Aktualitet

Çdo vit numri i fëmijëve që braktisin shkollën për shkaqe ekonomike është i madh në Durrës, e kryesisht në zonën informale të ish-Kënetës. Familjet e varfra, të cilave iu është ndërprerë edhe ndihma ekonomike janë të shumta. Një prej tyre është familja Seferi me origjinë nga Dibra.

Në familjen Seferi prej pesë anëtarësh punon vetëm Liljana në rrobaqepësi e cila merr një pagë prej 20 mijë lekësh të reja në muaj. Anisa në klasën e shtatë për këtë vit nuk ka mundësi të blejë as rroba të reja dhe as bazën materiale, ndërsa kompletin e teksteve shkollorë e ka tërhequr pa kryer pagesën. “Vëllai i saj Petriti duhej të ishte në klasën e 9 por e braktisi kur përfundoi të 6-ën”, -tha gjyshja e fëmijëve Selvia, shkruan BW.

Pashke Marku, drejtoreshë e shkollës së re në Kënetë tha se braktisja e shkollës nga fëmijët e zonës për shkaqe ekonomike është evidente nga viti në vit. Ajo tha se 17 fëmijë e braktisën arsimin e detyrueshëm në vitin e shkuar, ndërsa në 2016, 22.

Për herë të parë këtë vit fëmijët e arsimit të detyrueshëm i marrin tekstet falas, ndërsa nga klasa e pestë e deri në gjimnaz prindërit janë duke bërë sakrifica të mëdha për të blerë tekstet shkollorë. Për drejtorinë Arsimore përveç nxënësve të ciklit të ulët, tekstet falas i përfitojnë edhe disa kategori të tjera. Por familjet e varfra si e Anisës nuk bëjnë pjesë tek kjo kategori përfituesish sepse nuk janë përfitues nga skema e ndihmës ekonomike. Fëmijët këtyre familjeve e braktisin shkollën e shembull i braktisjes është kjo shkollë e cila numëroi 17 fëmijë vetëm në vitin 2017-2018./korrieri

Tsarizm.com i ka kushtuar një artikull gazetarit investigativ  Artan Hoxha. Në artikullin në fjalë flitet për çështjet e bujshme për të cilat ka folur gazetari Hoxha, si dhe është risjellë në vëmendje edhe një intervistë që ai ka dhënë pak kohë më parë për median gjermane STERN, ku ka bërë disa rrëfime tronditëse.

Tsarizm.com shkruan se “Artan Hoxha është një gazetar shqiptar investigativ i cili për 19 vjet ka trajtuar çështje të drogës dhe të klaneve të tjera, ka takuar informatorë, policë, politikanë dhe biznesmene. Gjatë kësaj karriere të rrezikshme ai është rrëmbyer, persekutuar, shantazhuar dhe ofenduar, duke vënë në rrezik jetën e tij në shumë raste”. Shumica e temave që ai trajton konsiderohen tabu  në Shqipëri, veçanërisht çështjet e mafies.”.

Ndërsa më tej në këtë shkrim, thuhet se gjatë intervistës për median gjermane, Hoxha deklaronte se nëse do vritej nga mafia, do të donte të vritej nga Kallashnikov ose një bombë e mbjellë në makinën time, diçka e shpejtë.

“Ne (gazetarët) duhet të merremi me produktet më të” suksesshme “të eksportit shqiptar – drogës dhe dhunës. Në ditët e këqija, gjej veten duke folur me vrasësit e mi, njerëzit e Mafias, duke i pyetur se si do të më ekzekutojnë. Do të kisha pëlqyer te vritesha nga Kallashnikov ose një bombë e mbjellë në makinën time, diçka e shpejtë. Gjithmonë rri me fytyrë nga dera kur rri diku … nëse vrasësit mbërrijnë, mund të kem disa sekonda për të ikur “.-është kjo pjesë e intervistës e risjellë nga Tsarizm.com.

Ndërsa më tej në shkrim theksohet se gazetari shqiptar ka hetuar shumë çështje të rëndësishme të mafies, siç janë vendet ku transportohet kanabisi, pastrimi i parave, korrupsioni, vrasja e katër protestuesve të paarmatosur gjatë protestave të opozitës më 21 janar 2013 ose vrasjen e bankierit Santo.

Shkrimi i plotë në Tsarizm.com:

Artan Hoxha është një gazetar shqiptar investigativ i cili për 19 vjet ka trajtuar çështje të drogës dhe të klaneve të tjera, ka takuar informatorë, policë, politikanë dhe biznesmene. Gjatë kësaj karriere të rrezikshme ai është rrëmbyer, persekutuar, shantazhuar dhe ofenduar, duke vënë në rrezik jetën e tij në shumë raste përmes programit të tij hetimor televiziv në News24, “Xhungël”. Shumica e temave që ai trajton konsiderohen tabu  në Shqipëri, veçanërisht çështjet e mafies.

Në një intervistë të kohëve të fundit me revistën gjermane “Stern”, ai rrefeu se mori shantazhin e fundit vetëm disa orë përpara intervistës.

Ai thotë: “Ne (gazetarët) duhet të merremi me produktet më të” suksesshme “të eksportit shqiptar – drogës dhe dhunës. Në ditët e këqija, gjej veten duke folur me vrasësit e mi, njerëzit e Mafias, duke i pyetur se si do të më ekzekutojnë. Do të kisha pëlqyer te vritesha nga Kallashnikov ose një bombë e mbjellë në makinën time, diçka e shpejtë. Gjithmonë rri me fytyrë nga dera kur rri diku … nëse vrasësit mbërrijnë, mund të kem disa sekonda për të ikur “.

Artan Hoxha nuk është paranojak, por e gjithë kjo nuk e ka ndaluar atë që të hetojë. Ka shumë opinione rreth mbijetesës së tij deri më tani. Disa thonë se ai është pjesë e vetë mafias; të tjerë se ai është i mbrojtur nga CIA. Por ai thotë, “Sa më shumë që unë të gjykohem, aq më shumë mundësi kam për të mbijetuar”.

Operacioni i madh i policisë në Shqipëri, kapen 15 tonë drogë

Në artikullin e tij në “Stern”, shkrimtari gjerman, Jonas Breng, bën një analizë të thellë të mafias së drogës në Shqipëri dhe Evropë. Ai thotë se Artan Hoxha është i suksesshëm në hetimet e tij pasi merr informata faktike nga publiku, duke i dhënë atij prova për biznesin e drogës. Njerëzit i besojnë më shumë se zyrtarëve shtetërorë; ata e quajnë Robin Hood të Shqipërisë.

Sipas Hoxhës ka tre arsye kryesore që favorizojnë krijimin e mafias së drogës në Shqipëri: • Strukturat e klanit • Pozita gjeografike • Politika “Shqipëria është si një serë, me një klimë të mirë në të cilën lulëzojnë bimët e paligjshme”, thotë ai. Gazetari shqiptar ka hetuar shumë çështje të rëndësishme të mafies, siç janë vendet ku transportohet kanabisi, pastrimi i parave, korrupsioni, vrasja e katër protestuesve të paarmatosur gjatë protestave të opozitës më 21 janar 2013 ose vrasjen e bankierit Santo, i cili ishte përfshirë në mafiën e vajit, në qershor 2014, vrasësit e të cilëve, sipas Hoxhës, u ekzekutuan gjithashtu nga të njëjtit njerëz që urdhëruan vdekjen e tij. Ai gjithashtu jep një shembull të një prej informatorëve të tij, i cili u rrëmbye dhe u ekzekutua dy muaj pas një hetimi. Hoxha po heton 2 milionë euro që janë transferuar nga Panama në Shqipëri, të cilat mbeten të dyshimta.

Për shkak të ndërhyrjeve të mëdha, hetimi i tij u mbyll. Ai gjithashtu ka hetuar rastin e “Pablo Escobar” të Shqipërisë, Klement Balili, shefi i drogës, i cili është ende i lirë. Të gjitha përpjekjet për ta kapur atë kanë dështuar. Hoxha thekson se ka lidhje të forta me politikanët dhe policinë, të cilët përpiqen të heshtin çështjen e tij. “Detyra ime është t’u kujtoj atyre”, thotë ai, duke ofruar dëshmi se ai udhëton si një turist në vend, në një kohë kur autoritetet këtu dhe jashtë saj po kërkojnë për të. Gazetari shqiptar është dërguar disa herë në Prokurorinë për zbulimin e sekreteve hetimore, siç është rasti i avionit italian të drogës që u ul në Ishem afër Tiranës disa vite më parë. Dhe pse ai ka dhënë reagime ndaj policisë dhe Prokurorisë për të gjitha çështjet aktuale të mafias, askush nuk i ka kushtuar vëmendje hetimeve të tij. Gazetari “Stern” jep një panoramë të qartë se si klanet shqiptare të drogës veprojnë në Gjermani dhe vende të tjera. Nëpërmjet pyetjeve të tij, ai pohon se kartelet shqiptare të drogës janë ndër më të fuqishmit në Evropë. Ata janë përpjekur për të marrë kontrollin e tregtisë së drogës në Gjermani për vite me rradhë, duke lënë pas rusët dhe tregtarët turq të drogës.

Sipas tij, shqiptarët kanë përparësi pasi lindin të mos flasin. Ata nuk janë grupe të zakonshme të njerëzve të dhunshëm, por njësi me organizim brutal dhe hierarki vertikale. Ata janë njerëz besnikë, të gatshëm të paguajnë çdo çmim, madje edhe vdekjen. Disiplina është çelësi i tyre. Kartelat paguajnë paga edhe për familjet e tyre në Shqipëri. Shqipëria zë vendin e parë për prodhimin e marijuanës. Ka 20 familje të mëdha klanore në vend. Klanet shqiptare janë më të vogla se në Mafia Italiane, Cosa Nostra, ose Ndragheta. Politika është e lidhur ngushtë me kartelet e drogës dhe sistemi gjyqësor është i korruptuar. Në 2016, u arrestuan 1349 shitës droge, por vetëm 100 u dërguan në burg. Me negociatat e vazhdueshme për anëtarësimin e mundshëm në BE, qeveria shqiptare është e detyruar të jetë e angazhuar zyrtarisht për luftën me drogë, duke pretenduar se situata është nën kontroll.

Sipas meteorologëve, shtatori i vitit 2018 nuk do të jetë shtator tipik i vjeshtës së klimës shqiptare.

Meteorologia Tanja Porja thotë: “Pasi siç e kemi parë edhe në këto ditë moti ka qenë tërësisht i kthjellët, ka pasur herë pas here vranësira, shirat kanë qenë fare pak prezentë, ndërkohë që temperaturat në fakt janë relativisht të larta edhe gjatë orëve të natës dhe të mëngjesit, por kryesisht në mesditë. 

Këto ditë janë shënuar temperaturat maksimale, 32, 33, edhe 34. Është një periudhë shumë komode për të gjithë ata që nuk janë ngopur me plazhin gjatë stinës së verës, mund ta vijojnë gjatë gjithë muajit Shtator.” 

Porja thotë për Tv Klan edhe se muajt tetor dhe nëntor do të jenë më të ngrohtë.

“Ka pasur një aktivizim të fenomenit El nino në Gusht, gjë që ka bërë që Shtatori të jetë 4-5 gradë më i nxehtë se normalja. Dhe me një siguri mbi 80% pritet që edhe muaji Tetor-Nëntori duke përfshirë edhe muajin e fundit të vitit Dhjetori, parashikoj që të jenë më të ngrohtë sesa normalja. Deri në datën 20 Shtator nuk ka mundësi për shira në të gjithë territorin shqiptar, të shpresojmë pas datës 20.” 

Teksa papunësia i është kthyer rënies vitet e fundit, në disa qarqe treguesi shfaq diversitet të lartë. Teksa në qytetin e Dibrës dhe Korçës, forca e punës është drejt shterimit, në Qarkun e Vlorës papunësia është gati sa dyfishi i mesatares kombëtare dhe Tirana e ka papunësinë 4.2 pikë përqindje më të lartë se mesatarja kombëtare.

Sipas të dhënave të INSTAT, papunësia në qarqet e Korçës dhe Dibrës ishte respektivisht, 5.1 dhe 5.3% në tremujorin e dytë, me rënie të theksuar si nga tremujori i parë dhe nga viti i kaluar. Zhvillimet në punësim në dy qarqet duket se e kanë materializuar edhe perceptimin se popullsia e këtyre vendeve është e lidhur pas punës. Këto dy qarqe kanë pasuar edhe rritje PBB-së mbi mesataren e vendit pas krizës ekonomike 2008.

Si në Korçë dhe në Dibër, punëdhënësi më i madh është sektori i bujqësisë. Në Dibër, 59.5% të të punësuarve numërohen në bujqësi, ndërsa në Korçë 54.4% e të punësuarve janë në sektorin bujqësor.
Por në të kundërt, Vlora, Lezha, Tirana dhe Durrësi kanë një papunësi më të lartë se mesatarja e Republikës. Në Vlorë, papunësia në tremujorin e dytë ishte 23.3% ose 11.1 pikë përqindje më i lartë se treguesi në rang vendi. Në qytet e Vlorës dhe Durrësit, ofruesi i punësimit në rreth 50% është sektori i shërbimeve. Duke qenë se puna në këtë sektor është sezonale, papunësia në tremujor të caktuar është më e lartë se në qarqet e tjera të vendit.

Por gjithashtu Tirana vuan nga papunësia e lartë edhe pse rreth 60% e aktiviteteve ekonomike janë të përqendruara në këtë qark. Papunësia në Tiranë shënoi 16.6% në tremujorin e dytë të këtij viti, teksa Tirana dhe Lezha ishin të vetmet qarqe në rang vendi ku papunësia u rrit në tremujorin e dytë, teksa në të gjitha qarqet e tjera treguesi shënoi ulje.

Në terma vjetorë, rritja e punësimit sipas sektorëve kryesorë të ekonomisë është: 7,1% në sektorin e industrisë, 3,4% në sektorin e shërbimeve dhe 1,2% në sektorin e bujqësisë.

Krahasuar me tremujorin e mëparshëm, në tremujorin e dytë 2018, punësimi për popullsinë 15 vjeç e lart pësoi një rritje prej 0,1%. Punësimi shënoi rritje në sektorin e shërbimeve me 0,3% dhe në sektorin e industrisë me 0,1%, ndërsa sektori bujqësor mbetet në të njëjtin nivel./ Monitor

Kreu i ALUIZNI-t, Artan Lame njoftoi qytetaret që kanë banesa apo objekte të ndërtuara para vitit 1991 dhe që nuk zotërojnë dokumentin e pronësisë të paraqiten pranë zyrave të ALUIZNI-t duke nisur nga kjo e hënë për të aplikuar për legalizimin e këtyre banesave.

Lame tha se numri i ndërtimeve që mendohet të trajtohen nga ky vendim i qeverisë është 40-60 mijë.

“Dhënie dokumenti për pronarët që kanë ndërtuar para vitit 1991 dhe nuk kanë dokumentin e pronësisë. Numri i banesave varion nga 40 deri në 60 mijë, pasi nuk është bërë një census për këtë kategori.

ALUIZN-i do zbatojë vendimin e qeverisë. Duke filluar nga e hëna e kësaj jave, të gjithë qytetarët mund të paraqiten në sporteleve tona për t aplikuar për regjistrimin”- tha Lame.