Aktualitet

Prokuroria për Krimet e Rënda nuk është institucioni i vetëm i cili është në kaos funksional për shkak të dosjes “Shullazi”. Tmerri “Shullazi”, nuk ka rënë nga qielli, por është “mbjellë e rritur” ata që kanë pasur e kanë në dorë shtetin, pushtetin, drejtësinë, duke e përdorur si “pushtet” privat, brenda pushtetit kushtetues, për të mbajtur sundimin e për të shtuar pasuritë me krime, të cilit i kemi ende në pushtet, politikë e biznes, si Berisha, Meta, Mediu, Rama, Basha, Kryemadhi, Doshi, Duka i FSHF, Ahmetaj, Gjiknuri, Fusha, Xhillari, Carapuli, Suli, Abazi e Babasi…

Me fuqinë, lirinë dhe ortakërinë që i kanë dhënë këta, Shullazi po komandon edhe ata, po urdhëron drejtorët e doganave, të tatimeve, shëndetësisë, arsimit, kryepolicët, kryebashkiakët, ministrat, deputetët, kryeminsitrin, kreun e kuvendit dhe Presidentin. Deri tani, hija e Shullazit, ka shkatërruar 5 institucione e shërbime të rëndësishme publike në Shqpëri, të cilët janë legenosur prej lidhjeve e pazareve të krerëve drejtues, me të, aq sa prokurori, ministri, kryedoganieri, shefi ALUIZNI-t, shefja e Rinasit e deri kryeministri, i plotësojnë çdo kërkesë dhe i raportojnë, se ç’ndodh brenda shtetit!

Me lidhjet në shtet, ai shkatërroi dhe degjeneroi policinë, e cila kishte frikë të kalonte në principatën “Shullazi”, e maskuaur dhe e blinduar, ndërkohë që arrestimi u bë nga 1000 policë, me urdhër të SHBA! Hija e Shullazit, degjeneroi hiptekat, të cilat i urdhronte të punonin edhe natën për regjistrimin e pronave të tij, pa verifikaur asnjë letër, duke arritur deri në atë trup, sa deputeti i PS, ish-drejtor hipoteke, shkonte me vrap e me përulje, atje ku freskonte “bolet” Shullazi.

Hija e tij, degjeneroi arsimin e lartë, aq sa caktonte se cilët duhej të ishin rektorë universitete, duke kapur “për veshi” Rektorin Kule, kandidatin Koni dhe ministren Nikolla, të cilët prej 2 vitesh, bëjnë sikur “sëmuren”, sa herë është data e gjyqit. Hija e tij, degjeneroi gjykatat, të cilat po vijnë vërdallë prej vitesh me gjyqin e tij dhe nuk e zhvillojnë, mbasi gjyqtarët kanë frikë edhe të shkojnë në sallë, duke dhënë dorëheqje!

Hija e tij po degjeneron e shkatërron prokurorinë, duke e katandisur në “ring boksi”, mes prokurorësh që pështyhen, shahen e rrihen me njëri-tjetrin dhe shefat, që të mos caktohen prokurorë të dosjes “Shullazi”. Shenjat tregojnë, se do degjenorohen dhe institucione të tjera, ndaj shprehja e Edi Ramës: “Nuk keni parë gjë akoma”, u vërtetua jo vetëm prej tij me koncesionet dhe palaçollëqet që bënë, por edhe krizën shtetërore, që ka krijuar “miku” i tij Emiliono Shullazi…

Një kontigjent i madh njerëzish të cilësuar si eskobaët shqiptarë të kthyer në bërthamën më të rëndësishme të narkotrafikut në Europë janë pajisur me pasaporta diplomatike. Pjesa me e madhe i kanë mërrë në 1997 ndërsa Shqipëria vuante kaosin e atij viti të mbrapshtë, një segment i fortë pushteti, nisi të bëjë viktimën e gjoja “rebelimit komunist” dhe përgatiti dërgimin në Perëndim të detashmentit numëroz që do të ktheheshin në bërthamën më të rëndësishme të narkotrafikut në Europë.

Në mënyrë “të çuditshme” u pajisën me pasaporta diplomatike një kontigjent njerëzish që ishin jo vetëm të hurit dhe të litarit, por e kishin të mbushur kartelën e tyre penale plot në thuajse çdo komisariat të vendit. Urdhëri erdhi direkt nga Presidenca dhe firmën e vendosi Ministri i Jashtëm Tritan Shehu, i cili ishte formalisht edhe kryetar i PD-së.
Por edhe shefi i diplomacisë i qeverisë së koalicionit që drejtonte Bashkim Fino, Arjan Starova vuri firmën në një numër pasaportash të “bardha” që mbusheshin në Presidencë. Këto pasaporta janë lëshuar nga data 7 korrik, deri në 23 korrik 1997. Nisur nga shkresat e firmosura nga Sekretari i Përgjithshëm i Presidencës, Kolec Topalli, si dhe nga Shefi i Protokollit të Presidencës, Maxhun Peka, merret vesh lehtësisht se kemi të bëjmë me një përmbushje premtimi.

Ata kishin luftuar besnikërisht deri në ditën e fundit për ish-shefin e tyre dhe, për t’i shpëtuar ndëshkimit, janë pajisur me urdhër të shefit të madh, pra direkt të Presidentit të Republikës, Sali Berisha, me pasaporta diplomatike dhe shërbimi. Madje Kolec Topalli dhe Maxhun Peka, nuk harrojnë që në secilën shkresë të theksojnë; “Me porosi të Presidentit të pajisen me pasaportë…” Sa për ilustrim po japim vetëm disa emra që morën pasaporta diplomatike: Sali Lusha, ish truproja i Berishës, Rasim Lumeshi, i vrarë 10 vjet më parë, Isamedin dhe Ismet Haxhia, Sadik Çelaj, i akuzuar dhe për vrasjet në protestën e 21 Janarit si gardist etj. Por radha ishte shumë e madhe dhe thuajse të gjithë përfituan strehim politik si viktima të “rebelimit komunist në Shqipëri”.

Kontigjenti u nda në tre vende të mëdha: Zyrih të Zvicrës, Frankfurt të Gjermanisë dhe në Bruksel. Këta qytete Europiane u kthyen në qendra nevralgjike të narkotrafikut shqiptar. Shqiptarët jo vetëm po e trafikonin heroinën nga Afganistani e Turqia drejt Perëndimit, duke u lidhur me Sacra Corona Unita-n apo Ndragheta’n kalabreze. Por po fuqizoheshin duke mbyllur rrethin luksos së krijimit të një mafie edhe më të madhe se e para. Deri në vitin 1997, narkotrafiku shqiptar ishte thjesht transportues dhe ndërmjetësues. Por më pas, mafia shqiptare mori në dorë nga trafikimi, shpërndarja dhe shitja me pakicë, duke siguruar kështu një kapital shumë po shumë të madh parash, të cilat ose vinin në Shqipëri cash, ose përfundonin në kompani ofshorë. Kjo u bë nën syrin e qeverisë së re socialiste, e cila fitoi pushtetin në qershorin e vitit 1997. Por Kryeprokurori i ri Arben Rakipi, jo vetëm që nuk e hetoi këtë problem por nuk dërgoi asnjë letërporosi apo kërkesë ekstradimi për njerëzit e pajisur me pasaporta diplomatike.

Ndërkohë nën pushtetin socialist u krijuan grupet e rinj të narkomafias si Bandat e tmerrshme të Durrësit që do të futeshin deri në qeverinë e Fatos Nanos, të cilën Sali Berisha do ta quante “Klani i Zemunit”, por edhe në qeverinë e Ilir Metës e me radhë. Heroina nisi një rrugëtim tjetër, atë nga Greqia, ku doganat e Qafë Botës në Sarandë dhe Tre Urat në Përmet u kthyen si zonat më të fuqishme të trafikut të drogës. Narkodiplomacia solli edhe një incident me një shtet të Bashkimit Europian si Austria. Thuajse të gjithë narkodiplomatët kanë ikur nëpërmjet Rinasit dhe stacioni i parë ku qëndronin ishte kryeqyteti austriak, Viena. Në korrik të vitit 1997, në aeroportin ndërkombëtar të Vienës, ndodhi incidenti. Nga shpejtësia në shumicën dërrmuese njerëzit që pajiseshin me pasaporta shërbimi nuk kishin kravata për fotografitë që viheshin në pasaportë. Ata bënin fotografi të çastit, ashtu të djersitur, me këmisha të zbërthyera dhe madje dhe me kanotiere e tuta. Kjo shkaktoi një tronditje të vërtetë tek autoritetet e aeroportit të Vienës.

Alarmi shkoi deri në qeverinë austriake, e cila ngriu menjëherë hyrjen pa vizë të shtetasve shqiptarë me pasaporta diplomatike dhe shërbimi sipas një marrëveshje të arritur pak vite më parë. Kjo ngrirje do të vazhdonte për 10 vjet me radhë nga pala austriake, pra deri në vitin 2007. Në listë kishte edhe persona të mitur që më vonë u bënë emra të rëndësishëm në PD si Keltis Kruja që është pinjoll i një familje të mirë. Por megjithatë shumica ishin njerëzit që instaluan narkotrafikun e shitjes me pakicë. Pjësa më e madhe e tyre i përkisnin krahinave nga ku ishin edhe personat që kontrollonin trafikun si përshëmbull nga Tropoja, Berati, Shijaku, Dibra etij, sipas shefave që ndodheshin në Tiranë.
Ndërkaq, në Shqipëri, futja e linjës nga Greqia përshkallëzon luftën mes narkomafias. Plas një betejë aq e përgjakshme sa vriteshin njerëzit nga 3 e 4 çdo ditë. Madje përveç njerëzve të përfshirë në narkotrafik u vranë edhe kalimtarë të pafajshëm…/korrieri

Ndonëse në media u fol për shkarkimin e Sokol Stojani, një ndër drejtorët kryesorë të Prokurorisë së Përgjithshme, në fakt e vërteta duket se qëndron krejt kundër. Stojani  u lirua nga detyra më 19 shtator, sipas një urdhëri të rrjedhur në media të Prokurores së Përgjithshme, Arta Marku.

Largimi i Stojanit, i cili mbante prej 9 muajsh postin e drejtorit të Inspektimit, Burimeve Njerëzore dhe Mbrojtjes së Dëshmitarëve u komentua me situatën e krijuar në Prokurorinë e Krimeve të Rënda, por vetë ai në një bisedë telefonike me BIRN mohoi që çështja e tij të kishte lidhje me procedimin e 10 prokurorëve.

Stojani sqaroi se kishte dhënë dorëheqjen, por kishte marrë si përgjigje lirimin nga detyra. “Mëngjesin e 19 shtatorit, unë kam paraqitur në zyrën e Prokurorit të Përgjithshëm dorëheqjen nga pozicioni që unë kisha. Pasdite mësoj se kjo dorëheqje u miratua duke më shkarkuar nga detyra,” tha Stojani për BIRN.

“Motivet e dorëheqjes janë thuajse personale, unë kam pikëpamje tjetër në drejtimin e një institucioni, në mënyrën e funksionimit apo dhe të rekrutimit të burimeve njerëzore, ndaj dhe e pashë të arsyeshme të largohesha,” shtoi Stojani për BIRN. Zyra e Shtypit e Prokurores së Përgjithshme nuk iu përgjigj pyetjeve që BIRN pati mbi dorëheqjen e një prej drejtuesve kryesorë të këtij institucioni.

Sekuestrohen disa prona në emër të vëllezërve Habilaj në Vlorë në kuadër të hetimeve për grup të strukturuar kriminal. Në fakt, pronat e bllokuara si; pika karburanti, lokale dhe banesa u sekuestruan vitin e kaluar në muajin nëntor me vendim të prokurorisë së Vlorës, por ditën e sotme masa është vendosur nga Krimet e Rënda në bashkëpunim me Policinë e Shtetit në bazë të ligjit antimafia, pasi vëllezërit Habilaj janë nën hetim për trafik droge.

DISA nga pronat e sekuestruara/ -Njësi Shërbimi me sipërfaqe 157 m2, ndodhur ne lagjen “28 Nëntori”, Vlorë, në pronësi të shoqërisë Turi&Mzb shpk dhe Florian Habilaj. -Njësi shërbimi me sipërfaqe 136 m2, në lagjen “29 Nëntori”, Vlorë, në pronësi të Florian Habilaj. -Apartament banimi në Vlorë, në pronësi të shtetasit Artan Habilaj. Apartament banimi me sipërfaqe 69 m2, në lagjen “Uji i Ftohtë”, në pronësi të K.H. -Apartament banimi me sipërfaqe 104.5 m2 në Vlorë, në pronësi të F.M. -Njësi shërbimi dhe banimi, me sipërfaqe 156 m2, në Vlorë, në pronësi te Artan Habilaj.

Pasuritë e sekuestruara janë në pronësi të Artan dhe Florian Habilajt, ndërsa nuk figuron asnjë pronë në emër të Moisi Habilajt.

Ministri i Brendshëm Fatmir Xhafaj tregon planet e tij për të ardhmen lidhur me Policinë e Shtetit.

Xhafaj, i ftuar në emisionin “Provokacija” në ABCnews” u shpreh se një prej qëllimeve kryesore të këtij mandati është forcimi i Policisë Kriminale. Ministri u shpreh se qeveria vetëm këtë vit ka dhënë 10 milion euro për Policinë Kriminale.

Pjesë nga deklarata:

Unë nëse bëj një punë dua të lë gjurmë, dua të bëj diçka. Në këtë këndvështrim nëse do të thoshe çfarë do të dëshiroje, kam tre ambicie të afërta, por edhe një që dua më shumë dhe është rasti i policisë kriminale por që do shumë punë. Mungesa e akademisë së sigurisë ndër vite e ka dëmtuar këtë gjë. Por edhe teknologjia. Ishte një suskes i kësaj qeverie Akademia. Mbi 10 milion dollarë i ka shkuar policisë kriminale.

Policia shqiptare konsiderohet partneri më i besueshëm në Ballkan. Policët shqiptarë do të hetojnë së bashku me policët gjermanë në territorin shqiptar dhe gjerman.

Do të doja të ndryshoja tre gjëra, policinë kriminale, ajo është zemra e policisë. Hetimi, pa hetim çfarë kuptimi ka. E dyta për të patur një menaxhim europian të sigurisë rrugore, jo thjesht i trafikut, të jetë i standartit europian. Dhe një menaxhim të të gjitha pikave kufitare me standartin europian. Dhe së katërti, ajo që do të dëshiroja, një implementim të asaj që quhet policimi në komunitet.

E dashura e Izet Haxhisë vijon të shfaqet me dedikimet e saj për personin e zemrës në rrjetet sociale. Erjona ka publikuar një poezi në rrjetet sociale, ku kërkon falje për replikat publike bërë së fundmi dhe i dërgon një mesazh ish truprojës së Sali Berishës që të qëndrojë i fortë.

“Kurajo, dashuri! Ti do t’ja dalesh edhe i vetem, edhe mes shpifjeve, edhe mes kercenimeve! Une, kerkoj falje publike, qe u mora me pergjigje te niveleve te turpshme, pavaresisht se ti nuk je dakord te mos vazhdoj e qe nuk i fal …. Por ,nuk mund te matem me injorancen, sepse fiton ndaj meje, per shkak te eksperiences..! Dua te perqendrohesh vetem tek gjyqi dhe tek e verteta jote, ashtu sic di ti te perqendrohesh, pa t u dridhur qerpiku e duke pare kedo, drejt e ne sy!! Me duhesh ti dhe liria jote!  Per ne te dy dhe per vendin tim! Te dua!!”, shkruhet mes të tjerash në një status në profilin në Facebook të Izet Haxhisë, të cilën Erjona ka deklaruar më herët se e menaxhon ajo.

Statusi i Plotë

“Atdheu im është nata,

kudoqoftë ajo,
natë me hënat e gjinjëve të tu,

me gjethnajën e leshrave të tua,

natë pylli me ujqër dhe borë që ulërin,
natë qytetesh që ndrin mes qerpikëve të prostitutave.
Nata është atdheu im,

i mbetur e i varur në hapësirë,
se toka më rrëshqet nën këmbë.

Nata jote zgjat duart drejt meje e dashuruar,
por vjen dita .. dhe unë mbetem vetëm,
i paatdhe…

Lotët nuk më duken prej rrëkeve të shiut,
që më rrëshqasin në fytyrë.
Nëpër trupin e shqyer ,

kam plagë të pashëruara yjesh,
si ata që s’i pranojnë spitaleve,
se s’kanë më atdhe.

E rëndësishme është që më ka ATDHEU,
ti më ke mua,
fantazmë dite.”

~ QILLIAM JYTES

Kurajo, dashuri!

Ti do t ja dalesh edhe i vetem, edhe mes shpifjeve, edhe mes kercenimeve! Une, kerkoj falje publike, qe u mora me pergjigje te niveleve te turpshme, pavaresisht se ti nuk je dakord te mos vazhdoj e qe nuk i fal …. Por ,nuk mund te matem me injorancen, sepse fiton ndaj meje, per shkak te eksperiences..😊!

Dua te perqendrohesh vetem tek gjyqi dhe tek e verteta jote, ashtu sic di ti te perqendrohesh, pa t u dridhur qerpiku e duke pare kedo, drejt e ne sy!!

Me duhesh ti dhe liria jote!

Per ne te dy dhe per vendin tim!

Te dua!!