Aktualitet

Zbulohet lëvizja e Prokurorisë për Krime të Rënda per pasurine e biznesmenit Bego

Aktualitet / /

Prokuroria e Krimeve të Rënda ka vendosur të nisë një hetim mbi pasurinë e biznesmenit Edmond Bego, i cili u arrestua pak ditë më parë në Greqi për llogari të autoriteteve të italiane, por që u lirua pasi u konfirmua se e kishte shlyer dënimin në Shqipëri.

Prokuroria e Krimeve të Rënda ka nisur zyrtarisht verifikimin e pasurisë së biznesmenit Edmond Bego, ose Mondi Bego.

Ky i fundit u ndalua disa ditë më parë nga policia greke në Igumenicë, në bazë të një urdhër-kërkimi ndërkombëtar të lëshuar nga autoritetet italiane, të cilat e kishin dënuar Begon në vitin 2008 me 21 vite burg për trafik narkotikesh dhe organizatë kriminale.

Por biznesmeni u lirua sërish, pasi në vitin 2010 Gjykata e Lartë e kishte njohur vendimin e Gjykatës së Torinos për Begon, nga 21 vite burg, në katër vite e katër muaj.

Nga kjo masë dënimi Bego kreu në vendin tonë vetëm 1 vit e 11 muaj, pasi pjesën e mbetur e fali me kusht Gjykata e Krujës. Ndërkohë, Partia Demokratike akuzoi eksponentë të PS se kishin marre nën mbrojtje biznesmenin, i cili edhe pse i dëbuar për trafik droge në Itali, sipas PD, ka marrë fonde publike në tendera në kundërshtim me ligjin, e i ndihmuar nga kreu i grupit parlamentar të PS, Taulant Balla.

Hetimi i pasurisë se Begos, nga Krimet e Rënda pritet të zbardhë nëse te ardhurat e aktivitet që ka justifikohen ligjërisht./TCH

Zbulohet lëvizja e Prokurorisë për Krime të Rënda per pasurine e biznesmenit Bego Read More »

Faktet/ Fondi grant që akordohet nga shteti për sportin përfundon në xhepat e “ustallarëve” të partisë, presidentët dhe sekretarët bëjnë “biznesin e vizave”

Aktualitet / /

Peshëngritja ka qenë për vite me radhë nën “hyqmin” e Ilir Metës dhe fondi i kësaj federate ka shkuar kryesisht në xhepat e “të pangopurve” të LSI-së. Madje njerëzit e Metës në sport janë një rrjet i gjerë e mjaft i shtrirë, që nis nga federatat e përfundon në KOKSH, e deri në gjirin e klubeve.

Shqipëria është vendi i fundit i rajonit në investimet që bën për sportin, gjë që shprehet në rënien e cilësisë sportive në të gjitha disiplinat sportive, në pakësimin e numrit të sportistëve, dëmtimin e infrastrukturës dhe natyrisht mungesën e një ligji të denjë e zhvillimor për sportin në tërësi.

Shteti akordon për federatat sportive një shumë më pak se 1 mln euro. Padyshim, kjo është një shumë qesharake që nuk i mbulon nevojat që kanë federatat për të organizuar veprimtaritë sportive vjetore, por si të mos mjaftonte kjo, shumica e parave përfundojnë në xhepat e ushtarëve të partisë. Këta “ushtarë”, njëkohësisht “ustallarë”, janë presidentët e federatave dhe sekretarët.

Vetëm në Shqipëri ndodh që rroga vjetore e një sekretari federate që emërohet nga partia (përgjithësisht), të ketë rrogë vjetore më të madhe se fondi grant për federatën përkatëse. Skandale të tilla dhe paradokse të tilla e bëjnë sportin shqiptar qesharak dhe aspak me të ardhme.

Shikoni kush janë presidentët e federatave! Njerëz që janë të lidhur me politikën, majtas apo djathas qofshin. Fundja, hajdutët nuk kanë ngjyrë, ata i gjen në cdo parti. Futbollin e drejton Armand Duka, që përpos se biznesmen, ka vëllain e tij kryetar të një partie politike dhe investon për fushatën elektorale të tij, sic bëri në zgjedhjet lokale në Kolonjë.

Atletikën e drejton presidenti Gjergj Ruli, i njohur për mbështetjen që merr nga socialistët. I futur me bekimin e Fatos Nanos në krye të federatës së atletikës, sot Ruli është një ithtar i Rilindjes së Edi Ramës. Me siguri që nesër do të jetë mbështetës i flaktë i Lulit të PD-së. Federatën e shahut e drejton presidenti Eduard Shalsi, njeri kryekëput politik. Basketbollin e drejton Avni Ponari, pronari i SIGAL-it, i njohur për lidhjet e tij me krerët e politikës.

Peshëngritja ka qenë për vite me radhë nën “hyqmin” e Ilir Metës dhe fondi i kësaj federate ka shkuar kryesisht në xhepat e “të pangopurve” të LSI-së. Madje njerëzit e Metës në sport janë një rrjet i gjerë e mjaft i shtrirë, që nis nga federatat e përfundon në KOKSH, e deri në gjirin e klubeve. Krejtësisht për interesat e xhepit të tyre dhe të partisë së Ilir Metës, pasi për sportin as e vret njeri mendjen.

Paradoksi qëndron në faktin se shumica e presidentëve të federatave zgjidhen nga bota e biznesit me idenë për të ndihmuar financiarisht në zhvillimin e aktiviteteve sportive, por presidentët, duke qenë se kanë vënë pasuri përrallore në rrugë të dyshimta, i shfrytëzojnë lekët e fondit për interesat e tyre, ndryshe nuk mund të shpjegohet kjo rënie katastrofale e sportit shqiptar në të gjitha disiplinat.

Federatat marrin një fond nga 20-100 milion lekë të vjetra vetëm për organizimin e veprimtarive, por mbi 50% shkon në xhepat e presidentëve dhe sekretarëve. Skandali tjetër për të cilin “Pamfleti” ka informacion të besueshëm është se presidentët në bashkëpunim me sekretarët regjistrojnë si sportistë njerëz që i trafikojnë jashtë vendit.

Bëhet gjoja për t’i cuar në aktivitete të ndryshme, por janë njerëz të zakonshëm që shkojnë në vendet si SHBA, Angli, Kanada etj, duke iu zhvatur para. Ky skandal i madh ende nuk është hetuar në Shqipëri dhe përfshihet në atë që quhet skandali i vizave, që sjell fitime të mëdha.

Rrjeti është shumë i shtrirë, sepse nis me federatat, me KOKSH-in dhe me zyrtarët e ministrisë. Duhet firma e gjithsecilit që paratë të përfundojnë në xhepat e hajdutëve, ndërsa për sportin shkojnë disa kacidhe që nuk e ndihmojnë të zhvillohet e të futet në rrugën e duhur./Pamfleti

Faktet/ Fondi grant që akordohet nga shteti për sportin përfundon në xhepat e “ustallarëve” të partisë, presidentët dhe sekretarët bëjnë “biznesin e vizave” Read More »

Donald Lu merr një vit shtesë mandati në Tiranë, Berishës dhe Metës i bëhen nervat “kaqurrel”

Aktualitet, Politike / /

Mandati i ambasadorit, Donald Lu në Tiranë mund të zgjatet dhe me një vit tjetër. Kjo për shkak të shtyrjes së dëgjesës për ambasadoren e re dhe mundësia për ta pyetur dhe për përzierjen e rusëve në SHBA, krijon kushtet që Donald Lu të qëndrojë në Tiranë. Një gjë e tillë pritet të sjellë zhvillimet interesante në Tiranë.

Pas publikimit të lajmit se Lu ishte emëruar ambasador në Kirgistan, gjë që ka ndodhur në të vërtetë, por që formalisht të paktën do të dëgjohet në komisionin e jashtëm të Senatit në SHBA pati festë nga PD dhe LSI, festë që u shoqërua dhe me ironinë e zyrtarëve të lartë të të dy partive respektive në opozitë. Ironi e shoqëruar me deklarata kundër Lu, “shërbimin” e tij ndaj Ramës por dhe karikatura të ndryshme me peshq, me kryeministrin apo dhe me ambasadoren në largim të BE Romana Vlahutin.

Dhe Donald Lu e dha mesazhin e parë të lamtumirës kur deklaroi se kushdo që të vijë në Shqipëri si ambasador i SHBA, reformën në drejtësi, Vettingun dhe arrestimin e “peshqeve të mëdhenj” do ta ketë në qendër të punës së tij, pasi është një investim i SHBA ky.

Teksa kaloi qershori dhe erdhi korriku, Donald Lu dha mesazhin e dytë të lamtumirës, sërish të lidhur me Vettingun, reformën në drejtësi dhe arrestimin e “peshqve të mëdhenj”, kur deklaroi se “të gjithë duhet të ketë frikë nga reforma në drejtësi, dhe politikanët”.

Dhe kur kaloi korriku dhe në “kapërcyell” të gushtit, teksa “vapa ikën dhe me gushtin”, Donald Lu lëshoi mesazhin e tretë të lamtumirës, atë të përsëritjes të vendosmërisë për t’i shkuar deri në fund reformës në drejtësi dhe vettingut, ngritjen e institucioneve SPAK e Byrosë Kombëtare të Hetimit, me qëllimin e vetëm, burgun për “peshqit e mëdhenj”.

Tashmë pritet dhe një lamtumirë e katërt, që ndoshta do të jetë e fundit për të dhe përfundimisht do të largohet nga Shqipëria. Lamtumirë që pritet të jepet nga vera e vitit të ardhshëm me sa duket.

Ka në “themel” kjo që themi, përvojën me ish ambasadorin e SHBA në Tiranë, Alexandër Arvizu, i cili dha katër darka lamtumire me të gjithë politikën dhe mediat shqiptare dhe qëndroi dhe mbi një vit përtej mandatit zyrtar si ambasador i SHBA në Tiranë. Dhe situata ishte terësisht e ndryshme nga ajo që po paraqitet sot me ambasadën e SHBA në Tiranë. Pasi nuk është dhe zv.ambasadori, i cili e ka mbyllur mandatin, ndërkohë që e ngarkuara me këtë detyrë vijon ta kryejë atë, por me sa duket bashkë me Donald Lu.

Themi se situata është pak ndryshe, pasi e nominuara e Donald Trump si ambasadore e SHBA-ve në Tiranë, Kathleen Kavalec, pritej të zhvillonte dëgjesën në senat, por ajo s’është paraqitur. Duke u interesuar për të mësuar arsyet e mungesës së saj mediat shqiptare e pyeti zëdhënësin e senatorit amerikan Bob Corker kreu i komitetit për marrëdhëniet me jashtë që dha këtë përgjigje:

“Vumë re se një numër i anëtarëve të komisionit po kërkojnë informacione shtesë. Ne do të rishohim në një seancë për të nominuarin që do të shërbejë si ambasador në Shqipëri sa më shpejtë të jetë e mundur”. Rreth një muaj më parë, emri i Kathleen Kavalec u nominua nga presidenti Trump si ambasadore e SHBA në Tiranë pas përfundimit të mandatit të Donald Lu.

Megjithatë ditët e fundit mediat amerikane shkruajnë se emri i Kavalec, dikur zëvendës ndihmës sekretare e në Byronë e Çështjeve Evropiane të Departamentit te shtetit, është e përfshirë në dosjen e debatueshme të Trump për zgjedhjet presidenciale.

Madje thuhet se jo vetëm ka dhënë donacione për kandidaten rivale Hillari Klinton, por dhe se ka marrë informacione për përzierjen e rusëve në zgjedhjet e SHBA. Si një njohëse e thellë e çështjeve ruse ajo nuk përjashtohet të pyetet nga ana e kongresit, në kuadër të hetimit që ka filluar për këtë çështje dhe informacionet e saj mund të jenë të vyera.

I thamë këto për të nënvizuar faktin se procesi i emërimit të saj si ambasadore e SHBA në Shqipëri mund të shkojë shumë gjatë, pasi në fillim të vitit mund të fillojë zyrtarisht gjykimi i çështjes së përzierjes së rusëve në zgjedhjeve e SHBA, gjykim që shkon shumë shumë gjatë. Dhe deri atëherë në krye të ambasadës së SHBA në Tiranë pritet të jetë Donald Lu, duke ua ngrirë buzëqeshjen në buzë PD e LSI dhe në veçanti Berishës e Metës dhe duke ua bërë nervat “kaqurrel”.

Ndërkohë që mesazhi i Donald Lu se do kërkojë fort ngritjen e SPAK-ut dhe Byrosë Kombëtare të Hetimit, është një paralajmërim serioz se “peshqit e mëdhenj” Meta dhe Berisha kanë nisur realisht të shohin ëndrra me burg dhe qeli. SHBA është e vendosur për t’i futur në burg “peshqit e mëdhenj” të politikës shqiptare, dhe Donald Lu me një vit shtesë mandati në Shqipëri, me sa duket është zgjidhja e duhur për këtë./Pamfleti

Donald Lu merr një vit shtesë mandati në Tiranë, Berishës dhe Metës i bëhen nervat “kaqurrel” Read More »

Sinoptikanët parashikojnë reshje shiu sot në këto zona

Aktualitet / /

Gjatë gjithë ditës dominojnë kthjellimet me vranësira të shpeshta dhe shira afatshkurtër në pjesën më të madhe të vendit, kryesisht në pjesën e dytë të ditës.

Përjshtim bëjnë zonat Jugperëndimore të cilat mbeten me kthjellime dhe vranësira kalimtare.

Sipas Meteoalb era do të fryjë mesatare me shpejtësi 35 km/h nga Perëndimi-Jugperëndimi duke krijuar në det dallgëzim 2 ballë.

Temperaturat e ajrit mbeten konstante në mëngjes por një rënie sjell mesdita në të gjithë territorin shqiptar.

Sinoptikanët parashikojnë reshje shiu sot në këto zona Read More »

Mond Spaho, kujtesë Mond Begos: Ndalu Beg, se ka hendek”, ai i përgjigjet: – Kur bleva Hoxhë Efendinë/Unë e blej gjithë qeverinë

Aktualitet, Humor nga zona / /

Thuhet se Erjon Veliaj është blerë nga Myftiu Ylli Gurra, Likja është blerë nga Baba Mondi, Saliu nga Dervish Hatixheja, ndërsa Rama nga Janullatosi…
Debati PS-PD, se i kujt pale është Edmond Bego, doli nga “frëngjitë” e partive dhe nga ana e kreut të deputetëve “blu”, beteja është ngjitur deri majë “Minareve”, duke akuzuar edhe Baballarë e Hoxhallarë, për lidhje biznesi me ish-trafikantin Bego.

Mjaftoi një thirrje e Hoxhës së Tiranës, Imam Efendi Ahmed Kalaja, drejtuar PD, për të ndalur “llafet e shejtanit” kundër “Pergamerit” të biznesit Edmond Bego, si njeriu me “vepra të mira për hallexhinjtë”, që “Reparti Xhenjos i PD” të zbulonte “bombën”, se Hoxhë Imam Efendi Ahmed Kalaja, qenka në një “Bandë mafioze” me Taulant Ballën, si i blerë nga ish-trafikanti Bego.

Madje PD, paska zbuluar, se në momentin e arrestimit të Begos, Hoxhë Imam Efendi Ahmed Kalaja, paska qenë brenda makinës me të, për ta shpëtuar nga prangat, duke e prezantuar si Imam të Bathores e për ta bërë të besueshme këtë akuzë, PD tha se në momentin e arrestimit, Bego kishte lënë qëllimisht mjekër e ishte veshur me pantallona tre-çerekëshe dhe mbante tespihe në dorë, tamam si Hoxhë Imam Ahmed Kalaja.

Në fakt nga gjithë kjo akuzë e PD-së një gjë është e vërtetë se Hoxhë Ahmet Kalaja udhëton me “Range Rover”-in e Edmond Begos sikundër edhe Kardinali Ernest Troshani udhëton me “Land Rover”-in që i ka falë Tom Doshi

Duke qenë se Imam Ahmed Kalasë, kjo akuzë ju bë 10 minuta para faljes së Namazit të së Premtes, ai shkoi prapa Xhamisë së Tiranës, atje ku kryesia e PD therri dash-kurbanin, për fitoren e Lulit si kryebashkiak dhe me “emër të merjemes, nënës së Pergamerit Isa” e zhbëri atë adet kurbani.

Por PD, i ka vazhduar sulmet kundër Hoxhë Imam Ahmed Kalaja, megjithëse deri në vitin 2005, ai i ka shërbyer si roje nate i parkingut të PD, ndërsa ditën u hidhte fall e u shikonte filaxhanët nëpër zyra, udhëheqësve demokratë dhe qendrestarëve të partisë, të cilët donin të dinin, nëse do dilte fjala e Doktor Berishës, që në çdo 3 muaj, betohej se brenda muajit, do të riktheheshin në pushtet.

Sulmin e ka vazhduar Mond Spaho, duke u kujtuar Mond Begos, vargun e njohur me mesazhin pendues: – “Ndalu Beg/Se ka hendek”!, mirëpo edhe Mond Bego, i është kundërpërgjigjur me vargjet: – Kur bleva Hoxhë Efendinë/Unë blej gjithë qeverinë/Do t’ua blej edhe Salinë”…

Çudi është kjo që po ndodh këto ditë, mbasi thuhet se Erjon Veliaj është blerë nga Myftiu Ylli Gurra, Likja është blerë nga Baba Mondi, Saliu nga Dervish Hatixheja, ndërsa Rama nga Janullatosi…/Pamfleti

Mond Spaho, kujtesë Mond Begos: Ndalu Beg, se ka hendek”, ai i përgjigjet: – Kur bleva Hoxhë Efendinë/Unë e blej gjithë qeverinë Read More »

Ja 12 kryebashkiakët që blenë makina me ofertën më të lartë

Aktualitet, Politike / /

Dymbëdhjetë kryetarë bashkish kanë blerë makina me taksat e qytetarëve, përmes procedurave tenderuese në dukje të rregullta, por diferenca në vlerë mes fondit limit dhe ofertës fituese është e papërfillshme, madje në dy raste është zero.

Tenderat janë zhvilluar gjatë periudhës 2017-2018. Në krye qëndron kryetarja e Bashkisë Shkodër, Voltana Ademi, me tre procedura tenderuese të tilla, ku në njërën nga garat janë skualifikuar të gjithë operatorët konkurrues, përveç fituesit.

Kryebashkiakja Ademi ka shpallur tenderin për blerje makine me fond limit 3 330 000,00 lekë, ku oferta fituese rezulton me vlerë 3 255 000,00 lekë, pra me një diferencë prej 75 mijë lekësh në favor të shtetit. Po gjatë vitit 2018, Ademi ka shpallur një tjetër tender për blerje makine, me fond limit 1 001 666,00 lekë, ndërsa oferta fituese është 950 000,00 lekë, pra me një diferencë prej 51 mijë e 666 lekë në favor të shtetit apo të buxhetit të bashkisë. Në këtë tender janë skualifikuar të gjithë kompanitë e tjera konkurruese.

Gjatë vitit 2017, Voltana Ademi ka shpallur një tjetër tender për blerje makine, me fond limit 1 166 667,00 lekë, ku oferta fituese është 1 119 000,00 lekë, pra me një diferencë prej 47 mijë lekësh. Kryetari i Bashkisë Kamëz, Xhelal Mizu, ka shpallur tenderin për blerjen e një makine me vlerë 4 750 000,00 lekë ose rreth 42 mijë USD. Oferta fituese rezulton në vlerën 4 720 000,00 lekë, me një diferencë prej 30 mijë lekësh. Kryetari i Bashkisë së Malësisë së Madhe, Tonin Marinaj, ka zhvilluar tre procedura tenderuese për blerje makinash, ku diferenca mes fondit limit dhe ofertë fituese është gjithashtu e papërfillshme.

Konkretisht, në tenderin me fond limit 2 750 000,00 lekë, oferta fituese është 2 690 000,00 lekë, viti 2018, më diferencë 60 000 lekë, në tenderin me fond limit 833 333,00 lekë, po për blerje makine, oferta fituese është 799 000,00 lekë, me diferencë 34 333 lekë, ndërsa në tenderin me fond limit 1 166 667,00 lekë, oferta fituese është 1 119 000,00 lekë, me diferencë 47 667 lekë. Bashkia Ura Vajgurore, me në krye Juliana Memaj, ka shpallur tenderin me fond limit 2 750 000,00 lekë, në vitin 2018, për blerje makine, ku janë skualifikuar të gjithë operatorët konkurrues përveç fituesit. Oferta fituese rezulton me 2 700 000,00 lekë, pra me një diferencë prej 50 000 lekë në favor të shtetit.

Çudia në Bashkinë e Gramshit  

Bashkia Gramsh ka shpallur tenderin e firmosur nga kryetarja Luljeta Dollani, për blerje makine, me fond limit 2 083 333,00 lekë. Oferta fituese rezulton aq sa fondi limit, pra me diferencë zero. Në këtë garë rezulton se janë përjashtuar të gjithë operatorët konkurrues, përveç kompanisë fituese.

Kompania fituese është “RA-MI KOMPANI Shpk”, me administrator Erjon Rakipllari. Edhe kryetari i Bashkisë Kolonjë, Ilia Stefo, ka shpallur tenderin për blerje makine me fond limit 2 000 000,00 lekë, ku oferta fituese është 2 000 000,00 lekë, pra aq sa fondi limit. Bashkia Finiq, me kryetar Leonidha Hristo, në vitin 2018, ka shpallur tenderin për blerje makinash me fond limit 5 000 000,00 lekë, ku oferta fituese rezulton 4 958 333,00 lekë, me diferencë vetëm 41 667 lekë.

Kryebashkiakët që blenë makina, fondi limit, fituesi dhe diferenca

Voltana Ademi, kryetare e Bashkisë Shkodër

Makinë, fondi limit 3 330 000,00 lekë, oferta fituese 3 255 000,00 lekë, viti 2018, diferenca 75 000 lekë. Makinë, skualifikim i të gjithë operatorëve konkurrues përveç fituesit, fondi limit 1 001 666,00 lekë oferta fituese 950 000,00 lekë, viti 2018, diferenca 51 666 lekë

Makinë, fondi limit 1 166 667,00 lekë, oferta fituese 1 119 000,00 lekë, viti 2017, diferenca 47 667 lekë.

Luljeta Dollani, kryetare e Bashkisë Gramsh

Makinë, skualifikim i të gjithë operatorëve konkurrues përveç fituesit, fondi limit 2 083 333,00 lekë, oferta fituese 2 083 333,00 lekë, viti 2017, diferenca zero.

Ilia Stefo, kryetari i Bashkisë Kolonjë

Makinë, fondi limit 2 000 000,00 lekë, oferta fituese 2 000 000,00 lekë, viti 2017, diferenca zero.

Xhelal Mziu, kryetar i Bashkisë Kamëz

Makinë, fondi limit 4 750 000,00 lekë, oferta fituese 4 720 000,00 lekë, viti 2018, diferenca 30 000 lekë.

Tonin Marinaj, kryetar i Bashkisë Malësi e Madhe

Makinë, fondi limit 2 750 000,00 lekë, oferta fituese 2 690 000,00 lekë, viti 2018, diferenca 60 000 lekë.

Makinë, fondi limit 833 333,00 lekë, oferta fituese 799 000,00 lekë, viti 2017, diferenca 34 333 lekë.

Makinë, fondi limit 1 166 667,00 lekë, oferta fituese 1 119 000,00 lekë, viti 2017, diferenca 47 667 lekë.

Juliana Memaj, kryetare e Bashkisë Ura Vajgurore

Makinë, skualifikim i të gjithë operatorëve konkurrues përveç fituesit, fondi limit 2 750 000,00 lekë, oferta fituese 2 700 000,00 lekë, viti 2018, diferenca 50 000 lekë.

Jorgo Goro, kryetari i Bashkisë Himarë

Blerje makinash, fondi limit 5 833 333,00 lekë, oferta fituese 5 400 000,00 lekë, viti 2018, diferenca 3 433 333 lekë.

Leonidha Hristo, kryetar i Bashkisë Finiq

Blerje makinash, skualifikim i të gjithë operatorëve konkurrues përveç fituesit, fondi limit 5 000 000,00 lekë, oferta fituese 4 958 333,00 lekë, viti 2018, diferenca 41 667 lekë.

Saimir Hasalla, kryetar Bashkisë Peqin

Makinë, fondi limit 1 300 000,00 lekë, oferta fituese 1 230 000,00 lekë, viti 2018, diferenca 70 000 lekë.

Agron Kapllanaj, kryetar i Bashkisë Mallakastër

Blerë dy makina, fondi limit 2 500 000,00 lekë, oferta fituese 2 480 000,00 lekë, viti 2017, diferenca 20 000 lekë.

Selfo Kapllani, kryetar i Bashkisë Kuçovë

Makinë, fondi limit 3 000 000,00 lekë, oferta fituese 2 980 000,00 lekë, viti 2017, diferenca 20 000 lekë.

Klement Ndoni, kryetari i Bashkisë Këlcyrë

Blerje makinash, fondi limit 5 416 666,00 lekë, oferta fituese 5 400 000,00 pa TVSH, viti 2017, diferenca 16 666 lekë./korrieri

Ja 12 kryebashkiakët që blenë makina me ofertën më të lartë Read More »

E akuzuan për faturat, vjen përgjigja e politikanit më të pasur shqiptar, Pacolli: O mik unë kam…

Aktualitet, Politike / /

Në një postim të tij Ministri i Punëve të Jashtme Behgjet Pacolli ka kontestuar faturat e shpenzimeve në emër të tij të bëra nga buxheti i Kosovës.

“Po lexoj prapë për disa “shpenzime” që gjoja unë paskam bêrë gjatë mandatit të kaluar qeverisës (2011-2014). E vërteta është se unë gjatë asaj periudhe nuk i kam kushtuar asnjë cent shtetit të Kosovës. Është e vërtetë që unë kam fjetur në hotele të shtrenjëta por ato i kam paguar me paratë e mija” ka shkruar Pacolli. Ai ka shtuar se ka qindar fatura që i ka paguar me paratë e tij.

“Janë shumë qindra mija euro faktuara që janë paguar nga llogaritë e mija private në funksion të angazhimit tim për Republikën e Kosovës në cilësinë e zëvendëskryeministrit, në atë periudhë, duke mos kalkuluar shpenzimet e larta të mjetit tim të transportit. Madje, nga llogaritë e mija kam paguar në shumë raste edhe për delegacionet por edhë për njerëzit që kanë lobuar për interes të shtetit të Kosovës. Javën e ardhshme do të qartësohet qdo gjë edhe pse zonjen Jeta Xharra e kam ftuar të shkoj në Kryeministri për ti mar të dhënat e çdo pagese ( nese ka ndonjë)që shteti ka bërë për mua dhe të distancohet nga dokumentacionet e manipuluara. Kjo do të ishte e drejtë dhe gazetarishtë korrekte” ka shkruar Pacolli.

Ndër tjera, Pacolli i ka reaguar një komentuesi në faqen e tij zyrtare në komente, pasi ky i fundit i kishte shkruar se “po asnjëherë nuk ishe kon gabim ti bre”.

Replika e Pacollit në atë koment ka qenë “O dost une kam paguar hotele edhe më shtrenjtë por me paratë e mia”.

E akuzuan për faturat, vjen përgjigja e politikanit më të pasur shqiptar, Pacolli: O mik unë kam… Read More »