Aktualitet

Pak ditë më parë u publikua në televizionin ‘faxweb’ rasti i Fatos Mihalit, pronar i një televizioni lokal në Fier, i cili ishte shoqëruar në komisariatin e policisë për shkak se kishte hapur një pusetë që i përmbyste biznesin e tij.

Pas letrave të vazhdueshme të tij në drejtim të Bashkisë, gjithë sa mori mbrapsht ishte indeferentizmi i tyre dhe shoqërimi për në komisariat.

Kur ende nuk ka marrë një zgjidhje përfundimtare, Mihali është detyruar që ta mbyllë sërish pusetën dhe të nxjerrë në shitje dhe shtëpinë e tij. Ai tregon se nuk mund të jetojë mes ujqërve, të cilët arritën që t’ia mbyllnin gojën.

‘’Përshëndetje! Kjo është gjendja pas ‘’krimit’’ të Fatos Mihalit. Krim i pastër kundër pronës publike , krim kundër Bashkisë Fier, krim ndaj Pitbull Subashit e dhjetëra Subasheve të tjerë. Unë e mbylla këtë krim me 4000 lekë të reja nën qindra fotografë të Bashkisë të fshehur në makina e dyqanet përreth.

Duhet të përballem tani në prokurori për t’i shpëtuar dënimit me burg dhe në gjykate për të shpëtuar 500 mije leke, kur gjithçka kushtoi vetëm 4000 lekë. Por ata fituan, ma mbyllen gropën pa e zgjidhur problemin, ma mbyllën biznesin 60.000 mijë leke në muaj, fituan me fenomenin që: kush guxon ndaj nesh që jemi Bashkia e Krimit e pëson edhe më keq.

Unë kam vetëm këto shtëpi dhe sot po deklaroj pa deshirë se i nxora në shitje, e do zhdukem nga ky vend se vetëm midis mijëra ujqërve të kuq neokomunista”, shkruan Mihali për Faxweb.

Dy të rinj janë të zhdukur prej dy muajsh ne qytetin bregdetar të Vlorës. Denoncimi në polici është bërë nga prindërit e dy të rinjve të cilët thonë se prej dy muajsh nuk kanë asnjë kontakt me fëmijët e tyre.

Dy të zhdukurit janë Ervis Troqe dhe Albano Xhaferri të cilët ishin shokë me njëri-tjetrin. Ervis Troqe është zhdukur disa ditë pas Albano Xhaferrit.

Prindërit i bëjnë apel policisë që të gjejë dy djemtë, pasi nuk e dinë fatin e tyre.

Një makinë tip ‘Benz’ është djegur në orët e para të mëngjesit të së dieles në qytetin bregdetar të Vlorës.

Zjarri ka rene ne mjet ne në lagjen ’28 Nëntori’, ndërsa makina tip ‘Benz’ me targa AA007EP ka qenë i parkuar poshtë një pallati. Policia ka thene paraprakisht se makina është në pronësi të një 27-vjeçari me iniciale R.B.

Pas konstatimit te zjarrit, ekipet e emergjences kanë mbërritur në vendngjarje dhe kanë neutralizuar flakët. Nderkohe mjeti eshte djegur plotesisht.

Policia ka thene se paraprakisht dyshohet se zjarrvënia ka qenë e qëllimshme ndersa pronari i mjetit ka thënë në polici se nuk ka konflikte me njeri.

Përpos zhvillimeve në politikë shtaotir do të ketë edhe zhvillime në procese gjyqësore që kanë bërë bujë në vendin tonë, një prej tyre është edhe ai i ish-ministrit të Brendshëm Saimir Tahir. Pritet që në Itali të nisë procesi i rëndësishëm gjyqësor ndaj anëtarëve të bandës italo-shqiptar të narkotrafikantëve të vëllezërve Habilaj.

Pak javë më parë, bëri bujë lajmi se financieri i kësaj bande, shqiptari Nezar Seitaj i arrestuar në Shqipëri dhe i ekstraduar mes polemikave të shumta në Itali, ishte lënë “i lirë” duke i ndryshuar masën e arrestimit nga burg në arrest shtëpiak. Gjykata e Katanias ka konfirmuar këtë vendim, por sipas Ora News, deri më sot Nezar Seitaj vazhdon të qëndrojë në burg.

Masa e arrrestit shtëpiak do të aplikohet vetëm në momentin kur gjykata e Katanias do të vërë në dispozicion të të arrestuarit byzylykun elektronik që bën të mundur kontrollin e tij në distancë e moslargimin nga banesa. Por deri më sot bykylyku elektronik për të nuk ka ardhur e shqiptari Seitaj vazhdon të qëndroj në gjendje arresti me burg.

Ndryshimi i masës së arrestit për Nezar Seitaj nga Gjykata e Katanias u bë pas vlerësimit të kërkesës së avokatit të tij që pretendon në rolin dytësor e të parëndësishëm të klientit të tij në lidhje me aktivitetin e kësaj bande.

Seanca e procesit gjyqësor të bandës së Habilajve është konfirmuar të zhvillohet në Gjykatën e Katainas më datë 26 shtator e po me 26 shtator do zhvillohet dhe procesi gjyqësor ndaj Nezar Seitaj dhe pse nga mediat shqiptare pak javë më parë informohej se procesi ndaj tij do të ishte i ndarë nga anëtarët e tjerë të bandës Habilaj.

Seanca e parë gjyqësore ndaj bandës së Habilajve u mbajt në Katania më 31 maj të 2018, një seancë e shkurtër ku  avokatët e të arrestuarve shqiptarë kërkuan gjykim të shkurtuar për klientët e tyre, kërkesë kjo e pranuar nga trupi gjykues.

Një ditë më parë më 30 maj, nje ekip prokurorësh shqiptarë morën në pyetje të gjithë të arrestuarit shqiptarë të bandës së Habilajve. E sipas burimeve të Ora Neës, marrja në pyetje nga prokurorët shqiptarë ka të bëjë me aktivitetin e tyre kriminal në Shqipëri. Në seancën e ardhshme të datës  26 shtator, pas parashtrimit të akuzave të prokurorëve, avokatët mbrojtës do të nisin me linjat e tyre mbrojtëse që pritet të zgjasin disa seanca.

Në raportin e publikuar ditën e djeshme gjatë Asamblesë Kombëtare të së majtës, vihej re një analizë dhe vlerësime të detajuara për punën e çdo bashkie të qeverisur nga socialistët.

Në raport nuk janë përfshirë bashkitë që drejtohen nga Partia Demokratike, të cilat sigurisht nuk i janë bashkuar nismës së qeverisë për bashkëqeverisje me qytetarët. Gjithashtu, nuk figurojnë edhe pesë bashki të tjera që drejtohen nga përfaqësues të Lëvizjes Socialiste për Integrim.

Raporti përfshinte vlersimet për disa kritere:

Kriteri i parë: Numri i punonjësve në administratë e përllogaritur për 1 mijë banorë, bashkitë më produktive dhe me më pak punonjës janë Bashkia Tiranë, Shijakut dhe e Librazhdit.

Kriteri i dytë: Të ardhurat e bashkisë. Bashkitë me rritjen më të madhe të mbledhjes së të ardhurave që vlerësohen Malësia e Madhe, Tiranë dhe Poliçan.

Kriteri i tretë: Të ardhurat e mbledhura për numër banorësh; Bashkia e Vlorës, Tiranës dhe Roskovecit.

Kriteri i katërt: Ecuria e investimeve me të ardhurat e veta; vlerësohen Malësia e Madhe, Ura Vajgurore dhe Bashkia e Librazhdit.

Kriteri i pestë: Investimet ndaj të ardhurave të veta, vlerësohen Bashkia e Durrësit, Malësisë së Madhe dhe Belshit.

Kriteri i gjashtë: Rritja e furnizimit me ujë të pijshëm. Vlerësohen Bashkia Durrës, Lushnjë, Malesi e Madhe, Pukë, Himarë dhe Konispol.

Kriteri i shtatë: Ecuria e detyrimeve të prapambetura. Vlerësohen Bashkia Maliq, Konispol dhe Himarë.

Kriteri i tetë: Ecuria e tokave të mbjella me sipërfaqe bujqësore. Vlerësohen bashka Pukë, Ura Vajgurore dhe Vlorë.

Sipas kësaj skeme dhe raportit, vlersimi i secilës bashki me numërin e grumbulluar të pikeve, renditja vijon:

Bashkia e Malësisë së Madhe me ka plotësuar 4 kritere.

E dyta renditet Bashkia Tiranë me plotësimin e 3 kritereve.

Të tretët me nga dy kritere të plotësuara, renditen Bashkitë: Librazhd, Durrës, Pukë, Himarë, dhe Vlorë.

Të katërt me nga një pikë renditen Bashkitë: Belsh, Konispol, Lushnjë, Poliçan, Roskovec Shijak dhe Ura Vajgurore.

Sipas paralajmërimeve të kryeministrit ditën e djeshme gjatë mbledhjes me dyer të mbyllura u paralajmërua se të gjithë kryebashkiakët që nuk kanë plotësuar asnjë kriter dhe të vlerësuar me notën zero, kanë shumë pak mundësi për tu mbështetur nga PS për një rikandidim.

Bashkite me notën zero janë: Bashkia Tepelenë, Bashkia Sarandë, Bashkia Maliq, Bashkia Divjakë

Bashkia Gramsh, Bashkia Konispol, Bashkia Mirditë, Bashkia Fushë-Arëz, Bashkia Libohovë, Bashkia Kolonjë, Bashkia Skrapar, Bashkia Has, Bashkia Pustec, Bashkia Këlcyrë, Bashkia Kurbin

Bashkia Rrogozhinë, Bashkia Finiq, Bashkia Memaliaj, Bashkia Patos, Bashkia Kuçovë, Bashkia Krujë

Për të rritur transparencën e raportit, është vendosur nga grupi i punës për bashkëqeverisjen, t’u jepet një shans i fundit të gjithë kryebashkiakëve për tu ballafaquar me banorët e bashkive përkatëse për të teta kriteret e renditura më sipër në turin e llogaridhënies në prezencë të një përfaqësuesi nga grupi i punës për bashkëqeverisje.