Aktualitet

Aferat e peshkut të madh të OSHEE nga vjedhjet me tendera deri tek ndarja e parave të shqiptarëve si shpërblim për hajdutët e OSHEE

Operatori i Shpërndarjes së Energjisë Elektrike me në krye Ardian Çelën është shndërruar në një prej degëve më të korruptuara, shpërdoruese dhe arbitrare të qeverisjes së vendit. Fillimisht, lukunia e hajdutëve të OSHEE vjedh qytetarët me anë të mbifaturimeve. Më pas, drejtuesit e OSHEE bëjnë rrush e kumbulla paratë e shqiptarëve të mbledhura në mënyrë të ligjshme dhe të paligjshme. Një pjesë e aferave të OSHEE nën drejtimin e Ardian Çelës janë dokumentuar nga Kontrolli i Lartë i Shtetit me anë të një raporti voluminoz.

Prokuroria dhe gjykatat aktuale janë të pafuqishme për ta marrë në dorë një dosje të tillë, për shkak se pas OSHEE fshihen peshq edhe më të mëdhenj se Ardian Çela. Përgjegjësit për shkeljet e panumërta që kanë sjellë si pasojë një dëm të madh në buxhetin e shtetit, mund t’i ndëshkojnë vetëm organet e SPAK-ut, konkretisht Byroja Kombëtare e Hetimit, Prokuroria e Posaçme dhe Gjykatat Speciale, të cilat do të ngrihen në muajt në vijim.

Duke nisur nga sot, Pamfleti do të nisë të botojë dosjen e plotë të aferave të OSHEE, afera të cilat janë konsumuar nën hundën e Edi Ramës dhe disa ministrave, të cilët në fund, kur t’u ngushtohet laku i drejtësisë, do të tentojnë të bëjnë kurban Ardian Çelën, i cili në fakt është përgjegjësit kryesor për shpërdorimet e llahtarshme në OSHEE.

Shkeljet nisin me dhënien e shpërblimit në fund të vitit punonjësve, në shkelje të ligjit, në shumat 168,990,000 dhe 43,437,460 lekë, para daljes së rezultatit financiar vjetor. Nga ana tjetër, nga largimet e padrejta nga puna, për të futur në punë njerëzit e partisë, dëmi në buxhet është 188,060,525 lekë.

Sigurisht një pjesë të shpërdorimeve e zënë tenderat, ku vetëm me një dorë janë vjedhur mbi 500 mijë euro. Sipas dosjes, blerjet me vlera të vogla janë kryer pa u bërë, specifikimi i saktë i mallrave dhe i materialeve që janë prokuruar, si dhe nuk janë dhënë detaje teknike të plota. Gjithashtu, blerjet me vlera të vogla, janë kryer pa u argumentuar nevoja për blerjen e mallrave, materialeve dhe shërbimeve. Pra, OSHEE ka sajuar blerje vetëm për të shpërdoruar paratë.

Për 13 tendera, në përllogaritjen e vlerës të kontratës, nuk janë harmonizuar metodat e vendosura në aktet ligjore e nënligjore të prokurimeve, si dhe çmimet e botuara nga INSTAT-i, apo çmime të tjera zyrtare, të njohura nga institucionet përkatëse, duke sjellë dëme në buxhet.

Për 10 tendera, në hartimin e dokumenteve të tenderit, nuk janë dhënë argumentime mbi vendosjen e çdo kriteri të veçantë për kualifikim. Kriteret arbitrare janë vënë për t’i dhënë tenderin dikujt me paracaktim. Nga ana tjetër, për 8 tendera, specifikimet teknike nuk janë hartuar plotësisht në përputhje me nenin 23 të Ligjit nr. 9643, datë 20.11.2006 “Për prokurimin publik”. Pra, për disa tendera vendos specifike arbitrare, për disa të tjerë heq edhe ato specifike që duhen sipas ligjit.

Për 7 tendera, kualifikimi dhe shpallja fitues e operatorëve ekonomik nga KVO, si dhe

lidhja e kontratave, është kryer në mënyrë të paligjshme. Nga ana tjetër, anulimi i procedurave të prokurimit nga autoriteti kontraktor, është kryer pa analizuar dhe nxjerrë përgjegjësitë për shkaqet subjektive që vërehen në procedurat e anuluara, në kundërshtim me Ligjin nr. 9643, datë 20.11.2006 “Për prokurimin publik”. Këto abuzime janë një pikë në oqeanin e abuzimeve të OSHEE./Pamfleti

Banorët e fshatit Bartanesh në Krujë çdo fushatë zgjedhjesh shesin votën e tyre kundrejt 50 mijë lekëve, si rrjedhojë e varfërisë. Ata pohojnë për Fiks Fare se edhe bletët u kanë ngordhur nga hashashi që është mbjell në fshat.

Grupi i xhirimit të Fiks Fare udhëtoi drejt Bartaneshit i cili ndodhet vetëm 6 kilometra larg Krujës , por rruga e keqe pothuajse ka izoluar fshatin dhe banorët e tij. Problemet nuk kanë të sosur në fshat dhe për këtë arsye gjendja ekonomike e banorëve është e keqe. Madje ata shprehen për Fiks Fare se koha më e lumtur për ta ka qenë koha e komunizmit.

Gruaja e moshuar (e gjeni ne minuten 05:20 ne videon me lart)

Nuk ka bletë aty në koshere?
Jo
Po pse cfarë ka ndodhur?
Për zotin tashi mo, unë ja kam lënë drogës.

Ambasadori amerikan Dondal Lu në daljen e tij të fundit publike në Shqipëri e tha qartë dhe prerë se është pajustifikueshme zvarritja e arrestimit të Klemend Balilit apo hetimi i 613 kg kokainë kolumbiane që i ndalua dhe konfiskua në Durrës.

Madje tha se kanë qënë organet ligjzbatuese amerikane ata që evidentuan faktin se Klemend Balili ishte një trafikant droge por dhe dërguan provat dhe faktet për ta shpallur atë në kërkim ndërkombëtar për trafik të drogërave të forta.

Njëherësh Donald Lu tha se ishin po organet ligjzbatuese amerikane ata që përgatiten arrestimin e pronarit të kontenierëve të 613 kg kokainë, Arbër Çekaj(Kuliçi) në Gjermani.

Ambasadori amerikan Donald Lu u shfaq i brengosur, i pakënaqur dhe sulmoi publikisht qeverinë, prokurorinë dhe policinë shqiptare që nuk kanë goditur këta trafikantë, për t’i arrestuar, hetuar dhe dërguar në burg.

Por më të pakënaqur kanë qënë me prokurorinë shqiptare dhe Kryeprokuroren e përkohëshme Arta Marku.

Shkak për këtë zhgënjim të madh ka qënë ngecja e hetimeve për drogën kokainë që vinte nga Kolumbia, të ndaluar dhe sekuestruar në portin e Durrësit muaj më parë.

Më se njëherë ambasadori amerikan ka kërkuar përfundimin e hetimit të kësaj dosjeje kokaine, e cila ka sjellë shqetësim dhe në zyrën qëndrore të DEA për rajonin tonë në Athinë por dhe atë të FBI për rajonin, në Sofje.

Mësohet se FBI dhe DEA i kanë kërkuar Arta Markut që të përparojë me hetimet e kësaj droge të fortë për të mësuar se kush qëndron prapa Kuliçit të vogël, pronar i kontenierëve në të cilët u gjet mbi 613 kg drogë kokainë.

Dhe duke parë që hetimet kanë ngecur, madje as përmendet më përgatitja e dosjes për ekstradimin e Arbër Kuliçajt nga Gjermania në Shqipëri, FBI dhe DEA amerikane e antidrogës kanë marrë vetë në “dorë” hetimin e këtij trafiku.

Mësohet se organet ligjzbatuese amerikane kanë kaluar në “skaner” tërë procesin e bërjes biznesmen bananesh të Kuliçit të vogël. Por dhe lidhjes së tij me pushtetin dhe konkretisht përfitimin e mbështetjes për biznesin në moshën 20 vjeçare nga ish badigardi i Berishës-ish zv.drejtor i Policisë së Shtetit, njëherësh kushuriri i tij Agron Kuliçi.

Ekspertët e FBI e DEA-s kanë kaluar në “sitë” dhe financimet e marra nga buxheti i shtetit nga ana e firmës “Arbri Garden” të Arbër Kuliçit, e konkretisht nga Ministria e Bujqësisë e drejtuar në atë kohë nga Edmond Panariti.

Mësohet se organet ligjzbatuese amerikane tashmë të “ngulura” në Shqipëri për të zbardhur trafikun e 613 kg heroinë kolumbiane të kapur në Durrës, por mundohen të lidhin të gjitha ngjarjet bashkë dhe të hetojnë kush ka qënë i interesuar t’i dekonspirojë.

Pasi si rasti i mbi gjysmë toni kokainë që u kap në Durrës pa u gjetur kupola e trafikut, si 3.4 milionë eurot e ardhura me makinat “Toyota Yaris” nga Gjermania pa u gjetur pritësi i parave, kanë të njejtën dorë që ka dekonspiruar aksionin. Duke bërë që pronarët e vërtetë që qëndrojnë pas këtyre trafiqeve, të shpëtojnë për momentin nga prangat.

Madje dekonspirimi shkond deri atje sa dhe Arbër Kuliçi lajmërohet dhe largohet nga Shqipëria pa u kapur, siç ndodhi me Vladin e 3.4 milionë eurove që erdhën në mënyrë klandestine në Shqipëri dhe që u dekonspiruan nga kreu i PD Lulzim Basha.

Mësohet se FBI dhe DEA amerikane kanë arritur t’i lokalizojnë dekonspiruesit e aksioneve kundër trafikut të drogës dhe të lëvizjeve të parave të krimit.

Pikërisht nëpër këto pista po hetojnë dhe organet ligjzbatuese amerikane, të zhgënjyera nga Prokuroria shqiptare, por të vendosura për t’i shkuar deri në fund vetë këtyre hetimeve./Pamfleti

Nga Londra Edi Rama ka dhene detaje lidhur me marreveshjen e Shqiperise dhe Greqise per te cilen shume po flitet e akuzohet.

Greqia dhe Shqipëria do të përfundojnë marrëveshjen e tyre “me një dokument të ri të partneritetit strategjik”, i tha Kryeministri shqiptar Edi Rama Agjencisë së lajmeve ANA të martën në Londër.

“Siç e dini, ne po përballemi me një proces të vështirë, por absolutisht të nevojshëm për zgjidhjen e çështjeve mes nesh, Shqipërisë dhe Greqisë”, tha Rama për ANA.

“Gjëja më e rëndësishme është se ne i përdorim këto probleme jo vetëm për t’i zgjidhur ato, por edhe për ta transformuar zgjidhjen në një nivel të ri të partneritetit dhe bashkëpunimit”.

Të dy vendet kanë pasur marrëdhënie për shtatëdhjetë vjet, vuri në dukje ai, “të cilat janë karakterizuar nga lidhje gjithnjë e më të natyrshme midis njerëzve”.

Kryeministri shqiptar shtoi: “Është shumë e natyrshme dhe në një farë mënyre përmes zgjidhjes do të arrijmë në nivelin e njerëzve normalë, të qytetarëve mesatarë që tashmë e kanë kapërcyer të kaluarën dhe janë përqafuar njëri tjetrin”./korrieri

Nje dite me pare, anetari i Gjykates se Larte Admir Thanza perloti publikun me rrefimin e tij kur fliste per denimin ne Itali, po aq sa edhe shokoi me kritikat qe mori nga KPK per figuren dhe pasurine e tij.

Sot, shqiptarja.com shkruan se ish-kryeministri Sali Berisha, ish-presidenti Bujar Nishani dhe ish-kryetarja e Kuvendit, Jozefina Topalli kanë një rol vendimtar në emërimin e Admir Thanzës si anëtar i Gjykatës së Lartë, sot në prag të shkarkimit për shkak të lidhjeve me krimin, vjedhjes dhe dënimit në Itali, fshehjes, deklarimit të rremë dhe mosjustifikimit të pasurisë.

Në pranverën e vitit 2013, pak para se të largohej nga pushteti, Sali Berisha nxitoi për të blinduar Gjykatën e Lartë dhe Gjykatën Kushtetuese me njerëzit e tij, me qëllim që t’i shërbenin pas daljes në opozitë. Admir Thanza ishte një nga këto emërime. Thanza u propozua nga presidenti i atëhershëm, Bujar Nishani, si kandidat për anëtar në Gjykatën e Lartë.

“Në mbështetje të nenit 93 dhe nenit 136, pika 1 të Kushtetutës së Shqipërisë, dekretoj Z. Admir Thanza, emërohet anëtar i Gjykatës së Lartë. Ky dekret hyn në fuqi menjëherë. Nr. Dekretit 8115, Tiranë, më 19.04. 2013. Presidenti i Republikës, Bujar Nishani”, thuhet në dekretin e presidentit. Nga ana tjetër, ish-kryeministri Berisha u kujdes që të gjitha votat e grupit parlamentar demokrat të shkonin për Thanzën.

Meqenëse Lëvizja Socialiste për Integrim kishte braktisur koalicionin qeverisës, Berisha kishte vetëm 69 vota, të pamjaftueshme për të votuar dekretin e Nishanit, nëse edhe deputetët e partive kundërshtare do të ishin në seancë. Në këto kushte, ish-kryeministri Berisha siguroi votat e tre deputetëve të majtë. Duke iu referuar procesverbalit të votimit të zbardhur nga Shqiptarja.com, pro dekretit të Nishanit kanë votuar edhe ish-deputetët e PS, Kastriot Islami dhe Asllan Dogjani.

Gjithashtu pro dekretit votuan të gjithë deputetët e atëhershëm të Partisë Demokratike. “Zonja Kryetare, në votimin për z. Admir Thanza kanë marrë pjesë 72 deputetë, 72 vota pro, asnjë kundër, asnjë abstenim. Kuvendi jep pëlqimin për këtë kandidaturë”, tha Viktor Gumi nga sekretariati i votimit, i cili megjithatë u përjashtuar nga lista e kandidatëve për deputetë.

Roli i Topallit

Pavarësisht se kishte siguruar 72 vota, ish-kryeministri Berisha nuk ishte i sigurt nëse të gjithë deputetët e tij do të votonin pro linjës, ndonëse votimi ishte i hapur. Berisha i trembej pranisë së të gjithë deputetëve në seancë. Në këtë kuadër, disa ditë para votimit, ish-kryetarja e Kuvendit, Jozefina Topalli mblodhi Byronë e Kuvendit dhe përjashtoi nga punimet e Kuvendit katër deputetë të Partisë Socialiste, me argumentin se kishin demostruar sjellje të dhunshme.

Me këtë lëvizje, edhe nëse opozita e atëhershme do të merrte pjesë në seancë, PD do ta votonte Admir Thanzën me shumicë votash. “Pas vlerësimit të këtyre rrethanave, në unanimitet, Byroja e Kuvendit mbështetur në nenin 65 pika 2 të Rregullores vendosi ndalimin për të marrë pjesë në punimet e Kuvendit në seancë plenare dhe në Komisione të deputetëve Gazmir Bizhga, Ndrec Deda, dhe Arben Çuko për 21 ditë, dhe për deputetin Saimir Tahiri për 14 ditë,” thuhet në njoftimin e Kuvendit”, thuhet në njoftimin e atëhershëm të Byrosë së Kuvendit. Për shkak të këtij vendimi të dyshimtë, deputetë e PS dhe LSI nuk morën pjesë në seancën, vendim ky që ia bëri më të lehtë PD votimin e Admir Thanzës si anëtar i Gjykatës së Lartë.

Shumë kush përton të realizojë një udhëtim me mjete më të shpejta dhe më kilometra larg, por ka edhe të rinj që për një qëllim të caktuar rrugëtojnë më mijëra kilometra, duke kaluar, shtete, qytete apo edhe tunele nënujore për të arritur në cakun e qëllimit fillestar.

Labinot Sherifi, një i ri nga Kosova me vendbanim në Londër, këtë verë ka vendosur që me biçikletë të ecë nga Londra në Prishtinë dhe të kalojë me mijëra kilometra rrugëtim dhe të krijojë idenë se nuk është mjet transporti vetëm, aeroplan, autobus, vetura etj, por edhe mjeti që sot kalon shpejtësinë e rreth 50 km. Ai këtë rrugëtim ia ka dedikuar Kosovës.

“Këtë rrugëtim i kam dedikuar Kosovës, për 10 vjetorin e pavarësisë së saj. Kjo është një gjë shumë e vogël që mund të bëj, por sa do e vogël të jetë është dhe modeste, është një mundësi që po jap për Kosovën dhe sakrificën e saj sublime që ka bërë populli i Kosovës”, tha ai për televizionin publik.

Labinoti këtë rrugëtim me biçikletë ka vendosur të e realizojë për një qëllim. “Gjithherë kam udhëtuar me familje me mjete të tjera qoftë më vetura, apo edhe me aeroplanë. Si ir i kam pasur njaq ëndërr që të udhëtojmë biçikletë nëpër Evropë. Këtë verë vendosa të përmbushi këtë ëndërr dhe të nisem nga Londra për në Prishtinë. Ky udhëtim është një përjetim tjetër dhe ofron shumë mundësi të shijohet udhëtimi, që do të kaloj nëpër disa shtete”, tha ai.

Sherifi bëri me dije do të përshkojë këto shtete duke filluar nga Mbretëria e Bashkuar, Holandë, belgjikë, Francë, Gjermani, Zvicër, Lichtenstein, Austri, Itali, Slloveni, Kroacia, Bosnjë dhe Hercegovinë, Mali të ZI, Shqipëri e Kosovë.

Ndryshe edhe më parë ka pasur qytetarë nga Kosova që kanë ecur me biçikletë me rrugë të gjata, por rasti i Labinot Sherifi është një risi nga rrugëtimin e tij me rreth 3 mijë kilometra./njekomb