Aktualitet

TIRANË, 29 qershor/ATSH/-Pas bërjes publike në media të rastit të çiftit të të moshuarve L.M dhe F.M nga Korça, të cilët u nxorrën jashtë shtëpisë nga fëmijët dhe mbetën në rrugë të pastrehë, Ministria e Shëndetësisë dhe Mbrojtjes Sociale ka sistemuar brenda ditës, me procedurë të përshpejtuar të moshuarit e braktisur në qendrën Polivalente në Poliçan.

Duke e konsideruar si emergjencë, nëpërmjet strukturave të shërbimit social shtetëror, u bë e mundur sistemimi I çiftit të të moshuarve në Poliçan.

Ndërkohë po kryhen procedurat për plotësimin e dokumentacionit për vendosjen përfundimtare në institucionet publike rezidenciale të dy të moshuarve. Ministrja Manastirliu shprehu angazhimin për përfundimin sa më të shpejtë të procedurave, ndërkohë që të moshuarit janë strehuar menjëherë në qendrën publike të Poliçanit.

TIRANË, 29 qershor/ATSH/ – Përfaqësuesja e Lartë për Punët e Jashtme dhe Politikën e Sigurisë, Federica Mogherini dhe Komisioneri për Politikat Europiane të Fqinjësisë dhe Negociatat e Zgjerimit, Johannes Hahn në një artikull të publikuar sot në të përditshmen “Panorama” theksojnë se Shqipëria është në një rrugë të pakthyeshme drejt Bashkimit Europian.

“Këtë javë, vizioni ynë për një Europë vërtet të bashkuar vjen një hap më pranë. Shtetet anëtare të BE-së përcaktuan një udhë të qartë drejt hapjes së negociatave të anëtarësimit me Shqipërinë në qershor 2019. Kjo është në sajë të përparimit mbresëlënës që Shqipëria arriti gjatë vitit të kaluar, jo vetëm në rrugën e saj drejt Bashkimit Europian, por edhe për të përmirësuar jetën e përditshme të popullit të saj”, shkruajnë dy zyrtarët e lartë europianë.

“Ne dëshirojmë të përgëzojmë popullin shqiptar dhe institucionet shqiptare për rezultatet e arritura. Një kapitull i ri i punës sonë të përbashkët fillon sot: Komisioni Europian nisi menjëherë përgatitjet dhe ne kemi besim se ju do të ruani gjithashtu të njëjtën vendosmëri mbresëlënëse dhe punë të madhe.

Progresi në fushën e Reformës në Drejtësi është i dukshëm dhe tashmë ka bërë një ndryshim të prekshëm dhe pozitiv. Sistemi i Vetingut, i cili është në thelb të Reformës në Drejtësi dhe përfshin rivlerësimin e gjyqtarëve dhe prokurorëve, po prodhon rezultatet e para. Kjo kërkonte guxim politik dhe unitet në vend. Ndryshimet kushtetuese u miratuan njëzëri për të mundësuar një paketë reformash gjyqësore në vitin 2016.

Ky nuk është thjesht një transformim ligjor, por edhe shoqëror. Ju keni mjete të reja për ta bërë udhëheqjen tuaj të përgjegjshme në fushën e drejtësisë, por edhe në fusha të tjera. Sa më shumë që Shqipëria të bëjë për nevojat e kërkesat e popullit të saj, aq më shumë do të përparojë drejt anëtarësimit në BE.

Ju keni bërë një zgjedhje të ndërgjegjshme: më shumë se 80 përqind e shqiptarëve e mbështesin projektin evropian. Dhe ne kemi vërtet nevojë për entuziazmin dhe përkushtimin tuaj ndaj projektit europian. Tani është koha që Shqipëria të mbështetet në progresin e bërë dhe të vazhdojë të punojë me të njëjtën vendosmëri, veçanërisht për reformën gjyqësore dhe luftën kundër korrupsionit dhe krimit të organizuar. Puna gjatë vitit që vjen është një investim në integrimin tuaj në BE.

Çdo hap ka rëndësi. Ecja në këtë rrugë jo vetëm që ju lejon të hapni negociatat, por edhe ta bëni këtë në mënyrën më efektive të mundshme. Në çastin kur negociatat të hapen zyrtarisht, ju do të jeni tashmë duke vrapuar. Ky do të jetë një vit pune për BE-në gjithashtu. Komisioni tashmë ka filluar punën e nevojshme përgatitore drejt qershorit 2019, duke përfshirë, ndër të tjera, kuadrin e ardhshëm negociues. Gjithkush ka një rol për të luajtur në këtë proces historik.

Të gjitha grupet politike dhe partitë, autoritetet vendore dhe shoqëria civile duhet të punojnë së bashku më shumë se kurrë për t’u përgatitur për hapjen e negociatave të anëtarësimit dhe për të marrë përgjegjësinë e plotë të këtij procesi. Dyert e Bashkimit tonë janë të hapura. Rruga juaj drejt Bashkimit Europian është bërë e pakthyeshme.

Tani varet nga ju që të ecni përpara në këtë rrugë drejt një të ardhmeje të prosperitetit dhe sigurisë së përbashkët. Është vendimi i lirë dhe sovran i popullit tuaj, i askujt tjetër. Ëndrra jonë e përbashkët për një kontinent europian të bashkuar është në duart tuaja”, theksojnë në shkrimin e tyre Përfaqësuesja e Lartë për Punët e Jashtme dhe Politikën e Sigurisë, Federica Mogherini dhe Komisioneri për Politikat Europiane të Fqinjësisë dhe Negociatat e Zgjerimit, Johannes Hahn./atsh

Të 10-të klientët më të mëdhenj kanë ulur ekspozimin e tyre në kursimet bankare, por gjithsesi në fund të vitit të kaluar ata zotëronin rreth 500 milionë euro kursime ne sistem.

Departamenti i Mbikëqyrjes Bankare në Bankën e Shqipërisë raportoi se fundmi se depozitat në sistemin bankar arritën në fund të vitit 2017 në 1.16 trilion lekë me një rritje vjetore prej 0.74%, krahasuar me një vit më parë.

Në dhjetor 2017, dhjetë depozituesit më të mëdhenj zotëronin 5.46% të totalit të depozitave të sistemit bankar me mbi 65 miliardë lekë ose rreth 500 milionë euro, kundrejt 6.16% që zinin në dhjetor 2016.

Banka verën se e njëjta ecuri tkurrëse e përafërt vërehet edhe për grupet e tjera të depozituesve të mëdhenj. Depozitat e individëve mbeten baza kryesore e depozitave të sistemit, me peshë prej 83.24% të totalit të depozitave, por me një rënie rreth 0.19 pikë përqindjeje krahasuar me një vit më parë.

Ekspertiza e bankës shpjegon se kjo sjellje vjen si pasojë e kombinimit të efekteve të ecurisë së normave të interesit të tregut me faktorë të jashtëm. Gjatë këtij viti, llogaritë e bizneseve janë rritur me ritme më të larta se llogaritë e individëve (përkatësisht 3.27% dhe 0.46%).

Depozitat e sistemit janë rritur me rreth 8,5 miliardë lekë këtë vit, përkundrejt rritjes me rreth 59 miliardë lekë, në vitin 2016.

Depozitat e klientëve mbeten burimi kryesor i financimit për sistemin bankar shqiptar, me një peshë prej 80.41% (82.27% në dhjetor 2016) të totalit të pasivit.

Pesha e monedhës vendase në totalin e depozitave ka rënë lehtësisht në 47.08%, nga 47.2% në dhjetor 2016.

Struktura e maturitetit është zhvendosur në drejtim të afateve më të shkurtra, sepse është rritur pesha e llogarive rrjedhëse dhe depozitave pa afat, ndërkohë që depozitat me afat janë tkurrur relativisht nën ndikimin e uljes së vazhdueshme të normave të interesit të tregut.

Juristi Romeo Kara ka paralajmëruar supriza në procesin ndaj Kastriot Ismailajt. Sipas tij në trysninë e burgut Meta dhe Berisha po bëjënë të pamundur lirimin e tij , pasi në të kundërt Kastriot Ismailaj është zotuar se do t’I marrë me vete.

Reagimi i juristit Kara:

Unë ju siguroj se tashmë është zbardhur mjaftueshëm afera e privatizimit të OSSHsë. Prej 23 nëntorit 2016, ajo është bërë publike nga unë, përpara komisionit hetimor parlamentar të ngritur për këtë qellim.

Më datën 31 Mars 2017 unë kam bërë kallëzimin përkatës në Prokurorinë e Përgjithshme dhe me pas dhjetra orë deklarime në mbështetje të këtij kallëzimi, pranë kësaj prokurorie. E gjithë zallamahia që ka ndodhur lidhur me këtë aferë, është paraqitur e mbështetur me fakte, analiza dhe e ballafaquar më së miri me aktet ligjore dhe nënligjore, të cilat janë shkelur hapur nga qeveria dhe aktorët e tjerë pjesëmarrës.

Është e pafalshme që prokuroria nuk gjen kurajon profesionale dhe civile për të çuar këtë dosje në gjykatë. Zvarritja e prokurorisë, po dëmton shumë rëndë integritetin e këtij procesi, po dekurajon opinionin drejtësidashës, po trimëron zullumqarët si dhe po komprometon të gjithë sistemin e drejtësisë.

Kjo prokurori ka certifikuar një shtojcë të pashkruar të realitetit që: Kodi Penal, burgu dhe sekuestrimi, barazia para ligjit dhe llogaridhënia nuk kanë të bëjnë me Sali Berishën dhe familjarët e tij. Nëse prokuroria do të ishte 1% me integritet, atëherë Sali Berisha do të ishte pa asnjë dyshim mbrapa hekurave dhe pasuria e tij totalisht e sekuestruar.

Jo vetëm që nuk ndërmerren këto hapa të duhur ligjore, por jepen sinjale të qarta përkrahjeje suportuesve të keqbërësit tjetër në rastin DIA, Kastriot Ismailaj. Përflitet se çudia ndaj tij do vij nga Gjykata e Lartë dhe nuk do jetë çudi që kjo Gjykatë të veprojë me të ashtu siç veproi me mikun e tij Meta.

Përveç aferës se privatizimit, Saliu dhe presidenti Meta janë të përfshirë edhe në korrupsionin DIA-CEZ. Natyrisht dhe logjikisht këta kumbarë janë të interesuar dhe nën presion për të nxjerre nga burgu Kaçin e tyre, përndryshe Kaçi është zotuar t’i marrë me vete. Edhe pse me prova, video dhe foto, e-maile dhe transaksione të provuara bankare, përsëri arrestimi i Metës dhe i Berishës konsiderohet si një mollë e ndaluar.