Aktualitet

Ada është një vajzë 23-vjeçare nga Berati, e cila pasi përfundoi studimet e larta vendosi që të qëndrojë në Tiranë për t’u punësuar.

Ministria e Mbrojtjes bën me dje se për rreth tre javë Forcat e Armatosura të Shqipërisë, Britanisë, Kosovës dhe Kroacisë do të përdorin bazat më të mëdha ushtarake shqiptare, në stërvitjen më të madhe ndërkombëtare që zhvillohet në vendin tonë. Rreth 1200 trupa dhe dhjetëra mjete, tokësore, ajrore dhe detare do të angazhohen në stërvitjen “Albanian Lion 2018”, e cila do të zhvillohet deri më datë 30 shtator.

Për herë të parë në këtë stërvitje, e cila zhvillohet çdo vit në vendin tonë, merr pjesë edhe një kontingjent nga Forca e Sigurisë së Kosovës. Përgatitja e terrenit dhe lëvizja e mjeteve dhe trupave ka filluar që më datë 9 shtator, duke shfrytëzuar bazat më të rëndësishme ushtarake të Shqipërisë, që nga bazat detare të Kepit të Palit, Pashalimanit, Porto Palermos, gadishullin e Karaburunit, bazat ajrore të Rinasit e Farkës, garnizonin e Zall-Herrit, si dhe rajonin stërvitor të Bizës.

Qëllimi i kësaj stërvitjeje është realizimi i operacioneve të evakuimit joluftarak nëpërmjet detit dhe ajrit, duke përfshirë anije luftarake zbarkuese, helikopterë dhe forca speciale për veprimtaritë në tokë. Veprimet e para stërvitore nisën në bazën detare të Kepit të Palit ku Komandot shqiptarë bashkë me trupat britanikë ushtruan zbarkimin në tokë me mjete amfibe si dhe ushtruan veprime të ndryshme mësymjeje. Ditët në vijim fazat stërvitore do të vijojnë edhe në bazat e tjera ushtarake në vendosura në dispozicion të kësaj stërvitjeje, me përfshirjen e trupave nga Kosova dhe zhytësve kroatë.

Sakaq, sipas traditës, do të zhvillohet edhe Dita e Vizitorëve të Shquar të stërvitjes “Albanian Lion 2018”. Ditën e hënë, më datë 24 shtator, ora 11:00, trupat dhe mjetet do të zbarkojnë në qendër të Tiranës, ku do të demonstrojnë disa nga veprimet e kësaj stërvitjeje, si dhe do të ekspozohen mjetet, pajisjet dhe armatimi i përdorur. Në Ditën e Vizitorëve të Shquar pritet të marrë pjesë kryeministri Edi Rama, ministrja e Mbrojtjes Olta Xhaçka, si dhe krerët më të lartë të Forcave të Armatosura shqiptare dhe trupave britanikë.

Për Vlorën – e vërteta përballë makinerisë së baltës!  Në vitet 2010 – 2013, mesatarja e vrasjeve për çdo vit ishte 11, pra 2 herë më tepër vrasje kur Basha ishte në qeverisje se në vitin 2018.  Makina të djegura apo hedhura në erë?! Pikërisht në Vlorë, në vitin 2011, u vra në qendër të qytetit gjyqtari Skerdilajd Konomi në mënyrën më makabre!
Fakte të tjera nga Vlora – sot dhe kur Basha ishte Ministër i Brendshëm:
Në 2010 – 13 vjedhje me armë
Në 2011 – 14 vjedhje me armë
Në 2018 – vetëm 1 vjedhje me armë
Në 2010 – 5 vjedhje bankash
Në 2011 – 2 vjedhje bankash
Në 2018 – vetëm 1 vjedhje banke
Numrat flasin vetë dhe nuk kanë ngjyrë politike.shifrat nga Besfort lamallari

Ministri i Brendshëm, Fatmir Xhafaj deklaron se operacioni “Forca e Ligjit” goditi një  nga grupet kriminale më të rrezikshëm në veri të vendit.Bëhet fjalë për operacionin e ndërmarrë gjatë ditës së djeshme për të cilën deri tani mësohet se është ndaluar Safet Bajri dhe disa persona të tjerë identiteti i të cilëve ende nuk dihet.

Xhafaj shkruan ne Twitter: Operacioni “Forca e Ligjit” goditje ndëshkuese njëkohësisht në Shkodër, Tiranë dhe Roterdam (Holandë), me disa të arrestuar për një nga grupet kriminale më të rrezikshëm në veri të vendit. Detajet pritet të jepen në Konferencë për media, sot në 10.00, në Policinë e Shtetit ku Drejtori i Pergjithshëm i Policise se Shtetit, Drejtori i Pergjithshem i Policise se Shtetit Ardi Veliu sebashku me  Drejtuesen e Prokurorise se  Krimeve te Renda  Donika Prela do jenë para gazetarëve.oranews

Partia Demokratike i ka kërkuar Prokurorisë së Tiranës të hetojë dhe pezullojë nga detyra Prokuroren e Përgjithshme të Përkohshme Arta Marku.

Thirrja vjen një ditë pas padisë ndaj Arta Markut. Deputeti Enkelejd Alibeaj ka dalë sot në selinë e PD duke deklaruar se kryeprokurorja i ka shërbyer një qëllimi këto 9 muaj.
“Arta Marku gjatë 9 muajve në krye të prokurorisë i ka shërbyer vetëm një qëllimi shkatërrimin e ekipit që po heton Tahirin dhe shpërbërjen e ekipit që po heton Shullazin. E realizoi qëllimin në krye të 9 muajve. Opinioni u njoh dje me padinë e PD-së ndaj kryeprokurores. Mediat kanë sjellë prova të cilat faktojnë se pasi largoi Elisabeta Imerin nga çështja Tahiri, Arta Marku largoi dhe Besim Hajdarmatajn në të njëjtën ditë kur u kërkua sekuestrimi i pasurive të Habilajve mes tyre dhe ‘Audi’ i famshëm. Shpërdorimi i detyrës nga Arta Marku kërkon hetim të shpejtë nga Prokuroria e Tiranës për të mos lejuar shkatërrimin e çështjeve të tjera. PD i bën thirrje prokurorisë së Tiranës të urdhërojë pa vonesë pezullimin e Arta Markut dhe hetimin e saj.
Cilat janë lidhjet direkte apo indirekte të Arta markut me Edi Ramën. Çfarë komunikimesh ka Arta Marku me Engjëll Agaçin dhe si kanë ndikuar. Çfarë i kanë kërkuar Markut, Xhafaj, Ulsi Manja, Ermonela Felaj apo ndonjë deputet i PS. A ka pasur kontakte Marku me ndonjë të dërguar të Shullazit.
Të hetohet çdo lëvizje në Prokurori që nga koha kur është emëruar në detyrë Arta Marku. Hetimi dhe pezullimi i Markut është shërbimi më i madh që prokurorët mund t’i bëjnë drejtësisë”, deklaroi Alibeaj.

Organi i akuzës po kalon një situatë të paprecedentë, pasi është përfshirë nga kaosi i brendshëm, i shkaktuar nga mungesa e prokurorëve për çështjen ndaj Emiljano Shullazit.

Opozita akuzon kryeprokuroren e përkohshme, Arta Marku se e ka çuar situatën qëllimisht në këtë pikë, për të mbyllur çështje që i djegin kësaj mazhorance, si ajo e Shullazit apo e Saimir Tahirit. Duket se situata është parashikuar një vit më parë, më 7 dhjetor 2017, nga deputeti demokrat, Oerd Bylykbashi.

Bylykbashi do deklaronte se qëllimi i emërimit të një kryeprokuroreje të përkohshme është pezullimi i prokurorëve që po hetojnë dosjet e rëndësishme.

“Dëgjova kolegët këtu, në një përpjekje piruetë, duke thënë se prokurori i përgjithshëm ka çelësat e kashtës, prokurori i çështjes është mbreti, pra ky prokurori që po zgjedhim sot ne, ka të drejtë të pezullojë prokurorët, ata që mbrojnë çështjen, Habilajt, me të gjithë ata që janë brenda.

I pezullon, pikë. Dy opsione ka prokurori që po heton çështjen, ky mbreti, ose konformohet me prokurorin e përkohshëm të përgjithshëm, ose e ka të qartë se çfarë ndodh, i nis një hetim disiplinor, më pas pezullohet, ikën nga kjo çështje, vjen prokurori që do e bëjë si e do mideja e kryeministrit atë çështje.

Nderi më i madh që mund t’i bësh një krimineli, në të gjitha nivelet deri ato politike, përfshi Saimir Tahirin brenda, është ta bësh hetimin keq, të mangët, dhe të gjesh një prokuror mbret të asaj çështje, që do ta bëjë të tillë”, tha Bylykbashi.

Hotel “Plaza”, që ti hipën për kafe e gjumë në qiell, mund të të “fusë edhe nën dhè”, duke ta bërë “CV” vetëmë me një vizitë brenda këtij hoteli. Këtë “paudhësi” të bosëve të këtij hoteli, e ka zbuluar qysh në muajin prill 2018, Komisioneri për të Drejtën e Informimit dhe Mbrojtjen e të Dhënave Personale.

Paçka, se qysh prej nisjes së aktivitetit, hotel “Plaza-Tirana”, konsiderohet si qendër e qetë dhe e sigurtë, pa “sy e pa vesh”, ku mund të bësh takime e relaks intim, pazare të politikanëve, shtetarëve, biznesmenëve  e kriminalëve “VIP” dhe si rezidencë luksi, për diplomatët e huaj, raporti hetimor, i firmosur nga Krye-komisioneri të dhënave personale, Besnik Dervishi, vërteton se Hotel “Plaza” në qendër të Tiranës, qenka kthyer në qëndër përgjimi, tamam si hotel “Dajti” në kohën e Sigrumit të Shtetit, duke filmuar e incizuar klientët edhe në “WC”.

Ja çfarë thotë raporti sekret, i hetimit zyrtar, që ka kryer Komisioneri për të Drejtën e Informimit dhe Mbrojtjen e të Dhënave Personale:

Në zbatim të Urdhrit Nr. 108, datë 23 .03.2018, u krye hetim administrativ, pranë subjektit Hotel “Plaza Tirana sh.a”, pas një serie dyshimesh dhe denoncimesh, të bëra nga klientë, kontarktor e punonjës të këtij hoteli, lidhur me cënimin e intimitetit të të tyre, duke i filmuar e regjistruar, gjatë kohë së punës, gjatë bisedave konfidenciale ose frekuentimit të mjediseve, të këtij hoteli.

Sipas proces-verbalit të datës 11.04. 20-18, për faktet e dala, nga hetimi i kryer në hotel “Plaza Tirana sh.a”, rezulton se ky biznes, me frekuenim të personave e grupeve klientë “VIP”, ka instaluar sistem video-survejimi, të tipit “CCTV”, me kamera të thjeshta dhe cilësore “4K”, me rreze 360 gardë, të cilat vrojtojnë çdo skutë të mjedisit, brenda e deri në 300 metër distancë, jashtë hotelit.

Po çfarë ndodh në këtë hotel? Çfarë bëhet me këto survejime audio-video dhe me të tjera  “punë” sigurimsash?

Sipas raportit të plotë zyrtar, që disponon “PAMFLETI”, vendimin e të cilit po e publikojmë sot, Komisioneri për të Drejtën e Informimit dhe Mbrojtjen e të Dhënave Personale, pas një hetimi të posaçëm, ka zbuluar skandalin e rëndë, të përgjimeve të paligjshme e ilegale, që bënë “dega e punëve të brendshme” e këtij hoteli, me pronarë “Naçët” e grekëve dhe shërbestarët e berishëve, metëve e ramëve.

E si të mos mjaftonte përgjimi që bëhet në sauna, kafene, restorante, holle, kthina, salla konferencash, palestra, zyra, salla aerobie, dhoma gjumi, suita, parking e kudo, 12 “hafijet” e këtij hoteli, që paguhen vetëm si “staf shtëpie me gjethe”, për regjistrim, grumbullim, përpunim e bërje gati, të dhënash personale për këdo që futet, fle, bën qejf nate e dite, pi kafe, argëtohet, stërvitet e intimizohet në mjediset këtij hoteli.

Ja çfarë thotë raporti hetimor i Komisionerit për të Drejtën e Informimit dhe Mbrojtjen e të Dhënave Personale, fiormsour e vulosur nga kryetari Besnik Dervishi:

– Mbikëqyrja, nëpërmjet sistemit të video-survejimit (CCTV), e ambienteve si palestra force, palestra aerobi, korridoret dhe mjediseve tjera të pushimit e qëndrimit, brenda dhe jashtë hotelit, përbën shkelje.

– Kontrolluesi (survejuesi) Hotel “Plaza”, nëpërmjet këtij rrjeti survejimi, mbledh dhe përpunon të dhëna “imazhe-video”, të klientëve e punonjësve të tij.

– Stafi i hotel “Plaza”, kryen dhe mbledhjen e të dhënave sensitive (grup gjaku) dhe kjo përbën shkelje të rëndë.

Pas zbulimit të këtij skandali, Krye-komisioneri, Besnik Dervishi, ka urdhëruar pronarët e Hotel “Plaza Tirana sha.a”, të ndërpresin urgjent, veprimtarinë survejuese me filmime, video, fotografi e marrje grup gjaku, duke i lënë këtë ultimatum zyrtar:

1. Hotel “Plaza Tirana”, të shkatërrojë të dhënat personale “imazhe video”, të punonjësve e klientëve, të grumbulluara nëpërmjet sistemit të video-survejimit (CCTV).
2. Hotel “Plaza Tirana”, të shkatërroj, të dhënat “sensitive” (grup gjaku), që ka mbledhur për punonjësit dhe këdo tjetër.
3. Brenda 15 ditëve, këto detyrime, të jenë realizuar, në të kundërt, do të veprohet me gjobë, ose me denoncim publik.

SHENIM: Po cilët janë përgjuar? Si, ku dhe përse janë përdorur këto të dhëna? A është pjesë e këtyre survejimeve, ndonjë “lajm nga qytetari digjital”, apo nga “Nuk keni parë gjë akoma”?!

Në vijim, do publikojëm raportin e plotë dhe fakte tronditëse, nga qendra e përgjimeve në këtë hotel, që mund të quhet hotel “Dajti” i “rilindur”, prej treshes Rama, Berisha, Meta, menaxhuar, nga bosët e këtij hoteli edhe për interesa të tyre…/Pamfleti

Ambasadori i Bashkimit Evropian në Tiranë Luigi Soreca ka reaguar pas operacionit të policisë shqiptare që çoi në arrestimin e 11 personave si pjesë e grupit kriminal “Bajri”.

Ambasadori Soreca përshëndet operacionin që e vlerëson të rëndësishëm ndërsa thotë se lufta nga krimit të organizuar dhe trafikut të drogës është prioritet për Shqipërinë dhe BE-në.

“Përshëndes operacionin e rëndësishëm të zhvilluar në Shqipëri dhe Holandë nga Punët e Brendshme, task forca speciale në bashkëpunim me disa forca policie të BE-së. Lufta ndaj krimit të organizuar dhe trafikut të drogës është prioritet për Shqipërinë dhe BE-në”, shkruan ambasadori.