Aktualitet

Bashkia Tropojës ka ndërhyrë në rikonstruksionin e fasadave të pallateve, duke ndryshuar pamjen e qytetit dhe përmirësuar kushtet e jetesës së qytetarëve.

Kryetari i bashkisë së Tropojës, Besnik Dushaj se “një pjesë e pallateve të qytetit Bajram Curri, në të cilat është ndërhyrë me rikonstruksionin e fasadave, gjë që jo vetëm ka përmirësuar ndjeshëm kushtet e banimit të qytetarëve që jetojnë në këto godina, por gjithashtu i ka dhënë një pamje më të bukur qytetit”. /atsh

Kompania e parë ajrore shqiptare, “Air Albania” shumë shpejt pritet që të ngrihet në fluturim me një flotë avionësh nga më të mirat.

Kryeministri Edi Rama ka publikuar në rrjetet sociale një foto ku vërehen dy gota me logon e “Air Albania” duke shkruar në të “përgatitjet e fundit”.

“Air Albania”, kompania e parë ajrore shqiptare, pritet që të ofrojë shërbime cilësore në transportin e udhëtarëve nga Shqipëria, duke shërbyer kështu edhe si një mekanizëm për uljen e çmimit të biletave të avionëve për udhëtarët. /atsh

Nëse mendoni se vapa iku me gushtin e keni gabim. Sinoptikanët parashikojnë se 10 fitëshi i dytë i shtatorit të jetë i ngrohtë dhe me diell. Sipas Meteoalb shirat priten gjatë periudhës 15 – 20 shtator, kryesisht në ekstremet Veri – Juglindje dhe më pak të rrezikuara paraqiten zonat Lindore dhe Qendrore.

MOTI NE VIJIM: mbetet 10-ditëshi i dytë i shtatorit kryesisht i kthjellët me kohë të përkohshme gjatë pasditëve ndërsa shirat priten gjatë periudhës 15-20 shtator, kryesisht në veri-Juglindje ekstremet dhe më pak të rrezikuara paraqiten zonat Lindore dhe Qendrore.

Temperaturat mbeten të larta, mesatarisht 4 ° C mbi vlerat tipike të fillimit të vjeshtës, më e ndjeshme kjo anomali gjatë orëve të mesditës duke bërë që periudha 10 – 15 shtator të mbetet e favorshme për pushuesit (përjashtuar erën e cila shpeshherë bëhet problematike në bregdet ). Sipas zonave, temperaturat ekstremale gjatë këtij 10 ditësh presin të variojnë nga 10-11 ° C minimalet në zonën malore deri 26 – 29 ° C maksimumi gjatë mesditës; nga 18 – 21 ° C vlerat e mëngjeseve deri ne 29 – 33 ° C maksimumi ne Ultësirën Perëndimore

Procesi i dixhitalizmit ka ndodhur edhe në Itali 6 vite më parë. Por ndryshe nga Shqipëria në Itali dekoderat janë dhënë falas nga qeveria italiane për qytetarët e vet. Pra, qytetarët italianë të cilët kanë një rrogë mesatre prej 1600 eurosh i kanë marrë falas dekoderat për televizonin, ndërsa në Shqipëri, ku paga mesatare është rreth 200 euro, dekoderat po u shiten nga qeveria, qytetarëve me çmime deri nga 25-30 euro për një dekoder.

Qeveria ka mashtruar opinionin publik sikur ka dhënë 80 mijë dekodera falas, ndërsa e vërteta është ndryshe. Ato dekodera janë tenderuar nga qeveria dhe paratë e tyre janë marrë nga xhepat e taksapaguesve. Pra, qeveria nuk ka dhënë asnjë dekoder falas.
Ajo çfarë është akoma më e rëndë në këtë aferë të pistë të qeverisë që po u vendos një tjetër taksë shqiptarëve është se paratë shkojnë për llogari të dy kompoanive të afërta me qeverinë, të cilat në përfundim të këtij procesi llogarisin që të fitojnë rreth 30 milionë euro nga xhepat e varfër të shqiptarëve.

Revoltë dhe urrejtje ka shpërthyer në rrjetet sociale ndaj Ramës, pas ndërprerjes së transmetimeve televizive në formatin analog në zonën Tiranë- Durrës në dy prej qarqeve më të mëdha të vendit, Tiranë dhe Durrës.

Vendimi i Autoritetit të Mediave Audiovizuale për bllokimin e transmetimeve analoge në Tiranë dhe Durrës rezultoi një katastrofë. Mijëra vetë mbetën pa sinjal televiziv dhe nxituan të blejnë aparatet, duke krijuar radhë të gjata, kryesisht në dyqanet e platformave Digitalb dhe Tring. Brenda 24 orëve AMA riktheu sinjalin e televizioneve analoge, për shkak të irritimit që provokoi tek qytetarët.

Vendimi i AMA-s është që deri në 15 janar të vitit tjetër, në Tiranë dhe Durrës kanalet televizive mund të shihen falas në të gjitha aparatet televizive. Por në këto 24 orë u pa qartë se kalimi në transmetim dixhital provokoi një valë mllefi tek shumica e qytetarëve.

Dyndja e  menjëhershme në dyqanet e platformave dixhitale Tring dhe Dixhitalb tregoi se qytetarët ishin të painformuar. Pavarësisht se fushata në media ka nisur tashmë prej një viti e gjysëm, siç pranoi kreu i AMA Gentian Sala, sërish ajo nuk ka qenë e mjaftueshme për të kuptuar se çfarë do të ndodhte. Shumë prej atyre që qëndronin për orë të tëra në radhë, thanë se nuk e kishin kuptuar mesazhin e AMA-s dhe se vendimi i kishte ardhur papritur.

Problemi ishte se transmetimet dixhitale kaluan në frekuenca për të cilat duhej blerë një dekoder DVB-T2. Të gjithë ata që kanë një televizor plazma me dekoder të përfshirë, që është DVB-T, DVB-C, por jo DVB-T2, nuk mundën të shohin më asnjë kanal televiziv, as analog dhe as dixhital.

Nga ana tjetër, fikja e transmetimeve analoge gjeti të papërgatitura platformat dixhitale. Aparatet në shitje nuk mjaftonin për të përballuar fluksin e kërkesave. Por e sigurtë është që biznesi ka qenë në ditën e tij më të mirë, këto 24 orët e fundit.

Por irritimi i qytetarët nuk erdhi thjesht nga radhët e gjata, mungesa e informimit apo nga zhgënjimi se jo të gjithë aparatet dixhitale mund ta përballonin transmetimet e reja.

Shkak u bë arroganca dhe vendimi për të marrë akoma para nga qytetarët, për kanale që janë falas në transmetim. Dhe këto janë qytetarët që nuk mund t’ia lejojnë vetes blerjen e një televizori, prodhim të viteve të fundit.

Janë mijëra pensionistë, të papunë, invalidë apo familje të tjera me të ardhura të pakta, të cilët sapo kuptuan se taksa që paguajnë për Televizionin Publik nuk mjafton. Vërtet që çmimi i një aparati DVB-T2 mund të duket një shumë e papërfillshme për t’u paguar (nga 2 mijë deri në 3 mijë lekë), por në këto 24 orë, qytetarët e më të varfër të vendit e konsideruan këtë një pagesë të padrejtë.

Sepse, nëse e kanë paguar çdo muaj taksën për të parë TVSH-në dhe televizionet e tjera kombëtare, atëherë përse duhet të paguajnë dy herë për të marrë të njëjtin shërbim?

Dhe këto janë të njëjtët që kanë ndjerë në xhepat e tyre rritjen e çmimit të ujit, rritjen e çmimit të energjisë elektrike, rritjen e çmimit të biletës së autobuzit, rritjën e çmimit të karburanteve madje edhe të librave shkollorë, për të cilat vazhdojnë t’u thuhet se po i marrin falas

Gjatë fjalës së tij nw Mbledhjen e Kwshillit Kombwtar, kreu i PDIU, Shpetim Idrizi iu përgjigj edhe deklaratave të kryeministri grek, Aleksis Tsipras pak ditë më parë, teksa tha se çështja çame nuk ekziston. Shpëtim Idrizi i konsideroi se deklarate arrogante ato të kryeministrit grek dhe sipas tij, Greqia është i vetmi vend që nuk i njeh minoritetet.

“Çështja çame ndodhet në një moment delikat. Më duhet t’i jap një përgjigje kryeministrit grek që tha me arrogancë se çështja çame nuk ekziston si dhe të tjerëve që thonë se janë në prag të një zgjidhje me Shqipërinë. Ne nuk çuditemi nga deklaratat arrogante tipike të një lideri në Ballkan si Cipras. Greqia nuk ka përzënë vetëm çamët, por edhe hebrenjtë dhe të tjerët. Greqia është i vetmi vend që nuk i njeh minoritetet.  Pala shqiptare thotë se ne kemi folur për çështjen  çame, por Greqia nuk pranon. Kaq? Kjo nuk mjafton.  Ne i jemi adresuar ministrin Bushati me 16 pyetje për të sqaruar opinion publik se çfarë është diskutuar me palën greke”- tha Idrizi.