Aktualitet

Gjykata e Lartë ka dënuar sulmin me armë në banesën e prindërve të gazetares së kronikes, Klodiana Lala. Në reagimin e Gjykatës së Lartë thuhet se ngjarja përbën një shqetësim serioz për të gjithë qytetarët dhe shoqërinë shqiptare. Ky institucion kërkon të zbardhet sa më shpejt ngjarja e rëndë.

“Ngjarja e rëndë ndaj Znj. Lala, dhe rreziku që iu kanos sot pjesëtarëve të familjes së saj, përbën një shqetësim serioz për të gjithë qytetarët dhe shoqërinë shqiptare, e cila është e interesuar për sigurinë dhe mirëqenien e kujtdo invididi, në ushtrimin e çfarëdo funksioni në shërbim të së vërtetës.

Gjykata e Lartë, duke vlerësuar raportin korrekt me gazetaren Lala dhe profesionalizmin e saj, i drejtohet organeve kompetente për zbardhjen sa më të shpejtë të kësaj ngjarje dhe vënien përpara drejtësisë së autorëve të këtij akti të shëmtuar”- thuhet në reagimin e Gjykatës së Lartë.

Sulmi me breshëri automatiku ndaj shtëpisë së gazetares Klodiana Lala, ndërkohë që brenda saj gjendeshin familjarë të saj i fryn një rreziku shumë të madh nga i cili po kërcënohet vendi ynë. Mafia është vënë në veprim me parullën: Shteti jam unë.

Vetëm për shkak se ndodh që të zgjedhësh një profesion që kërkon shumë pyetje dhe ndriçon dritë, ndoshta paksa, për ata që punojnë në errësirë.

Mjerisht sot gazetarët janë të kërcënuar më shumë se kurrë, por misioni i tyre është të godasin fenomenet e errëta sado idhët t’ju vijë të përfshirëve në korrupsionin dhe krimin me kollare. Qeveritë përdorin një shumëllojshmëri të taktikave për të margjinalizuar, izoluar ose prishur punën e medias, por një gjë është e sigurtë: atëherë asnjë nga liritë e tjera nuk mund të garantohet.

Ndaj politikanët që nxituan të jenë në krah të gazetares si Rama, Meta, Basha, Berisha duhet t’i bëjnë mirë llogaritë. Sot jemi në një pikë, ku nuk mund t’ju hidhet hi syve. Bandat marrin kurajo me bekimin e politikës dhe pushtetit.

Luftimi i efekteve gërryese të krimit dhe lidhjeve me politikën në vendin tonë ka filluar dhe asnjëlloj kërcënimi nuk mund të mposhtë armën më të fuqishme: fjalën e lirë. Po ndodh “Revolucioni”. Kriminalizimi i politikës dhe strukturave të zbatimit të ligjit po shkakton një krizë të thellë. Revolucionet zakonisht ndodhin vetëm në vendet e bekuara me një prani diplomatike amerikane. Dhe Shqipëria e ka këtë bekim./pamfleti

Unioni i Gazetarëve të Shqipërisë ka bërë një reagim pas sulmit mbi banesën e gazetares së kronikës, Klodiana Lala. Në reagimin e UGSH-së, thuhe se, vetë gazetarja Klodjana Lala, i tha zyrës së shtypit të se sulmi është një tentativë e pastër për të frikësuar atë dhe ka ndodhur për shkak të detyrës së saj si reportere.

Unioni i Gazetarëve Shqiptarë ka mësuar se ngjarja është e rëndë dhe serioze, pasi ndaj banesës së koleges sonë është derdhur një breshëri me plumba, duke rrezikuar jetën e pjesëtarëve të familjes së saj prindërore”, thuhet më tej në deklaratë.

DEKLARATA E PLOTË

UGSH dënon ashpër sulmin ndaj banesës gazetares Klodjana Lala. Deklaratë e Unionit të Gazetarëve Shqiptarë

Unioni i Gazetarëve Shqiptarë denoncon me forcë sulmin e kryer në banesën e reporteres së njohur Klodiana Lala në mëngjesin e ditës së sotme. Vetë gazetarja Klodjana Lala, i tha zyrës së shtypit të UGSH-së se sulmi është një tentativë e pastër për të frikësuar atë dhe ka ndodhur për shkak të detyrës së saj si reportere. Unioni i Gazetarëve Shqiptarë ka mësuar se ngjarja është e rëndë dhe serioze, pasi ndaj banesës së koleges sonë është derdhur një breshëri me plumba, duke rrezikuar jetën e pjesëtarëve të familjes së saj prindërore.

UGSH i bën thirrje Policisë së Shtetit që urgjent të hetojë ngjarjen dhe të dërgojë autorët para drejtësisë, pasi çdo vonesë do të ndikojë edhe më shumë në acarimin e klimës së lirisë së shprehjes në Shqipëri. Policia nuk duhet të merret me detaje që çorodisin më shumë opinionin por të gjejë autorin ose autorët e kësaj ngjarjeje shumë të rëndë.

Kur sulmohet lajmësi, rrezikohet rëndë një nga të drejtat themelore kushtetuese. UGSH është në kontakt intensiv me organizmat ndërkombëtare në Shqipëri për të kërkuar një angazhim sa më aktiv në mbrojtje të gazetarëve. Ne u bëjmë thirrje institucioneve shqiptare që nga Presidenti i Republikës, Kryeministri dhe veçanërisht Ministria e Brendshme të reagojnë menjëherë duke dënuar ashpër sulmin dhe të merren në mbrojtje reporterët. Zyra e shtypit e UGSH

Reagime të shumta në radhët e gazetarëve kanë ardhur menjëherë pas sulmit që ju bë gazetares së kroniës së zezë, Klodiana Lala. Mes reagimeve është edhe ai i gazetarit të kroniës së zezë, Artan Hoxha. Ky i fundit thekson se ngjarja ka lidhje me detyrën e Lalës si gazetare dhe reportere e shkëlqyer e terrenit, ndërsa shton që ky ishte një mesazh i qartë se vija e kuqe nuk duhet shkelur nga reporteret e terrenit.

Gazetari Hoxha shkruan se Lala është kërcënuar me dhjetëra herë dhe sërish ka goditur më fort, duke i përballuar kërcënimet me forcë, ndërsa shton se ata që e kanë sulmuar këtë herë e dinë mirë sa e fortë është ajo, ndaj dhe tentojnë ta gjunjëzojnë, duke i prekur familjen.

Më tej, gazetari tregon këshillën që ju ka dhënë të gjithë kolegëve të tij pak javë më parë, teksa i ka paralajmëruar të bëjnë kujdes, pasi krimi i lidhur me politikë apo me shtetin është bërë më i fuqishëm se kurrë dhe ka dalë jashtë kontrollit.

“Pak jave me pare i keshillova koleget e mi publikisht, sidomos ata te terrenit, qe te bejne kujdes. Krimi, ai i rruges, i organizuar, i lidhur me politiken apo me shtetin eshte bere me i fuqishem se kurre. Ka dale jashte kontrollit dhe nuk ia ben syri terr para askujt. U kerkova me keqardhje te raportojne deri aty ku nuk rrezikojne jeten e tyre dhe te familjeve te tyre. Sepse ne kete vend nuk ia vlen te rrezikosh me shume”, shkruan ndër të tjera Hoxha.

Postimi i plotë i Artan Hoxhës:

Nuk ka asnje dyshim se bresheria e kallashnikovit qe ka terrorizuar dje ne mesnate familjen e koleges Klodiana Lala ka lidhje me detyren e saj si gazetare dhe si reportere e shkelqyer terreni…. Mesazhi eshte i qarte, vija e kuqe nuk duhet shkelur, nga reporteret e terrenit. Per fat te mire babai, nena e semure, vellai, motra dhe dy vajzat e Klodit qe kane qene ne banese kane shpetuar pa deme. Ngjarja me ka shokuar, me ka lene pa fjale dhe me ka tronditur pa mase. Jo thjesht pse ka vene ne shenjester Klodin me te cilen kam punuar prej 15 vitesh, ngjarja do ishte njelloj e rende sikur kedo nga reporteret apo gazetaret ta kishin vene ne objektiv.

Nuk kam pike dyshimi se Klodi do te shkurajohet apo do te humbe qofte dhe nje fije nga guximi dhe kurajo qe e karakterizon ne profesionin e saj. Nuk eshte hera e pare qe e kane kercenuar. Perkundrazi, per me shume se nje dekade e gjysem qe punoj me te, jam deshmitare dhe kam qene ne krah te Klodit kur e kane kercenuar me dhjetera dhe me qindra here, me te gjitha format e mundeshme. Pavarsisht presionit te pashembullt Klodi i ka perballuar si asnje femer gazetare qe njoh ne kete vend. Gjithnje ka dale me e forte. Trishtimi dhe tronditja kete radhe qendron ne faktin se ata qe e kane cuar mesazhin e dine kete qe sa po thashe me larte. E dine qe Klodi s’ka frike, se ate personalisht nuk e trembin dhe nuk e bejne dot te hesht. Prandaj kane synuar ta gjunjezojne duke vene ne shenjester familjen e saj. Kam punuar me Klodin qysh kur ishte studente, Ia njoh nje nga nje gjithe familjen, nga prinderit, vellai motrat, bashkeshorti dhe dy vajzat e vogla.

Ajo ka nje familje te mbrekullueshme, askush, asnjehere, asnjeri prej familjareve te saj nuk ka patur qofte dhe problemin me te vogel me ndokend. Kjo me trondit me shume. Sapo e mesova ngjarjen ne oret e para te dites, fola me Klodin. E pabesueshme, ishte ne pune ne terren duke pergatitur kroniken e dites. Timbri i zerit te saj nuk kishte asnje grame dridhje, frike apo shenje pasigurie. Ishte shpuze, prush e flake si gjithnje. Klodit nuk ia kam kurre friken, por sot jam me familjen e saj dhe uroj qe ta kalojne me sa me pak tronditje dhe dhimbje ngjarjen e mbremshme. Ajo bresheri kallashnikovi na ka futur te dridhurat te gjitheve, ne dhe familjeve tona. Familjare te Klodit, Ju nuk jeni vetem. Klodi, ti nuk do jesh kurre vetem. Me ty jane gjithe shqiptaret, nga jugu ne veri, nga Alaska deri ne Japoni, cdo nje prej tyre qe do mesoje sot per kete ngjarje.

Pak jave me pare i keshillova koleget e mi publikisht, sidomos ata te terrenit, qe te bejne kujdes. Krimi, ai i rruges, i organizuar, i lidhur me politiken apo me shtetin eshte bere me i fuqishem se kurre. Ka dale jashte kontrollit dhe nuk ia ben syri terr para askujt. U kerkova me keqardhje te raportojne deri aty ku nuk rrezikojne jeten e tyre dhe te familjeve te tyre. Sepse ne kete vend nuk ia vlen te rrezikosh me shume. Nuk kemi nevoje per deshmore ne varreza, kemi bolle, na duhen heronj te gjalle. Nuk paskam gabuar, sensoret e mi kane qene te sakte. Thjeshe nuk mendova se mesazhi i koduar do te vinte kaq shpejt, kaq i forte, kaq i drejtperdrejt…  nje bresheri e gjate kallashnikovi mbi familjen e nje reportereje…. Oh c’kob, cfare trishtimi… Ju kuptuam QARTE zoterinj kriminele. Nuk na late fije dyshimi se me ke kemi te bejme….