dhe sot paradite në PD kanë ardhur edhe mesazhe nga zona të tjera për rrugëtimin problematik që sipas tyre po ndjek partia.
PD publikoi mbrëmë emrat e ekipit të Bashës, ku kreu i Grupit Parlamentar i është besuar Alfred Rushajt; komisioni i Sigurisë në Parlament, Flamur Nokajt; Komisioni i Ligjeve i është besuar Oerd Bylykbashit, kurse ai i Arsimit, Agron Gjekmarkaj.
Ndërkohë, kreu i Këshillit Kombëtar të PD-së do të jetë Edi Paloka, kurse Grida Duma dhe Jorida Tabaku, nënkryetare.
Kanë mbërritur në vendin tonë edhe dy avionë të tjerë me shtetas afganë.
“Në orët e para të mëngjesit mbërritën dy avionëve afganë mes të cilëve edhe fëmijë.
Në orën 3.50 mbërriti në aeroportin e Rinasit avioni me 154 pasagjerë, 108 prej të cilëve u vendosën në Qytet Studenti dhe pjesa tjetër në struktura hoteliere në Durrës.
Ata u pritën nga zvministrja e MEPJ, Megi Fino. Ndërsa pak më parë mbërriti avioni i pestë nga Afganistani brenda 72 orëve me 28 persona në bord, të cilët u vendosen në Tiranë.
182 personat e mbërritur sot çojnë në 417 nr e qytetarëve afganë të ardhur në vendin tonë deri tani”, thuhet në njoftimin e MEPJ.
Kryeministri Edi Rama shpalos planet e qeverisë së re dhe rendit se cilat janë tetë prioritetet që do të ketë kabineti që nis punën në shtator.
Në një intervistë për Huffington Post Italia që monitoroi noa.al, Rama thotë se synohet mbyllja e historisë së strehimit të njerëzve që u dëmtuan nga tërmetet e vitit 2019.
Së dyti, synohet të zhduken pasojat e pandemisë COVID-19 që ka përfshirë vendin tonë nga marsi 2020.
Së treti, investimi në energjitë e rinovueshme, për t’u bërë në këtë dekadë një vend “eksportues neto” i energjisë;
Së katërti, mbyllja e rrethit të dixhitalizimit të shërbimeve publike për të mbyllur të gjitha dyert e burokracisë torturuese dhe për ta përfunduar atë me të gjitha llojet e radhëve të pritjes;
Së pesti, në lëmin arsimor, duke filluar këtë vit me gjuhën angleze që në klasën e parë dhe duke transformuar të gjithë sistemin e njohurive të teknologjisë në shkollë;
Së gjashti, transformimi i tre porteve të vjetra tregtare në porte turistike dhe ndërtimin e dy aeroporteve të reja për ta çuar turizmin në një nivel tjetër. Rama bëri të ditur kështu se jo vetëm porti kombëtar në Durrës, por edhe ato më Vlorë e Sarandë do të kthehen në porte për turizëm, kurse portet tregtare do të ndërtohen në mjedise të tjera, siç nisi sot porti kombëtar i mallrave të ndërtohet në Porto Romano, Durrës.
Po ashtu Rama shprehet i vendosur që vitin e ardhshëm dhe 2023, vendi të ketë 4 aeroporte. Pas atij të Rinasit dhe të Kukësit, edhe në Vlorë e Sarandë.
Në këtë kuadër, Rama thotë se do të bëhen të gjitha këto ndryshime, “duke u përpjekur të shmangim gabimet e së kaluarës në zhvillimin e bregdetit”.
Së shtati, qeveria do të përqendrohet edhe më shumë në rritjen e eksporteve të produkteve bujqësore.
Së teti, synohet të reduktohet sa më shumë korrupsioni, pasi siç tha ai “korrupsioni dhe burokracia paralizuese duhet të trajtohen pa pushim si armiq të sundimit të ligjit dhe të drejtave të qytetarëve dhe zhvillimi i vendit duhet të jetë zhvillim i qëndrueshëm dhe t’i shërbejë qëllimeve afatgjata të drejtësisë sociale”. /noa.al
Kryeministri Edi Rama i shoqëruar nga ministrja e Jashtme Olta Xhaçka dhe ambasadorja amerikane Yuri Kim ka pritur në orët e para të së shtunës edhe dy avionë të tjerë me refugjatë afganë.
Në një postim në Facebook, kryeministri shkruan se sot mbërritën 275 “të arr atisur nga Afganistani fatk eq”. Me pamjet e pritjes nga Rinasi, kreu i qeverisë u uroi shqiptarëve fundjave të qetë.
EDI RAMA NË FACEBOOK
“MIRËMËNGJES PA U GDHIRË dhe nga Rinasi ku deri sot kanë mbërritur 275 të arra tisur nga Afganistani fatk eq, ndër të cilët edhe gra aktiviste të shoqërisë civile, pedagogë, punonjës institucionesh, gazetarë, së bashku me familjet e tyre, ju uroj një fundjavë të qetë”
Në javën e parë të shtatorit pritet të inaugurohet legjislatura e re parlamentare, e dalë nga zgjedhjet e 25 prillit. Ndërsa në javën e dytë të shtatorit pritet të mandatohet dhe të krijohet qeveria e re, e treta e PS prej vitit 2013.
Deri në këto momente, katër deputetë të zgjedhur në zgjedhjet e 25 prillit kanë dhënë dorëheqjen, ndërsa amerikanët po bëjnë presion edhe tek një i pestë.
“Sagën” e dorëheqjeve e nisi Tom Doshi, i cili vetëm një ditë pas zgjedhjeve njoftoi se jo vetëm që nuk do të marrte mandatin e fituar së fundmi, por hiqte dorë edhe nga mandati që kishte fituar në zgjedhjet e mëparshme.
Dorëheqja e dytë, por edhe më e bu jshme, ishte ajo e kryetarit të Kuvendit Gramoz Ruçi. Nën argumenin se kishte plotësuar ciklin e tij pas 30 viteve në foltoret politike, gjatë fjalës që mbajti në Kongresin e jashtëzakonshëm të Partisë Socialiste, Ruçi njoftoi dorëheqjen nga të gjitha funksionet e Partisë Socialiste.
Ai tha se në muajin shtator, që përkon dhe me fillimin e legjislaturën e re nuk do ta ushtrojë mandatin e deputetit, që e fitoi më 25 prill.
“Më 9 shtator, që fillon legjislatura e re nuk do të ushtroj mandatin që më kanë dhënë socialistët dhe nuk do kem ambicien për të qenë në asnjë organ të zgjedhur të familjes time që më ka dhënë kaq shumë në këto 30 vjet”, tha Ruçi.
Por java e fundit e gushtit rezultoi më e nxehtë sesa ishte parashikuar, pasi u njoftuan edhe dy dorëheqje të tjera.
Fillimisht ishte kryeministri Edi Rama që njoftoi se Shefja e Infektivit Najada Çomo, kishte vendosur të linte mandatin e deputetit, për shkak të shtimit të rasteve me covid.
“Najada Çomo më kërkoi para pak kohe të pranoja tërheqjen e saj nga roli i ri i deputetes duke ndjerë shumë të fortë detyrimin për të mos u ndarë nga ekipi i saj kur varianti Delta i virusit arriti të rimbushë shtretërit e pavionit të terapisë intensive. E falenderoj për këtë shembull kuptimplotë dhe i them sot një faleminderit shumë të madhe. Lufta nuk ka mbaruar, vjeshta dhe dimri mund të jenë të vështirë”, tha Rama.
Dy ditë pas Najada Çomos, i radhës që do njoftonte se kishte hequr dorë nga mandati i deputetit ishte Mark Marku. Pedagogu i gazetarisë, përmes një shkrimi të gjatë jepte arsyet e këtij vendimi, ndërsa hodhi akuza të forta ndaj Bashës e Berishës.
Sipas Markut, PD është kthyer në një parti mburojë të interesave të dy liderëve, Sali Berisha dhe Lulzim Basha. “Lulzim Basha është kryetari i Partisë së Sali Berishës”,-shkruante deputeti i zgjedhur i PD.
Presion për lënien e mandatit është ushtruar nga SHBA edhe ndaj Sali Berishës. Ai ka premtuar se do të jetë në parlament në shtator, por ende nuk dihet nëse do të ketë zhvillime në këtë drejtim.
Kryeministri Edi Rama ka vizituar këtë pasdite shtetasit afganë, që mbërritën në Shqipëri në orët e para të mëngjesit të sotëm dhe janë strehuar në “Prestige Resort”, në Durrës, si dhe në disa struktura të tjera hotelerie të qytetit bregdetar.
Gjatë vizitës së tij te “Prestige Resort”, Rama ka zhvilluar diskutime me afganët e ardhur në vendin tonë, si dhe ju ka dhuruar fëmijëve disa lodra.
Pjesë nga diskutimet: Afgania: Dua t’iu falënderoj për mikpritjen. E di që nuk është e lehtë të strehosh kaq shumë njerëz krejt papritur, por kolegët tuaj kanë bërë më të mirën.
Rama: Kemi qenë në këtë pozitë, e dimë çfarë është. Çdo gjë është në rregull këtu?
Afgania: Po, në rregull. Shumë faleminderit. Kanë qenë të gjithë shumë të gjindshëm, kanë bërë maksimumin. Nuk ka qenë e lehtë, për të qenë të ndershëm, duket ende si një ma kth nga i cili do të zgjohemi, por realiteti është ky që është për fat të keq. Duket si të vish nga fe rri në parajsë, ka qenë shumë e vështirë për të gjithë.
Rama: Kemi sjellë disa gjëra për fëmijët. (Shpërndan dhuratat për fëmijët)
Afgania: Faleminderit shumë kryeministër. Për çdo gjë jemi këtu, për çdo gjë që të keni nevojë. Na keni mbështetur shumë, po i bëni gjërat shumë të lehta për ne këtu. Rama: Kemi qenë në këtë situatë 30 vite më parë.
