Aktualitet

Me qindra Flamingo kanë pushtuar lagunën së fundmi, diçka që nuk ishte parë të ndodhte prej kohësh.

Laguna e Nartës është laguna e dytë më e madhe nga rëndësia për shpendët e ujit (20000 shpendë dimëror të rreth 40 llojeve), duke e bërë atë një habitat shumë të pasur, gjithashtu vend ushqimi për Pelikanin dhe ku takohen rregullisht Flamingot.

Flamingot nuk gjenden kudo, ato kanë aftësi që ti mbijetojnë vendeve me kripësi të lartë, janë zogj që mund të përshkruajnë 700 kilometra brenda 24 orëve dhe po ashtu ngjyra e tyre karakteristike e bën këtë shpend kaq të bukur.

Burimi : Faqja Zvërnec

Gazmend Oketa, vendos të largohet përfundimisht nga skena politike për t’i rikthyer profesionit të tij si inxhinier.

Ish-zyrtari i FRD ia ka komunikuar vendimin e tij edhe kryetarit Bamir Topi ndërsa është shprehur për GSH-në se nuk mund të rrijë në një salllë me trafikantë edhe pse Oketa nuk u zgjodh si deputet i Kuvendit në zgjedhjet e përgjithshme.

Lidhur me këtë ka reaguar e indinjuar gazetarja Edlira Gjoni e cila shkruan se na përfaqëson një sistem i çuditshëm antivlerash.

“Për mua ka qenë dhe është personifikimi i njeriut që i jep Shqipërisë imazhin, standartin dhe vendin që i takon në civilizim, pozitivitet e mes pranive hijerënda të Brukselit apo Ëashingtonit. Është deputeti, politikani, shqiptari me të cilin duhet të identifikoheshim, por nuk e lemë të na përfaqësojë në këtë sistem të çuditshëm antivlerash, ku Oketa nuk është në parlament, kurse Fufët, Doshët, Ballinjtë, Gjetanët e shokët e Balilajve, Habilajve e Shullazëve, janë!“ shkruan Gjoni.

REAGIMI I PLOTË:

Media kujtohet prapë sot të thotë “Oketa qëndron larg politikës”.

Për mua ka qenë dhe është personifikimi i njeriut që i jep Shqipërisë imazhin, standartin dhe vendin që i takon në civilizim, pozitivitet e mes pranive hijerënda të Brukselit apo Ëashingtonit. Është deputeti, politikani, shqiptari me të cilin duhet të identifikoheshim, por nuk e lemë të na përfaqësojë në këtë sistem të çuditshëm antivlerash, ku Oketa nuk është në parlament, kurse Fufët, Doshët, Ballinjtë, Gjetanët e shokët e Balilajve, Habilajve e Shullazëve, janë!

Me gishtat e dorës i numëroj deputetët e parlamentit prej të cilëve mund të mësosh a shpresosh për diçka, si prej Oketës. 130 të tjerët janë turpi i liderve që i kanë listuar dhe yni që i kemi votuar.

Kur Shqipëria fut frikën me njerëzit që e drejtojnë dhe e kanë marrë peng, shihni Gazmend Oketën. Ai është jashtë jetës publike, kurse analfabetët funksionalë janë në majë të saj, duke marrë vendime për ty.

Kemi fajin tonë në këtë sistem që kemi pranuar.

Mbi gjithçka, kemi humbur busullën e vlerave dhe qytetarinë. E lumtur që përpjekjet na bashkuan rrugët. E trishtuar që Shqipëria “spastron” anën më të mirë të saj!

Jeni ende duke vazhduar gjimnazin dhe keni dëshirë që të studioni në Shtetet e Bashkuara të Amerikës?

Ambasada Amerikane në Tiranë ka një njoftim të rëndësishëm për të gjithë ata nxënës të shkollave të mesme që të përfitojnë nga bursat e plota të studimit për një vit, ndërsa u ofrohet strehim në një familje amerikane.

Dhe lajmi më i mirë akoma është se gjithçka do të jetë falas.

“🇦🇱️ | | Jeni gati të kaloni një vit në Shtetet e Bashkuara, të mësoni për kulturën amerikane dhe të ndani traditat tuaja me amerikanët? Aplikoni në programin tonë YES, një bursë e plotë e cila i ofron nxënësve të shkollave të mesme në Shqipëri mundësinë për të jetuar me një familje amerikane dhe për të studiuar një vit në një shkollë të mesme amerikane – pa pagesë! Ju mund të regjistroheni paraprakisht online për testimin në Tiranë në adresën: https://bit.ly/2x1FJ4B (Për testimin në Fier më 19 tetor nuk ka nevojë për regjistrim paraprak). Për më shumë informacion dhe detaje, ju lutemi të kontaktoni American Councils në adresën [email protected]”, thuhet në njoftimin e Ambasadës Amerikane.

Është shoqëruar me tensione dhe përplasje aksioni i INUK për prishjen e ndërtimeve të konsideruara pa leje në bregdetin e Jalës .

Banorët shprehen se nuk janë njoftuar paraprakisht për aksionin e ndërmarrë, ndërsa në dhoma kanë ende turistë. Ata pretendojnë se janë me dokumente të rregullta.

“Jemi me dokumente të rregullta dhe duan t’i nxjerrin e dhunë nga prona e tyre. Kemi bërë mbivendosje mbi pronën tonë dhe çështjen e kemi apeluar. Tani presim vendimin e gjykatës. Nuk kemi marrë asnjë njoftim zyrtar për aksionin, por na kanë njoftuar vetëm me gojë”- shprehen banorët.

Drejtoria e Përgjithshme e Tatimeve njeh të interesuarit me të drejtat dhe detyrimet e kategorisë së tatimpaguesve: “Person Fizik me xhiro 0 deri në 2 milionë lekë”, si pjesë e Platformës së Informimit.

Person Fizik me xhiro 0 deri në 2 milionë lekë

Person Fizik, quhet një individ i cili kërkon të ushtrojë një aktivitet tregtar të pavarur dhe është i vetëpunësuar, i vetëm dhe/ose me punëmarrës anëtarë të papaguar të familjes dhe persona të tjerë. Personi fizik regjistrohet si i tillë në Qendrën Kombëtare të Biznesit.

Nëse një Person Fizik ka një xhiro vjetore të biznesit nga 0 deri në 2 milionë lekë, ai nuk është subjekt i TVSH-së dhe Tatimit mbi Fitimit, por ka detyrime për të deklaruar dhe paguar Kontributet e Sigurimeve Shoqërore dhe Shëndetësore dhe Tatimin mbi të Ardhurat Personale; Tatimin e Thjeshtuar mbi Fitimin dhe Tatimin në Burim.

Nëse je regjistruar ose do të regjstrohesh si Person Fizik, me një xhiro vjetore të biznesit në intervalin nga 0 deri në 2 milionë lekë, ju mund të gjeni më shumë informacion mbi të drejtat dhe detyrimet duke klikuar në link: https://bit.ly/2xkrvfb