Aktualitet

Gjatë ditës së sotme, Presidenti serb Aleksandar Vuçiç pritet të vizitojë Kosovën. Ai do të vizitojë edhe digën e Ujmanit, edhe pse fillimisht i ishte refuzuar leja për këtë.

Mirëpo, pas presionit ndaj autoriteteve kosovare nga Bashkimi Evropian, atij iu mundësua edhe realizimi i agjendës në këtë pjesë.

Vuçiq do të vijë në Kosovë në ora 14:00 përmes pikës kufitare në Bernjak, ku nga aty do të vazhdojë në Zubin Potok.

Nderkohe Ministri i Brendshëm serb, Nebojsha Stefanoviq ka paraprire cdo situate me ane te nje kercenimi. Ai tha se shërbimet serbe nuk do të rrinë duarkryq gjatë vizitës së Aleksandar Vuçiqit në Kosovë që të mund të garantojnë që atje “të mos paraqitet askush që të kryejë arrestimin e tij”.

“Nuk dua të tregoj publikisht se çfarë do të bëjmë, nuk do të rrimë duarkryq dhe atë që mund ta garantoj është se nuk do të paraqitet askush që mund ta arrestojë Vuçiqin. Këtë lirisht menjëherë munden ta harrojnë”, tha ai.

AXHENDA

Në ora 15:00 do të qëndrojë në Gazivodë.

Në ora 15:40 në Leshak.

Në ora 17:00 do të qëndrojë në Shkollën e Bujqësisë në Leshak.

Në ora 17:45 do të qëndrojë në Hallën e shporeteve në Leposaviq.

Në ora 19:00 arrin në Zveçan ku do ta kalojë natën.

Ditën e dytë të vizitës së tij në Kosovë, të dielën, Vuçiq, në ora 08:00 viziton Qendrën Shëndetësore në Mitrovicë.

Në ora 08:30 do të qëndrojë sërish në Zveçan.

Në ora 09:15 do ta vizitojë fshatin Banjë.

Në ora 11:15 do të qëndrojë sërish në Mitrovicë, dhe

Në ora 13:00 do të largohet nga Kosova përmes pikës kufitare në Jarinje.

Banka e Shqipërisë ka lajmëruar emetimin e një kartëmonedhe me vlerë 10000 lekë, e cila do të shërbejë si mjet pagese vetëm në vitin 2020.

Aktualisht kartëmonedha është në fazën e dizenjimit dhe konfigurimit, teksa gjatë vitit tjetër do të futet në qarkullim prerje të reja të kartëmonedhave ekzistuese 200, 500 dhe 1000 lekë.

Në mbledhjen e fundit, Këshilli Mbikqyrës i BSH-së miratoi vendimin për vizatimin e tematikës dhe listës së elementeve të sigurisë për kartëmonedhën me prerje prej 10000 lekësh.

Në fund të vitit të kaluar, Banka e Shqipërisë miratoi tematikën që do të pasqyrohet në kartëmonedhën shqiptare me kurs ligjor me vlerë 10000 lekë.

Kjo kartëmonedhë do të pasqyrojë figurën e poetit të njohur shqiptar, Asdrenit, kombinuar me simbolet figurative të “Flamurit Kombëtar”, si dhe një varg të zgjedhur nga “Himni Kombëtar”, që njihet edhe si Himni i Flamurit “Rreth flamurit të përbashkuar/me një dëshir’ e një qëllim”.

Me parullën “Kultura e Shkodrës është më fortë se plumbat e drogës”, mijëra qytetarë kanë marshuar paqësisht në Shkodër kundër krimit.

Qytetarët shkodranë, së bashku me drejtuesit lokale të bashkisë kanë nisur rreth orës 19.00 në një marrshim-protestë kundër krimit, pas ngjarjeve të fundit që kanë tronditur qytetin.

Ndryshe nga çdo protestë tjetër, ishin të pranishëm edhe përfaqësuesit e komuniteteve fetare. Arqipeshkvi i Shkodrës, imzot Angelo Massafra, Hoxha i xhamisë së Rusit, Fejzi Zaganjori dhe përfaqësuesi i Kishës Ortodokse të cilën mbështetën protestën e shkodranëve kundër krimit.

Një 58 vjeçar është alarmuar kur ka parë se në celularin e tij kanë mbërritur disa mesazhe kërcënuese. Bëhet fjalë për shtetasin Xh.P 58 vjeç nga Puka. Atij në telefon i kanë mbërritur dy mesazhe kërcënuese. 58 vjeçari nuk e ka idenë se nga kanë ardhur dhe se kush është personi që ja ka dërguar ashtu siç ka treguar se nuk ka ndonjë problem me kend.

Në këtë mënyrë shtetasi Xh.P është drejtuar në policinë e Pukës ku ka bërë edhe kallëzimin përkatës. Tashmë forcat e policisë po punojnë për identifikimin dhe kapjen e autorit i cili ka kërcënuar 58 vjeçarin përmes mesazheve në celular. Ja njoftimi i policisë:

Më datë 29.05.2018, u referuan materialet në Prokurorinë pranë Gjykatës së Shkallës Parë Pukë dhe punohet për identifikimin dhe kapjen e autorit, pasi shtetasi XH.P vjeç 58, banues në Pukë, kallëzon se, nëpërmjet telefonit, i kanë ardhur dy mesazhe kërcënuese. Nenet 275 e 84 të Kodit Penal. /ShkodraNews

Gjatë kësaj jave u duk sikur u futëm në sezonin e vjeshtës, për shkak të uljes së temperaturave, por duke filluar nga nesër do të kemi sërish rritje të tyre.

Sipas meteorologëve, nga dita e nesërme dhe deri në fund të javës tjetër, në vendin tonë rikthehen masat e ajrit afrikane, çka do të sjellë edhe rritje të ndjeshme të temperaturave të cilat do të variojnë nga 32-36 gradë.

Ja parashikimi i Motit:

Prokurorët e Krimeve të Rënda, mes tyre dhe drejtuesit e këtij institucioni, do të kalojnë në sitën e Vettingut. Janë 22 prokurorë që do t’i nënshtrohen këtij ligji, mes të cilëve edhe prokurorët e dosjeve të nxehta, siç është ajo e 613 kg kokaine në kontenierët me bbanane, prokurorët e 3.4 eurove të sekuestruara në automjetet “Toyota Auris”, apo prokurorët e dosjes në ngarkim të ish-eprorit të tyre Adriatik Llalla.

Institucioni i prokurorisë është njoftuar të përgatitë infrastrukturën dhe administratën për nisjen e hedhjes së shortit për prokurorët, ndërsa Report Tv ka mësuar se së shpejti do të hidhet edhe shorti, që do të përzgjedhë dosjet hetimore, të cilat do të vlerësohen për anën profesionale.

Më parë nga grupi i prokurorëve të Krimeve të Rënda ka kaluar në Vetting prokurori Genti Osmani. Osmani kaloi sitën e Vetingut, ndërsa pak ditë pas vendimit të KPK-s ishte komisioneri publik që propozoi ankimin duke i kërkuar kolegjit shkarkimin e tij.

Aktualisht prokuroria e Krimeve të Rënda drejtohet nga Donika Prela, e cila zëvendësoi në këtë post Besim Hajdarmatën. Me mbërritjen e Prelës në krye të Krimeve të Rënda në këtë institucion për hetim kaloi nga Durrësi dhe procedimi penal në ngarkim të ish-kryeprokurorit Llalla.