Dy koncerte interesante sot dhe nesër!
Sot ora 19:30 në Teatrin “Petro Marko”
“Rrënjët e Unitetit” Koncert me vepra orkestrale dhe solistë .
Nesër ora 21:00 “Opera Soul” tek sheshi përpara Akademisë së Marinës, më trupën e Teatrit Kombëtar të Operas dhe Baletit.
Lufta ndaj korrupsionit dhe përmirësimi i shërbimeve për qytetarët është kryefjalë e punës së ministrisë së Drejtësisë.
Koordinatorja Kombëtare e Antikorrupsionit, ministrja e Drejtësisë, Etilda Gjonaj gjatë një deklarate për mediat bëri të ditur sot se në kuadër të ankesave të bëra nga qytetarët në portalin “shqiperiaqeduam.al” dhe në sajë të Task Forcës Anti-Korrupsion” të ngritur nga qeveria dhe që drejtohet pikërisht nga ministria e Drejtësisë, janë bërë një sërë kontrollesh në 35 institucione, teksa njoftoi se janë ngritur tre padi penale për 6 drejtues të drejtorive rajonale të ALUIZNI-t.
“Gjatë kontrolleve në periudhën Maj-Qershor të vitit 2018 Task Forca Antikorrupsion ka vënë re dhe shkelje të ndryshme, duke shkuar dhe në kufijtë e lejuar ligjor dhe për këtë arsye ka pasur dhe tre depozitime të kallëzimeve penale. Janë kryer kontrolle në 35 institucione shtetërore ku kryhen shërbime ndaj qytetarëve. Për këtë arsye, falë dhe bashkëpunimit me qytetarët Task Forca ka rekomanduar 172 masa disiplinore, prej të cilave 28 shkarkime nga detyra. Masat disiplinore dhe shkarkimet lidhen kryesisht me drejtori si, “Drejtorit rajonale të Regjistrimit të Pasurisë, ALUIZNI, AKU, etj. Po ashtu, janë depozituar 3 kallëzime penale për gjashtë drejtues. I pari lidhet me për Regjistrues në zyrën e regjistrimit të pasurive në Krujë. Nga kontrolle janë vënë re vonesa të pajustifikuara, si dhe mungesë të transparencës. Është depozituar kallëzim penal për drejtorin e ALUIZNI-t në Sarandë dhe tre drejtorë të tjerë të kësaj agjencie në qytetin bregdetarë, të sektorit të legalizimit, kalimit të pronësisë apo planifikimit urban. Ato dyshohet se kanë shpërdoruar detyrën duke legalizuar sipërfaqe publike më të mëdha se ato që janë në realitet. Po ashtu është depozituar kallëzim penal për përgjegjësin e sektorit për sektorin e asistencës ndaj shërbimit të tatim paguesve në drejtorin rajonale Vlorë, ku dyshohet se ka shpërdoruar detyrën”, tha Gjonaj.
Ajo shprehu bindjen se prokuroria do të vijojë hetimet në një kohë të shpejtë. “Jemi në një fazë të thelluar të luftës ndaj korrupsionit dhe inkurajojmë qytetarët të na bashkohen në këtë luftë për të luftuar korrupsionin dhe të rrisim së bashku cilësinë e shërbimeve ndaj qytetarëve”, tha Gjonaj.
Ministrja garantoi se kontrollet do të vijojnë edhe sipas denoncimeve që do të bëjnë qytetarë dhe se korrupsioni nuk do ketë vend në zyrat e shërbimit ndaj qytetarëve./atsh
https://www.facebook.com/edirama.al/videos/10155939683891523/?t=0
“Task Forca Antikorrupsion”, Gjonaj: 172 masa disiplinore dhe 28 largime nga detyra Read More »
Në kuadër të operacionit “Forca e Ligjit”, sekuestrohen pasuri të paluajtshme, llogari bankare dhe automjete.
Si rezultat i vijimeve të veprimeve të kryera, nga ana e Sektorit për Hetimin e Krimit Ekonomik e Financiar në Drejtorinë Vendore të Policisë Fier në bashkëpunim me Prokurorinë e Rrethit Gjyqësor Fier, u zbatua vendimi i datës 03.07.2018 i Gjykatës së Rrethit Gjyqësor Fier për sekuestron e pronës së shtetasit: Fatos Fasko, 49 vjeç, banues në Radostin, Fier, i cili është i dënuar me 9 vjet e 4 muaj burg për veprat penale “Oraganizata kriminale” dhe “Ndihma për kalim të paligjshëm të kufirit”.
Konkretisht pasuritë e sekuestruara janë: Apartament me sipërfaqe 127.68 m² në Tiranë.
Apartament me sipërfaqe 50 m² në Fier. Trualle me sipërfaqe 380 m² dhe 50 m² në ndërtim. Pronë me proces legalizimi me sipërfaqe 548.3 m² në fshatin Radostin, Fier. Dymëdhjetë llogari bankare në në emër të shtetasit Fatos Fasko dhe të familjarëve të tij me gjendje 1.300.000 lekë. Tre Automjete.
Vijon puna për identifikimin e pasurive të tjera që mund të ketë ky shtetas./atsh
“Forca e Ligjit”, sekuestrohen pasuri të paluajtshme dhe llogari bankare Read More »
Pasi vendi ynë u përfshi nga disa tërmete të fuqishme njëri pas tjetrit, fatmirësisht pa dëme në njerëz, radha u ka ardhur tornadove.
Me sa duket dukuritë e fuqishme natyrore nuk kanë ndërmend të largohen nga Shqipëria.
Sipas raportimeve të fundit nga banorët e Fushë-Krujës, retë morën formën e një mini-tornadoje dhe nisën të thithin sende në ajër.
Situata raportohet e frikshme pasi disa qytetarë kanë rrëfyer se kanë dëgjuar edhe zhurma të fuqishme erërash.
Qytetarët raportojnë:
Pershendeteje Joq, shikoni cfare dukurie ndodhi para 5 min ne Fushe Kruje. Shume sende i pame ne ajer dhe u ndiente nje zhurme shperthimi dhe reja mori forme tornadoje.
U ngriten sende ne ajer dhe u ndiente nje zhurme shume e madhe, shikojeni dhe formen e rese. Eshte bo shqiperia si me qene Amerika, tërmete përditë edhe tornadot kishim mangut tashi!”
Pas tërmeteve të njëpasnjëshme, Shqipëria përfshihet nga tornadot! Read More »
Monumentet e kulturës si vende atraksion dhe historike po presin çdo ditë e më shumë vizitorë vendas dhe të huaj. Fillimi i sezonit të ri turistik duket premtues pasi këto vende janë ”magnet” për turistët e huaj sepse kanë brenda tyre histori, kulturë dhe detaje mistike që ngjall jo pak kuriozitet tek vizitorët.
E lashta kalaja e Rozafës, në Shkodër vizitohet çdo ditë e më tepër nga të gjitha moshat, vend atraktiv ku historia, arkitektura, peizazhi fantastik ndërthuren në mënyrë të përkryer. Numri i vizitorëve është gjithnjë në rritje në këtë atraksion turistik i cili përveç bukurive mban dhe misterin e historisë së Rozafës.
Kalaja e Shkodrës në periudhën janar-qershor 2018 në total ka tërhequr 43690 vizitorë, nga të cilët 6623 është numri i atyre që kanë përfituar hyrje falas gjatë festave zyrtare, ditëve të shënuara të Trashëgimisë dhe të dielave të fundit të çdo muaji.
Kalaja e Rozafës ngrihet mbi një kodër shkëmbore në perëndim të qytetit, e rrethuar nga ujërat e tre lumenjve: Drinit, Bunës dhe Kirit. Kështjella Rozafa është monumenti historik më antik.
Në muret rrethuese të kalasë, të cilat përfshijnë rreth 9 ha tokë, dallohen qartë ndërtimet e katër periudhave: Balshajve (shek. XIV), zotërimi venecian (shek. XV), pushtimi osman (shek. XVI-XVII), dhe e Bushatlinjve (shek. XVIII-XIX).
E ndërtuar gjatë mbretërisë Ilire, përfaqësohet nga një legjendë që tregon mbajtjen e një premtimi, të Besës legjendare.
Objekte të tjera me vlera të mëdha kulturore e që tregojnë shumë për historitë e kaluara të popullit tonë janë ,cisternat e ujit të shek XV, katedralja e shek XIII, e cila pas pushtimit osman u kthye në xhami. Po kështu aty ndodhet edhe muzeu i Rozafës, i cili shpjegon periudhat e ndryshme të kalasë./atsh
Shtatë tragetet e linjave Durrës – Bari dhe Durrës – Ankona e kthim gjatë 5 ditëve të para të muajit korrik kanë transportuar 10.674 udhëtarë dhe 2.039 autovetura gjithsej.
Nga të dhënat e Sektorit të Statistikave, në periudhën 1-5 korrik të këtij viti, tragetet janë shfrytëzuar nga 6997 udhëtarë me 1485 autovetura, që kanë mbërritur në Durrës.
Ndërkaq nga Durrësi janë nisur më pak udhëtarë dhe automjete, përkatësisht 3677, me 554 autovetura gjithsej.
Këto ditë ka nisur të aplikohen shtesa në lundrimet e trageteve për shkak të rritjes së pritshme të fluksit të udhëtarëve, kryesisht turistë dhe bashkëatdhetarë që mbërrijnë për pushime pranë famijeve të tyre në vendin tonë, Kosovë dhe Maqedoni.
Porti i Durrësit, fluks pasagjerësh në 5 ditët e para të korrikut Read More »
Nga bregdeti i mrekullueshëm, tek trashëgimia kulturore dhe bota nënujore, Travel Planet promovon potencialet turistike të Shqipërisë.
Kryeministri Edi Rama uron mirëmëngjeis ndjekësit në faccebook duke publikuar videon rreth tre minuta të Travel Planet.
“MIRËMËNGJES , dhe me këtë prezantim të bukur të Shqipërisë publikuar nga agjencia ndërkombëtare e turizmit, Travel Planet, ju uroj një fundjavë të qetë “, shkruan Rama.
2018 mund të cilësohet si viti i turizmit shqiptar. Ky vit ka nisur me një shifër rekord të rritjes së numrit të turistëve.
Shqipëria turistike ka tërhequr vëmëndjen e medias ndërkombëtare. Si një destinacion i ri turistik dhe i pazbuluar dhe duke mos ofruar më vetëm rërë dhe det por gjithashtu tendenca të reja të industrisë së turizmit, sikurse është ai turizmit të aventurës, Shqipëria është futur bindshëm në listën e vendeve që duhen vizituar. Nëpërmjet shkrimeve të shumta nga agjenci lajmesh, blogje të specializuara për turizmin apo edhe me vizitën së fundmi të National Geografic, Lonely Planet, The Wall Street Journal, etje, jehona e këtij sektori në zhvillim e sipër në vendin tonë të arrijë deri aty sa prestigjiozia Yahoo Travel të pyes ndjekësit e saj: A është Shqipëria, Kroacia e re???/atsh
https://www.facebook.com/edirama.al/videos/10155938709286523/?t=0
Travel Planet për Shqipërinë turistike, Rama publikon videon Read More »
E cilësuar si Perla e Apleve, Bashkia e Tropojës ka hapur sezonin turistik malor në zonën e Nikaj-Mërturi.
Ky aktivitet u shoqërua me valle, këngë, lojëra popullore dhe një panair ushqimor me prodhime tradicionale të zonës.
Kjo zonë vit pas viti po shënon rritje të numrit të vizitorëve, por potenciali ende është i pa shfrytëzuar.
Për kryetarin e Bashkisë së Tropojës, Besnik Dushaj, rruga drejt Currajt të Epërm, të cilësuar Perla e Apleve që tashmë ka nisur, do të japë efekte të menjëhershme në zhvillimin e turizmit.
“Besoj se keni ndier kënaqësi gjatë ngjitjes nëpër rrugën e rregulluar, nëpër krazhnjetet, malet, burimet, lumenjtë e kullat, pra dikush që nuk ka qenë herë tjetër me siguri është ndier i mahnitur. Jemi në prehër të Kakijës së Nikajve, përballë Kores së Mërturit dhe pas kësaj qafe, Qafës së M’rrethit ndodhet mrekullia e Alpeve, Curraj Epër”, tha Dushaj në nisje të fjalës së tij.
Kjo krahinë legjendare, që mban titullin e lartë “Nderi i Kombit”, kryebashkiaku vuri në dukje se “rrallë popull tjetër si Nikaj-Mërturasit kanë ruajtur vëllazërinë me njëri-tjetrin, por dhe kanë mbajtur në shpirt zjarrin e ndezur të lirisë duke e përcjellë nga brezi në brez”..
“E nuk është vetëm Eposi i Kreshnikëve kryevepra e kësaj treve, por është pasuria e madhe e gjuhës, janë virtytet e mrekullueshme, është respekti për veten dhe të tjerët, është guximi e trimëria, është mikpritja e pashoqe në botë. Ky takim i mrekullueshëm, kjo pjesëmarrje, këngët e vallet, motivimi i jashtëzakonshëm për zhvillimin e turizmit e tregon se ç’shëmbull të madh jep Nikaj Mërturi në ditët e sotme. Gjej rastin të përshëndes së pari banorët e tanishëm të këtyre fshatrave, megjithëse të pakët në numër ata po tërheqin shumë të tjerë, që të përvëluar nga malli ngjiten këtej në të gjitha stinët e vitit”, tha ai.
Dushaj shtoi se “të gjithëve na gëzon fakti se shumë turistë u drejtohen këtyre zonave, ku në këtë sektor të rëndësishëm për zhvillimin e kësaj zone po vetpunësohen disa familje nga Brisa deri në Curraj Epër duke i kthyer kullat në bujtina të mrekullueshme”.
Ai shprehu besimin se shumë shpejt numri i të punësuarve nga turizmi në këtë zonë do të shumëfishohet.
“Siç e shihni ne kemi filluar rrugën për Curraj Epër, për t’u dhënë mundësi banorëve të këtij fshati të kthehen kur të duan te vatrat e tyre, për t’u dhënë mundësi turistëve të eksplorojnë vendet më të bukura jo vetëm të Alpeve shqiptare, por ndoshta edhe të Europës”, deklaroi kryebashkiakui Tropojës.
Prefekti i Kukësit, Zenel Kuçana u shpreh i bindur se sezoni tjetër do të çelet në Zemër të Alpeve, ndërsa deputeti Isuf Çela e vuri theksin shfrytëzimi i traditave në funksion të zhvillimit.
“Besoj dhe shpresoj që këtë festë do ta hapim në Curraj Të Epërm”, tha ai. Përveç bukurive natyrore dhe ushqimeve karakteristike të zonës, trashëgimia e pasur kulturore e shpirtërore e bën më tërheqëse ofertën për tu ngjitur në Aplet e Nikaj Mërturit./atsh
