Një debat i ashpër i të enjtes mbrëma lidhur me mosvotimin e ligjit për shembjen e Teatrit Kombëtar në Kuvend, bënë që Ministri i Diasporës Pandeli Majko t’i drejtohej zyres se kryeministrit Edi Rama që të premten në mëngjes.
Aty Majko i ofroi dorëheqjen kryeministrit, por ky i fundit mësohet se e ka refuzuar.
Majko shfyrtëzoi një telefonatë për t’u larguar nga salla të enjten në mbrëmje vetëm pak para se të niste votimi për ligjin që i hap rrugën shembjes së Teatrit Kombëtar. Ky ishte vetëm epilogu i një diskutimi me ton dhe gjeste mes tij dhe Kryeministrit Rama, ku të dy dukeshin mjaft të irrituar.
Distanca e tyre nga kamerat e bën të pamundur të dëgjohet biseda, por sipas deputetëve të Partisë Demokratike që qëndrojnë të ulur pranë postacionit të kabinetit të qeveritar, Rama i është drejtuar Majkos me fjalët: “Mos më bëj numra, po nuk deshe të votosh, ik në shtëpi!” Pas kësaj, Majko duket në pamje ndërsa merr celularin, hap një telefonatë dhe del nga salla e Parlamentit pa marrë pjesë në votim.
Gjatë të premtes Majko nuk iu përgjigj interesimit të Top Channel për të shpjeguar se cfare ndodhi në Parlament dhe qëndrimin e tij për Teatrin Kombëtar.
Prej një muaji, i gjithë globi është përfshirë nga ethet e Kampionatit Botëror të Futbollit që po zhvillohet në Rusi. Në këtë fazë, shumë ndër ne kanë përjetuar edhe eleminimin e skuadrës së zemrës. Por, kur 8 skuadrat më të mira do të ndeshen sot dhe nesër për të përcaktuar kush do të kalojë në gjysmëfinale, revista e njohur britanike “Monocle”, e cila shpërndahet në të gjithë botën, ka bërë një pyetje të thjeshtë për lexuesit e saj: Cila do të ishte 11-shja më e mirë nëse sot do të zhvillohej kampionati botëror i Kryebashkiakëve?
Sigurisht, revista britanike është përgjigjur (duke marrë rolin e trajnerit) me hedhjen në fushë të 11-shes së Kryebashkiakëve më të mirë, mes të cilëve edhe kreun e Bashkisë së Tiranës, Erion Veliaj. Ai renditet në të njëjtën skuadër me emra kryebashkiakësh shumë të njohur në botë, si e Montrealit në Kanada, Seattle dhe Las Vegas në SHBA, apo kreut të Bashkisë së Seulit, Taipeit, Nju Orlins etj.
“Monocle” sjell në vëmendje disa nga nismat e kryebashkiakut Veliaj, të cilat ia kanë ndryshuar fytyrën Tiranës në tre vitet e fundit, duke përmendur veçanërisht përpjekjen e tij për një qytet të njerëzve dhe jo të makinave, me shtimin e përdorimit të biçikletave në kryeqytet. Revista thekson se cilësia që bashkon të gjithë 11-shen e kryebashkiakëve është qasja e tyre dhe mënyra se si këta janë njerëz e marrin seriozisht punën.
Ah, roli i Veliajt në skuadrën e 11 kryebashkiakëve më të mirë? Mban nr. 11, pra sulmues krahu.
Shkrimi i plotë i revistës Monocle:
E gjitha për t’u luajtur…
Me ethet e Kupës së Botës që na kanë rrëmbyer të gjithëve, menduam të formojmë së bashku një skuadër kryebashkiakësh superstarë, të gatshëm të japin 110% ‘në fushën e lojës’. Të gjithë e dimë se ndeshjet fitohen me gola dhe, duke filluar nga përmirësimi i transportit publik (për këmbësorët) deri në trajtimin e temës së racizmit, skuadra jonë e kryebashkiakëve ka plot golashënues.
Rregulli i futbollit na ka treguar shpesh se një ekip me kampionë, del i dyti vetëm pas ekipit kampion. Por, Njëmbëdhjetëshja jonë e Kryebashkiakëve Botërorë i përfshin të dyja këto. Ndryshe nga shumica e trajnerëve që u është dashur të sjellin vetëm një skuadër në Kupën e Botës, ne patëm mundësi të zgjidhnim nga e gjithë bota – por kjo, sigurisht, e bëri edhe më të vështirë detyrën tonë.
Cilësia që e bashkon 11-shen e zgjedhur është mënyra e tyre e të menduarit, me një nuhatje të shkujdesur e të pazakontë. Ata janë njerëz që i kushtojnë shumë rëndësi punës, por jo vetes. Në vend që të fajësojnë të tjerët, humbjet i shohin si mundësi për të mësuar sit ë fitojnë herës tjetër. Kurse, në fitore tregohen bujarë. Kryebashkiakët më të mirë, ashtu si futbollistët më të mirë, është një kënaqësi e vërtetë t’i njohësh.
PORTIER
1. Phil Goff – Auckland
Duar të sigurta, që bëjnë të mundur atë që Gianluigi Buffon bëri për Italinë: jep siguri. Si të gjithë pritësit e mirë të goditjeve, Goff i ka dhënë përparësi të drejtave themelore: mjedisit, transportit dhe strehimit.
MBROJTËS
2. Libby Schaaf – Oakland
Kryebashkiaku Demokrat i qytetit Kalifornian që prej 2015-ës, Schaaf ka mbajtur një qëndrim kundër Donald Trump dhe u sulmua rëndë nga ky i fundit kur paralajmëroi komunitetin lokal për ndërhyrjet e mundshme të oficerëve të emigracionit.
MBROJTËS
3. Bart Somers – Mechelen
Somers është mësuar të ndalojë sulmet me përkushtimin për të integruar refugjatët. E ndonëse Belgjika ishte vendi kryesues që furnizonte legjionin e huaj të ISIS-it për banorë, asnjë prej tyre nuk ishte nga Mechelen. Ai është Franz Beckenbauer-i ynë.
MBROJTËS
4. Carolyn Goodman – Las Vegas
Një shembull i njeriut jo-partiak, Goodman nuk identifikohet as si Republikane dhe as Demokrate. Ajo ka bërë shumë për transportin public në një qytet të mbushur me makina dhe reagoi fuqishëm për sulmet e vitit të kaluar në Harvest Festival në Rrugën ‘91.
MESFURSHOR-MBROJTËS
5. Mitch Landrieu – New Orleans
Çdo rol në qeverisjen e Neë Orleans është dukshëm në mbrojtje: detyra e përjetshme e qytetit është të mbajë larg rrugëve të tij Liqenin Pontchartrain. Landrieu zë vend para tre mbrojtësve të tjerë, për shkak se si e menaxhoi situatën me fushatën për heqjen e monumenteve të Konfederatës.
MESFUSHOR
6. Ko Wen-Je – Taipei
Kryebashkiaku i Taipeit është një lojtar kyç, timonier i lirë, pa parti, i cili mund t’i konfuzojë shokët e tij po aq sa edhe kundërshtarin. Por, ia vlen bara qeranë.
MESFUSHOR
7. Park Won-soon – Seoul
Furnizues kreativ, por i ndjeshëm, në qendër të gjithçkaje – ai është Luka Modriç i ekipit tonë. Ka instinktet e nevojshme bashkëpunuese, i cili u votua nën sloganin “Qytetarët janë kryebashkiakë”.
MESFUSHOR
8. Valerie Plante – Montreal
Një prurje e re dhe energjike, pjesë e dukshme e së majtës, Plante është dikush që beson në lëvizjet e shpejta, ka premtuar të pajisë rrugët e Montrealit me 300 autobusë të rinj dhe të ndërtojë një linjë të re metroje.
SULMUES
9. Jenny Durkan – Seattle
Kur mori detyrën, Durkan tha se ajo dëshironte një Seattle “të fortë dhe të butë” – një besim jo i keq për një sulmues në pozicionin e Lionel Messit.
SULMUES
10. Ridwan Kamil – Bandung
Një sulmues i shkollës së vjetër, Kamil e di se ajo çka vlen është rezultati. Në 5 vite si kryebashkiak i Bandung, ish-arkitekti superstar ka organizuar një pastrim të shpejtë të rrugëve.
SULMUES
11. Erion Veliaj – Tirana
Përpjekjet e Veliajt për të ulur makinat në qytet dhe rritur përdorimin e biçikletave në rrugët e qytetit, e kanë bërë Tiranën më efiçente. E shkuara e tij si aktivist, i fal atij pasionin ikonoklasik të një ish redaktori reviste.
Në stolin e rezervave
Kryebashkiaku i Toyama-s, Misashi Mori ka marrë goxha vlerësime për ambiciet e tij për të sjellë sa më afër qytetarëve çdo shërbim të qytetit – ky planifikim ngjason me stilin e futbollit total të mjeshtrit hollandez Johan Cruyff.
Përpjekja e Lisa Helps për modernizim – pavarësisht zhurmës së tradicionalistëve – e bën kryebashkiaken e Victorias, në British Columbia, t’i ngjajë Arsene Wenger-it.
Formacioni:
Ekipi i formuar nga revista Monocle ka një qasje sulmuese: të bësh punë në nivel vendor kërkon shpesh vullnet dhe dëshirë për të rrezikuar, prandaj kemi zgjedhur një formacion krejtësisht atipik: 3-1-3-3.
Mbrojtja dhe sulmi:
Mbrojtja jonë mund të jetë e besueshme dhe pragmatike, por nënkupton se është edhe fronti i parë e sulmit. Mesfusha është metodike në qendër, por guxuese në krahë. Kurse, sulmuesit, janë kreativë, prodhues dhe të sigurt në gjetjen e shanseve për të fituar ndeshjet.
Ka vijuar me ceremonitë e lamturimërës Ambasadori i SHBA në Tiranë, Donald Lu. Ndërsa është në ditët e fundit të mandatit të tij e në kohë kur është lakuar edhe emri i ambasadorit të ri që do të vijë në Tiranë, Lu ka falënderuar komunitetin shqiptar. Në ceremoninën për pavarësinë e SHBA-së, të organizuar nga Dhoma Amerikane e Tregtisë, ai e vuri theksin tek liria në fjalën e tij përshëndetëse.
“Mbase keni dëgjuar që unë dhe gruaja ime po largohemi këtë verë dhe duam t’ju falenderojmë të gjithëve për mbështetjen e miqësinë tuaj. Në ditën e lindjes së vendit tonë Amerikë, flasim për lirinë, dhe dua të them një shprehje të Rose Parks që kërkoi lirinë e saj dhe refuzoi të rrinte në fundin e autobusit: Do doja të kujtohem si një person që donte të ishte e lirë, në mënyrë që edhe të gjithë jenë të lirë,” tha Donald Lu./korrieri
Emisioni investigativ “Stop” është ndalur në qendrën shëndetësore Lezhë, aty ku ndodhet edhe konsultorja e nënës dhe fëmijës. Por mjekët kanë bërë një peticion, me të cilin kundërshtojnë zhvendosjen e kësaj qendre në Kodër Marlekaj. Banorët thonë se nuk mund t’i çojnë fëmijët në qendrën e re, pasi është shumë larg e nuk kanë mundësi lëvizjeje. Gazetarja e emisionit provon distancën me qendrën e re dhe iu deshën 30 minuta për të arritur në destinacion, në Kodër Marlekaj.
Madje mjekë dhe infermierë të kësaj konsultoreje kanë firmosur një peticion pasi janë urdhëruar që brenda disa ditëve do të lënë këto ambiente dhe do të drejtohen drejt zonës Kodër Marleka, aty ku është ndërtuar një qendër e re.
Në bazë të peticionit mjekët dhe infermierët e kësaj konsultoreje kundërshtojnë largimin, sepse ata deklarojnë se ndoshta nuk është e menduar mirë për vetë faktin, sepse largësia është shumë e madhe.
Qytetarja 1:Me na e çu në Kodër Marlekaj nuk na pëlqen, për arsye se atje ka makina shumë, është autostradë ndodhin shumë aksidente…
Qytetarja 2:Nuk e përballoj dot është e pamundur.
Qytetarja 3:Atje nuk mundemi të shkojmë se kemi dy fëmijë binjakë, është shumë larg… nuk kemi para për taksi.
Mjekja:Gjithë problemi është se çfarë do të ndodhë me komunitetin, vajtje-ardhje e komunitetit deri atje. Ne jemi të gatshëm të punojmë kudo që të jetë, s’kemi asgjë personale as me Drejtorinë as me dikë tjetër, problemi qëndron te nënat.
Gazetarja:Sa larg është ?
Mjekja:Një nënë me fëmijë merr rreth 1 orë.
Qytetarët bëjnë thirrje nëpërmjet emisionit “Stop”, që të anulohet vendimi.
Një denoncim për shkatërrimin e plazhit është publikuar nga ish kryeministri Sali Berisha, sipas të cilit në plazhin e Vlorës po kryhen ndërhyrje për grumbullimin e ujërave të zeza pranë pompave që furnizojnë qytetin me ujë të pijshëm.
Lexoni mesazhin dhe shikoni videon e qytetarit dixhital: “pershendetje zoti berisha jam nje njeri dixhital shikoni ca ben kryetari bashkis vlore te pompat numer kater ku funizon gjith vloren me uij te pishem po bejn bledhjen e ujrave te zeza ky eshte shteti qe duam me oligart e edvin kristaq rames dhe drejtori i ujsiellsit i keni ne vidio bashk me djalin e bisesmenit qe sla shkebinje natyror pa shqyer e pa betonizuar per te ber plazh perivat dhe ne populli thjesht sgulim dot nje gozhd”/Shkodranews
Bie tjetër tërmet në vend. Vendi është përfshirë sërish nga lëkudjet, në vazhdimësi të këtyre dy ditëve, ndërsa magnituda ka qenë më e vogël se 4.
Rreth orë 17:28 kanë qenë lëkundjet e fundit, por kësaj here epiqendra ka qenë në Jalë, Himarë, me magnitudë 2.2, ndërsa rreth të njëjtës orë është ndjerë sërish në Durrës, me magnitudë 2.7, e me epiqendër në Hamallaj.
Ditën e mrëkurë Tirana u trondit nga një tërmet i fuqishëm që shkaktoi panik të madh në njerëz dhe dëme në disa banesa./Korrieri
Ministri i Diasporës Pandeli Majko duke se e ka bërë vetë i pari hapin, pasi kundërshtoi shefin e tij me mosvotim të ligjit për shembjen e Teatrit Kombëtar. Burimet i thanë Top Channel se Majko i ofroi dorëheqjen kryeministrit mëngjesin e kësaj të premteje, por ky i fundit mësohet se e ka refuzuar. Majko shfyrtëzoi një telefonatë për t’u largua nga salla të enjten në mbrëmje vetëm pak para se të niste votimi për ligjin që i hap rrugën shembjes së Teatrit Kombëtar. Ky ishte vetëm epilogu i një diskutimi me ton dhe gjeste mes tij dhe Kryeministrit Rama, ku të dy dukeshin mjaft të irrituar.
Distanca e tyre nga kamerat e bën të pamundur të dëgjohet biseda, por sipas deputetëve të Partisë Demokratike që qëndrojnë të ulur pranë postacionit të kabinetit të qeveritar, Rama i është drejtuar Majkos me fjalët: “Mos më bëj numra, po nuk deshe të votosh, ik në shtëpi!” Pas kësaj, Majko duket në pamje ndërsa merr celularin, hap një telefonatë dhe del nga salla e Parlamentit pa marrë pjesë në votim. Gjatë të premtes Majko nuk iu përgjigj interesimit të Top Channel për të shpjeguar se cfare ndodhi në Parlament dhe qëndrimin e tij për Teatrin Kombëtar.
Për të njëjtën godinë, Pandeli Majko ka pasur edhe një tjetër përplasje me Edi Ramën, kur në vitin 2002, atëherë kryebashkiaku Rama kërkonte ta prishte Teatrin duke e cilësuar “një muze për mbathjet e Violeta Manushit”. Në atë kohë Majko ishte Kryeministër i vendit dhe nuk pranoi planin e Ramës. 16 vjet më pas, demokratët i kërkuan Pandeli Majkos të tregojë të njëjtën koherencë. Por thirrjes publike të kreut të opozitës Basha, Majko iu përgjigj me një postim në Tëitter, ku i pëlqen t’i rikujtojë vetes se ka qenë dy herë kryeministër i vendit. Përgjigjia e tij më shumë se politike, ishte një koment prej kritiku arti që jep këshilla për kalendarin artistik. Të enjten e seancës parlamentare Majko ishte një prej ministrave që qëndroi më gjatë nga të gjithë në sallë, por nuk tha asnjë fjalë për teatrin./Korrieri
“Nuk do të ketë tolerancë për subjektet që nuk plotësojnë kushtet higjieno-sanitare dhe kërcënojnë shëndetin e qytetarëve”.
Nga Durrësi, ku inspektoi qendrat shëndetësore verore dhe masat e marra për një sezon turistik të sigurtë, ministrja e Shëndetësisë, Ogerta Manastirliu paralajmëroi një aksion intensiv në bare, restorante, pishina, subjekte të prodhimit apo përpunimit të produkteve ushqimore për plotësimin e kushteve higjieno-sanitare.
“Ndër masat e shëndetësisë për një sezon turistik të sigurtë është kontrolli i vazhdueshëm higjieno-sanitar i subjekteve në zonat turistike, proces që e kemi filluar që prej muajit prill, por po intensifikohet gjatë sezonit dhe jemi të vendosur për të marrë të gjitha masat për të ndëshkuar çdo subjekt që kërcënon shëndetin e qytetarëve, me gjoba deri në mbyllje të aktivitetit”, – u shpreh Manastirliu gjatë inspektimit të kontrolleve që po kryhen në terren nga inspektorët e Inspektoriatit Shtetëror Shëndetësor.
Në kuadër të masave për sezonin turistik, Manastirliu pa nga afër qendrën shëndetësore verore “Currilat”, e cila ofron shërbim 24/7 gjatë sezonit turistik. Ajo bëri të ditur se vetëm gjatë muajit qershor 5379 qytetarë morën shërbime në qendrat verore përgjatë gjithë bregut, por edhe në zonat malore ku janë hapur qendra të posaçme për sezonin turistik.
Manastirliu ndoqi gjithashtu edhe procesin e dezinsektimit në Durrës dhe garantoi se ky proces do të vijojë deri në muajin shtator.
Përgjatë vijës bregdetare të Durrësit janë hapur 6 qendra verore: Në Gjirin e Lalzit, Plazhi i vjetër, Currila, Shkëmbi Kavajës, Golem, Mali i Robit. Spitali i Durrësit gjithashtu do të jetë në gatishmëri me personel të përforcuar për sezonin turistik bashkë me autoambulancat për çdo rast emergjent. Sipas Ministrisë së Shëndetësisë, 26 qendra shëndetësore verore të hapura nga veriu në jug të vendit, po ashtu janë vendosur 17 autoambulanca të pajisura me të gjithë mjetet jetëshpëtuese – pajisje të reja, bashkëkohore që ka çdo autoambulancë e vendosur në zonat më të frekuentuara turistike për të garantuar ndihmën e parë në kohë.
Ndërkaq, nga Inspektoriati Shtetëror Shëndetësor janë kryer kontrolluar 2321 subjekte, ku janë lënë masa për përmirësimin e kushteve higjieno-sanitare ndërsa gjatë muajit të fundit janë inspektuar rreth 711 subjekte, kryesisht pishina, bare dhe restorante.
Masat e parashikuara për subjektet që nuk plotësojnë kushtet janë mbyllje provizore, gjobë që shkon deri në 500 mijë lekë të reja deri në mbyllje totale aktiviteti./atsh
