Aktualitet

Ishte nisur për në aeroport, për të marrë avionin për Gjermani, vendin ku jeton e punon prej shumë vitesh.

Por, Rexhep Rexhepi, nuk arriti që të hipë fare në aeroplan, të shtunën e 15 shtatorit. Mërgimtari nga Gjilani u arrestua nga policia derisa po kalonte kontrollin e pasaportës.

Derisa bileta iu dogj, Rexhepi thotë se tek më vonë e kuptoi se u ndalua gabimisht, pasi që emri i tij ishte i ngjashëm me një të kërkuari nga policia.

Në stacionin e Policisë në Ferizaj ku edhe u soll Rexhepi, konfirmojnë ato që ka deklaruar Rexhep Rexhepi.

Shumë gazetarë janë ngritur sot në fluturim pas ftesës së kryeministrit Edi Rama për një xhiro me “Air Albania” drejt Turqisë.

“Air Kazani” u nis këtë mëngjes për të inaguruar kështu linjën e fluturimit që kryeministri po e promovon prej muajsh, si të qe një shpikje e re e njerëzimit.

Lista me emrat e gazetarëve që morën ftesën nga kryeministria ka qarkulluar tashmë por ne do ju sjellim një tjetër listë me emrat e atyre që i bënë “ballë kazanit”.

Nuk e dimë nëse këta emra thjesht nuk i ka ftuar kush apo kanë refuzuar ftesën por ajo që dimë me siguri është fakti që nuk ndodhen në atë avion.

Vlen të veçohet se dy nga emrat e mëposhtëm, Skënder Minxhozi dhe Lorenc Vangjeli ishin te lista e gazetarëve që do fluturonin këtë mëngjes por burimet bëjnë me dije se përfundimisht ata kanë vendosur mos bëhen pjesë e udhëtimit.

Me siguri nga lista do kemi lënë jashtë edhe te tjerë por ju jeni të lirë t’i plotësoni.

KUSH NUK ËSHTË NË AVION

Eni Vasili, Ilva Tare, Aleksandër Cipa, Andi Bushati, Armand Shkullaku, Nikoll Lesi, Artur Zheji

Elvi Fundo, Roland Qafoku, Klodiana Lala, Marin Mema, Eduard Zaloshnja, Mustafa Nano, Alfred Lela

Beti Njuma, Drini Zeqo, Erl Murati, Robert Rakipllari, Ylli Rakipi, Artan Hoxha, Rezar Xhaxhiu

Anila Hoxha, Arsen Rusta, Artan Ceno, Enton Abilekaj, Mentor Nazarko, Bledian Koka, Dritan Laçi

Marsela Karapanço, Brahim Shima, Engjëll Musai, Suela Gera, Ardit Rada, Ambrozia Meta, Skënder Minxhozi, Lorenc Vangjeli, Gent Shkullaku, Endri Xhafo, Afrim Krasniqi, Baton Haxhiu, Sonila Meço, Habjon Hasani, Andi Bejtja, Basir Çollaku, Çim Peka, Erion Kristo

Drejtuesja e Prokurorisë së Krimeve të Rënda, Donika Prela, do të drejtojë grupin e prokurorëve që do të gjykojnë dosjen “e nxehtë’ të Emiljano Shullazit. Prela është angazhuar personalisht në zgjidhjen përfundimtare të kësaj dosjeje dhe dënimin e bandës së Shullazit, e cila po zvarritet prej më shumë se dy vitesh.

Ajo do të drejtojë procesin së bashku me tre prokurorë të tjerë, njëri prej të cilëve është Gentian Osmani, ndërsa dy emrat e tjerë pritet të publikohen ditët në vijim. Dosja ‘Shullazi’ pritet më në fund të marrë zgjidhje, pas angazhimit edhe të kryeprokurores Arta Marku.

Por kush është Donika Prela?

Donika Prela është një emër i njohur i drejtësisë shqiptare. Prej disa muajsh, Prela është drejtuese e Prokurorisë së Krimeve të Rënda, pasi zëvendësoi në këtë post Besim Hajdarmatajn. Një prokurore karriere, që drejton Prokurorinë e Krimeve të Rënda, e njohur edhe si SPAK-u, Donika Prela ka mbajtur një sërë postesh.

Prela njihet si mikeshë e kryeprokurores Arta Marku dhe erdhi te Krimet e Rënda pasi prej 5 muajsh drejtoi Prokurorinë e Durrësit. Para këtij posti, Prela ka qenë edhe numri dy i akuzës në Durrës, kohë në të cilën kjo prokurori drejtohej nga Agron Gjanaj dhe kryeprokuror ishte Adriatik Llalla.

Ndër dosjet ku Prela ka qenë prokurore është dhe ajo e djalit të kryeparlamentarit Gramoz Ruçi, Ledio Ruçi, në vitin 2012. Çështja e këtij të fundit, një aksident me pasojë vdekjen e një vajze, ishte mbyllur nga Prela.

Gjatë kohës që Prela drejtoi prokuroinë e Durrësit kjo prokurori nisi dhe hetimet ndaj ish kryeprokurorit Llalla, dosje e cila tashmë është transferuar tek Krimet e Rënda, të cilat do të drejtohen nga Donika Prela.

Shtetet e Bashkuara të Amerikës dhe Bashkimi Evropian janë të vendosur për të goditur me themel krimin dhe korrupsionin në Shqipëri. Ata kanë futur në shinat e zbatimit Reformën në Drejtësi dhe muajt në vijim pritet të marrë goditjen finale sistemi i kalbur i drejtësisë shqiptare dhe banda e korruptuar politike.

Pamfleti.net ka mësuar se SHBA dhe BE kanë futur në ‘kthetra’ dosjen e një prej ‘bajlozëve’ më të mëdhenj të sistemit të drejtësisë. Bëhet fjalë për gjyqtarin Alaudin Malaj, i cili është një prej gjyqtarëve më të pasur në vend, pasi zotëron një pasuri mbi 1.7 milionë euro. Dosja e tij milionëshe tashmë është në duart e ndërkombëtarëve dhe shumë shpejt pritet t’i jepet goditja e madhe ‘bajlozit’ milioner, duke dridhur kështu themelet e drejtësisë së kalbur nga korrupsioni e krimi.

Sot gjyqtar në Gjykatën e Apelit Tiranë, Alaudin Malaj është një ndër emrat më të pushtetshëm të drejtësisë. Në vitin 2014, ai është paditur nga ILDKPKI se ka krijuar një skemë kompanish në emër të familjarëve të tij, për të mbuluar burimin e paqartë të pasurimit të tij të shpejtë. Përveç pasurisë së tij të dyshimtë, Malaj do t’i vinte një tjetër njollë të zezë emrit të tij, me vendimin e firmosur në shkurt të vitit 2017, ku i hapi dyert e qelisë një nga bandat më famëkeqe në historinë e krimit të organizuar në Shqipëri, bandës ‘Hakmarrja për Drejtësi’.

Për këto dhe shumë zullume të tjera, gjyqtari ‘perandor’ do të përballet shumë shpejt me SHBA dhe BE, të cilët Pamfleti mëson se kanë në dorë dosjen e tij dhe po e shqyrtojnë me themel, për të ‘fundosur’ një ndër ‘kokat’ më të mëdha të sistemit të drejtësisë.

Si ka ndryshuar pasuria e gjyqtarit milioner Alaudin Malaj deri në vitin 2014
Në vitin 2003 Malaj kishte 60 mijë euro pasuri. 15 vjet më vonë, familja e ish-kryetarit të Gjykatës së Apelit llogaritet të ketë mbi 1.7 milionë euro pasuri, e shpërndarë në pasuri të patundshme dhe kompani biznesi. Nga një analizë e pasurisë së tij e bërë pak vite më parë (2014), duke u bazuar tek deklaratat e tij të pasurisë, ILDKP ka arritur në përfundimin se gjyqtari dhe bashkëshortja e tij kanë përfituar vit pas viti para dhe aksione biznesi nga prindërit, deklarata që konsiderohen të rreme nga kallëzuesi.

Hetimi administrativ ka zbuluar se Alaudin Malaj dhe bashkëshortja e tij, Edlira, kanë përfituar 46 milionë lekë (368 mijë USD) dhe dy apartamente nga prindërit e gjyqtarit. Ndërkohë, bashkëshortja e gjyqtarit rezulton të ketë qenë aksionere ose administratore në dy kompani ndërtimi të themeluara nga prindërit e tij dhe sot zotëron një kompani farmaceutike në Kosovë. ILDKP pretendon se përgjatë 11 viteve, Malaj ka bërë 24 deklarime të rreme për të mbuluar burimin e paqartë të pasurisë së tij.

Sipas deklaratës së pasurisë, Malaj zotëronte një apartament 106 m2 në Tiranë para vitit 2003, të blerë për 7.8 milionë lekë me paratë e një shtëpie të shitur në Vlorë, me kursimet e tij dhe të bashkëshortes, si dhe një hua prej 2 850 000 lekësh nga prindërit. Në deklaratën e vitit 2010, Malaj ka deklaruar se kishte blerë një shtëpi 1-katëshe në një kompleks turistik në Golem për 35 mijë USD, banesë në proces legalizimi.

Katër vite më vonë, gjyqtari ka deklaruar se e ka shitur këtë shtëpi për 150 mijë euro. ILDKP pretendonte se ka zbuluar një skemë të dyshimtë transfertash edhe me apartamentet që babai i gjyqtarit i ka dhuruar bashkëshortes së tij. Njëri prej tyre është blerë nga Hasan Malaj për 61 mijë euro në vitin 2006 dhe i është dhuruar Edlira Malajt në vitin 2012. Në vitin 2014, ajo ia shet vëllait për 120 mijë euro apartamentin që i kishte falur vjehrri.

Sipas ILDKP, as babai i gjyqtarit dhe as vëllai i bashkëshortes nuk kishin të ardhura që të justifikonin blerjet. Këto transaksione, fillimisht blerje dhe më pas dhurim dhe shitje brenda familjes janë veprime tipike të pastrimit të produkteve penale’, thuhet në kallëzimin e ILDKP.

Gjyqtari Alaudin Malaj dhe bashkëshortja e tij duket se i kanë dhënë fund investimit në pasuri të paluajtshme në vitin 2010, kur deklarojnë se blenë shtëpinë, ku banojnë edhe sot në rrugën “Sami Frashëri” pranë Liqenit Artificial në Tiranë.

Shtëpia- një dubleks i shtrirë në më shumë se 300 metra katrorë, sipas deklaratës së pasurisë së Malajt dhe bashkëshortes së tij është blerë për 21 milionë e 500 mijë lekë, me një çmim prej 442 eurosh për metër katrorë. ILDKP pretendon në kallëzimin e saj se, ky është një tjetër deklarim i rremë dhe për të vërtetuar këtë akuzë ka kryer verifikime pranë kompanisë së ndërtimit ‘TID’ shpk.

Në kallëzim thuhet se çmimi i blerjes në këtë pallat varion nga 800 euro deri në 2000 euro. “Llogaritë e gjyqtarit nuk përkojnë me ato të ekspertëve të Inspektoratit të Deklarimit të Pasurive, të cilët duke marrë për bazë çmimin minimal të vitit 2010 nxjerrin një vlerë prej 54 milionë lekësh të reja (386 160 euro) për apartamentin e Malajt. Apartamenti i Malajt duhet të ketë kushtuar minimalisht mbi 34 milionë lekë dhe maksimalisht mbi 70 milionë lekë nga vlera e deklaruar”,thuhet në kallëzim.

Rrethi i ngushtë familjar i gjyqtarit Alaudin Malaj zotëron katër kompani biznesi: “Algan’ shpk-kompani ndërtimi e themeluar në vitin 1998, “Lili’ shpk për tregtinë e ujit e vitit 2002, Rigels* shpk-kompani ndërtimi e themeluar në të njëjtin vit dhe Medbrand KS’-kompania më e re e themeluar në tetor të vitit 2014 në Prishtinë./Pamfleti

Këtë fundjavë duket se do të kemi ditët e fundit me diell që ngroh dhe vera do të mbarojë.

Të paktën kështu bën me dije Meteoalb, ku njofton se javën tjetër moti do të ndryshojë.

Nesër dhe gjatë fundjavës, moti mbetet me kthjellime dhe vranësira kalimtare në pjesën më të madhe të vendit; më të dukshme vranësirat gjatë orëve të pasdites dhe kryesisht në zonat malore.

Ndërsa mundësia për shira, shfaqet të hënën në zona të izoluara në Veri – Verilindje.

Temperaturat do të vijojnë me vlera lehtësisht mbi normalet gjatë orëve të natës dhe mëngjeseve (përfshirë edhe fundjavën) ndërsa temperaturat e mesditës kanë shënuar mesatarisht 6°C, mbi maksimumet tipike të muajit shtator.

Konkretisht, deri të dielën, temperaturat sipas zonave do të luhaten: 12 – 30°C në zonat malore; 18 – 34°C në zonat e ulëta dhe bregdetare.

Java që vjen sjell rënie të theksuara të temperaturave në të dy ekstremumet termike të ditës; ku vlerat minimale në rang territori ulen deri në 6°C ndërsa maksimumet nga 34°C gjatë këtyre ditëve, do ulen në 25 – 26°C.

Revoltë tek Krimet e Rënda. Një sherr i madh ka ndodhur dje në Prokurorinë e Krimeve të Rënda ku madje është thirrur për ndihmë policia.

Çështja “Shullazi” ka ndezur gjakrat mes prokurorëve që refuzuan të uleshin në bankën e akuzës duke i kërkuar llogari drejtueses së Prokurorisë së Krimeve të Rënda Donika Prela për masat disiplinore.

Prokurorët që refuzuan të merrnin në dorë dosjen Shullazi kanë kërkuar të takojnë drejtuesen e Prokurorisë së Krimeve të Rënda, Donika Prelën, por ajo ka refuzuar t’i takojë dhe në këto momente ka pasur tension e përplasje.

Ata kanë kërkuar të hyjnë me forcë në zyrën e saj, ndërsa Prela ka kërkuar ndihmën e policisë.

Ngjarja ka ndodhur ditën e djeshme rreth orës 16:30, ku kanë qëndruar dy grupe të gatshme jashtë ambienteve të Krimeve të Rënda.

Degradojnë institucionet e shtetit shqiptar. Një ngjarje e paprecedentë në Evropë, e turpshme dhe shokuese ka ndodhur në Prokurorinë për Krimet e Rënda.

Një grup prokurorësh të Krimeve të Rënda, që paguhen nga taksapaguesit shqiptarë për të bërë detyrën, janë konfrontuar fizikisht në zyrat e Prokurorisë, në përpjekje për t’i ikur dosjes ‘Shullazi’.

Ata kanë debatuar ashpër me drejtuesen e Prokurorisë, Donika Prela, ndërsa pas mosmarrëveshjeve për çështjen e shortit, janë përleshur.

Fillimisht u largua nga trupa e prokurorëve dhe ia mbathi Elisabeta Imeraj, e cila u komandua në krye të Prokurorisë së Tiranës. Dosja i kaloi prokurorit Ened Nakuçi, por edhe ky ia mbathi jashtë vendit, gjoja për arsye shëndetësore. Sapo i dhanë në dorë dosjen, u sëmur.

Ditën e mërkurë u zhvillua një mbledhje për të krijuar një trupë të re prokurorësh. Nga frika e madhe, u vendos që trupa e prokurorëve të jetë më e madhe se trupa e të pandehurve. Por edhe kjo mbledhje dështoi dhe degradoi.

Një ditë më pas, Arta Marku vendosi të ndëshkojë tre nga prokurorët që nuk pranuan. Megjithatë, kjo lëvizje nuk e zbeh dot skandalin dhe shenjat e qarta të rënies së shtetit.

Kur një grup prokurorësh kanë frikë të bëjnë detyrën, imagjinojeni vetë se çfarë mesazhi u çojnë qytetarëve të zakonshëm shqiptarë./Pamfleti

Mënyrat më të thjeshta për të imigruar në Kanada janë të pranueshme për të gjithë njerëzit.

Të jeni të pasur, të aftë ose artistë, këto janë mënyrat më të thjeshta.

Të bëni investim në biznes dhe të krijoni hapësirë për punë, është ky programi i cili aplikohet në këtë shtet.

3000 mijë punëtorë në vit pranohen në Kanada, mirëpo janë profesione të caktuara, të cilat gjithashtu kërkojnë eksperiencë dhe paraprakisht duhet të kenë ofertë pune.

Të tjerët, njerëzit e pasur dhe artistët lejohen akoma edhe më lehtë të hynë në Kanada, mirëpo këta duhet kanë një leje qëndrimi të përkohshme.

Më sipër do të kuptoni cilat janë kushtet që ju lejohet imigrimi në këtë shtet.