Aktualitet

Mëngjesin e sotëm ka pasur tensione të forta midis banorëve të Jalës dhe punonjësve të IKMT-së, si dhe forcave të shumta policore që kanë shkuar në zonë. Punonjësit e IKMT-së kanë nisur shembjet sipas një programi të parashikuar për në muajin shtator, por banorët e zonës janë ngritur në këmbë, duke e kundërshtuar këtë aksion, dhe duke sqaruar se prishjet janë selektive.

Në momentin kur IKMT ka ndërhyrë për prishjen e një lokali, ka pasur akuza të forta dhe sharje në drejtim të Edi Ramës nga ana e familjarëve që kanë në pronësi biznesin. Ata dëgjohen duke e quajtur ISIS kryeministrin, ndërsa i kujtojnë atij faktin se kanë mbetur pa shtëpi, ndërsa djali i tij jeton në luks.

‘’Je ISIS Edi Rama, je Millosheviç, djali yt jeton në luks, ne na e prishën shtëpinë”, janë vetëm disa nga thirrjet e dëshpëruara të familjarëve që po iu prishet biznesi i tyre.

Banorët thanë se ata e kanë çuar çështjen në gjykatë dhe janë ende në proces; se nuk janë paralajmëruar për nisjen e shembjeve sot dhe për më keq, dhomat e dhënë me qera i kanë ende me pushues, duke qenë se kushtet e motit kanë qenë të mira.Ata e konsideruan dhunë, nxjerrjen nga banesat e tyre sot, ndërsa IKMT vijon me procesin e shembjes, me ndihmën dhe të forcave të shumta policore që kanë zbarkuar në zonë.Ndërkohë një prej banorëve ka një thirrje të drejtpërdrejtë për kryeministrin Rama, teksa i thotë se ka vënë ndërtuesit në vendin e parë, dhe jo qytetarët, siç thuhet në daljet e tij të fundit.

https://video.syri.net/upload/videos/2018/09/S5IsARGT18Ok1IePYPSW_18_8df3dcd6a8197f6b12d90ac067a9677f_video_720p_converted.mp4?_=3

Sot isha në familjen Dunishi në ish Uzinën e sodës kaustike në Vlorë ku e kisha vizituar kohë më parë dhe me maman dhe ishte ajo që më porositi përsëri për ti ndihmuar .Një familje që jeton në kufijt e skamjes.Sapo ndaloj makinën 5 fëmijët e familjes dolën të gjithe duke u afruar te makina.

Mësoj se nëna me të atin ,të dy për shkak se nuk kishin me se ti ushqenin fëmijët kishin debatuar dhe ishin larguar prej shtëpisë.Më i rrituri prej fëmijëve kishte shkuar dhe kishte marrë një bukë veresie që ta hanin të 5 fëmijët that.Ambienti ku jetojnë është plot helme ,lagështi por më e keqja është që nuk kanë bukë për të ngrënë.Sot nuk kisha plan për të shkuar atje thjesht u kujtova për fjalët e mamase ditë më parë ,gjë e cila mendoj se eshte pikërisht drejtimi i Perëndisë për të kryer këtë veprim minimal për të siguruar dicka për të ngrën

Un do ti ndihmoj me sa kam mundësi i kushtëzuar prej vajtjes dhe ardhjes ne Tiranë per shkak te gjëndjes shëndetësore të mamasë time por doja të jepja një apel për këdo që e prek sadopak kjo video.Ndihmojeni me sa keni mundësi këtë familje .I madhi prej fëmijëve më dha numrin e të ëmës së tij ‭068 214 2848‬ për këdo që ka mundesi .Ju lutem me sa keni mundësi ndihmojini këta fëmijë.Kush ka mundësi ti japi share postimit sepse ndoshta dikush mund të ketë mundësinë për ti ndihmuar….nga Enrik Mehmeti

https://www.facebook.com/enrik.mehmeti/videos/2102457433118475/?t=0

Agallarët e partisë “Mori i kuq” (LSI), që dalin e ulërijnë nga 20 herë në ditë, për papunësinë, varfërinë, pagat e ulëta, vonesën e ndihmës ekonomike dhe pensionet e shqiptarëve, nuk e paskan hallin tek populli, por tek pagat e tyre si deputetë dhe, të familjarëve të tyre, që ende vazhdojnë të jenë drejtorë e nëpunës nëpër ministri, prefektura, ambasada e bashki, të “pushtetit mafioz” të Edi Ramës, siç e quajnë Monika e Vasali i saj.

Kjo mendësi e LSI-stëve të kamur e të pa ngopur, u shpreh nga deputeti Spahiu i Monës për Bulqizën, por që jeton në sarajet e tij në Tiranë, ndërsa në zonë shkon 1 herë në muaj, vetëm kur mbledh milionat e bizneseve dhe sekserizmave të minierave me qira, HEC-ve, pyjeve, rrugëve e doganës.

Me një mesazh në “FB”, deputeti i partisë “Morri i kuq” (LSI), ka dhënë alarmin, për rrezikun e bllokimit dhe vonesës së pagave, mbasi shteti është në krizë financiare, duke deklaruar, se vonesa e pagave është shqetësim, madje ankohet dhe për mos rritje të pagave të tyre.

Frika deputetit LSI-st, se mos i vonohet paga atij dhe deputetëve “varfanjakëve” të LSI, shprehet me këtë mesazh, të publikuaur në mëgjesin e së hënës: – “Mos u habisni, që një ditë do ngelemi të gjithë edhe pa paga, në fund të muajit”.

Kur vë kujen e krizës ekonomike, deputeti i Monës, me pagë sa 30 pensione mujore, me 7 biznese, me 5 makina luksoze, me 10 shtëpi e 30 llogari bankare, vallë ç’mund të bëjnë, 40% e familjeve që jetojnë në varfëri dhe 25%  familjeve, që jetojnë në mjerim esktrem?!

Ç’ulërimë e  kuje buke, duhet të vënë 88 mijë familje, që ushqehen me ndihmë ekonomike mujore, sa paga e 1 dite e deputeti, apo 30 mijë familjet, që nuk dërguan dot fëmijët në shkollë, prej varfërisë që u ka shkaktuar edhe hajdutëria gjigande e “komandës” Mona-Like dhe “ushtrisë” së kësaj partie “kuçkë”, ku bënë pjesë edhe ky deputet?!/Pamfleti

Lirohet Ermal Hoxha. Nipi i ish-diktatorit i dënuar për trafik droge pas zbulimit të laboratorit të kokainës në Xibrakë ka përfunduar dënimit.

Hoxhës i kishte mbetur dhe 1 vit 6 muaj burg pa vuajtur por ka fituar lirinë me kusht. Nipi i ish-diktatorit ka lënë qelitë e burgut të Fierit më 13 shtator.

Ermal Hoxha u arrestua gjatë operacionit në Xibrakë dhe u dënua me 6 vite e 8 muaj burg për trafik narkotikësh mbetur në tentativë.

Në Xibrakë u zbulua një laborator i sofistikuar përpunimi kokaine. Në prill të këtij viti nipi i ish-diktatorit Enver Hoxha, kërkoi të shpallej i pafajshëm, duke i bërë rekurs vendimit të Apelit të Krimeve të Rënda në Gjykatën e Lartë.

Ermal Hoxha bashkë me tetë të pandehurit e dosjes, përfshi edhe dy shtetas kolumbiane, u deklaruan fajtorë nga Krimet e Rënda dhe u dënuan me 104 vite burg në total.

Në nëntor 2017, Apeli i Krimeve uli ndjeshëm dënimet e dhëna ndaj tyre, pasi pranoi zbatimin e gjykimit të shkurtuar, duke i ulur çdo të pandehuri një të tretën e masës së dënimit.