Aktualitet

Pranë të gjitha shkollave në kryeqytet sot ka pasur prezencë policie, për të garantuar sigurinë e procesit mësimor. Punonjësit e policisë presin një bashkëpunim sa më të mirë me drejtoritë e shkollave për të reaguar në kohë përballë çdo ngjarje të mundshme.Rreth 80 mijë nxënës iu drejtuan shkollave të Tiranës. Në institucionet e arsimit 9-vjeçar dhe të mesëm nuk jane pritur vetëm nga mësuesit por edhe 480 efektive të policies, të cilët ishin pozicionuar në të gjitha shkollat e kryeqytetit.

Idriz Daulle, shefi i rendit dhe i sigurisë publike në Tiranë: “Drejtoria e Policisë Tiranë me qëllim sigurimin e rendit ka hartuar një plan masash me detyra konkrete me të gjitha strukturat e saj varëse. Sot si ditë e parë, drejtoria e Tiranës ka organizuar 400 efektivë, duke përfshirë qarkullimin rrugor, qarkullimin e rendit, policinë në komunitet, policinë kriminale të cilët kanë qenë në terren për mbarëvajtjen e ditës së parë të shkollës.”Për shefin e rendit në Tiranë, fokusi në këtë sezon të ri do të jetë tëek parandalimi i shpërndarjes së lëndëve narkotike pranë shkollave të mesme.

“Dhe këtë vit, gjatë kontrollit dhe monitorimit të policisë në shkolla do jenë edhe shtetas të tjerë të cilët vijnë nga jashtë për të hyrë në ambjentet e shkollave ose që mund të tregtojnë lëndë narkotike dhe gjëra të tjera të kundraligjshme.”
Efektivët e policisë do të vijojnë të patrullojnë pranë shkollave edhe në ditët e ardhme, duke filluar nga ora 8 e mëngjesit e deri në mbyllje të aktivitetit mësimor“Për të eleminuar trafikun, të paktën pranë ambjenteve të shkollave pasi sot në orët e para ka qenë pak i rënduar, por çdo gjë ka kaluar në normalitet falë ndërhyrjes së efektivëve. Mund të themi se të gjithë punonjësit e qarkullimit kanë qenë 100% në detyrë për të shmangur trafikun, do të jenë dhe në ditët në vazhdim.”Punonjësit e Policisë kërkojnë nga drejtoritë e shkollave që të njoftohen sa më parë për çdo incident që ndodh ne institucionin arsimor./abcnews.al

Prej ditës së sotme Rruga e Kombit do të jetë me pagesë dhe ndryshe nga sa ndodhi pak kohë më parë, askush nuk është parë të protestojë për këtë.

Kryeministri Edi Rama ka reaguar me një falënderim për gjithë kuksianet, për mirëkuptimin dhe qytetarinë e treguar sot ne ditën e pare te aplikimit te pagesës për kalimin ne Rrugën e Kombit. Me një shënim ne Twitter, Rama premton se do t’u kthehet çdo qindarke ne investim, pasi shpejt do te kenë aeroportin dhe stadiumin e ri, qe do te sjelle me vete edhe punësim real.

Reagimi i Rames/ Faleminderit kuksianëve për mirëkuptimin e qytetarinë. Dhe njëherë ndjesë për shqetësimin e krijuar. Do bëjmë çmos që jo vetëm çdo qindarkë për rrugën të kthehet në investim, po dhe që Kukësi të bëhet shpejt me aeroport e të ketë më shumë investime e punësim real +stadium të ri.

Ministri i Brendshëm Fatmir Xhafaj ka pritur në një takim përshëndetës ambasadorin e SHBA-ve në Tiranë, Donald Lu, i cili është në mbyllje të detyrës së tij në Shqipëri, zv.ambasadoren e re Leyla Moses-Ones dhe përfaqësues të agjencive ligj zbatuese pranë kësaj ambasade.

Palët diskutuan mbi domosdoshmërinë e thellimit të bashkëpunimit dhe sukseset e përbashkëta të arritura, si: reforma në drejtësi, lufta kundër krimit të organizuar, reformimi në proces i Policisë së Shtetit etj.

Përfaqësuesit e Uashingtonit zyrtar konfirmuan mbështetjen në vijimësi për operacionin “Forca e Ligjit”, duke synuar përfshirjen më të madhe të agjencive ligj zbatuese amerikane, për rezultate konkrete.

Gjatë takimit u fol për bashkëpunimin e Policisë shqiptare me agjencitë DEA dhe FBI. Bashkëpunimi me Prokurorinë dhe nevoja për thellimin e këtij bashkëpunimi ishte një tjetër pikë e diskutimit.

Një çështje me interes për të dyja palët ishte Vetting-u në Policinë e Shtetit, ku Ministri informoi për ecurinë e procesit.

Gjithashtu u fol për implemtimin e sistemit ‘PISCES’ të hyrje-daljeve në Pikat e Kalimit Kufitar, i cili do të integrohet bashkë me sistemin aktual ‘TIMS’, në kuadër të menaxhimit të integruar të kufijve, për të rritur elementët e sigurisë.

Ambasadori amerikan Donald Lu gjatë takimit shprehu vlerësime për bashkëpunimin dhe rolin e posaçëm të ministrit Xhafaj, në kohën kur drejtonte Komisionin parlamentar për Reformën në Drejtësi, si dhe lidershipin politik të këtij të fundit, në kuadër të luftës që Shqipëria po bën kundër krimit të organizuar në tërësi dhe kultivimit të narkotikëve në veçanti.

Sot Afifela Metohu do të niste ditën e parë të shkollës nëse një aksident nuk do t’i merrte jetën te porta e shtëpisë së saj në Kurjan të Roskovecit.

E megjithë plagën që u shkaktoi humbja e vajzës së tyre, familjarët janë vrarë për së dyti për shkak se drejtësia për aksidentin e 5-vjeçares nuk është vendosur.

Personi që shkaktoi aksidentin u la i lirë nga ana e gjykatës, ndërsa sipas familjarëve janë manipuluar provat e aksidentit, dhe shkak ka qenë vetëm shpejtësia e lartë me të cilën lëvizte mjeti.

Lumturi Metohu, gjyshja e së voglës ka zgjedhur që të protestojë sot me foton e mbesës së saj që nuk jeton më në hyrje të prokurorisë së Fierit. Ajo tregon se prokurori nuk i pret që t’iu japë sqarime lidhur me çështjen dhe se eksperiza nuk iu është bërë e ditur.

“Nuk më ka ardhur shteti për asgjë. Kërkojmë prokurorin, e kemi takuar dhe i kemi kërkuar sqarime. Na e ka dhënë. Kërkuam ekspertizen rrugore se kemi dyshime. Nëse ka qenë vërtetë me 20 km në orë, atëherë i bie të dyshoj se e ka vrarë me qëllim.

E nxjirrja vetë nga burgu, jo prokuroria se ska ardhur në vendngjarje. Ngjarjen e kam parë vetë. Kemi bërë edhe prova. Makina ishte me shpejtësi marramendëse. U bë zhurmë e madhe.

Nuk kemi marrë sqarimet që duam. Avokati i ka kërkuar informacion dhe i është dhënë jo e saktë.

Kam qene e më parë këtu. Duam riekspertim. E kemi kërkuar që në 24 korrik.

Duam drejrësi. E vetëm drejtësi, i kemi dërguar letër kryeministrit e Arta Markut por s’kemi marrë përgjigje. Vettingu jonë jane mediat. Sot është dita e parë e shkollës. Ndaj kam ardhur në shenjë protestë sot. Mos u lëndofshin fëmijët siç u lëndova unë”, shprehet gjyshja.

Gjyshi Azmi Metohu është shprehur:Kam një pyetje të thjeshtë. Pse mbrohet vrasësi i fëmijës? Kush fshihet? Pse e mbron prokuroria? Me aq sa kemi parë dosjen janë fshehur fotografi. Goditja e makinës. Makina ka dalë nga policia pa e parë ne. Autori është lënëe i lirë derisa i ka dalë pija.

Sot eshte protesta e pare. Do të vazhdojme. Thirrje qytetarëve të luftojmë korrupsioin. Të vihet drejtësia në vend.

Pas kryebashkiakut të Tepelenës, Tërmet Peçi që i këndonte Enver Hoxhës, skandali i radhës ka ardhur mëngjesin e sotëm nga Tirana.

Në shkollën ‘Misto Mame’ në Tiranë nxënësit janë pritur me këngë lufte, këngë partizane.

Denoncimi është bërë nga deputeti i PD-së, Enkelejd Alibeaj.

‘Pas 27 vitesh të rënies së komunizmit në Shqipëri, dita e parë e shkollës së fëmijëve fillon me këtë këngë partizane’.

Nxënësit janë pritur me këngën ‘Lule Velo partizani’.