Aktualitet

Është lënë në burg babai që akuzohet se për shumë vite ka abuzuar seksualisht vajzën e tij.

Babai 61-vjeçar akuzohet se ka abuzuar seksualisht për 16 vite me vajzën e tijl.

Sipas informacioneve mësohet se policia vuri ne pranga 61-vjeçarin Qirjako Nakuçi, pasi denoncimit që kanë bërë murgeshat, pas rrëfimit të vajzës.

Deklarata e vajzës në gjyq

25-vjeçarja ka treguar se gjashtë vite më parë i ati e la shtatzënë e ajo abortoi fëmijën.

E reja ka treguar se i ati e ka kërcënuar dhe ka ushtruar dhunë të vazhdueshme dhe nuk e ka lejuar që t’i tregojë askujt.

Deklarata e babait në gjyq

Fillimisht ai e ka mohuar ngjarjen, ndërsa më vonë e ka pranuar pjesërisht.

Ai ka shtuar se përdhunimi ka ndodhur në moshë të rritur duke deklaruar se ka dashur vetë vajza.

Përdhunimi dhe abuzimi seksual ka ndodhur për 16 vite që kur vajza ishte 9 vjeç.

Menjëherë pas kallëzimit që e dëmtuara J.Nakuçi ka bërë në Komisariatin nr.2, kanë vënë në pranga babanë e saj, Qirjako Nakuçi, 61 vjeç.

Arrestimi i tij është bërë në orët e para të mëngjesit të datës 30 gusht, disa orë pasi vajza ishte bindur nga disa murgesha të Kishës Ortodokse për të kërkuar ndihmën e Policisë. /albeu.com/

Kryeministri i vendit Edi Rama është ndalur në një nga risitë e Vlorës. Pikërishtë lokali i Bujarit, një ide origjinale dhe e mirëmenduar, bën diferencën e lokaleve në të gjithë Shqipërinë.

Ja çfarë shkruan Rama

Bujari, pronari&ideatori&kuzhinjeri i restorantit me të njëjtin emër në Lungomare, ku që nga kusia e kthyer në tabelë mbi derë e deri tek menuja e shkruar me dorë, ka një fill kreativ të denjë për dizajnin e lokaleve top të Nju Jorkut apo Londrës👌Lungomarja e Vlorës, ka nisur të bëhet vija më e gjatë e lokaleve dizajn në Shqipëri – mua Blloku në krahasim me të, më duket si Ligue1 ne krahasim me Premier League😂

Ndërmarrja e Ujësjellës Kanalizimeve në qytetin e Vlorës gjatë muajit shtator do të intensifikojë punën për reformën e ujit, ku fokusi kryesor do të jetë te biznesi.

Drejtori i Ujësjellës Kanalizimeve Vlorë, Dorian Xhelili bën të ditur se “gjatë muajit shtator do të fokusohemi tek biznesi, i cili është një nga konsumatorët më të mëdhenj dhe do të jetë në fokusin tonë”.

“Aktualisht kemi përfunduar pjesën e parë të verifikimit të subjekteve të biznesit dhe do të vazhdojmë me abonentët familjarë. Do të këmbëngulim që bizneset të jenë të pajisur 100% me matësa dhe në marrëdhënie të rregullt me shoqërinë tonë”, tha Xhelili.

Lidhur me përballimin e sezonit turistik në drejtim të situatës së furnizimit me ujë të pijshëm, Xhelili u shpreh se “kemi një përmirësim të ndjeshëm për sa i përket furnizimit me ujë, sidomos në zonën e bregdetit, ku jemi më tepër të fokusuar”.

“Kemi pasur furnizim me ujë 24 orë në zonat bregdetare dhe në një pjesë të qytetit”, shton ai.

Për sa i përket problemeve me furnizimin me ujë, Xhelili sqaron se “probleme kemi pasur në një pjesë periferike të qytetit, ku e kemi pasur të pamundur për një rrjet ujësjellësi të ri, por kemi dhënë zgjidhje me mundësitë tona për një furnizim sa më optimal”.

Sipas tij, edhe në këto zona që kanë qenë informale para pak vitesh ne jemi përpjekur dhe kemi siguruar furnizimin me ujë të pijshëm.

“Kemi pasur probleme sporadike, por kanë gjetur zgjidhje”, përfundon Xhelili./atsh

Kryeministri Edi Rama i shoqëruar nga një grup ministrash ka bërë një bilanc të sezonit turistik 2018 nga Radhima e Vlorës.

Në fjalen e saj ministrja e Kulturës Mirela Kumbaro, rendit disa nga zhvillimet positive të këtij sezoni. Ajo nga thekson se kemi një rritje të numrit të vizitorëve në vendin tonë, shifrat sipas saj nuk mund ti krahasojmë me vitin 2013, por do ti referohemi vetëm janarit të vitit 2017. Ndër të tjera ajo rendit dëshirën për të vizituar site kulturore. Këtë vit në 10 site u vendosën biletari elektronike ndërsa vitin tjetër do të shesim bileta online.

Nga ana tjetër ministri i Brendshëm, Fatmir Xhafaj bëri bilancin sa i përket Policisë së Shtetit, duke evidentuar se si pasojë e punës së tyre këtë sezon turistik ka pasur më pak vepra kriminiale. Ndër to, Xhafaj ka veçuar bilancin zero të incidenteve të mjeteve të ujit./vizionplus

Ministri për Evropën dhe Punët e Jashtme, Ditmir Bushati ishte në Kroaci, ku ka marrë pjesë në forumin e Dubrovnikut me temë “Forcimi i qëndrueshmërisë – Mesdheu, Evropa dhe Ballkani Perëndimor”. Bushati është surprizuar nga homologia e tij kroate, Maria Pejčinović Burić , e cila i dha bluzën e lojtarit më të mirë të futbollit, Luka Modric, për “lojtarin më të mirë të diplomacisë”.

Pejčinović ka surprizuar dhe kolegët me këtë dhuratë për Ministrin Bushati, teksa nga fotoja duket që paksa xheloz është bërë edhe ministri grek Nikos Kotzias.

Mesfushori kroat Luka Modriq është shpallur futbollisti i vitit nga UEFA për këtë sezon, ndërkohë që Kroacia zhvilloi një përformancë të shkëlqyer në kampionat botëror.