Aktualitet

Pas aksionit të policisë, së solli në shkatërrimin e një bande kriminale në Shkodër, vjen reagimi nga ministri Ditmir Bushati, njëherësh dhe deputet në këtë qark. Përmes një postimi në Twitter Bushati iu kundërpërgjigj akuzave të opozitës, se ka lidhje me bandën ‘Bajrit’.

“Sot është një ditë e mirë për #Shkodrën falë vendosmërisë sonë në luftën me krimin. Gjuhët e përdala të atyre që krimin e duan për politikë dhe politikën e bëjnë për të kriminalizuar kundërshtarin, konfirmojnë suksesin e sotëm. #eGjithëVëmendjaShkodranëve”, shkruan Bushati.

Policia e Tiranës ka finalizuar operacionin e koduar “TVSH” duke vënë në pranga 4 persona që kishin krijuar një skemë mashtrimi dhe akuzohen se i kanë shkaktuar shtetit një dëm prej 350 milionë lekësh të reja.

Sipas të dhënave zyrtare, operacioni është zhvilluar nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë dhe Hetimin Tatimor.

Të arrestuarit janë:
– Gëzim Çela, 59 vjeç banues në Tiranë
– Flamur Zoto, 67 vjeç, banues në Tiranë
– Xhemal Kushova, 58 vjeç, banues në Tiranë
– Ylber Molla, 58 vjeç banues në Tiranë, i dënuar më parë për “Mashtrim”

Këta shtetas në bashkëpunim me njëri- tjetrin kishin krijuar një skemë mashtrimi duke krijuar gjashtë firma fiktive me nipte shëtitës, me seli në qytetin e Tiranës, me qëllim shmangien e pagesave të TVSH dhe tatimfitimin, duke i shkaktuar shtetit dëm në vlerë TVSH-je dhe tatimfitimi në vlerën e 350 milionë lekë të reja.

Gjithashtu janë shpallur në kërkim dhe 6 shtetas të tjerë për të cilët për shkak të hetimit nuk bëhen me dije të dhëna të tjera.

Materialet procedurale i kaluan Prokurorisë pranë Gjykatës së Shkallës së Parë Tiranë në ngarkim të shtetasve të lartpërmendur, për veprat penale të “Fshehje të ardhurash”, “Mospagimi i taksave dhe tatimeve”, “Krijimi i skemave mashtruese lidhur me tatimin mbi vlerën e shtuar” dhe “Falsifikimi i vulave stampave dhe formularëve”, parashikuar nga nenet 180, 181, 144/a dhe 190 të Kodit Penal./korrieri

Qytetarët, në qendër të Tiranës, do të shikojnë e shijojnë edhe ca vite të tjerë, “teatër” me mjedise gërmadhë, pluhur, zhurma e xhungël trafiku në qendër të Tiranës, deri sa të përfundojë biznesi i firmës “Fusha” me kullat “Pedonalja” e Tiranës do shkallmohet, do bëhet “fushë” kalimi, për makineritë e firmës “Fusha” që të ndërtohen kullat, brenda një qosheje të të cilave, do të struket dhe Teatri “Rama-Fusha”, do të shkatërrohet një vepër tjetër publike, konkretisht, “Pedonalja” në rrugën “Murad Toptani” dhe krejt kjo rrugë, mbasi duhet të kalojnë makineritë dhe instalohen mjetet e rënda, të firmës “Fusha”.

Ashtu siç bëri ligjin, po me shpejtësi, qeveria “Rama”, ka vendosur të shkallomojë dhe “Pedonalen”, duke kthyer në “zero” investimin 800 milionë lekë, të cilin nuk e ka përfshirë në projekt, që sipas ligjit, duhet të rehabilitohet nga ndërtuesi që e shkatërron. Përveç rrugë kalimi “Pedonalja”, do të tjetërsohet në pjesë, të kantjerit të ndërtimit të kullave, si objekt “rrugë kalimi për automjetet” e firmës ndërtuese (shkatërruese) të Teatrit Kombëtar, duke lënë, vetëm një aks 5 metër të gjerë, për qarkullim public të automjeteve e njerëzve, që do të asfaltohet nga Bashkia e Tiranës, shkëputur nga sheshi ndërtimit “Fusha”, me “mur” ndarës llamarine.

Burime të “PAMFLETI”, thonë se jo vetëm shkatërimin por dhe ripërshtatjen e “Pedonales”, si korsi për qarkullim publik dhe rrugë kalimi të makinerive të bosit “Fusha”, do ta investojë bashkia Tiranë, me fondet publike, ndërkohë që pas ndërtimit të kullave, qeveria do rindërtojë edhe “Pedonalen” po me taksa publike, si “thelë mbi bisht”, për “Fushën” e korrupsionit qeveritar Ndërsa qytetarët, do të shikojnë e shijojnë edhe ca vite të tjerë, “teatër” me mjedise gërmadhë, pluhur, zhurma e xhungël trafiku në qndër të Tiranës, deri sa të përfundojë biznesi i firmës “Fusha” me kullat

Kur Albert Deda shikon kartën e identitetit, ai shkëlqen nga lumturia. Është fjala “leje qëndrimi” që shënon aty dhe e bën atë të lumtur. Pas një viti plot frikë dhe shqetësime për të ardhmen e tyre, familja shqiptare me pesë fëmijëve mund të nxjerrë një përfundim pozitiv. Tani ajo ka një leje qëndrimi në Gjermani. “Pa mbështetjen e shumë qytetarëve të Grefrathit, ne nuk do ta kishim arritur”, thotë Albert Deda për “RP Online”, përcjell Albinfo.ch.

Shqiptari 41-vjeçar, në vitin 2015 vendosi të largohet nga vendlindja e tij, sepse ai nuk donte të jetonte me korrupsionin mbizotërues dhe ishte nën presion. Si pjesë e valës së madhe të refugjatëve, familja mbërriti në qendrën e strehimit Unna-Massen dhe nga atje u zhvendos në Komunën Grefrath. Me kurset e gjuhës, vijimin e fëmijëve në shkolla dhe çerdhe, pjesëmarrjen në jetën e komunës dhe komunitetit në Grefrather dhe faktin se ai gjeti një punë të përhershme në hotelieri e “Haus Bey” në Nettetal-Hinsbeck pas një kohe të shkurtër dhe bashkëshortja e tij mundi të punojë si ndihmëse në familje, procesi i integrimit u zhvillua shumë pozitivisht.

Me ndihmën e qytetarëve të Grefrathit, Dedajt gjetën një banesë, ata kanë mundur të stabilizohen në sajë të mbështetjes dhe shpejt qëndruan në dy këmbët e tyre.

“Gjatë festivalit të sheqerit vitin e kaluar, më pas erdhi tronditja. Familja erdhi tek unë me një letër në dorë duke thënë se ajo do të duhej të largohej nga vendi brenda katër javësh. Megjithatë, nga pranimi i letrës kishin kaluar tashmë më shumë se dy javë, sepse zyra e mirëqenies sociale e kishte dërguar letrën shumë vonë”, i përkujton ato momente Zümran Zeytindali, e cila familjen e njoftoi gjatë punës së saj vullnetare për çështjen e refugjatëve.

Zeytindali e thirri menjëherë entin gjerman për të huaj dhe arriti ta zgjase afatin. Ajo dhe ndihmësit e tjerë morën një mision tjetër, duke e dërguar rastin në Komisionin për raste të rënda, i cili lejen e qëndrimit e zgjati për tre muaj, pastaj për një vit e gjysmë. “Ne gjithnjë kemi dokumentuar në mënyrë të përsëritur se sa mirë është vendosur familja Deda”, kujton Karin Rosenstengel, e cila është gjithashtu në mesin e mbështetësve, transmeton më tej Albinfo.ch. Për të gjithë, ishte një kohë ankthi, e shoqëruar nga një numër momentesh shqetësuese se si do të përfundojë gjithçka.

Pastaj, nga fundi i muajit maj erdhi përgjigja pozitive e Komisionit për raste të rënda. Nga mesi i qershorit, qarku i Viersen e konfirmoi pëlqimin për të drejtën e qëndrimit – dhe rastësisht, mu gjatë festivalit të sheqerit. “Kësaj here ishte një kontrast i madh në krahasim me vitin e kaluar, një festë shumë e bukur”, thotë Zeytindali, e cila dikur personalisht kishte shpëtuar si një grua e re nga Turqia, duke u vendosur në Gjermani dhe problemet e tilla i njeh shumë mirë. Atëbotë, ate e kishin ndihmuar shumë njerëz të tjerë dhe këtë të mirë, ajo e kthen ditëve të sotme.

Familja Deda është e gëzuar dhe mirënjohëse. “Gjithçka ka ndryshuar për mirë”, thotë Antigona Deda. Por, pastaj lindën përsëri emocione. I biri i tyre Björni, i lindur në Gjermani, kishte nevojë për pasaportën e tij. Nga ana tjetër, kërkes për pasaportë duhej të parashtrohej në Mynih dhe nevojitej certifikata ndërkombëtare e lindjes. Alberti dhe Antigona Deda, është dashur të paraqiteshin personalisht me djalin e tyre më 6 korrik në Mynih. Fluturimi nuk funksionoi sepse Björni nuk kishte një pasaportë.
Edhe një herë u dëshmua se çfarë gatishmërie për ndihmë mbisundon në Grefrath dhe sa mirë funksionon rrjeti. Zeytindali e dinte nga puna e refugjatëve me një familje siriane. Babai i saj, një shofer kamioni i dërgoi të tre me veturën e tij në orët e hershme të mëngjesit në Mynih, priti dhjetë minuta para zyrës dhe i ktheu të gjithë përsëri në Grefrath mbrapa. Në ndërkohë, miqtë e tjerë janë përkujdesur për Brendonin dhe Brajanin, të cilët përfundimisht është dashur të shkojnë në shkollë.

Me lejen e qëndrimit, familja Deda tani ka plane të ardhshme. Albert Deda dëshiron të marrë patentën e tij të shoferit dhe të blejë një veturë të vogël të përdorur. “Në dimër nuk është kaq mirë të shkosh në punë me biçikletë në Hinsbeck”, thotë ai.

Mjekët dhe infermierët e spitalit të Shkodrës që u prangosen për ‘shpërdorim detyre’ janë lënë sot të lirë nga gjykatës. Ditën e sotme Gjykata e Shkalles së parë në Shkodër rivlerësoi masën e sigurisë, ndërsa vendosi lirimin e tyre.

LUan Dragusha u lirua pa kushte ndersa mjeket e tjere kundrejt garancise pasurore.

Kujtojmë se pak ditë më parë u arrestuan për abuzime me tenderat e ilaçeve, ish-drejtori Përparim Çela, mjeku Luan Dragusha, infermieri Renato Kepi ndërsa janë në kërkim ish-drejtorja dhe mjekja Dhurata Uruçi dhe mjeku Edmir Smajli.

Ndërkohë, 4 pjesëtarë të administratës së spitalit, Albana Mehmetaj, Karmen Kaçulini, Juliana Zhuri si Amanda Matlija, janë lënë në ‘arrest shtëpie’.

“Fiks Fare” sjell në vëmendje vështirësitë dhe sorollatjen që i duhet një të sëmuri me hemofili për të marrë mjekimin e domosdoshëm për të jetuar normalisht.Fitim Allçiu, nga fshati Kllobçisht i Peshkopisë, është i lindur me hemofili të rëndë, pasi ka mungesë të faktorit 9. “Fiks Fare” udhëtoi drejt Peshkopisë për të parë nga afër situatën dhe për të përshkruar rrugën që i duhet të bëjë një pacienti për të marrë ilaçin e domosdoshëm.Fitimi tregon për kamerën e Fiksit se duhet të marrë një sërë dokumentesh, edhe pse është i sëmurë kronik, dhe se i duhet të udhëtojë drejt Tiranës me shpresën se do ta gjejë ilaçin.

Fillimisht, Fitimit i duhet rekomandimi i mjekut të familjes dhe këtë ia siguron infermierja e fshatit me vulë dhe firmë të mjekut.Më pas, bashkë me grupin e xhirimit të “Fiks Fare” i drejtohen Spitalit të Peshkopisë, i cili ka mungesë hematologu dhe si pasojë i drejtohen gastrohepatologut për të marrë rekomandimin nga mjeku specialist.Pas marrjes së tij, Fitimi niset drejt Tiranës me furgon rreth orës 12:00, pasi gjithë procedurat e letrave me rekomandime i sjellin vonesa të sëmurit.
Mbërritja në Tiranë bëhet rreth orës 17:00 dhe në QSUT nuk arrin të gjejë asnjë mjek. Fitimit i duhet të paraqitet ditën e nesërme për të marrë ilaçin, e për këtë ai duhet të flejë në një hotel.
Të nesërmen i drejtohet përsëri QSUT-së së bashku me bashkëpunëtorët e Fiksit. Ilaçin që kërkon për të mbijetuar nuk e gjen. Farmacistja i shpjegon se nuk ka ilaç, nuk ka pasur dhe se nuk e di nëse do të vijë. Pak orë më vonë, atij i komunikohet se nuk mund ta marrë ilaçin pasi nuk ka.
Fitimit i duhet të kthehet në Peshkopi pas gjithë sorollatjes për ilaçin, duke shpresuar mos të ketë hematoma apo hemorragji, pasi do të rezultonin fatale për të.

Prokuroria pranë Gjykatës së Shkallës së Parë për Krime të Rënda Tiranë, në datë 29.04.2017, regjistroi procedimin penal Nr. 164/2017 për veprën penale “Trafikimi i narkotikëve”, në bashkëpunim, e parashikuar në nenin 283/a paragrafi 2 i Kodit Penal.

Regjistrimi i këtij procedimi u bë mbi bazën e informacioneve referuese të shërbimeve të policisë gjyqësore të Seksionit kundër Narkotikëve, në Drejtorinë Vendore të Policisë Vlorë, sipas të cilëve shtetasit Nazer Seitaj, Moisi Habilaj, Florjan Habilaj ushtronin aktivitet kriminal në fushën e trafikimit të narkotikëve.

Në datë 25.09.2017, duke arsyetuar se disa prej personave që hetoheshin në kuadër të procedimit penal Nr. 134/2016 (ndërkohë që për disa prej tyre, Taulant Haxhiraj Shkëlqim Koçiaj, Xhovalin Baco, Marjus Bajrami, Reshat Radhima etj, u përfunduan hetimet dhe çështja u paraqit për gjykim) ishin të përfshirë edhe në trafikimin e lëndëve narkotike së bashku me shtetasit Moisi Habilaj, Florian, Habilaj, Nazer Seitaj dhe Matan Matani, bazuar në nenin 79 gërma “b” të Kodit të Procedurës Penale, prokurori vendosi bashkimin e procedimeve Nr. 134/2016 dhe Nr.164/2017 në një procedim të vetëm, Nr. 134/2016

Në datë 17.10.2017, Prokuroria pranë Gjykatës së Shkallës së Parë për Krime të Rënda Tiranë regjistroi procedimin penal Nr. 313/2017 për veprat penale Trafikimi i narkotikëve”, kryer në bashkëpunim, në formën e grupit të strukturuar kriminal dhe, “Korrupsioni pasiv i funksionarëve të lartë ose i të zgjedhurve vendorë”, të parashikuar respektivisht nga nenet 283/a paragrafi 2, 333/a dhe 260 të Kodit Penal, duke urdhëruar, njëkohësisht, regjistrimin e emrit të shtetasit Saimir Tahiri si person nën hetim për llogari të këtij procedimi.

Regjistrimi i procedimit të mësipërm u bë mbi bazën e të dhënave të përftuara nga media, në lidhje me faktin e arrestimit, nga autoritetet italiane të drejtësisë, të shtetasit Moisi Habilaj, si pjesë e një grupi kriminal që ushtronte aktivitet në fushën e trafikimit të narkotikëve. Sipas informacionit referues, që parapriu regjistrimin e procedimit, rezultoi se arrestimi i shtetasit Moisi Habilaj u krye në kuadër të hetimit në vazhdimësi, nga autoriteti i drejtësisë italiane, në lidhje më faktin e sekuestrimit të sasisë prej 3.5 tonë lëndësh narkotike. Si rezultat i hetimeve të kryera (gjithmonë sipas informacionit referues) u arrit të zbulohej se personi nën hetim Moisi Habilaj, së bashku me persona të tjerë, kishin bashkëpunuar me ish-ministrin e Brendshëm, Saimir Tahiri. Në datë 18.10.2017, u vendos bashkimi i këtij procedimi me procedimin Nr. 134/2016. Me këtë të fundit u bashkuan edhe aktet e dërguara për kompetencë nga Prokuroria pranë Gjykatës së Rrethit Gjyqësor Elbasan, në lidhje me faktin penal, të gjetjes, në datë 01.11.2017, të sasisë së eurove, në mjetin e drejtuar nga Orest Sota.

Pas kërkesës së paraqitur nga ana e Prokurorisë Për Krimet e Rënda Tiranë (BAZA LIGJORE; Nenet 3-7, 11, 12, 14 dhe 15  ligjit nr. 10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë), nga ana e Gjykatës së Shkallës së Parë për Krime të Rënda Tiranë, është vendosur:
Pranimi i kërkesës së Prokurorisë Pranë Gjykatës së Shkallës së Parë Për Krime të Rënda Tiranë dhe sekuestrimin e pasurive të mëposhtme.
1. Pasuria ndërtesë me sipërfaqe 156 m², e cila figuron në pronësi të shtetasit Artan Habilaj, i cili e ka blerë me kontratën e shitjes Nr. 2688 Rep dhe 1787/2 Kol. datë 12.09.2014, me vlerë 40,000 euro.
2. Pasuria garazh me sipërfaqe totale 514m²,e cila figuron në pronësi të shtetasit Artan Habilaj, i cili e ka blerë me kontratën e shitjes Nr. 2689 Rep dhe 1788/2 Kol. datë 12.09.2014, me vlerë 60,000 euro
3. Pasurinë apartament me sipërfaqe totale 77.7 m²,e cila figuron në pronësi të shtetasit Artan Habilaj, me kontratën e shitjes Nr. 3533 Rep dhe Nr. 2290/1 Kol. datë 18.11.2014, me vlerë 3,000,000 (tre milionë) lekë.
4. Pasuria apartament me sipërfaqe totale 40.95 m²,e cila figuron në pronësi të shtetasit Ciko Habilaj, i cili e ka blerë me kontratën e shitjes Nr. 3534 Rep dhe Nr. 2291/1 Kol. datë 18.11.2014, me vlerë 2,080,000 (dy milionë e tetëdhjetë mijë) lekë.
5. Pasurinë apartament me sipërfaqe totale 40.95m², e cila figuron në pronësi të shtetasit Ciko Habilaj, i cili e ka blerë me kontratën e shitjes Nr.3534 Rep dhe Nr.2291/1 Kol. datë 18.11.2014, me vlerë 2.500.000 (dy milion e pesëqind mijë) lekë.
6. Pasurinë apartament me sipërfaqe totale 102m², e cila figuron në pronësi të shtetasit Moisi Habilaj, i cili e ka blerë me kontratën e shitjes Nr. 2696 Rep dhe Nr. 1344/1 Kol. datë 04.07.2011, me vlerë 4,000,000 (katër milionë) lekë.
7. Pasuria apartament me sipërfaqe totale 285 m², e cila figuron në pronësi të shtetasit Artan, Moisi dhe Florian Habilaj, të cilët e kanë blerë me kontratën e shitjes Nr. 2698 Rep dhe Nr. 1345/1 Kol. datë 04.07.2011, me vlerë 20,000,000 (njëzet milionë) lekë.
8. Pasurinë truall me sipërfaqe totale 580 m², e cila figuron në pronësi të shtetasit Artan, Moisi dhe Florian Habilaj, të cilët e kanë blerë me kontratën e shitjes Nr. 727 Rep dhe Nr. 305 Kol. datë 27.04.2016, me vlerë 205,000 euro.
9. Pasurinë ndërtesë me sipërfaqe totale 67 m², e cila figuron në pronësi të shtetasit Artan, Moisi dhe Florian Habilaj, të cilët e kanë blerë me kontratën e shitjes Nr. 726 Rep dhe Nr. 304 Kol. datë 27.04.2016, me vlerë 45,000 euro.
10. Pasurinë njësi me sipërfaqe totale 136 m²,e cila figuron në pronësi të shtetasit Florian Habilaj; i cili e ka blerë me kontratën e shitjes Nr.390 Rep dhe 167 Kol. datë 08.03.2017, me vlerë 170,000 euro.
11. Pasuria njësi me sipërfaqe totale 157m², e cila figuron në pronësi të shoqërisë “TURI&MZB” sh.a.;
12. Pasurinë apartament me sipërfaqe totale 71.5 m², e cila figuron në pronësi të shtetases Zenepe Habilaj, e cila e ka blerë me kontratën e shitjes Nr. 646 Rep dhe 539 Kol. datë 22.04.2009, me vlerë 3,150,000 (tre milionë e njëqind e pesëdhjetë mijë) lekë.
13. Një apartament me sipërfaqe 69 m², ndodhur në lagjen “Uji i ftohtë”, Vlorë, me vlerën 25,000 euro. Nga dokumentacion i administruar rezulton se shtetasja Klementina Habilaj (bashkëshortja e shtetasit Artan Habilaj), me kontratë paraprake shitje Nr. 742 Rep dhe Nr. 484 Kol. datë 04.04.2016, ka blerë nga shoqëria “AFA Konstruksion” sh.p.k.
14. Pasuria 19/140+2-7, Z.K.8604, vol.37 fq. 40, e llojit apartament, me sipërfaqe 104.5 m², e cila figuron në pronësi të shtetasit Fatmir Minaj, i cili e ka blerë me kontratën e shitjes Nr. 883 Rep dhe 456/1 Kol. datë 30.07.2013, me vlerë 5,400,000(pesë milionë e katërqind mijë) lekë.
15. mjeti me targë -AA900NF, e markës “Audi”, modeli A8, e vitit të prodhimit 2008;
16. Pasuri e paluajtshme në emër të Artan Ciko Habilaj për të cilën ka aplikuar për legalizimin e një objekti sipas kërkesës me nr. 977 datë 03.10.2014, me nr. 1216 prot. datë 08.02.2017, me nr. 2030 prot. datë 09.08.2017.
17. Pasuri e paluajtshme në emër të shtetasit Moisi Ciko Habilaj i cili ka aplikuar për legalizimin e një objekti sipas kërkesës nr. 305 datë 19.06.2013 me vendndodhje pylli i Sodës, Vlorë, ndërtesë 1 kat me sipërfaqe trualli 300m², kërkesës nr. 4798 prot. datë 22.01.2015 dhe nr. 2029 prot. datë 09.08.217.
18. Pasuri e paluajtshme në emër të shtetasit Florian Ciko Habilaj, ka aplikuar për legalizimin e një objekti sipas kërkesës nr. 2002 prot. datë 07.08.2017, me nr. 2031 prot. datë 09.08.2017, me nr. 2032 prot. datë 09.08.2017 dhe nr. 2003 prot. datë 09.08.2017.
19. Për pasuritë e luajtshme  dhe konkretisht mjeteve me targa
20. Automjetin me targë -AA900NF, e markës “Audi”, modeli A8, e vitit të prodhimit 2008;
21. Automjetit me targë AA221GJ.
22. Automjetin me targë AA265HF.
23. Automjetin me targë AA933JE.
24. Automjetin me targë AA997JT.
25. Pezullimin e pasojave te vendimit 379 të Gjykatës së Shkallës së Parë Vlorë deri në dhënien e një vendimi gjyqësorë penal për pasuritë e mëposhtme:
26. Pasuria njësi me sipërfaqe totale 157 m², e ndodhur në lagjen “28 Nëntori”, Vlorë, e cila figuron në pronësi të shoqërisë “TURI&MZB” sh.a.;

27-Pasuria njësi me sipërfaqe totale 136m², e ndodhur në lagjen “28 Nëntori”, Vlorë, e cila figuron në pronësi të shtetasit Florian Habilaj;
28. Pasuria apartament me sipërfaqe totale 77.7 m²,e cila figuron në pronësi të shtetasit Artan Habilaj;
29. Pasuria me sipërfaqe 69 m², apartament banimi në lagjen “Uji i ftohtë”, Vlorë, ndërtuar nga shoqëria “AFA Konstruksion” sh.p.k. kontraktuar nga shtetasja Klementina Habilaj në datë 04.04.2016.
30. Pasuria sipërfaqe 104.5 m², e ndodhur në Vlorë, në pronësi të shtetasit Fatmir Minaj;
31. Pasuria ndërtesë me sipërfaqe 156 m², e ndodhur në lagjen “28 Nëntori”, Vlorë, e cila figuron në pronësi të shtetasit Artan Habilaj;

Pasuritë e sekuestruara kanë një vlerë të konsiderueshme (disa miliona euro).
Hetimet lidhur me procedimin penal nr. 134 të vitit 2016 vazhdojnë./atsh